اعملي مساج ,,, للغالي

[أجمل سعوديه]

أكيد كلنا بيوم من الايام جاتنا حالات تعب وارهاق وجسم متكسر اما من سفر وطول طريق ولا رقص وكعب ولا كثرة مشي او رياضة واحنا ما شاء الله باللياقة الله بالخير طبعا اول شي يسويه الشاب او الشابه السعودية انه ينسدح على بطنه ينادي اخوه الصغير يوقف على ظهره وهاتك يا مساج منا منا لا يحمار نزل رجلك شوي ايوه ايوه هنا فوق فوق تحت يمين يمين شوي ااااااااااح الله ياخذك وطيت على جنبي > تسمعين بالاكشن مع هالوصف انتي ووجهتس المهم همن يلوحه من ظهرة وهاتك يا جلد ليمن يعض الارض هالمسكين نعم نعم يا اخوان هذا المساج السعودي بكل اختصار > عاد عجزت القى صورة تمثل حالتهم وصورت لكم ولد عمي مع ولد اختي بس ما لقيت وصلة عشان انزل الصورة بس اتوقع عرفتوا عن وش موضوعي بالطبع عن المساج غضوا البصر يا مال الصلاح المساج : هو تدليك الجسم بواسطة الضغط عليه او تحركينة بطريقة معينه عشان ينتعش وعشان تتحرك الدورة الدموية بالجسم وطبعا له انواع واجد وطرق كثيرة اكثر من150 نوع من العلاج بالتدليك بما فيهم الأشكال القديمة والتقنيات الحديثة بس اهم شي يتطلب ادوات خاصه فيه واجواء مميزة عشان يضبط الوضع والاغراض الي هي الزيوت والكريمات وبعض انواع الصخور وطبعا معروف ان افضل وقت للتدليك هو بالصباح وقبل ما تاخذ حمامك الدافي بس من وجهه نظري انا ان احلا يكون بالليل وقبل النوم لان الجسم ما يكون تعبان ببداية الصباح بالعكس بيكون نشيط ومتصحصح واساسا مافي وقت بالصباح فالافضل بالليل وطبعا التدليك بحد ذاته يساعد على التخلص من المتاعب الصحية ويقلل من التوتر النفسي، والاضطراب والإحساس بنقص الطاقة الي يحصل لنا بعد ما نعمل جهد كبير وبرضوا يخلصك من تقلص العضلات ، والأرق والصدا ومغص البطن وآلام الظهر الي تصاحب الدورة الشهرية طبعا التدليك يعتبر مهدئ طبيعي لحالات نفسية واجد يعني يعوضون المرضا النفسيين الي الحبوب تكون مضره عليهم بالمساج الطبيعي وهكا لان حركات التدليك تخلي العضلات تسترخي وتهدئ ضربات القلب السريعة وتقلل من انخفاض الدم بالجسم وبرضوا في معلومة اخذتها من موقع اجنبي وترجمتها يقولك لما احد يسوي لك مساج يطلق جسمك مادة اسمها الاندورفين وهذي المادة تعزز مستوى السيروتونين والدوبامين وهذول المواد تقوم على بمساعدتك على الشعور بالرضا واذا فيك جرح يتضمد بسرعه > مدري وش دخله بس هم يقولون يعني الي طفشان من نفسة وكارهه حياته ومو راضي عن نفسه يقوم يسوي له مساج وجسمة بتفرز ماده مدري وش اسمها تخليه يشعر بالرضا والسعادة فوائد المساج بشكل عام وللأمانة وعشان ما يصير الموضوع مو من جهدي الشخصي بخليه باقتباس عشان ابري ذمتي تعرفون انا اذا سويت شي مو زين يأنبني ضميري لان ضميري حيييييييييي > انجزي بس فوآئدة : إقتباس » إخراج الرطوبة والبرودة من الجسم .. إزالة ألم الظهر و الكتفين و المفاصل و الرقبة .. يؤدي الى صفاء الذهن - توزيع الدهون للتخلص من السيلوليت الدهني المحاط بالماء .. يعالج بعض حالات الشلل و العقم .. يزيد من مرونة الجسم - علاج العديد من الأمراض كالأرق و التوتر و الآم الظهر و الصداع .. يساعد على التخسيس و شد الج سم - يحافظ على نعومة الجلد .. يخفف من حدة الضغوط .. يساعد علي تدفق الدم .. يساعد على التفكير الإيجابي - يساعد على إرخاء العضلات .. يساعد على الاسترخاء النفسي و النشاط و الراحة .. ينشط الدورة الدموية - يساعد في وظيفة الغدد ذات القناة وعديمة القناه .. يغذي ويولد عمل الإحساس في الأنسجة الظاهرة - يفتح المسامات و يزيل السموم من الجسم .. يهدئ الأعصاب ويسبب درجة أفضل من التطبيق العصبي - يخلص الجسم من الخلايا الميتة أو أي مادة ضارة أو عديمة الفائدة قد تعوق الوظيفة الطبيعية و طبعا في حالات يكون المساج مو زين لهم ومضر : في حالة وجود إصابة في العمود الفقري لان المساج يرتكز اكثر شي بالظهر وجود إلتهاب داخلي أو خارجي وجود فك في المفاصل لان المساج بيساعد على زيادة هذا الانفاك وجود إصابة بالسرطان الله يكفينا شره ومن نحب يارب وجود تمزق في العظلات إرتفاع درجة حرارة الجسم > صحيح والله اتخيل شكلي مصخنه ومساج ما تجي ما تجي وجود دوالي الساقين لان مع المساج يمكن تنفقع الدوالي وع وع وبرضوا في حالات الصرع المستمر أو الربو الشعبي والي عندهم صعوبة بالتنفس الله يعينهم

