جوله فى مذكرات المبدع فارس الكلمة

[همسه الجوارح]

اختيار جيد منك اختى دمعه
ومنورنا دايما بردودك الجميله اخى فارس
دمت بكل ود واحترام
منورنا يادمعه وربنا يوفقك كمان وكمان
فى انتظار الضيف الجديد

[فارس الكلمة]

اقتباس المشاركة الأصلية كتبت بواسطة همسه الجوارح اختيار جيد منك اختى دمعه ومنورنا دايما بردودك الجميله اخى فارس دمت بكل ود واحترام منورنا يادمعه وربنا يوفقك كمان وكمان فى انتظار الضيف الجديد

أشكرك همسه الجوارح على مرورك
وعلى ذوقك العالى
تقبلى تحياتى ودمتِ بالود

[السفينة]

جولة جميلة غاليتي دمعة
دوما تمتعينا بجولاتك

اسئلة في غاية الروعة ملمة لكل مافي جوانب الحلقة
تسلم الايادي واجمل الوروووووووووووود

[فارس الكلمة]

[QUOTE=السفينة;3058335]جولة جميلة غاليتي دمعة
دوما تمتعينا بجولاتك

اسئلة في غاية الروعة ملمة لكل مافي جوانب الحلقة
تسلم الايادي واجمل الوروووووووووووود

السفينة
ما أروع وأجمل من مرورك
تسلمى يا السفينة على مرورك
تقبلى تحياتى ودمتِ بالخير

[.نبض القلوب.]

حلقة ولا أروع منك دموعة
أسئلة راقية منك ومميزة
وضيف مميز حقا
له من المكانة العالية الكثير
دمتم بكل الود
وأشكرك سيدى الغالى على ذكر اسمى
فلك منى كل الاحترام والتقدير
تحيااااااااااااااااااااااااااااتى

[ساحر الأحزان]

جميلة الحلقة دمعة

مع فارس المنتدى

وامير الردود

وجولة جميلة فى مذكراتة الجميلة

جميلة الحلقة منكم

تحياتى لكم

[اهلاويه موت]

لقاء جميل جدا مع شخص محترم اوى

[فارس الكلمة]

[QUOTE=دمعه حائره;3057842][ALIGN=CENTER][TABLETEXT="width:100%;background-image:url('http://i.imgur.com/C7VK4.gif');"][CELL="filter:;"][ALIGN=center]

أهلا بكم رواد قسم الأبداعات المحترمين
ومن جديد وبعد غياب فترة
يتجدد بنا اللقاء وجولة جديدة
فى مذكرات مبدع
وضيفنا النهاردة
فارس الكلمة وأمير الردود

