انتخبونى ابقى رئيس

[الرحــاال المٌتَمرد]

إنتخبونى أبقى الرئيس




"أقبل النقد"


إختارونى وكل بنت هجبلها عريس .. مش هخلى حد محروم
كل غالى هيبقى رخيص .. شقق وعربيات هدوم
فى رمضان هوزع فوانيس .. والصيام بس 11 يوم
إنتخبونى إبقى الرئيس ..
هنسيكم المتاعب والهموم
هوزع على كل ناخب بنطلون وقميص .. هحكم بالعدل مش هخلى واحد مظلوم
ولما أبقى الزعيم هعمل حفله والشعب كله معزوم
ودا وعد منى وأنا ملزوم .. والدخول من غير رسوم
هخلى حياتكم كلها راحه ونوم


نص السنه هيبقى أجازات .. وكل جمعه وحد وتلات
هزود الرواتب والمعاشات .. وكل شهر فيه علآوات
وفى مارينا هطلعكم رحلات ..
كل دى وعود فى فتره الإنتخابات
وبعدها تتحول الوعود لأمنيات



فى إنتخابات الرئاسه

لازم نفكر لمين هندى صوتنا
مش بالكلام يشترى سكوتنا

عشان تتحسن بلادنا .. لازم قرارنا يكون بعد تفكير
مش خلصنا من فرعون .. يطلعلنا أبليس .. إنتوا مش محتاجين تفسير
الحال من سىء لأسوء والوضع خطير
المرحله الجايه صعبه .. فيها تحديد المصير
لو مافيهاش شخص صالح الحال هيبقى بزياده عسير

ودى نصيحه مش تحذيـــر


ياخوآنا صوتنا أمانه .. صوتنا للى يرعانا
عاوزين رئيس ديمقراطى وسياسى .. قاسى وحكيم
يرجع وطنا لمكانته .. ويبقى قلبه علينا رحيم
يحكم بالعدل .. ويستعيذ بالله من الشيطان الرجيم



يارب إنت إللى بينا عليم
إرزق بلدنا وشعبها يا كريم
وولى عليها الأصلح يا عظيم






جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات

رحـــال بلا عنوان ..

الرئيس القادم

[ŌиĹч.Ḿё]

هههه كتابتك جميلة اوى
وان شاء الله تبقى الرئيس
تحياتى

[دمعه حائره]

لا برنامج انتخابى ولا احلى من كده
فعلا اخى احنا محتاجين رئيس غير كل اللى فات
لخصت بجد مشاكل شعب ومعاناه سنين كتيرومالهاش حل
كلمات جميله كماتعودنا منك ابداع فى كل الحلاات
تسلم اخى ومانتحرمش من تواجدك المميز
تحياتى والتقييم

[Lost Pearl]

آمين يا رب

و الله يا ايمن كلامك مايتردش عليه

بجد جميل اوووي

يا ريت الناس تفكر مش تمشي ورا هتافات

اكيد وسط كل المرشحين في واحد كويس او مقبول ع الاقل

مش نمشي ورا فئة معينة

و لا نختار عميل !!

جميلة اوي القصيدة و الكلمات يا ايمن

تستاهل 5 نجوم

ربنا يوفقك دايما

تسلم ايديك

[نورا ❤]

المبدع ايمن

بجد كلمات جميلة وصفت معاناه شعب

احنا فعلا عايزين حد يراعي ربنا فينااااا
كفاية نتغش في ناس كتير

وفعلا صوتنا امانة وبيفرق ولازم الواحد ميفرطش في رايه وصوته
عشان وعود واغلبها او كلها بيبقا اوهام

يا جماعة حكموو عقلو وامشوو وراه بلاش نحكم القلب في المواقف دي ده حكم شعب
شعب بقاله كتير مظلوم مش هنطلع من نقره نقع في دحديره او حفره

وربنا يولي الصالح

اسفه للاطالة وبجد كلمات رائعة ووصفت بابسط المعاني كل اللي بنحتاجه
وربنا يولي الصالح لمصـــــــــر

تحياتي لك ولقلمك ايمن

[عاشقة الهدوء]

اللهم أمين اللهم أمين الله عليك يارحااال

أنا أول واحده هنتخبك عشان تجبلى عريس ههههههه

وتفسحنى فى مارينا وأهيص هههههههه

بجد كلمااات ولا أروع مضمونها قيم كلمااات من ذهب

اخى الغالى أيمن كالعاده متألق لا حرمنا الله من حسن

وقيم تواجدك بيننا بكل خير تسلم أيدك ربنا يبارك فيك ويحفظك

لك أحترااامى وتقبل تقييمى البسيط

[۩۩ elMagic ۩۩]

كلماتكـ جميله جداا
وانا معاكـ فى كل الكلام دا
بجد دايما مبدع ومتألق
احسنت اختيار كلماتكـ وحروفكـ
دوام التألق
احلـى تقييم ليك
مودتــــى

[كريم عاصم]

كلمات جميلة رحال وهذا ما نعلمة جيدا عن الانتخابات
هى الإنتخابات عبارة عن شعارات
ده غير رش فلوس وهدايا ومصاريف باهظة
كي يعتلى المُنتخب الكرسي
مازلت أكرر تلك الكلمة اللى بيجرى ورا المنصب يبقى عايز ينهب
وأحترم جدا الذي يأتى اليه المنصب وهو في مكانة
لا نسعي ورا الشىء فالشىء هو الذي يأتينيا
والله رحال انا ريحت دماغي من وجع الإنتخابات
والبرامج الانتخابية
كل واحد فينا رئيس جمهورية نفسة
تحياتى لقلمك ولحسك الوطني
تقبل بسيط مروري

[السفينة]

حملة انتخابية من اجمل الحملات خالية من أي مشوبات

بسسسسس ياريت كل الي فيها يطبق ومايصير بس مجرد مخطوطات كما هو الواقع


الاخ رحال

سطور انتشلت من عمق البحر
لتحلق في سماء الإبداع
تلألأ حرفك
وتألقت مفرداتك
كلمات سلسه تدخل الى الروح وتغذيها
تتساقط في قلوبنا
وتتدفق بشاعرية
لك اكليل من الورود
طبعا مع اجمل الامنيات بالنجاح في الانتخابات

[مشتاقه للجنه]

يارب يولى علينا من يصلح
ويكون الاجدر وليست الوعود والاماانى اللى تحدد
شكرا لك أخى الفاضل المضمون الراقى للكلمات
تحيااتى