انعدم الحياء بدافع الحب ايه رأيكم فى الى بيحصل ؟؟

[Hearts Whisper]

انا فى موضوع هيجننى ونفسى اعرف رأيكم
دلوقتى فى العصر الى احنا فيه انعدم الحياء عند بعض البنات والولاد وخصوصا فى سن المراهقة وغير المراهقة تعالوا نشوف الموضوع

لما ولد يحب بنت ويروح يعترفلها عن حبه ( يلا منحسبوش اهو ولد -اكيد دا الى بنسمعه -) تعمل ايه بقا لما تلاقى استجابة من البنت ليه وويبدأوا يتبادولوا جوبات و ارقام تليفونات ونظرات من البراندا
وهدايا ولا اكنهم مخطوبين وكل ده وهما لسة مراهقيييييييييين

وتلاقى بردوا لما الولد يعطى الصور للبنت وتأخدها !!!!!!!!!!!!!!!!!!!! شوفوا بقا لما البنت تعطى صورها للولد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!



ودى بعض المناظر الى انا بشوفها بخصوص المواضيع دى وعايزة اسألها

ايه شعورك ولنتى بتعملى كدا بتبقى مرتاحة ازاى وصورك فى ايد ولد
أكيد هتقولى دا حبيبى ومتأكدة منه
هرد اقلك كل البنات بتقول دا حبيبى ومتأكدة منه ورغم كدا بينخدعوا فيهم ويرجعوا يندموا وكانوا بيقولوا زيك دا حبيبى وواثقة منه يعنى مش أكيد انه يكون مبيلعبش بيكى وبمشاعرك


ايه شعورك وانتى حاسة انك بتسرقى ومفكرة ان محدش فاهم حاجة
مع ان مجرد لو واحد بس عرف اكيد الخبر هينتشر وعايزة اقلك ان احنا فى مجتمع شرقى وغير كدا فى اسلام لازم تلتزمى بيه لازم تكونى فتاة مسلمة صح مش مجرد كلمة مكتوبة فى شهادة الميلاد



كفاية عليكى كدا تعالى نسأل الولد



ليه بترضى انك تعمل معاها كدا ولو ليك اخت هترضى عليها كدا
هتقولى انا اختى متقدرش تعمل كدا دا انا اقتلها
هقولك الى يخليك تعمل كدا هيخليها تعمل كدا
اذا كان انت محمتش بنات الناس
الناس هتحمى اختك
ليه كدا هتقولى بحبها
هقولك الى بيحب حد بيعمل فيه كدا
طب ما مجرد انها تستجيب معاك اكيد هتنزل من نظرك




وسيبنا من الواد والبت تعالوا مع الاب والام
الى كل ام واب ليه متاخدوش اولادكم وبناتكم فى حضنكم وتراعهم وتصاحبوهم وتوجههوم للصح وللغلط تعرفى بنتك مصاحبة مين صحبتها دى كويسة ولا لاء لو بنتك اتأخرت تعرفى اتأخرت ليه
وابسط حاجة انك تصحبيها بكدا مش هتقدر تعمل حاجة من وراكى
وابنك تقربى منه تعرفيه الصح والغلط تعرفيه ازاى يحافظ على بنات الناس كأنها اخته





والله يا جماعة انا الظاهرة دى بشوفها واسمع عنها كل يوم طب ليه كدا دا البنت بسمعتها والله لو كلمة بس طلعت على بنت هتفضل ملازماها طول العمر



وفى نصيحة قالتهلنا مدرسة عندنا بجد عجبتنى موت قالت
اعتبرى نفسك ام شوفى اى تصرف هتعمليه ابنك هيبصيله ازاى وهيقول عليكى ايه




وبجد يا جماعة الموضوع مهم ومحتاجة رأيكم فيه