فارس الكلمة
♣☼ أمير الردود ☼♣
قلم راقي

أهلا بيك فارس الكلمة نورت البرنامج

أهلا بك دمعه حائره

وأشكرك على الإستضافة الجميلة

فى البدايه تحب تشرب ايه

شاى ولا قهوة ولانسكافيه

يا ريت نسكافيه ويكون سكر قليل كفاية معلقة وحدة

اتفضل استاذ فارس احسن نسكافيه عندنا

اول جوله هاتكون فى مذكراتك الشخصيه

عاوزين نعرف مين فارس الكلمة

من واقع بطاقتك الشخصية يعنى

اسمك

أسامة

سنك لو تحب

مولود فى 13 / 08 كفاية كدة

كل العظماء بينسو يذكرو سنة ميلادهم

بلدك

مصر

محل اقامتك

قطر

الوظيفه

مندوب علاقات عامة فى شركة مقاولات

-----------

اتعرفت على المنتدى ازاى؟

من جوجل بمحض الصدفة

تاريخ التسجيل 01-08-2011

لكن انقطعت فتره عن المنتدى ورجعت

ممكن نعرف السبب

كنت فى مصر إجازة سريعة

جولة فى بروفايلك

مستعد

الرمزيه

ليه اختارت الولد ده

عجبتنى الصورة أول ما شفتها

توقعت الود دة هيكون نابغة فى المستقبل

فقلت إختارها يمكن أكون نابغة فى المنتدى

هههههههههههههههه

واى اسم بتحبه اكتر فارس الكلمه

ولا امير الردود

فااااااااااااارس الكلمة دة إسم تسجيلى

فبه سجلت حتى إرتقت الكلمة للأمام

وصارت لما صرت إليه أمير الردود

أحب فااااااااااارس لإنها الأساس

ولولا فااااااااااارس ما كان أمير الردود

فارس عنده 8أصدقاء بس

كفاية دول

انت بترفض طلبات صداقة من حد؟

إحيانا لما بتيجى رسائل صداقة مش عارفة برفضها

لإنه من المفروض عشان أطلب صداقة عضو

أبعت له رسالة الأول قبل طلب الصداقة

طبعا مالقيناش البوم صور عندك

لا مش عندى

نسيت ولا لاتهتم بالحجات دى؟

فعلا ما بهتم وكمان ما أعرفشى أعمل البوم صور

بتختار الصور فى مواضيعك قبل ولا بعد كتابتها

أنا بكتب الموضوع وبأختار الصور بعد الموضوع

وهل يفرق معاك التنسيق او بتركز اكتر على الكلمات؟

الكلمات قبل التنسيق

امته فارس يقفل رسايل الزوار؟

عمرى

هل بضايقك ارسال الروابط

أبدا

وهل بتروح ترد على كل رابط يجيلك؟

من طبعى أشوف كل مواضيع الروابط

ولكن إحيانا بنشغل عن الرد بسبب السهو أو ضيق الوقت

آه صحيح ما انت امير الردود

أشكرك

وبرغم ذالك عندك مخالفه لرد غير لائق؟

المخالفة دى كانت بسبب ردى على سكره وهى مشرفه

تفتكر دى سببها ايه؟

والسبب حصل سوء تفاهم بسيط

وهل يضايقك وجودها فى بروفايلك؟

طبيعى لإنى فاااااااااااااارس الكلمة

جولة فى مواضيعك

اول موضوع ليك

فااااااااااااااااااااااارس حل عليكم هل يلاقى ترحيب

يومها كنت تفتكر انك هاتستمر فى المنتدى وتثبت وجودك

بالشكل ده ولا كنت حاسس انك عابر سبيل؟

حاسس بإستقرار وثبات ودة واضح فى كلمات موضوعى

فاااااااااااااارس هل عليكم فهل يلاقى ترحيب

--------------

بتحب تكتب الشعر اكتر ولا النثر

ولابتكتب اللى بتحس بيه دون النظر لوزن وقافيه

بكتب ما يكون فى حبر قلمى

فلو كان شعرا كتبتُ ولو نثرانثرتُ

والحكمُ لمن يتابع كل ما يخطُ

-------------

دايما عناوين مواضيعك يا اما باسمك

يا باسم البنت اللى كاتب ليها الخاطرة

تفتكر ده بيجذب القارىء اكتر

ولا اختيارك تلقائى مالوش هدف؟

مش ممكن يكون عندى خاطرة بدون هدف

ولم إختار إسم تلقائى فى أى خاطرة

فالتلقائية عندى تكون فى كلمة أو كلمتين وليس فى أسم خاطرة

--------------------

كان لازم ومن غير تفكير افتكر الموضوع ده

مع انه قديم لكنه اثار جدل وضجه فى قسم الخواطر زمان

وحقق اعلى ردود وخناقات