[أجمل سعوديه]

هالحين من يوم ورايح لا اشوف احد قايل ابي مساج ويقلق ام امنا بالتويتر > تسوي نفسها خبره بالتويتر وجالسة عليه طول الوقت وانا حتى انفلو ماعرف اسوي يا عزتي لي بس , اي اقولكم لحد يقلقنا يبي مساج هذاني بقولكم الطريقة انتو ركزوا بس مع ان ودي اجيب مقاطع تشرح اكثر بس منيب مستعده اتحمل اثامكم فاقروا هذا ولا يكثر لو سمحتوا > لا عمرتس تنزلين مواضيع على ذا الاسلوب .. يقولك جيبي زيت وخليه يصير دآآآآآآآآآآآآآآفي بالنار ومن انواع الزيوت الي تصلح للمساج : زيت دوار الشمس وزيت اللوز وزيت السمسم وزيت البرتقال وزيت طحالب البحر وزيت الليمون وزيت المسمش > طبعا انتي صيري ذكية واختاري الزيوت الي غالبا تكون ريحتهم جميلة بس احسن شي تسحبين عليهم كلهم وتستخدمين زيت بيبي اويل الي غطاه بنفسجي موب وردي هذا ريحته تدوخ لحاله مساج بعد ما تجهزين الزيت اخلعي ملابسك الله يستر عليك وضعي شويه من الزيت على راحة اليد ودلكي جلدك لما الزيت يمتصه الجلد وتكررين هذي الحركة عدة مرات وترجعين على نفس النقطة الي بديتي منها طبعا في حركة المساج الدائرية مو على كل الجسم تستخدمينها بس على المناطق والمفاصل الدائرية مثل الاكتاف والمرافق والاوراك والصدر والبطن وبرضوا في العظام الطويلة والمناطق المستقيمة مثل الرقبة والسيقان والاذرعان والفخذ > وش باقي ؟ باقي ما خلصنا من الحركة الدائرية تستخدمينها على الاذن مو على الاذن على طول لا حولها وعلى فروة الرأس بشكل دائري بعد هذا كله اجلسي استرخي مع نفسك شويه وغمضي عيونك وحط عليهم خيارتين لمدة عشرين دقيقة وبعدها استمتعي بأروق حمام ساخن وبعدها احلا نومة وطبعا ما ننسى الي حولك اذا تعلمتي تسوين لنفسك مساج لا تحرمينهم من مساجك خاصتن زوجتس عشان يصير خاتم بصبعتس الطريقة : يتفصخ المراد عمل المساج له وينسدح على بطنه ويبعد يدينه عن بعض يعني ما يكونون قريبين من البطن او الجنوب بعدين ضعي الزيت مباشرة على الجسم يعني موب على ايدك قبل ولما تبدين خلي طريقة التدليك دائرية عشان تضغط وتنشط الدورة الدموية عاد مافي اسهل منها واستخدمي طريقة الصفع او الضرب الخفيف بشكل متوازن على الجسم ولا تنسين الضغط على العظام> يالله يمديكم تنتقمون وتطلعون مافيكم من حرة على ازواجكم

[أجمل سعوديه]

طبعا الحين يقولون الي يروح تايلند وماليزيا وما يسوون له مساج على البحر ما تسنه سافر واخر شي توصوا له التايلنديين مدري الماليزين ان يخلون نوع من السمك عاد مدري وش اسمه ياكل رجولك وهذا يعتبر مساج اول شي يجيبون حوض ويحطونه فيه مويه وعدد كبير من هذا السمك الصغير تحط رجلك بالحوض ويبدا السمك ينهش رجلك وياكل الخلايا الميته والجلد الميت الله يا عليها ذوق يحوم التسبد يقولك ببداية الشغل يكون السمك واجد مره وبعد ما يخلصون تقريبا بشوي يبدا السمك يوخر عن رجلك فهذا دليل ان الحين رجلك خلاص صار مافيها شي ينوكل وكل الجلد الميت راح وتستمر هذي العملية عشرين دقيقة وبعد ما تخلص بتحس برجلك فيها طراوه وليونه ما حصلتش وهذي بعض الصور التوضيحية مير الله يكرمكم هذي بالرجل وهذي باليد وطبعا يعتبر بديل عن بديكير ومنيكير اخر شي لازم ما ننسى اطفالنا احبانا على المساج والتدليك خاصه قبل النوم لانه يهدي من الصراخ الي عنده والبكاء والرعب اثناء النوم وبعدها بتحسين ان نفسيةة طفلك تحسنت شوي وكل اوضاعه تمام ان شاء الله . واي صح ترا ما كنت ناويه اشكرتس يا فيذا على الخلفية بس شفتس شوي وبتصيحين وكسرتي خاطري وكذا فبشكرتس ولا يهمتس وقسم بالله بعد ذا الموضوع احتاج مساج صعايدة موب اي مساج انكسر ظهري على حسابكم بس ميخالف تستاهلون > ما دروا عنتس يالله ان اصبت فمن الله وان اخطت فمني ومن الشيطان ولا تنسون تقيمون وتردون هالله هالله سبحانك اللهم وبحمدك أشهد ان لا إله إلا أنت استغفرك واتوب إليك

[عاشقة الهدوء]

ههههههههه الله يسعدك يا أجمل سعوديه

بجد توووبيك جاامد جدا وليه عوده بأذن الله

غدا لآستكماله والتمعن فيه أكثر موووفقه

دائما ياحببتى ومتألقه ومتحرميناش من كل جديدك

ربنا يحفظك وأجمل تقييم

[أجمل سعوديه]

عاشقة الهدوء
يسعد روحك حبيبتي

وجودك هو الارووووع

[waiting]

thanksssssssssssssss