حــد فاهم ايه العبــاره !!!

[علاء البلتاجي]

.
.
.

الحكاية و الرواية
و القضيه و الجناية
مـ البداية للنهاية
مثبتة و بدون أدلة

القتيل هو اللي قاتل
و القضاء عادل مماطل
و اللي عاطل ع اللي باطل
و الفانلة في الجونلة
.
.
.
أهدوا بس استنوا بس ... واحدة واحدة يا ناس معايا
كل حاجة شايفها عكس ... كأني باصص في المراية

اليمين جه ع الشمال
و الحرام زي الحلال
و الجواب شبه السؤال
و اللي قدامي ورايا

أي حاجة في كل حاجة
سؤال خبيث مليان سذاجة
الفرخة اصلا فرخ بيضة ..؟
ولا البيضة من الدجاجـة !!!

.
.
.

حد فااهم فيكوا حاجة .. ؟؟؟

.
.
.


كل حاجه أهي واضحة اهية ... و اللي مش فاهم يقول
التحرير دول بلطجية .... و العباسية دول فلــول

ولو قعدت في بيتكوا بيه ... تبقي واطي و حزب كنبة
و اللي اخدوا هناك عينيه ... خد في اخر الفيلم بومبة
و اللي قال لي بتقول ايه ؟ اقول له اصبر راح تنـول

.
.
.

أقرا تاني و شوف كلامي
بس مش هذكر اسامي
مين شريف او مين حرامي !!!
كله شايف بس خايف

مين اللي باع لجيراننا غـاز
و مين سابوه يولع بجــاز
و مين اللي جاني و بردو فــاز
و الضحية قال له أسـف

و اللي مات يدفع غرامه
و اللي عاش يرجع لماما
بيتكوا بيتكوا مع السلامة
جتكوا داهية ده حالنا واقف

كل حاجة في كل حاجة
سؤال خبيث مليان سذاجة
الفرخة اصلا فرخ بيضة ..؟
ولا البيضة من الدجاجـة !!!

.
.
.

طب حد عنده سؤال في حاجة .. ؟؟؟

.
.
.

عااادي اسأل مهما تسأل
و الكلام عمال بيطول
انت لسه شوفت حاجة !!!
أهدي بس استني و أتقل

.
.
.


مين سرقها و جاب ضرفها ؟؟ ... و كان يقول لك في الصدارة !!
مين اللي سابها تموت بخوفها ؟ .... و لما ماتت قال خسارة !!

.
.
.

مين حرق كتب الحضارة ... ؟؟؟
و مين اللي راح عند الوزارة ؟؟؟
مين سرق ثورة شبابها ... !!!
و ضي عين احمد حرارة ... ؟

مين اللي سابنا نعيش في ضيقة ؟
و خمنا و لعب الضنيقة .... !!!
مين كشف اصل الحقيقة .. ؟
و مين كشف لحم العذاري ..؟

مين قتل خالد و مينا ... ؟
و مين اللي ماتوا هناك في سينا ؟؟؟
مين معانا و مين علينااا ... !!!!
و مين اللي داسوا علي النصاري ...؟

مين خربها سنين مداين ؟
مين اللي شافه و كان مماين ؟؟
مين اللي وطني و مين اللي خاين !!!
و مين فاكرنا ولاد حماارة ... ؟؟؟


.

.

.

حـد فاهم أي حاجة !!!
حد فاهم ايه العبارة !!!



.
.
.

[دمعه حائره]

الحكايه واضحه اننا نوصل لحاله التوهان
ومانعرفش مين صح ومين غلطان
وتتوه بينا الحقيقه
كاعادتك علاء مبدع وماهر فى كل انواع الشعر
خاصه فى العاميه
ربنا يحمى مصر ويولى من يصلح
وتسلم ايدك نورت القسم من جديد
تحياتى والتقييم

[علاء البلتاجي]

اقتباس المشاركة الأصلية كتبت بواسطة دمعه حائره الحكايه واضحه اننا نوصل لحاله التوهان ومانعرفش مين صح ومين غلطان وتتوه بينا الحقيقه كاعادتك علاء مبدع وماهر فى كل انواع الشعر خاصه فى العاميه ربنا يحمى مصر ويولى من يصلح وتسلم ايدك نورت القسم من جديد تحياتى والتقييم

دمعه حائره
دائما انتظر مرورك الراقي العطر
لك كل الود و التقدير و الأحترام
تحياتي ...

[فداااااااااااء]

واووووووووو انت رائع جدا
وانا اتفق مع اختى دمعه مابقناش فاهمين ولا عارفين من الصح ومين الغلط توهونا
الله يرحمنا ويستر على بلدنا
تسلم الايادى على الطرح الرائع خالص تقديرى لك

[غزاوية وافتخر]

كلمات رائعة جدا
يحمل في طياته معنى حب الوطن
وربنا يصلح الاحوال
سلمت يمناك
اخي علااااااااء مانتحرم من طرحك
الرائع جدا
تحياتي

[EVE]

ربنا يستر من اللى جاى بقي

بس بجد جاااااااااااااامدة


وكل كلمة فيها صحيحة مية فى المية


تسلم الايادي ياعلاء

[علاء البلتاجي]

اقتباس المشاركة الأصلية كتبت بواسطة فداااااااااااء واووووووووو انت رائع جدا وانا اتفق مع اختى دمعه مابقناش فاهمين ولا عارفين من الصح ومين الغلط توهونا الله يرحمنا ويستر على بلدنا تسلم الايادى على الطرح الرائع خالص تقديرى لك

فدااااااااء
نورتي متصفحي المتواضع بمرورك
و اتمني مرورك الدائم
كل احترامي و تقديري
و تحياااااتي [/b][/b]

[βÄşmα ♥]

كلماتك جميله جدا اخي ويكفي انها في حب الوطن تحياتي واحترامي لقلمك الفريد

[علاء البلتاجي]

اقتباس المشاركة الأصلية كتبت بواسطة غزاوية وافتخر كلمات رائعة جدا يحمل في طياته معنى حب الوطن وربنا يصلح الاحوال سلمت يمناك اخي علااااااااء مانتحرم من طرحك الرائع جدا تحياتي

اختي الفاضله غزاويه

لا حرمني الله هذا المرور الرائع
تحياتي و باقات الورد لروحك

[۩۩ سيد الشرقاوي ۩۩]

القلم المميز ورااقي جداا
علاء البلتااجي الله علي
النثر اخي لكتلك اكلمات
لك احتراامي ودااائماا انت مميز