مصــــــــــــــر والكوسة

ليه كتبت الموضوع ده فارس

لهدف ما ولا حبا فى الكوسة؟

الموضوع دة عملته خصيصا لحال البلد

ففى وقت من الأوقات سادت الكوسة على البلد بصورة غريبة

حتى فى كل مصالحنا وكل أمورك

نتمنى نقضى عليها بإذن الله

----------------

الموضوع ده

http://forums.msryat.org/msryat264248/

جميل جدا وكله مشاعر اجمل

مين الهمك وظروف كتابة الخاطره دى؟

همســــــاااااااااات

قصة الموضوع دة شعرتُ بإنى أحاكى حبيبى الغالى

فرسمته صورة رقيقة وهمست له تلك الهمساااات

--------------

والموضوع ده

http://forums.msryat.org/msryat309141/

موضوع خاطرة بأسم أنت المجدُ يا مصر

كنت مشترك بها فى المسابقة

ولم يحالفنى الحظ بالفوز

عموما خيرها فى غيرك

وده

http://forums.msryat.org/msryat326303/

اخر مساهماتك فى المسابقات

وللاسف لم يفوزا فى المسابقه

هل زعلت ولاندمت انك مافوزتش

وهل قررت ماتشارك تانى فى مسابقات؟

تفتكر التحكيم ظالم ولا ايه مشكله المسابقات بالنسبه ليك

أقولك حاجة

كل واحد بيشترك فى المسابقة ويتمنى يفوز

عشان يضاف لسجله فى المنتدى

أما بخصوص التحكيم ظالم من عدمه فدة مش عاوز أتطرق له

لإنه مش مجااااااااااااال نتكلم فيه هنا

------------------------

الموضوع ده

http://forums.msryat.org/msryat328502/

ليه نزلته فارس وهل فعلا عندك قدرة تتحدى اى قلم هنا؟

وليه نزل فى الفضفضه مش فى الخواطر؟

فااااااااااااااااااااارس يبحث عن مبااااااااااااارز

بالنسبة للموضوع دة

كتبته وأنا فعلا أقصده

وكتبته فى الفضفضة عشان أشوف قلمى

هيعرف يكتب فى قسم غير الإبداعات والخواطر

وبخصوص مقدرتى على مبارزة أى عضو

فطبعا أنا عندى المقدرة رغم إن المنتدى

كل نجووووووووووووم وقد صادفنى القدر مع قلم ما أبدعه

عبدالله فعلا عضو من الأعضااااااااااء صاحب الأسلوب الراقى

اخر موضوع

وجدت لإعترض ( من خواطر فارس الفكاهية )

طبعا لو تفتكر ان حصل خلاف وجدل كبير على الموضوع ده

وانا كنت من ضمن معارضينك فيه

شايف انك كنت على حق فيه

وانه كان يستاهل كل القلق اللى عمله؟

ولسه بتدور ورا اللى بينقل ومايقولش منقول

ولا كبرت دماغك من الناحيه دى؟

يااااااااااااااااه لسه فاكرة الموضوع دة

كان من سنة تقريبا

وطبعا واجهت فيه إعتراضات

وسخرية كتير ولكن رديت على الكل

وكان سبب كتابة الموضوع دة

كانت موضة إعترضات على الكل
والمشكلة نقل الخواطر من كتاب ومنتديات أخرى
وسلب كلمات الغير أمام عينه دون جدوى

وإعتراضك على الموضوع مزعلنيش

لإنى فاكر رديت عليك كويس

أما إهتمامى الآن بدة ينقل أو عدمه

الكل حر لا حياة لمن تنادى

جوله فى مشاركاتك

أول مره اعرف انك بتروح قسم الالعاب

وبصراحه اتفاجئت

هل بيفرق معاك القسم ده

وايه ميزته بالنسبه ليك

أحيانا بروح قسم الألعاب أنشط مخى

من ضغط اليوم والشغل والزحمة والأمور دى

وبعدين فى قسم الألعاب بتلاقى أعضاء

دمهم خفيف زى المشاغبة وغيرها كتير

وبعدين قلمى بيحب يفرفش شوية أحرمه

--------

فى ردودك بترد على الخاطرة ولا على صاحبها

برد على الكلمات بعيد عن صاحبها لإن الكلمات هى اللى بتتكلم

ومش كل الخواطر برد عليها

وبيفرق معاك الرد على خاطره البنت او الولد

إطلاقا

دائما تميل البنت للرومانسية فى الكتابة

ولكن الولد لو تقمص لغة الرومانسية هيفوق البنت ألف مرة لإن الولد بيحكم عقله شوية فى الكتابة

