بصراحة مع silverspectra د. طارق ح 1

[مِسكُ الشَهادة]

صراحتك راحتنا ورأيك يهمنا والحيادية طريقنا لذا نحن ُ نتشرف بك في أي وقت ... ضيفنا لهذة الحلقة الأخ الحبيب د. طارق ...silverspectra _ عرفنا بنفسك أكثر دكتور طارق ؟ دا الكل عارفني هنا :biggrin: مواطن مصري صاحب رؤى سياسية متواضعة ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 2_ تقييمك لمستقبل مصر في ظل الظروف الراهنة ؟ لحاد اللحظة و لسه المستقبل مجهول و لسه مافيش تنمية اقتصادية اتحققت لسه احتياطي النقد الاجنبي بينقص , و دا معناه ان الاقتصاد في حالة اسوء مما قبل الثورة و انت كمان بتدور على قرض دولي , و بالتالي هيكون مطلوب منك ترفع من اقتصادك عشان اولا تغطي تكاليف الميزانية ثانيا تعوض الخسارة في الاحتياطي و ثالثا تدفع قيمة القرض و فوائده و دا كلو لو عملته يبقى انت كدا مستواك بمستوى مصر ما قبل الثورة عشان تحسن كمان فمطلوب منك اداء اقتصادي افضل و دا طبعا بعد ما تحقق الثلاث نقاط السابق ذكرهم و الثلاث نقاط عشان الحكومة تحققهم على المدى القريب هتضطر تقلل من الدعم و خاصة المحروقات , و دا هيؤدي لارتفاع الاسعار و لغلاء المعيشة ( مستقبل اسود مش كدا :biggrin بس دا واقعيا هيحصل قريبا بمجرد ما السلطة تتسلم لرئيس جديد حسب توقعي أو بعدها بشوية لأن في عجز كبير في الميزانية لو استقرت الأوضاع في مصر الوضع أكيد هيكون افضل خصوصا لو في برنامج اقتصادي كويس قدرت الحكومة تنفذه , العملية هتاخد وقت و سنين و ممكن عقود ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 3_ كيف تُفسر فوز التيار الإسلامي في الإنتخابات البرلمانية الماضية ؟ من وجهة نظري الشخصية فشايف ان كتير ماكنش يستحق الكرسي البرلماني, و دا بيبان مع تصريحات نواب و مواقف كتير حصلت خاصة من حزب النور بتدل على مدى ضعف الأداء السياسي و عدم الكفاءة , بس هو الشعب مش بيرتاح نفسيا غير للشخص المتدين , مع ان المتدين زيه زي أي شخص بيخطا و بيصيب لكن الاختيار المفروض يكون للكفاءة دا غير طبعا الدعايات الي كانت بتتعمل أدام اللجان و خاصة من حزب الحرية و العدالة و دا يعتبر مخالف للقوانين ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 4_ هل أنت َ كمصري راض ٍ عن دور البرلمان في الوقت الحالي ؟ مش راضي جزئيا أولا فين قضية التمويل الأجنبي!! و ليه مش بيطالبوا بمحاسبة المجلس العسكري و هما عارفين ان هو السبب مش جنزوري و لا وزير و لا بطيخ دا بحد ذاته بيهز اي ثقة منحتها للبرلمان سابقا ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 5_ هناك من يقول أن البرلمان الحالي شبيه جدا ً بالبرلمان السابق قبل الثورة موقفك الشخصي مع ذلك أم ضد وكيف ؟ هو حاليا مش هقدر احكم على أداءه بشكل نهائي غير بعد فوز رئيس جديد و تشكيل حكومة جديدة , وقتها هيبان أكتر بخصوص رغبة الاخوان بحل الحكومة الحالية و تشكيل حكومة ائتلافية فأنا بعترض على فكرة ان البرلمان هو الي يشكل الحكومة لعدة أسباب أولهم هو ان الحكومة الائتلافية في الدول المضطربة بتتفركش كل شوية , زي العراق و لبنان بسبب خلافات بين الاحزاب و انسحاب حزب من الحكومة بعد تشكيلها , خاصة لو حزب واخد نسبة كبيرة من التمثيل الحكومي و دا بيخلي الحكومة تتفركش و ساعات الوضع يفضل مضطرب سنين بسبب الخلافات في التشكيل و توزيع الحقائب الوزارية السبب التاني لاعتراضي على تشكيل البرلمان للحكومة هو ان المحاسبة هتكون مش زي لو الحكومة الرئيس الي مشكلها يعني زي ما تقول برلمان اخواني و حكومة اخوانية , هيحاسبوا بعض ازاي!! هيكون في مجاملة اعتقد و تغييب للمشاكل السبب التالت هو ان الرئيس هو الي يشكل الحكومة بما يتناسب مع برنامجه الي الناس اختارته عشانه بحيث الرئيس يكون له تاثير مش يكون مجرد رئيس شرفي و كمان دا هيكون أفضل في فصل السلطات التشريعية و القضائية و التنفيذية ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 6_ هل تعتقد أن هناك مشاركة حقيقية من قبل شتى الأحزاب والأطياف في البرلمان أم أن هناك تهميش للأقلية البرلمانية ؟ طبعا في تهميش واضح القرار بيصفي في النهاية على النور و الحرية و العدالة ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 7_ هل أنت َ مع من يُنادي بحل البرلمان الحالي ؟ أنا طبعا مش راضي عنه و أحيانا بتمنى حله بس في الوضع و الظروف الحالية لما بفكر فيها بلاقي اننا هنرجع تاني لمربع الصفر و نعد كام شهر ننتخب خاصة ان المجلس العسكري طول في الانتخابات التشريعية بشكل ممل جدا , تلت مراحل و اعادات العالم كلو مل منها :biggrin: ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 8_ من ستنتخب في الإنتخابات الرئاسية القادمة ولماذا ؟ لحاد اللحظة عبد المنعم ابو الفتوح لكن قراري النهائي هيكون بعد معرفة من تم قبولهم للترشح و هحاول قبلها اتعمق مع كل مرشح في برنامجه و فكره و اراءه و سياسته و توجهاته ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 9_ رأيك الشخصي والسياسي بكل من :_ 1_ الشيخ حازم أبو إسماعيل راجل كويس و عجبتني مواقفه في الأحداث الي كانت بتحصل و المواقف دي كسبته شعبية من الشباب و الثورجية طبعا دا غير شعبيته الإسلامية , و راجل هادي من عيوبه هو انه بيقول معلومات كتير غلط عن دول تانية , بيكون فيها شيء من اللاواقعية و لما ببحث عنها بلاقي كلامه غلط و دا حصل في أكثر من موقف و كمان الكاريزما بتاعته شوية مش كاريزمة رئيس عارف في أمريكا عامل الصوت دا بيفرق مع المرشح كتير زي صوت أوباما و اصوات أغلب رئساء أمريكا بتكون نبرة قوية ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 2_ د. عبد المنعم ابو الفتوح لو هناقرنها بالعيوب الي ذكرتها في حازم ابو اسماعيل مش هتلاقيها عند ابو الفتوح , زي الكاريزما و قوة الصوت و المعلومات المغلوطة و كمان مواقفه كانت قوية في الأحداث الي كانت بتحصل و تحس ان نظرته واقعية غير انه خير مثال على وسطية الاسلام عيوبه ان شعبيته أعتقد أضعف من عمرو موسى و حازم و انه ماحاولش يندمج مع مرشح تاني قوي ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 3_ السيد عمرو موسى راجل صاحب كاريزما و طلاقة و محنك سياسيا بعيدا عن الناس الي تقول دا فلول أو غيره فهو كان وزير زي أي وزير و كلنا كنا فلول ايام النظام :biggrin: مش دي القضية دلوقتي ,, القضية هو انه أعتقد مش هيقدم اي جديد لمصر مجرد كلام , في حين انت منتظر الرئيس القادم يكون صاحب فكر مختلف بشكل كبير ما انكرش ان ميولي كانت له شوية بعد الثورة لكن بعد كدا حسيته ممل و بتاع كلام ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 4_ الفريق أحمد شفيق دا مافيش فيه أي صفة كويسه لا كاريزما و لا فكر نهضوي و لا مواقف شريفة تذكر سواء ايام النظام أو أيام اي أحداث بتحصل ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 5_ السيد عمر سليمان عنده الكاريزما , و لو هنفترض انه شخص كويس فالفترة الي تولى فيها و بقى نائب للرئيس وسخته النظام الشارع طالب باسقاطه و هو قرر انه يكون جزء من النظام و يرضى بانه يكون نائب للرئيس فأعتقد خلاص هو بكدا قرر مصيره و وجوده هو و شفيق يعني تشتيت للاصوات بينهم و دا أعتقد هيكون لصالح المرشحين التانيين ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 10_ من تعتقد سيفوز في الإنتخابات الرئاسية القادمة ولماذا ؟ لحاد اللحظة أعتقد اما عمرو موسى أو حازم عمرو عشان معروف شعبيا عند الناس من زمان و حازم عشان سلفي انت لو شيلته و حطيت اي حد أعتقد هياخد نفس الاصوات حتى لو البلكيمي من غير ما يعمل العملية ممكن تفرق أكيد شوية في الاصوات بس في ناس كتير بتاخد بالشكل , مع طبعا احترامي لشخص الشيخ حازم أنا كتير بحمد ربنا ان مواقفه كانت كويسه ايام الاحداث لأن لو كان جالنا حد سلفي و مالوش مواقف أو كان مع العسكري كانت هتبقى مصيبة لأن الناس بتدور على الدقن :biggrin: أما لو حزب النور دعم مرشح فبكدا الاصوات هتتشتت مع حازم و مرشح حزب النور و نقول مبروك لعمرو موسى ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 11_ هل أنت َ مع ترشيح إمرأة لمنصب رئاسة الجمهورية ؟ آه , مع ترشح اي شخص كفاءة و ضد الاحتكار و التقيد لأن دا بحد ذاته عنصرية في النفس بس للاسف المجتمع ذكوري ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 12_ هناك من يقول أن مؤامرة تحاك مع المجلس العسكري لإيجاد الرئيس المناسب لمصر هل توافق ذلك الرأي وكيف إن وجد ؟ ما أعتقدش لأن المجلس العسكري متخبط في أغلب قراراته لكن وارد يحصل مستقبلا لسه مش عارفين ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 13_ هل أنت َ راض ٍ كمصري عن اللجنة الدستورية التي شُكلت لتأسيس الدستور ؟ طبعا لأ المفروض النواب الي بيتحججوا بفكرة انت اصلك انتخبتني يفهم ان دوره هو تمثيل الشعب مش احتكار المناصب و الدستور ليه بمعنى انت اه انتخبت يبقى دورك تختار لجنة لتشكيل الدستور تعبر عن الشعب مش تاخد لنفسك نص الكراسي!! دا مفهوم خاطئ للديمقراطية تقدر تسميها ديمقتاتورية لأن المعنى النبيل للديمقراطية هو انك تمثل و الكل يشارك معاك مش انك تحتكر , يبقى انت كدا بتتحايل و بتشتغل الديمقراطية استغلال سيء لازم الناس تفهم ان الأغلبية في البرلمان قد تصبح اقلية مستقبلا و الدستور المفروض انه شيء دائم يبقى اختيار اللجنة المفروض يكون بيعدا عن الاحزاب و يكون من شخصيات عامة و مفكرين و علماء ليس لهم ميول حزبية ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 14_ هل تعتقد أن الإنتخاب في الإنتخابات القادمة سيعتمد ع الكفاءة أم الإنتماء السياسي من مختلف الأحزاب السياسية المصرية ؟ كفة الدين هي الي على اساسها الناس هتصوت بنسبة كبيرة عامة الشعب هنا تفكيرها بسيط يعني مش هيدور دا بيقول ايه و دا قال ايه ,, بيبقى تابع في الغالب و بيميل قلبه و زي ما هو معروف القلب خداع , لكن العقل عمره ما يخدعك طالما مشغله صح ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 15_ هل أنت مع إستمرار معاهدة السلام مع إسرائيل ؟ أكيد , خاصة ان انت وضعك أضعف بكتير من اسرائيل و هما قدروا بذكاء انهم يخلوا وضعك ضعيف دايما عن طريق ادمانك للمعونات من خلالها بيقدر يتحكم في طبيعة الاسحلة الي تجيلك و بيخليك متواكل عليهم ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 16_ هل أنت مع إستمرار تصدير الغاز لإسرائيل ؟ أكيد لأ لأن مصر العمر الافتراضي للغاز فيها 15 ل18 سنة بس بس أنا هقولك حاجه و فكر فيها شوية عارف المعونة الأمريكية , فكرك مثلا امريكا بتديها لينا حبا فينا و لا لمصالح ؟ لمصالح أكيد ,, ايه هي المصالح ؟ هو انه بيستخدمها كسلاح ضغط , يعني لما تزعله يقولك أنا بديك معونات على فكرة او لما يبقى عايز منك تعمل حاجه يخليك تعملها من غير حتى ما يقولك انا بديك معونة انت بتبقى عارف كدا فدا بتقديري ذكاء سياسي انه عرف يشتريك انت ممكن تستخدم الغاز بنفس المنطق انها تكون وسيلة ضغط على اسرائيل فرضا ضربت غزة , وقتها ممكن تهدد اسرائيل بيه مثلا باعتبار انها بتعتمد عليه في الطاقة بنسبة 40% لكن طبعا دا ماكنش بيحصل :biggrin: و ماكنش في استخدام ذكي للغاز ,,يبقى ايه الفكرة اني اصدره لاسرائيل بدون اي مكاسب منه حتى لو مادية!! ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 17_ هل تعتقد إن بقي الحاله ع حاله فستكون هناك ثورة جديدة قادمة ؟ ثورة جياع ممكن تحصل لو الوضع الاقتصادي ادهور و الاسعار ارتفعت و دا ممكن يحصل لو الدعم اترفع بس اعتقد مش هتكون زي الثورة ضد مبارك لاسباب اهمها هو ان حزب الاغلبية دلوقتي مؤيديه عندهم عقيده و اخلاص للحزب على عكس الحزب الوطني , عقيدتهم مصالح فقط ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 18_ ما أكثر شيء تخشاه في الفترة القادمة ؟ الفوضى و تدهور الاقتصاد و اتمنى يكون في حكمة من قبل الرئيس و النواب في معالجة المواقف و اصدار القوانين و التشريعات و يحطوا مصلحة الوطن فوق كل حاجه عارف امتى سنحيا كراما ؟ لما اقتصادنا يبقى كويس بس و يكون في رخاء غير كدا يبقى انت بتشتغل نفسك ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 19_ كيف تعتقد ان تكون العلاقة ما بين المسلمين والأقباط بعد رحيل البابا شنودة ؟ مش هتتغير المصري مش طبعه العنف , حتى لو كرهوا بعض في قلوبهم لكن العنف نادر لما يستخدمه على خلاف العراق ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ 20_ كلمة د. طارق الأخيرة لشعب مصر ؟ أتمنى الشعب يختار الاصلح لمن يستطيع أن يحقق النهضة لمصر ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ وفي النهاية التي لا تنتهي ... أشكرك أخي طارق ع تشريفنا الحضور وإبداء رأيك بكل صراحة ــــــــــــــــــــــــــــــــــــــــــ ـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

