حلقات ( طنط جمالات )

[بنت المختار]

هههههههههههههههه
حلقة حلوه حلوه حلوه بالثلاثة
عجيبة طنط جملات
جاري التقييم
واكيد منتظرين البقية بكل شغف
يسلموووووووووو

[كبرياء رجل]

رجعنا لحضراتكم وحلقه جديده من حلقات طنط جمالات

طنط جمالات في المحكمه

والنهارده الحكم في قضيتها

لانها

حدفت واحد من الدور الرابع من عماره المنتدى

القاضي طارق سلفر
وعلى يمينه ماتركس وشماله ضياء

والمحامي لطنط جملات

واد حبيب

والنيابه
عاشقه الهدوء

ومن بعيد أوي واقف جوز طنط جملات في اخر القاعه جايب شيشه وبيضرب حشيش

وجاب تصريح بكده مما سبب زعر عند باقي الحضور لعدم حصولهم على تصريح لضرب الحشيش

ماهي كوسه لوحده بيحشش

المهم

طنط جمالات

في قفص الاتهام

وقاعده تمص قصب وتقزقز لب ولا في دماغها محكمه ولا قاضي

وبصوت عالي جدا

يا ابو بهجت ( جوزها )

اوعي تخلص الحشيش

عايزه اعمل دماغ لطلعه علي جتتك

ابو بهجت في اخر المحكمه بالحشيش

وشغال كركركركر كركر والدماغ اشتغلت

ويرفع وجهه لفوق يارب اعدام يا رب تأبيده

لالا يارب اعدام

نبدا المرافعه

طنط جملات في القفص الحديدي

وف اخر القاعه

صويت بنات

يا لهووووووووووووووووووي

مين هيعاكسنا من بعدك يا بعلي

كان انسان نضيف وقليل ادب والبنات كلها بتحبه

(معرفش ليه البنات بس)

القاضي سكوووووووووووووووووووت

ومسك الشاكوش عشان يضرب بيه لقى الخشبه من غير شاكوش

ياااااااااااااادي الكسوف

قعد يقول فين الحديده

رد عليه ابو بهجت

هههههههههههههه

احنا قاعدين على الحديده يا ريس

لا سرقتها جمالات جمالات

ماتركس للقاضي

منور يا كبير لحظه يا حبيب قلبي

وراح مطلع من جيبه ظلطه

القاضي

ايه ده

دي ظلطه احسن من الشاكوش

وقويه كتير

حجم عائلي زي دجاج كنتاكي

ابو بهجت بيسال مين ده

رد عليه واحد جنبه ده القاضي

قال الفاضي يعمل قاضي

وهو عاوز شاكوش ليه

اها شغال نجار بعد الظهر

القاضي لقى الحديده واشتغل خبط سكوت يا حضرات

بدا الحبيب بالمرافعه

سيدي القاضي حضرت الساده النايمين

بص يا ريس انا هجبلك من الاخر

ده شكل واحده تقتل

منور يا كبير الله الله الله

على الابداع والفن العالي

لو حضرتك حبست جمالات مين هينكد على المنتدى

مين هيرفع لنا الضغط والسكر والشاي والنعناع

مين هيضرب البنات اللي في المنتدى وميتخالفش

انها امراه عظيمه عظمه من عظمات مصر

فلذا التمس من عدالتكم ان موكتلتي تطلع برائه يا عم الحج

من المكان دوت عشان اتخنقت بصراحه ودي وتقديري

وشكرا

النيابه

عاشقه الهدوء

بص يا ريس

الست اللي قفص الفراخ دي

قصدي قفص الجوافه

يووووووووووووو

قصدي قفص الاتهام

قتلت رمز من رموز الفراخ في بلدنا

قصدي النجاح في بلدنا

انسان لا تجد منه اثنان في يومنا المعاصر

لذا اطالب من عدالتكم باقصى حكم على هذه المتهمه

لكي تكون عبره لاي احد يحاول قتل واحد بيعاكس

: القاضي بعد سماع المرافعه

سكوت

: نظرا لما تقدم به المحامي واد حبيب والنيابه

عاشقه الهدوء

وشهاده الشهود اللي مسمعناش اصلا

قررت المحكمه

كالتالي

حكمنا

ببرائه المتهمه من كل التهم المنسوبه اليها

عشان لو اتحبست لديها ايدي خارجيه وهيخربوا علينا المنتدى

وبعدين لو اتحبست مين هيجيب لنا ملخويه

ويوكل الاعضاء كل يوم علقه خاصه البنات

هههههههههه دا انتو هتشوفوا ايام زرقه

لذا تم الافراج عنها

دون أي ضمانات

رفعت الجلسه

....

