في احدي الشوارع وعلي احدي الرصف يجلس شابين يتحدثان

[أحمد الخزرجى]

في احدي الشوارع وعلي احدي الرصف يجلس شابين يتحدثان....
الاول :اهلا يابرنس ايه الاخبار
الثاني:كل تمام يا باشا انت مش عارف صاحبك ولا ايه؟!
الاول :يعني ظبتها!
الثاني طبعا..تحب اسمعك المكالمات كمان
الاول:لا خلاص مصدقك ما انت مافيش واحده تقف معاك
الثاني:وانت ايه اخبارك ؟ البت بتاعتك سهلة معاك ولا افشه
الاول ياعم ده احنا بنتعب و اللهي .انت عارف دي مكلفاني اد ايه ؟بس يلا احنا برده الكسبانين في الاخر
الثاني:علي رأيك المهم نوصل للي احنا عايزينوا
اه انا اخدت من موبايلك شويه ارقام ها اجربهم وانا قاعد باليل واللي تسلك وترد اكمل وربنا يوفققنا!
الاول:يا عم البيت بيتك بس برده متنساش صاحبك وشوفلنا حاجة حلو كده علي مزاجك وتكون جديدة كده
الثاني:ماشي يا معلم طلبك عندي في واحدها انما ايه خام اخر حاجة تقدر تقول عليها هبلة انت بس خش عليها بشوية من بتوع رميو وحبة من بتوع قيس وفهمها انك حيران مبتنامش اليل ها تلاقيها وقعت علي طول
وبعدين مش انا اللي ها اقولك ده انت البرنس برضه
الاول :قشطة عليك كده تمام ....استني عليا يومين ها تلاقي الموبايل مبييطلش مسجات منها وها تبقي هي اللي بتجري ورايا
الثاني :طيب ...يلا سلام عشان ابويا مستحلفلي اول ما اروح وها يعد يرغي بقي والحركات دي وانا مش فاضيله!
الاول:استحمله اهو برضه ابوك!يلا سلام بقي
......وبعد كام يوم.......
الاول :تعظيم سلام للكبير هنا
عاملت ايه يابطل!
الثاني :يا عم متكبرهاش دي حاجات صغيرة كده علي الماشي
الاول :ماشي يا متمكن.....عملت ايه في شروة النمر اللي اخذتها مني .
في حاجة سلكت معاك ولا اتفرقعت
الثاني:عييييييب ده انا صاحبك برده
الاول:يعني ظبت كام واحده من الاخر
الثاني:هو في واحده جاهزة ما شاءالله وعندها استعداد ل any thing
يعني مش ها تأخد في ايدي غلوة
انما في واحده انا مش عارف انا جبت رقمها ازاي اصلا اصلها صعبة موت
اول ما اتكلمت افتكرت النمرة غلط قلت يمكن بتستهبل قلت استهبل ولسه ببدأ
وبقول يا هادي لقيتها صدتني حتتت صده وقالتلي انا بخاف ربنا والحاجات دي حرام
وكلام كده من بتاع الشيوخ ده
بس البت بصراحه جامده وصوتها يخبل
انا بصراحة دخلت دماغي وها اجبها ها اجبها
الاول :غريبة !مين دي اسمها ايه؟
الثاني :اسمها ياسيدي فلانه بس مطتمعش فيها هه
الاول :دي اختي يا....... يا........يا.........يا ابن ال......... انا ها اوريك يا.......

.ومن بعد هذه الحادثة تاب الاول الي الله وعرف جزاء ما كان يفعل
وما زال الثاني علي حاله
فهل يجب علي الانسان ان ينتظر حتي يبتليه الله بمصيبة ليرجع ويتوب اليه
لماذا لا يفكر الانسان مع نفسه ويأخذ قراره بعدم الرجوع الي المعاصي حبا لله ورغبة في رضاه قبل ان يأتي يوما لا ينفع فيه الندم......