[Silver Flower]

مع اني ماليش في السياسه
بس انا شايفته انه سواء الي راح يفوز في مصر ابو اسماعيل
او ابو الفتوح ما بتفرق
الانه الي بيحكم مصر حكومه وليس رئيس
والدليل مبارك وما بعده والمجلس العسكري والي بيحصل
يعني راح يجي رئيس يمشي على القوانين المعموله

ان شالله ربنا يغير ويجي رئيس يقلب كل المقايس
حلقه حلوه اكيد وكلام طارق صحيح بنسبه للغاز وبرضوا بنرجع لنفس القصه ما بنقدر انخالف القوانين بنخاف بعيد عنك
مع انه بستغرب او
انتا بتقول يا طارق انه مصر ضعيفه
عندك غزه قاومت الاحتلال الاسرائيلي وقدرت عليه وهي في حاله ابسط من مصر او اضعف
مش عارفه بظن هادي هي مشكلتنا احنا المسلمين
طب عندك كمان

يعني بدل ما يصدروا الغاز للاسرائيل ياريت يصدروا الكهربا والوقود لغزه بدل ما نطلبه من اعدائنا واعدائكم اليهود
يلا شو بدنا نقول خليها على الله
الله بيفرجها علينا وعليكم

وطبعا موضوع رائع

[عاشقة الهدوء]

حوار متألق وممتاز أخى الفاااضل والعزيز المتألق (خااالد)

مع ضيف متميز ورااائع أيضا وله أسلوب سياسى

وراااقى متقن ومشرف يتمتع به ويسعدنا به أيضا

حتى أن أختلفنا معه فى وجهات النظر

نورت ياطااارق بجد وأمتعتنا بوجهة نظرك القيمه والصائبه وصرااحتك

وتسلم أخى (خالد )على الدعوه الراقيه القيمه

بتمنالك التوووفيق والتألق والرقى دائما وتقبل تقييمى البسيط

لكماااا أحترااااامى

[booody99]

عودة رائعه منك أخي وضيف أجاباته رائعه وبسيطه

ولكن أنا أختلف معاك في النقطة دي

اقتباس 11_ هل أنت َ مع ترشيح إمرأة لمنصب رئاسة الجمهورية ؟ آه , مع ترشح اي شخص كفاءة و ضد الاحتكار و التقيد لأن دا بحد ذاته عنصرية في النفس بس للاسف المجتمع ذكوري

والرسول صلى الله عليه وسلم

(قَالَ : لَنْ يُفْلِحَ قَوْمٌ وَلَّوْا أَمْرَهُمْ امْرَأَةً )

وتسلم أيدك على الحلقة الرائعه

كل الأحترام والتقدير

[SiLver Spectra]

