بصراحة مع عاشقة الهدوء

[مِسكُ الشَهادة]

صراحتك راحتنا ورأيك يهمنا وتقبل الرأي الآخر طريقنا لذا فنحن ُ نسعد ُ بك في كل وقت ينتابنا الفخر والسرور بإستضافتنا لأختنا الفاضلة ( عاشقة الهدوء) _ لمن لا يعرفك من تكونين؟ أنسانه عاديه جدا بسيطه صريحه طيبه مرحه عصبيه شعنونه حساسه مجموعه من الكوكتيلات كده :biggrin: و بنوته جدعه بجد بتعاملى مع كل من حولى وكل من تربطنى به معرفه الحمدالله ومش هزكى نفسى على الخااالق 2_ نظرتك الشخصية لوضع مصر الحالي ؟ نظره تفائل وأمل أن شاء الله أن مصر تتغير للآفضل بس الحكايه عاوزه شوية صبرمننا جميعا بزعل جدا لما أشوف ناس تقول مصر هتخرب والدنيا هتبوظ وهيحصل مجاعه مش أحنا الى بنحدد مصير ومستقبل الدول ولا مطلعين على الغيب ربنا وحده قااادر يغير الآوضاع فى لحظه 3_ مو قفك من احداث بورسعيد من المسؤول برايك؟ طبعا أحداااث بور سعيد دى كانت أحداااث صعبه جدا علينا ومؤسفه وكانت تعتبر فى نظرى صدمه بشعه لايمكن كنت أتخيلها تحدث يوميها كنت بتفرج على الماتش وفى أخره حصل الى حصل بقه جايلى زهول والله العظيم ياخالد كنت قاعده ببكى بهستريا من الموقف وبعد ما الماتش خلص واللعيبه الى بتتصل تبكى للمذيع وتقولوامجازر عندنا حد يلحقنا كان يوم بجد صعب جدا ماتش يتحول بالطريقه المخزيه والمخجله والبشعه دى عمرها ما حصلت فى مصر ولا كنا بنسمع عنها ألا فى دول أخرىفالمسئول هنا من وجهة نظرى أول حاجه الأمن بجميع ما فيه من أعلى رتبه ألى أصغر رتبه كاانت موجوده فى الملعب وشافت كل حاجه بعنيها وتغاضت وبمعنى أصح عملت نفسها مش شايفه ده نسميه أيه تواطىء وأهمال ولا مبالاه وعدم ضمير طبعا ؟؟ تانى حاجه جمهور بور سعيد مش هقول كله لا طبعا فيهم ناس بجد كان ليهم دور فى هذه الآحداث المؤلمه واستمتعوا بقتل أخواتهم وترويعهم بالشكل المخزى الآجرااامى ده دا غير طبعا البلطجيه المأجوره وهم أشخاص (لاتعليق عليهم ) أسال الله تعالى لآهالى أحداث بور سعيد الصبر ونحتسب أبنائهم شهداء عند الله اللهم أمين 4_موقفك من المجلس العسكري وسياسته؟ مش هنكر أنى كنت أول ما مسك المجلس العسكرى شئون مصر كنت مقتنعه بيه لحد ما وقولت طبعا هينجز وهيقوم بأعمال يصلح بيها الآحوال شويه ويبدأ ينفذ رغبات ومطالب الشعب من جميع الأتجاهات لكن طبعا الى حصل العكس بدأ يتباطىء فى تحقيق مطالب الناس ويتباطىء فى أهم مطلب وهو أنجاز الآحكام على المتهمين جميعهم بلا أستثناء شويه نلاقى ده طلع براءه من القضيه الفلانيه وتأجيل لجلسة الرئيس المخلوع كل شويه والى يضحك أنه بيطلع براءه من كل تهمه بتنتسب ليه أمال مين بقه الى دمر شعبه وظلمهم وسرقهم ونهبهم بجد (لا تعليق ) بالنسبه بقه لسياسة المجلس العسكرى سياسه أى كلام؟؟بدليل أيه الى قدمه لحد الآن نافع للشعب ونافع لمصر كل الى بيعمله مهاترات ملهاش اى لزمه وقبل ده كله (أنعدام ضمير وتباطىء وتماطل نسخه مصوره من النظام السابق بالظبط ؟؟ ) 5_ من ستنتخبين في انتخابات الرئاسة ولماذا؟ حازم صلاح أبو أسماعيل ده بصراحه انسان تاريخه مشرف على المستوى الدينى والآخلاقى والثقافى رااائع جدا وبجد هيبقه مكسب لمصر أن وفقه الله لهذا المنصب ولا نزكيه على الخااالق واسال الله أن يرزقنا برئيس حكيم متزن خلوق يتقى الله فينا ويجعله سبب فى صلاح أحوال مصر ورقيها اللهم أمين 6_من تعتقدي سيفوز في الانتخابات ولماذا؟ أعتقدحازم صلاح أبو أسماعيل لأنه محبوب وشعبيته كبيره 7_ هل أنت راضية عن دور البرلمان ام لا ؟ بصراحه (لا ) كلهم مش أيد واحده ولا رأى واحد والرأى بيكون لفئه معينه منهم والفئات الأخرى ليس لها رأى تماما وكلام كتير وحوارت كثيره بتحصل فيه وكله بيقدم أحسن ما عنده ولكن كلامهم فى الآخر ومطالبهم بتبقه لا شىء ولا بيحصل فيها انجاز بالنسبه للى ماسك منصب رئيس البرلمان وهو الكتاتنى عمل أيه هوه كمان مفيش حاجه طبعا ؟؟؟ ودوروا دور المتفرج والجالس على الكرسى فقط لا غير يعنى فى نظرى البرلمان ده عباره عن مدرس قاعد بيعلم فى طلابه ويشخط وينتر وخلاص على كده مهزله والله :biggrin: 8_الثورة مستمرة فمتى تتحقق اهدافها برايك؟ هتحقق اهدافها لما مطالب من قام بهذه الثوره وحقوقهم تتحقق وتتنفذ بعدل وضمير وحكمه ممن هم اصبحوا رئساءويشغلون أعلى المنااصب من أ جلها وبفضلها عليهم ؟؟ 9_ هل تعتقدي ان دور مصر السياسي تراجع في المنطقة العربية بعد الثورة ام اصبح لها دور كبير ؟ طبعا الآمورالسياسيه لمصر ماشيه كده برااحتها حالياوبعد الثوره ولازم يكون فيه تأثر وتوتر سياسى واقتصادى خارجيا وداخليا لآن الى حصل مش شويه فبتالى هنتأثر فتره كده و أن شاء الله الأمور ترجع أفضل مما كانت عليه 10_أنت ِكأخت مصرية ماذا تطمحين لمصر أن تكون ومتى يتحقق ذلك برأيك؟ بطمح لمصر والله ياخالد كل خير زى ما قولتلك قبل كده انى دايما عندى الآمل فى الله عز وجل أنها تبقه أفضل والآمور تستقر وهيتحقق ذلك ان شاء الله لما كل شخص ربنا رزقه بمنصب فى هذه الدوله ان يراعى ضميره ويتقى الله فينا والناس جميعها تفوووق وتتجه الى التمسك بالله وبالدين الحنيف ونبقه ايد واحده وفكر واحد وهدف واحد وهو صلاح بلدنا مصر سعتها بس هتبقه أعظم وأجمل بلد فى الدنيا وربنا موجود وقادر ربنا يحقق لنا كل ما نريد لرفعة مصرنا الغالية نخرج من السياسة شويا ماشى ياخالد ولا يهمك :biggrin: 11_ من أقرب الأعضاء لك ِ في المنتدى؟ أمممم دمعه حائره القلب الصامت روكه 2 دعاء مشرفة قسم صفحات مكشوفه نورا الأموره ساحر الأحزان بجد دول قريبين منى ومن قلبى قووى واعضاء كتير فى المنتدى بعزهم وبحبهم ربنا يديم بينا كل خير وتقدير واحترام 12_ ما الفرق الذي طرأ ع المنتدى منذ تسجيلك فيه حتى الان ان وجد برايك؟ لا حصل فيه حجات كتير معظمها جميل جدا ورااائع وبعض شوية أمور كده خط بنفسجى مش أحمر :biggrin: 13_ماذا يمثل لك المنتدى ولماذا اخترت عاشقة الهدوء؟ المنتدى ده يعتبر بيتى التانى مهما بيحصلى فيه من مشادات وزعل بعض الأحيان ألا أنى دايما ببقه محتاجه للتواجد فيه ومنجذبه ومشدوده ليه بشكل غير عادى وكنت مسجله قبله فى منتديين لكن أرتحت للمنتدى ده والتواجد فيه وسبحان الله نصيب بقه واخترت أسم عاشقة الهدوء لأنى بحب الهدوء جدا رغم أنى عصبيه وشعنونه بس بعشق الهدوء وأنى أقعد مع نفسى كده ولوحدى فى جو رومانسى طول الوقت ولا حد يعصبنى ولا ينرفزنى دى عندى بالدنيا :biggrin: 14_ هل يوجد أوجه تشابه ما بين النت والواقع برأيك؟ لا كله عندى واحد النت ما هو ألا تواصل من وراء الشاشات ولكن حاله ومضمونوا مثل الواقع تماما من جميع الجوانب والمجالات الى تخطر على بالك فى الوااقع 15_أنت ِ كأخت فاضلة كيف تفسري دور المرأة المصرية في المشاركة السياسية بمصر ؟ طبعا شىء جميل ورائع انه يكون لهادور سياسى وفكر واعى ومثقف لكن لا يزيد عن الحد المشرع لها كاأمرأه فى الآسلام 16_ كأخت مصرية عربية كيف تتابعي الثورة السورية ومستقبلها والمجازر التي ترتكب كل يوم؟ مش بحب أ تابع والله ياخالد كتير لأ نى بتعب نفسيا من الى بشوفوا سواء فى سوريه او فلسطين ولكن لا يسعنى ألا الدعاء لهم فى كل وقت وكل حااال ان ينصرهم الله على أعداء الدين الكفره والفجره الذين ينتسبون للدين وهم اسوء وأضل بشر على وجه الأرض وان يرزقهم الصبر والأحتساب والقوه والعزيمه حتى يقضى الله أمرا كان مفعولا فهو وحده قادر ومطلع وعليم بحالنا وحالهم ووحده قادر ان يبدل الحال ألى حال أخر يسر القلوب ويشفى صدور قوم مؤمنين اللهم أمين 17_ كلمة للشعب المصري الحبيب ؟ أقول لهم مصر أمانه فى أعناقنا جميعا يجب علينا أن نتحد ونكون على يد رجل واحد وتكون أعمالنا وأفعالنا ترضى الله عنا وخالصه لله ولهذه البلد والمحافظه عليها بدمائنا وأرواحنا وصحوة ضمائرنا من اصغر شىء فيها لآكبر شىء حتى نرتقى بها للخير وللرقى والسلامه بفضل الله علينا ورضاااه وأساله تعالى السلامه لمصر وأهلها اللهم أمين اشكرك من كل قلبي يا أخت هبة ع هذة المشاركة القيمة كشخصك الكريم