أما البنت فبتكتب بكل إحساس راقى كى تخرج كلمات راقية

--------------

طبعا صعب اختار من ردودك لان اغلبها جميل

قصدك لأن كلها جميل ههههههه

لكن عندى استفسار

إستفسرى

هل ممكن جمال ردودك ده يسبب

ليك مشكله مع حد

ويفهمك غلط؟

والله اللى يفهم غلط دة شئ يرجع له

ما أظن من يملك قلم راقى ويخرج كلمات راقية

يكون بيفهم غلط دى وجهة نظرى

--------------

الرد ده

صدى الحرمان

ذاك الفنان

ذو القلم الرنان

كانت إعترفاتك كلمات قلائل

فجمعت فيها كل الجمال والروعة

أقررت بحبك الراقى وجماله

فها أنا إعترف بعض الكلماتِ

إعترف

بإنك أنتِ الود ولا ود بعدك

بإنك أنتِ الهيام

وكل الغرام بين يديك

وإنك أنتِ السلوى

فمن دونك أناجى

إعترف بإنك ملهمتى فى أشعارى

وكاتبة معى كلماتى وإبداعى

وكل الحنان لمسته فى يداكِ

إعترف إنى أحبك

أخى صدى

تقبل مرورى عليك

وإعزرنى على تطفل قلمى فى صفحتك

دمت بكل الخير والحب

رد جميل جدا

بتفرح لما تلاقى قلم جميل مبدع

ممكن يحرك قلمك ويجاريه؟

طبيعى جدا إنى بأفرح لما بجد قلم يحرك ساكن قلمى

وصدى الحرمان من الأعضاء

الذين يملكون قوة فى التعبير بقلمه يستطيع
جذب إنظار كل من يرى كلماته
وفى خاطرته هذه (( أعترف )) شعرت وكأنه
يقف أمام محبوبه يحاكيها

فكتبت له ردى بإعتراف

ولما تلاقى الرد على خاطرتك بكلمتين

بتحس بأيه وقتها؟

بحس بإن الكلمتين غير مناسبين للرد فكان عدمه أفضل

الرد ده

موضوع كتير مهم ولكنه يحتوى

على معناة كثيرة لأهل غزة المناضلين الصامدين

كان الله فى عون أطفال غزة فهم يحاربُون الجهات

وبالفعل موضوع قطع موضوع

قطع الحياة فهى الحياة

فالظلام شعور مميت يقضى على طموح وأمل

ويطمس نور الطريق نحو غد أفضل

فقبل لكهرباء كانت الشموع هى وسيلة النور

وكان تحصيل الدورس عليها والآن
وبعد قضاء قرون على وجود الكهرباء
لا يجوز أن تكون الشموع بديلة عن الكهرباء

