خاطبه قائلاً .. "سيادة الحمار" .. بدلاً من أن يقول .. "سيادة المشير".

[" عاجز . عن . الشكر "]

اقتباس المشاركة الأصلية كتبت بواسطة خارج عن القانون انا كنت بقول لـ مبارك يا حمار فمن الطبيعى ان لو طنطاوى طلع زيه اقوله هو كمان يا حمار هتفرق ايه؟؟؟ "اختلفت الاوجه بينما العملة واحدة"

لك أن تنتقد هذا وذاك , ولكن لابد من أن يكون هذا النقد بناء خالي تماماً من أي إهانة أو تجريح في الشخص نفســه , نشجع علي النقد البنــاء ونرفض تماماً النقد الهادم علي الرغم من وجود تقصيــر مُتعمد ولكن هذا ليس مُبــرر .. تحياتي لمرورك

[booody99]

وفي الاخير اكتشفنا من هو زياد العليمي والصور انتشرت له وصور قليلة ادب

[عمرو ابراهيم]

اى واحد يتطاول على المشير طنطاوى اللى حما الثورة ولولاه كانو الكلاب والعملاء اللى ماليين الفضائيات فى السجون او مقتولين واى واحد اعمى يشوف جيش سوريا وليبيا عملو فى شعوبهم ايه اللى يتطاول على قائد خير اجناد الارض يبقى اعمى او جاهل وبيثبت اننا فعلا شعب مينفعش معاه الاحترام

[doiss]

اقتباس المشاركة الأصلية كتبت بواسطة عمرو ابراهيم اى واحد يتطاول على المشير طنطاوى اللى حما الثورة ولولاه كانو الكلاب والعملاء اللى ماليين الفضائيات فى السجون او مقتولين واى واحد اعمى يشوف جيش سوريا وليبيا عملو فى شعوبهم ايه اللى يتطاول على قائد خير اجناد الارض يبقى اعمى او جاهل وبيثبت اننا فعلا شعب مينفعش معاه الاحترام

ياريته حصل الحمار ع الاقل الحمار مش بيقتل ابناء قطيعه ..
والجيش اللي هو خير اجناد الارض واللي بنحبه ونحترمه كلنا حاجة والحمار حاجة تانية .. الجيش المصري العظيم مش طنطن ولا هو معاه عقد ملكية للجيش من الشهر العقاري !
لو هتتحسب كدة يبقى بما ان المخلوع كان القائد الاعلى للقوات المسلحة حرامي يبقى الجيش كان حرامي ؟
وبما انة كان موالي لإسرائيل وامريكا يبقى بالتالي الجيش المصري موالي ليهم !
الجيش لا يختزل بفرد وبيتهيألي الجيش المصري عيب اوي ان اللي يقوده واحد قاتل وفاسد ..
المخلوع وثق بالحمار 30 سنة عشان كدة حطة بأعلى منصب جنبه والمخلوع فاسد وحرامي مش معقول انتيمه وشقيقه اللي بيثق فية اللي هو "الحمار" كان بيصلي ع السجادة جنب الحرامي !
لو عاوز الناس متقولش عليه حمار خلية يمثل للعداله زية زي اي بني ادم ولا هو العدالة ع الفقير بس !
خلي الحمار يرجع فلوسنا المنهوبه من الخارج ويقطع الغاز عن اسرائيل بدل الناس اللي بتقطع نفسها ع الانبوبه .
خلي الحمار يصدر عفو عن جميع السجناء ولا هو يهرب الامريكان ويسجن المصريين ومنقولوش يا حمار ؟
حمار وسيد الحمير كمان ..

[حنـــــون]

اقتباس المشاركة الأصلية كتبت بواسطة doiss مينفعش يقول كدة مادام بيتحدث بإطار قانوني كعضو او ممثل برلمان . بس لو سيبنا الشعارات هنلاقي ان واحد زي المشير ولا ادمن صفحتة يقتلوا الناس بدم بارد وتبقي شايف القاتل عيني عينك وهو بيضرب بالنار ويطلع يقولك طرف ثالث ويهيج الشعب على بعضه ! عموماً هو ظلم الحمار لأن الحمار مش سفاح واخرة شوية برسيم ويكمل عشاه واقف . ويوم ما الحمار هيزعل فهيرفص مش هيدي تعليمات بالقتل والسحل . ولا بيقتل بدم بارد ولا ناهب مصر ولا ساب المليارات تتهرب واقصى طموحه ان صاحبه ميضربوش . "احنا اسفين يا حمار"

انا عاجبنى الرد دا اوووووووى
معاك جدا ياضياء فى كل كلامك
وفعلا احنا اسفين ياحمار

[♥..pure]

بص انـآ ليـآ وجهه نظــر ف الموضوع دا ..
اوحش حـآجه في مصـر عـآمه هو عدم الاحتــرام ..
من صغرنـآ بيعلمونـآ ف كتب العربي والدين احترام الكبير والعطف على الصغير ..
بس دلوقتي اعتقد ان الاحترام زال الي حد مـآ ,..
يمكن دا نتيجه رد فعل اللي بيحصـل . . بس اعتقد انه مهما كان متوصلش علنـآ كدا
بصفه عـآمة انـآ لو متخانق او ضد شئ مينفعش اطلع واشتم !!
حتى لو بلفظ الحمـآر
انا اقول اللي عندي واوصل وجهة نظري للنـآس وكل حاجه بس مخليش حد يمسك عليـآ غلطه
مهي الناس كلهـآ بتقول يـ حمـآر .. بس انت تيجي ف لقاء كدا وتقول !!
اعتقد ان دا تسيب اكتر من انه وجهه نظر ..