البنات اشتغلت تصويت تاني ( زعيق )

وابو بهجت ادلى بصوته معاهم

مبروك طنط جمالات البرائه

نهاركم ابيض يا بنات

..........

انتظرونا في الحلقه القادمه مع طنط جمالات

وخططتها لكي تقضي على البنات اللي في المنتدى

خاصه من وقفوا ضدها

والنيابه

******************************

[عاشقة الهدوء]

ياخوفى من الموجه الجااايه لا تاخدنى من غير حنيه هههههههه

هو أنا هخاف من جملات ولا أيه بس تيجى بس تعملى حاااجه

وأنا هفرمهااااا هههههههههه لا بجد تووووحفه تووووحفه ياكبرياء

الحلقه والمرافعااات بجد جنااان هى دى المرفعااات ولا بلاش

وطبعا الى مخلى الحلقه حلوه وظريفه وجميله عشان أنا موجوده

فيها كككككككككك صح ياكبرياء وله أيه ليك شوق

فى حاااجه منوره أنا أصلا أى مكان أكون متواجده فيه هههههههههه

ياسلام بجد تسلم أضحكتنا وأسعدتنا ببرنامجك الظريف والى

بجد خرجنا من مود الكأبه ربنا يسعد قلبك دااائما

ربنا يحفظك ويعزك وأجمل تقييم

[رنا هشام]

هههههههههه
بجد انا كنت هموت من الضحك
طنط جملات دي مفتريه اوي
والقاضي ده شكله محشش مع جوزها
ازاي تطلع براءه .. كان المفروش اعدام
انا معارضه للي اسمها جملات دي
تحياتي
()
رنــــآآ

[roneey]

ههههههههههه

حلوة منك يا كبرياء

بس حرام عليك كده تخلي احمد بواب ونور بتاع النضافة

والله الواحد خايف على نفسه منك

وربنا يستر علينا من طنط شنبات

يلا مستنية بقيت الحلقات

[doiss]

تسلم ايدك يا كبرياء علي القلم الساخر والفكر المميز ,
ومنتظرين باقي الحلقات ,,
خالص التقدير والإحترام ..

[بنت المختار]

:762:مبروك الإفراج يا خالتو جمالات(أضمن نفسي يعني:biggrin
حلقة جـــامدة،،وطريقة السرد روعه
مقتبسة من اساليب محيطة للشخصيات وهذا الحلو
ربنا يستر من الي جاي مع طنط جمالات:biggrin:
جاري التقييم بجد حلقة تستاهل
ويسلمووووووووووووو

[دمعه حائره]

يحيا العدل شوفتوا مرافعة واد حبيب جات بفايده ازى
والمفروض عمو بهجت ده يتحبس ياكبرياء ازاى سايبه كده
تسلم ايدك بجد ماشاء الله عليك
تمتلك موهبه فى كل مجالات الكتابه ربنا يحميك اخى
وفى انتظار باقى الحلقات

[Silver Flower]

:079:


ااااااااااااااااخ

وحيات الله موتني ضحك ولا ماتركس :762:

على فكره انني اطالب الست الجملات بدخول الانتخابات

الانه طنط جملات وحده غيرها ما ينفعناش :762:

في انتظار الحلقه التانيه
بس ما تطول علينا

[ساحر الأحزان]

حلوة اليومية دى كبرياء

وباين طنط جمالات مش حتسيب المنتدى خالص

وماسكة فية باديها وسننها

ولم نشوف بعد الافراج عنها حتعمل اية

منتظرين البقية

تحياتى الك