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
الأسئله للصبيان والبنات
هل تفعل أنت وأصحابك ذلك ؟
ماموقفك إذا كانت أختك؟
هل ستترك صحبك ولا تلكمه ؟
لو إنتوا ماكنهم ماذا أنتم فاعلــــــــــــــــــــــــــــــــــــــــــــــ ـــــــــــــــــــــــــــــــــــــــون ؟

[ماسةالشرق]

بصراحة الموقف صعب جداً
واللي بيتة من زجاج ميرميش الناس بالطوب
ومستنية اشوف ردود الشباب
تقبل مرورى

[Galaxii Snuorita]

للاسف دلوقتي معظم الاولاد تفكيرهم كده
يكلموا دي ودي ودي ولو جيت تقولهم اتقوا الله انتوا عندكوا اخوات بنات

يقولوا لااا انا راجل والراجل مش يعيبه حاجه وطبعا كله كلام فارغ

وده مش معناه ان البنات معلهاش غلط لا هي كمان عليا جزء من الخطأ الي بيحصل ده

وربنا يهدي بنات وشباب المسلمين يارب

تسلم ع التوبيك

دمت بود

[غزاوية وافتخر]

هو كلهم كده
نادره لما تلاقي شاب بيخاف ربنا
وبيتقيه..
موشضوع مميز ويحتاج الي المزيد من المناقشات

[Muhammad_Adel]

اولا انا حابب ارد علي الاخ الي كاتب الموضوع واقله يا تري انت واحد ذي الناس دي ولا لا واصلا انت ايه الي عرفك الحجات دي ؟واحب ارد علي البنات الي قبلي واي حد هيرد ذيهم انتو ليه بتقطعوا في الولاد دايما هو عشان اي واحد يغلط يبقي كل الولاد مش محترمه انتو ما عندكوش اخوات اولاد ولا ايه وبعدين انتو كلكم ملايكه ولا ايه ؟؟ وبعدين ذي ما فيه صبيان مش كويسه في بنات والله العظيم اكتر مش كويسه والناس عارفه دا كويس اتقوا الله الاول شويه لان الله يقول في كتابه العزيز ( إن الله لا يغفر أن يشرك به ويغفز دون ذالك لمن يشاء ) ويقول ايضا ( ان الله غفور رحيم ) وايات كتير بس انا مش عاوز اطول عليكم وعاوز اقول ان ربنا الي بي حاسب مش نحننا وبعدين انت يا اخ احمد الكلام الي حضرتك كاتبه حقيقي ولو حقيقي طيب حصل مع مين بالظبط ؟؟؟ ولا انتو ايه رأيكم يا شباب ارجو اني ما حدش يذعل مني لاني بجد ما بحبش حد يذعل مني واحب اقلك يا احمد اني مش هجاوب علي الاسئله لانهاوالحمد لله ما حصلتش معايا وما اقدرش اتخيل حاجه ذي كدا وبعدين حاجه اخيره ايه يعني لو الو احد عمل اصحاب بنات واصحاب اولاد سعات الصداقه دي بتحل مشاكل كتير مع ناس كتير بس تكون صداقه وبس وتكون صداقه بجد يعني الواحد يخلي صديقته دي كأنها اخته انا من وجهة نظري المتواضعه جدا والي ما تساويش اي حاجه ان الصداقه بين الولد والبنت مش عيب لان دي احسن من حجات تاني كتير واحب اقولك يا احمد بجد تسلم ايديك علي الطرح الاكثر من رائع ده وفي انتظار جديدك . مع خالص شكري للجميع .

[المرخماتى]

اذكركم ونفسى فى بادئ الامر بايه من كتاب الله عز وجل"واذا سألتموهن متاعا فاسألوهن من وراء حجاب ذلكم اطهر لقلوبكم وقلوبهن "
قال تعالى"فَانكحوهن بِإذن أهلهِن وآتوهن أُجورهن بِالمعروف محصنات غير مسافحات ولا متخذَات أَخدان"
قال تعالى" إِذا آتيتموهن أجورهن محصنين غير مسافحين ولا متخذي أخدان"
وايضا اذكركم بهذا افعل ماشئت كما تدين تدان
واخى الكريم لولا ضعف النفوس الاماره بالسوء الا من رحم ربى من خلال الاثنين الشاب والفتاه لم نرى مايغضب الله
والحمد لله بعض الناس لم تحتاج الى صدمه فيمن المولى عز وجل عليها بالهدايه منذ البدايه
واين دور التربيه والتنشأه الصحيحه دعوى لكل ام واب ان ينشأو اولادهم على حب طاعه الله وترك المعاصى
وبعض الناس يحتاج الى ماس كهربائى لكى يفيقه من الغيبوبه التى هو بها
جزاك الله خيرا اخى الحبيب

[توليلا غسان]

استغفر الله هوفي هيك بشر
هدول مش بشر هدول حيوانات حسبي الله نعمة وكيل فيهم يخدهم ربي
هدول عالم ذبللة
وكل واحد بيسوي هيك الله يبليها في
عشان يحس بلا ذنب

[S n i p e R]

موضوع في غاية التميز

شكر لك

تحياتى