اقتباس المشاركة الأصلية كتبت بواسطة booody99 عودة رائعه منك أخي وضيف أجاباته رائعه وبسيطه ولكن أنا أختلف معاك في النقطة دي والرسول صلى الله عليه وسلم (قَالَ : لَنْ يُفْلِحَ قَوْمٌ وَلَّوْا أَمْرَهُمْ امْرَأَةً ) وتسلم أيدك على الحلقة الرائعه كل الأحترام والتقدير

اولا لازم نحط عامل الزمان و المكان و ظروف المجتمع
زمان مش زي دلوقتي
دلوقتي كلوا بيتعلم راجل أو ست

و افضل مثال هجبهولك مع ان في امثلة كتير لدول حكامها من النساء
البرازيل

البرازيل في عشر سنين قدرت تحقق طفرة اقتصادية
و باقيت سادس اكبر اقتصاد على مستوى العالم
ديلما روسيف

دي رئيسة البرازيل الحالية
البرازيل قبل عشر سنين كانت بلد تعبانه من الفساد و العصابات و غيره

المقياس زي ما ذكرت هو الكفاءة
الاقتصاد لا يبنى من العنصرية و لا من الحديث
اللاقتصاد يبنى بالعمل و بالكفاءات و بالعقول

نورت يا بودي

[رفيدة وحيد]

بصراحة أخر حاجه ممكن اتكلم فيها هى السياسه

ولكن أحوال البلد جعلت من الطفل رجل سياسى

لما يُطرح على الساحه من أمور الله وحده يعلم نهايتها

[img]http://www.******************************************/uploads/fa51016aea.gif[/img]

[S n i p e R]

اقتباس اولا لازم نحط عامل الزمان و المكان و ظروف المجتمع زمان مش زي دلوقتي دلوقتي كلوا بيتعلم راجل أو ست و افضل مثال هجبهولك مع ان في امثلة كتير لدول حكامها من النساء البرازيل البرازيل في عشر سنين قدرت تحقق طفرة اقتصادية و باقيت سادس اكبر اقتصاد على مستوى العالم ديلما روسيف دي رئيسة البرازيل الحالية البرازيل قبل عشر سنين كانت بلد تعبانه من الفساد و العصابات و غيره المقياس زي ما ذكرت هو الكفاءة الاقتصاد لا يبنى من العنصرية و لا من الحديث اللاقتصاد يبنى بالعمل و بالكفاءات و بالعقول نورت يا بودي

كنت عاجبني وماشي حلو

لغاية النقطة دي

حوار مميز وشيق جدا

اسئلة فعلا جامدة وعجبتني يا استاذنا

واجابات مميزة لطارق حتى لو فيه اختلاف ف الرأي

بس ده ميمنعش انه شخصية شطورة سياسيا d:

تحياتى للجميع

[morshooo]

اقتباس 4_ الفريق أحمد شفيق دا مافيش فيه أي صفة كويسه لا كاريزما و لا فكر نهضوي و لا مواقف شريفة تذكر سواء ايام النظام أو أيام اي أحداث بتحصل

ياراااااااااااااااجل

دا تقريبا ياض يا طارق انتا الوحيد فى

مصر ويمكن فى العالم الــ شايفة كدا

دا مالوش اى فكر اومال مصر للطيران مين الـ خلاها بالشكل دا

الحلقة مميزة يا خالد

فى انتظار الحلقات القادمة

[SiLver Spectra]

اقتباس المشاركة الأصلية كتبت بواسطة morshooo ياراااااااااااااااجل دا تقريبا ياض يا طارق انتا الوحيد فى مصر ويمكن فى العالم الــ شايفة كدا دا مالوش اى فكر اومال مصر للطيران مين الـ خلاها بالشكل دا الحلقة مميزة يا خالد فى انتظار الحلقات القادمة

دا رأي
انت شايفه كويس فدا رايك برضو و على عيني و راسي
ادارة دولة مش زي ادارة وزارة طيران



طبعا سيبك من السخرية لكن شوف بيرد ازاي و بيتوه في الكلام
بالنسبالي راجل مش مقنع خالص
و لا دا هو الأمل الي برجوه في رئيس مصر القادم

[ŌиĹч.Ḿё]

اقتباس المشاركة الأصلية كتبت بواسطة silver spectra دا رأي انت شايفه كويس فدا رايك برضو و على عيني و راسي ادارة دولة مش زي ادارة وزارة طيران طبعا سيبك من السخرية لكن شوف بيرد ازاي و بيتوه في الكلام بالنسبالي راجل مش مقنع خالص و لا دا هو الأمل الي برجوه في رئيس مصر القادم

هههههههههههههههههه

جااااااااامد مبررة ومبرر