[دمعه حائره]

حلقه جميله مع اخت غاليه علينا كلنا
وبنحترمها وبنفتخر بوجودها معانا
الاسئله عجبتنى شامله اغلب النواحى فى مصر
واجاباتك ياهوبه عقلانيه وواعيه
زى ماتعودنا منك
اتمنى ليكى كل التوفيق ولمصر ربنا يولى من يصلح
وشكرا ليك اخى خالد مجهود كبير وواضح

[كبرياء رجل]

حلقه جميله جدا مع انسانه كلنا بنحترمها وبنقدرها
وماشاء الله شايفه متزنه كده وعقلانيه ودي مش عوايدها
عموما منوره البرنامج وانتي اخت انا بعتز بيها
واوعي تكوني قالبه بوزك مني

اسئله جميله منك اخ مسك الشهاده
عن احداث مصر وما يدوور بها
واستكمالا اسئله شخصيه
اشكرك على مجهودك المميز
دمت بخير

نورتي عاشقه الهدوء
تحياتي

[أتعبنى الفراق]

حلقة جميله بجد واجابات منتهي الجمال

تسلموا للمجهودات الجميله ودي وتقديري

[ساحر الأحزان]

الحلقة مع مين

عاشقة الهدوء

الاخت الفاضلة التى تمتعنا بجميل كلامها

وجميل رائيها القيم الى بيدل على شخصيتها الناضجة

جميلة الحلقة واشكر لكى ذكر اسمى

ربنا يدوم الوفاق بينا جميعا

تحياتى لكم

[فرحة]

حلقه جمييييييييييله فعلا
واستمتعب بيها وعرفتنى اكتر ع شخصية هبة
تسلم ايدك خالد ع المجهود الحلو والتنسيق

[بسمة العمر]

كان اختيار جميل لعاشقة

كانت الاسئله جميل خالد

والاجوبه اجمل

والحوار كله جميل

تسلم الايادى خالد

[زهره الشتاء]

استضافه جميله لشخصيه راقيه
اسئلة تشمل كتير من ال بيدور وبيحصل حاليآ
واجابات راقيه وعقلانيه
تسلم ايدك ع الطرح والمجهود
استمتعت بوجودى بمتصفحك
ف انتظار باقى الحلقات
دمتم بخير

[Silver Flower]

حلقه رائعه
وضيفه جميله جدا ومحبوبه من الجميع
اكيد اجابات جميله يا قمر
والله يفرجها علينا وعليكم وعلى كل المسلمين

الله ينصر الاسلام في كل مكان

[booody99]

اقتباس 15_أنت ِ كأخت فاضلة كيف تفسري دور المرأة المصرية في المشاركة السياسية بمصر ؟ طبعا شىء جميل ورائع انه يكون لهادور سياسى وفكر واعى ومثقف لكن لا يزيد عن الحد المشرع لها كاأمرأه فى الآسلام

بصراحة رد في قمة الروعة فعلا من شخصية خلوقة ورزينه فعلا

استمتعنا بكامل الحوار الرائع معكم

وشكر والف شكر على البرنامج المميز

كل الأحترام والتقدير