[" عاجز . عن . الشكر "]

السلام عليكم ورحمة الله وبركاتة ..

أسعد بالتفاعل والنقاش المفتوح , وأقول بأننا أمام واقعة أخلاقيــة مهما تعددت الدوافع إليها فهي مرفوضــه , ولكن كانت المفاجأة عندمــا قام مجمع اللغة منذ أيام بتبرئة النائب من الواقعة , ولكن مازالت جهات التحقيق مُستمرة , ويُنظر في أمر النائب هذه الأيام أمام لجنة القيم بمجلس الشعب , ولكن نحن ندعـو للنقد البناء والإصرار علي توصيــل هذا النقد والإتهام بالتقصيــر طالما وجد في إطار مُهذب ومحترم , وعلي أي إنسان يمتلك أي مستندات أو معلومات تديـن أي جهة أو شخصية رسمية في الدولة فليتوجــة بها للسيد النائب العام , ولنضع كل هذا أمام الهيئة القضائية المصرية النزيهـة , ولن نتهاون أبداً في محاسبــة المُقصـر في حق هذا الشعب .. شكراً

[doiss]

اقتباس ولنضع كل هذا أمام الهيئة القضائية المصرية النزيهـة , ولن نتهاون أبداً في محاسبــة المُقصـر في حق هذا الشعب .. شكراً

مش لاقي اي أمارة صراحة ..
بأمارة تهريب الامريكان بطائرة خاصة لا تهبط او تقلع إلا بموافقة المجلس العسكري بمشيره !
ثم محاسبة البردعه (الحكومة) وترك الحمار صاحب القرار !
بأمارة تصدير الغاز لإسرائيل بقرارات سيادية والناس بتقطع بعض ع الانبوبة وبردو سايبين (الحمار) وبيتشطرو ع (الحكومة)
بأمارة تمرير البوارج الإيرانية بقناة السويس المحملة بالأسلحة لسفك دم الشعب السوري الحر الشقيق ؟ ""الدم مفهوش نقد بناء وهدام"" الظلم ظلمات والعين بالعين والسن بالسن
(ولكم في القصاص حياة يا أولي الالباب)
دة مش اسمه قضاء عادل ونزيه بعد سيطرة المجلس عليه .
دة اسمه قضاء وقدر الشعب المصري انه يعيش مُهان لأن البعض يقدس شخص ولا 19 فرد ويعتبرهم اصحاب مصر !
كل شخص شكك وقال اللي يقول ع المشير حمار يبقى جاهل .. بدعيله من قلبي ربنا يزيدة وعي ويزدنا جهل تحت حكم العسكر "الحمار" ..
بالتوفيق وخالص الاحترام ..

[booody99]

اقتباس المشاركة الأصلية كتبت بواسطة doiss مش لاقي اي أمارة صراحة .. بأمارة تهريب الامريكان بطائرة خاصة لا تهبط او تقلع إلا بموافقة المجلس العسكري بمشيره ! ثم محاسبة البردعه (الحكومة) وترك الحمار صاحب القرار ! بأمارة تصدير الغاز لإسرائيل بقرارات سيادية والناس بتقطع بعض ع الانبوبة وبردو سايبين (الحمار) وبيتشطرو ع (الحكومة) بأمارة تمرير البوارج الإيرانية بقناة السويس المحملة بالأسلحة لسفك دم الشعب السوري الحر الشقيق ؟ ""الدم مفهوش نقد بناء وهدام"" الظلم ظلمات والعين بالعين والسن بالسن (ولكم في القصاص حياة يا أولي الالباب) دة مش اسمه قضاء عادل ونزيه بعد سيطرة المجلس عليه . دة اسمه قضاء وقدر الشعب المصري انه يعيش مُهان لأن البعض يقدس شخص ولا 19 فرد ويعتبرهم اصحاب مصر ! كل شخص شكك وقال اللي يقول ع المشير حمار يبقى جاهل .. بدعيله من قلبي ربنا يزيدة وعي ويزدنا جهل تحت حكم العسكر "الحمار" .. بالتوفيق وخالص الاحترام ..

بصراحه كلامك جميل وانا معاك القضاء ملوش كلمه

لكن بردو نتحفظ على اننا نشتم او نسب حد حتى لو كان يستاهل

وأحنا لازم نكون أكتر حفاظاً على ألفاظنا لأن لازم متخليش لحد عليك اي حاجه

طب بعد لما شتم المشير كسب هو أيه؟؟

1-أتوقع الشهره

2-أن هو نائب في مجلس الشعب والكلمه دي مش تخرج منه

متوقعش ان الكلمه كان ليها لزمه واحنا كبرنا الموضوع بردو

ويارب مصر للأحسن ان شاء الله

[doiss]

بعد اية بقى يا عبودي بعد ما الميزان طب فساد وظلم !


وبقى الدم والفقر والإهانة والذل كفته كالقشه والفساد والظلم كالحديد واثقل ميزاناً بدولة الظلم والعبوديه والفقر والجهل !
قال تعالى : (الا تطغوا في الميزان)

عاوز اقولك ان فية ناس سواء ليها حقوق او متضامنه مع اصحاب المظالم مثلي بقت تشوف الآيه الكريمه دية خلف كل قاضي بأي محاكمة كصورة للزينه وإستغلال للدين ! لا حول ولا قوة الا بالله ..


يسقط يسقط حكم العسكر ..