بدي حريه (تابع تنشيط القسم)

[jasmean]

بدي حريـــــــــــــــــــــــــــــة



VN:F [1.9.15_1155]

سألوني ليش طالع شــــــــو بدك قلتلهن بدي حرية..
قالولي شو يعني حرية ليكك عم تاكل و عم تشرب و عايش عيشة هنيــة
قلتلهن انتو مابتعرفو الحرية
و انتو عبيد و العبد متعود عالعبوديــــــــــــــــــة
ضربوني بالرصاص الحي و القنابل الغازيــــــــــــة و اعتقلوني و سجنوني بالفروع الامنيــــــــــــــــة
إجو على بيتي و حاصروه بالسيـــــــارات العسكرية
اقتحموه و فاتو عليه كأنو فايتين على البريـــــــــــــة
أخدوني و شحطوني قدام اهلي بالطريقة الكلاسيكية و قالولهن لا تخافو نحنا بدنا نناقشو شوي بالاحوال الجويـة
و طلبو مني جوالي والحاسوب قبل الهوية
كبر راسي و حسيت حالي بفلم من الافلام الامريكية
كل هالعناصر جاية مشان مواطن من الدرجة العاديــة
لحشوني بهالستيشن و كأني خرئة مهريـــــــــــة
و حصروني العناصر و كأني من عصابة مافياويـــــــــة
طبعا الروايح كانت خيلة و الأنفاس زكيـــــــــــــة
و العناصر كتافها عريضة و مابتكفيها سيارة عائليــــــة
و الطريق طويلة ومشان الملل فتحنا أحاديث جانبية
قرد ليش عم تطلع شكلك متل الأفنديــــــــــــــــــة
قرد انت مثقف و فهمان و معك شهادة جامعيـــــــة
شلون عم تطلع مع هالكائنات الهمجية
و لما وصلنا لنهاية الطريق كتير زعلت و عز علـــــي
اني رح اترك هالشباب بعد ماصار بيناتنا حميميـــــة
و اخيرا عرفت شو هو المكان المنشود…فرع الجوية
فوتوني فورا لعند العميد ذو البجامة الزرقاء الرياضيـــة
استجوبوني و سألوني اسئلة كتييرغبيــــــــــــــــــــــة
مين داعمك الحريري ولا العصابة البندريــــــــــــــة
انت ناشط و عم تحرض عالشبكة العنكبوتيــــــــــة
و عم تكتب أغاني للدومري وللدندنة الاندساسية
و بتحكي عالسكايب باسم اللجان التنسيقية
و انت جزء كبير من المؤامرة الخارجيــــــــــــــــــــة
انت مندس انت سلفي انت من الكائنات الجرثومية
انت خاين انت عصابة و داعم للحركات الارهابيــــــة
يا ابني سوريا بلدنا و رح نهديك بطريقتنا للطريق السويـــــــة
زتوني بالارض عالدولاب و ربطوا إجريي بالروسية
وهددوني بالضرب يا أما بصير من العواينية
جاوبتون ب لا و عيوني عم تقدح شرارة قوية
مستحيل خون أهلي و ناسي أبطال القضية
و نزلو فيني ضرب بالعصي الكهربائية
و تفنن الجلاد بالتعذيب و الضرب بالعصي الحديدية
و يطفو السكاير بجلدي .. و جروحي مدمية
صحيح كنت عم أصرخ و ابكي و رفقاتي زعلو عليي
بس كلو كان محسوب و مخططلو بطريقة فنية
خلص التحقيق يا عيني و طلعت عندي صدمة نفسية
خود وقع هالورقة و امورك باذن الله منهيــــــــــــــة
مسيك بايدك هالورقة و اكتوب ورايي ياعينـــــــــي
انا الموقع ادناه سوري مدعوس عليه بالجزمة العسكرية
شاركت بالتخريب و التكسير و الأعمال الغوغائيــــــة
و هاجمت الشبيحة و عناصر الامن الملائكيـــــــــــــة
التي كانت تحاول حمايتنا من الكائنات الفضائيــــــة
و بدون أسباب و بكل وحشية
و شاركت بالتماسي و المظاهرات الجنائزية
و صورت المظاهرات بالهواتف الذكية
و رفعت المقاطع عل يوتيوب للجهات الدولية
و زورت الحقائق عل قنوات المحرضة و التكفيرية
و كتبت اللافتات المزعزعة للوحدة الوطنية
و غنيت أغاني بتجرح مشاعر السلطات العلية
و سبيت بالاسم افراد العائلة الأسدية
و شكلت خلايا مسلحة ارهابية
و كل هادا كان بدون وعي و بدون مسؤولية
و الآن اعلن توبتي و قبولي للنصيحة الأمنيـــــــــــة
رجاع على بيتك و انسى شي اسمو حريـــــــــــــــــة
طبعا بالروحة حلفو عليي و قالولي التوصيلة مجانية و بالرجعة قلتلهن و الله ماحدا بقوم و مشان الله لا تركو عليي
صفنت بحالي و قعدت فكر شويــــــــــــــــــــــة
معئول انا مندس انا سلفي انا من وحيدات الخليــــــة
معقول انا بكره بلدي و بكره الارض السوريـــــــــة
معقول انا مدفوش من برة و بدي زعزع وحدتنا الوطنيــة
لأ ومليون لأ انا سوري و طائفتي سوريـــــــــــــــة بعمري ماسألت حدا انت شو انتمائك انت شو طائفتك الدينية
و رح قلكن ياها بكل بساطة و بكل عفويــة
انا سوري و طائفتي سورية
اليوم انا سوري و بدي حريــــــــــــة


——————————————

[عاشق المستحيل557]

وانا كمان اضم صوتى لصوتك وبدى حريه لسوريا وفلسطين وكل دوله عربيه
القادم افضل باذن الله

[abunoof]

الله يعطيك العافيه

[booody99]

كــلــمــات مــعــبرة فــعلاً وقــيــمة

واســـتـفـدنــا مـنهـا ومـن اســلـوبــك الــراقــي

ســلمـت الأيــادي علـــى الطـــرح المتـــمـيز

كــل الأحتـــرام والتـــقــدير ياحمرة الخجل