فقطع الكهرباء ما هو إلا تحكم يد الظلم والبطش

التى تسلط على غزة وأهلها

لعن الله السلطة الظالمة

غزاوية

فعلا موضوع غاية مؤلم

ولكن عليكم بالصبر فبعده الفرج القريب

تفتكر العرب ناقصهم ايه عشان يحرروا اراضيهم؟

الإتحاااااااااااااااااااااد أحنا العرب فى شتات

وفعلا إستطاعت أمريكا وإسرائيل تفريق جمع العرب وتشتت قواهم

فلكى نستطيع تحرير الأرض نعتنى بأمرين

الإلتزام بكتاب الله وسنة نبيه صلى الله عليه وسلم

والإتحااااااااااااااااااااااااااااااااااااااااااد

-----------------

الرد ده

إيتها الدمعه الرقيقه

أشكر مرورك وتقييمك

فكم يسعدنى أن يكون قلمك له بصمة هنا

ونجومك تناثرت فى صفحتى هنا

فسعدت بذلك أنا وصفحتى

وقرر قلمى مواصلة الكتابة فى الإبداعات

حتى تكون كتباتى من المؤثرات

وكنت أظن أن سارة من المثبتات

ولكن يبدوا إنها لم ترتقى للأقلام الزاخرات

فوعد منى أن أكتب بعد الآن بقلم من نور وألماس

تقبلى تحياتى ودمتِ بكل الخير

فااااااااااااااااارس من فرسااااااااااان الكلمة

طبعا حسيت ان موضوع التثبيت ده عامل مشكله

ودايما بتحس انى مابقدرش مواضيعك

ممكن توضح اكثر وجهة نظرك

عارف إنك معزورة ولازم تتحملى

كل الأعضاء فالكل بيكتب ويتمنى موضوعه يثبت
عشان يشوفه عدد كبير من الأعضاء

وأحيانا كثرة المواضيع الجميلة بتحط المشرفين فى أزمة

ودى ضريبة الإشراف لازم تواجهو تعب

الله يكون فى العون

ومش شايف ان صعب ارضاء الجميع

فألغاء التثبيت افضل حل؟

لا

الإلغاء فى حد ذاته ضعف منك

متزعليش من الصراحة

كونك مشرفة ومسئولة لازم تكونى عندك القدرة

على تحمل كل المواقف

مش تريحى دماغك وتلغى التثبيت

جوله فى اهتماماتك داخل المنتدى

مين اكتر الاعضاء مقربين ليك؟

كل الإعضاء

مين الاعضاء اللى بتحرص

على متابعة مواضيعهم؟

من الشباب

ساحر الاحزان

وصدى الحرمان

ومن البنات

نبض القلوب

وملك روحى

ايه اكتر قسم بتفضل تشارك فيه؟

إبداعات الأعضاء الأدبية

لو اتعرض عليك اشراف تختار اى قسم؟

لا مش عاوز الإشراف أحب أفضل حر

بدون قيود وأبعد عن المجاملات

ايه رائيك فى قسم الابداعات؟

ممتاااااااااااااااااااااااااز

ايه هيا عيوبه

يعتبر عيب بسيط ممكن نعالج

شوية بطئ

ممكن نضيف ليه ايه جديد؟

أكيد

عندى إقتراح نختار كل أسبوع أجمل موضوع

ويكتب أسم الموضوع وصاحبة فى مربع
فى الصفحة الرئيسية تحت فاعليات المنتدى

وكمان

فى شريط الإهداءات يكتب صاحب أجمل رد لهذا اليوم

تنصح الاعضاء الجدد بأيه؟

قراءة الموضوع المعروض كويس

والرد عليه بما يناسب الموضوع

ومداومتهم على النشاط داخل القسم

نصيحه تقدمها لمشرفى القسم؟

خلو بالكو من أمير الردود

ايه رائيك فى البرنامج؟

جميل أحسن من برنااااااااااامج العاشرة مساء

للفاضلة منى الشاذلى

ليه قبلت الدعوة؟

عشان بدور على الشهرة

بنشكرك أمير الردود على قبول الدعوة

واتمنالك كل السعاده والتوفيق

أشكرك

وفعلا كانت حلقة راقية جدا

إجهدتينى بإسئلتك

ودة مش غريب عليكِ

إن تكونى مُعدة راقية لبرنامج مثل هذا

إيتها الراقية المبدعة دمعه
ذات الحس الإعلامى الراقى
إيتها المحاورة الجذابة
كنتِ هنا راقية فوق العادة
إستمتعت كثيرا بتواجدى معك فى هذه الحلقة
نعم إجهتدتنى أسئلتك ولكنها ممتعة
تقبلى شكرى
مع أنه لا يكفى
دمتِ شمعة تنير المنتدى

[لحن الحياة]

حلقه جميله واسئله بسيطه واجابات صريحه تسلمى على الاختيار وتسلم اخى فارس على الاجوبه الرائعه كنت ضيف خفيف الظل
تقبلى مرورى

[زهرة النسرين]

صباحكم / مساكم خير

طبعا انا بقالي فترة بجي ببص وامشي
بس النهاردة بصيت وببصمت في موضوع او اتنين,,
لغاية مالقييت رابط الموضوع
في ملفي ,,
اسئلة قوية لا تُسأل الا من
حبيبة القلب دمعة حائرة
واجابات من غير مانعرف مين الضيف
هنعرف انها من فارس الكلمة

راقني التواجد هنا جداااااا