العزل السياسي و عمرو موسى!

[SiLver Spectra]

موضوع في السريع و هيكون نقاشي شوية لتوقعاتك الخاصة

دلوقتي في احتمال المجلس العسكري يوافق على قانون العزل السياسي
دا طبعا تحت الضغط الشعبي ,,الايام الي جايه هي الي هتحدد
لكن باعتقادي الشخصي الضغط الشعبي هيخف بسبب عدم قبول ترشح عمر سليمان

طيب العزل السياسي شروطه كلها بتنطبق على من شغل مناصب عليا في النظام السابق من تاريخ 2001 ل2011
يعني عمرو موسى مش هيطبق عليه القانون الي صوره بترفع مع شفيق و سليمان و عليها اكس

و السؤال هنا :
مش ممكن فرص عمرو موسى تكون أفضل لو تم عزل أحمد شفيق ؟
لأن كل مؤيديه في الغالب هيصبوا في خانة عمرو موسى

شخصيا شايف ان وجود شفيق بيشتت الاصوات بينهم الاتنين
اما في حالة خروج احدهم فهتزيد فرصة الاخر
خصوصا ان في انقسام واضح بين مؤيدي صباحي و ابو الفتوح
يعني ممكن النسب تتوزع على دا شوية و دا شوية و مرسي شوية
و يطلع موسى باعلى نسبة

لكن في مقابل دا
ممكن في الاعادة الوضع يختلف و التشتت يتلم ضد عمرو موسى فيخسر

و لا انت شايف غير كدا ؟
كل واحد يقولي تصوره و مين الافضل تطبيق قانون العزل و لا لأ

و كمان تخيل فرضية ان الاعادة كانت بين عمرو موسى و محمد مرسي مرشح الاخوان
هتختار مين فيهم ؟

[dolcy dolly]

القانون ده اساسا مجلس الشعب عمله مخصوص عشان عمرو موسى واحمد شفيق وهيفضلو ورا المجلس العسكرى عشان يصدق على القانون

الكورة دلوقتى فى ملعب العسكر ولازم يشوط والا هيبان فى مظهر انه بيقف جنب الفلول
( على الرغم ان هو يعتبر اول واحد من الفلول اساسا لان مش معقول حسنى مبارك كان بيسرق وبينهب وسى طنطاوى كان قاعد جنبه بيصلى )

بالعربى كدة احنا اللى غلطانين اساسا لان المفروض لما تموت السيد تروح تقتل الكلب بتاعه لان الكلب ولاءه لسيده
وطنطاوى هو دراع مبارك برة وكانت وصية مبارك لطنطاوى اسحلهم وربيهم وكرههم فى الثورة

فانا مش منتظرة اصلا من المجلس العسكرى انه يوافق على القانون لانه مش هيحط السكينة على رقبته ورقبه الكلاب بتوعه

[Lαzєzα]

امممممم

انا موافقه ع القانون ع اساس المبدأ نفسه

يعنى ممكن زى مانت بتقول

اصوات مؤيدين شفيق هتروح لعمرو موسى

بس مهو برده مينفعش اقبل انى ممكن اشيل حد من النظام القديم ومش اشيله

من رأيى الافضل الثبات ع المبدأ نفسه

وبالنسبه لاخر سؤال

شور شور هختار مرسى

معتقدش انى ممكن افكر باحتمال ولو صغير انى اختار موسى؟

موسى مين بس؟

تسلم ايدك طارق

[العسولة ناناخالد]

[دمعه حائره]

انا ضد ترشيح اى فرد من فلول النظام السابق
وكان لازم يتعزلوا سياسيا مع عزل مبارك
ومايدخلوش الانتخابات اصلالان الفتره السابقه
كان ولاءهم لمبارك ضد مصالح الشعب
والمجلس ممكن يوافق على القانون ويعزل شفيق
لانهم عاوزين موسى يكسب
لكن اعتقد الشعب كله حتى لو حصل اعادة
مش هايرشح حد من دول

[حسام الشاعر]

لا عمرو موسى

ولا محمد مرسى ينفعوا يحكموا مصر

عمرو موسى اتربى فى جر مبارك ومالوش اى موقف سياسى يشرف

بالعكس مالوش مبدء الكرسى عنده اهم من اى شىء

ومحمد مرسى يدوب ينفع يكون رئيس مجلس محلى صغير

شكرا لموضوعك الجميل

[الرحــاال المٌتَمرد]

أنا بتفق تماماً مع نظريتك يا طارق
وأتوقع إن فرصه عمرو موسى لو حصل إعاده هتكون أفضل من محمد المرسى لو كان الطرف التانى
لأن كتير من الشعب قلقان من قرارات الاخوان لو وصلوا للمنصب ,,
وكتير حاقد عليهم لانهم سيطروا على كل شىء ف البلد ومبقاش فاضلهم غير الرئاسه
عموما ربنا يولى الاصلح ويصلح الاحوال
وبشكرك على طرحك القييم وفكرك الناضج
تحياتى

[رقة BaNOTa]

انا ممكن اوافق ع القانون ده
بس كده كده تبقا فيه اعاده ومش ممكن اختار عمرو موسى اابدا
فاهطر اني اختار مرسي
ولكن ان شاء الله بتمنى الشعب المصري كله يصوت لابو الفتوح
لان ده احسن واحد فيهم وان شاء الله يبقى رئيس مصر القادم

[aNa MaSrY]

رائع موضوع النقاش ده ::

من رائيي وطبعا بعد ما تم الموافقه من المجلس ع قانون العزل السياسي :

خرج الشفيك // من السباق الرئاسي ::

طبعا انت بتقول انه كان هيشتت اصوات عمرو موسي "!

انا بقى كنت متوقع حاجة تانيه ::

لو مكنش شفيك استبعد اصلا "" حسب وجهه نظرى المتواضعه ( عمرو موسى + شفيك ) = مرشح واحد

بمعنى ان تحت ضغط من المجلس أو بمعنى اخر اوامر من المجلس انه هيتم انسحاب احدهم للأخر

هتلاقى بكره او بعده بالكتير : شفيك يقول : سأدعم عمرو موسى لأنه افضل المرشحين !!

وهنلبس يا صديقى ف الحيط :s :s


^ ^ ^

حسب الاستطلاعات الكتير اللى تمت بعد خروج عمر سليمان وحازم ابو اسماعيل "

المؤشرات كلها بتشير الى "

ابوالفتوح ف المقدمه يليه عمرو موسى وشفيك وحمدين صباحى "

حاليا اتوقها هكذا :- ( متفائل انا )

ابوالفتوح يليه عمرو موسي يليه حمدين "

المجلس العسكرى هيشوف كده طبعا هيخترع اى حاجة يطير بيها ابو الفتوح :s :s

حتى ولو لم يجد :: فانا عندى تفائل كبير لأسباب

الطلاب الجامعيين والنخبه والمثقفين : مع كلا من ابو الفتوح وحمدين

الاخوان : مع مرسي وده اضعفهم فرصه للفوز

الطبقه المتوسطه والفقيرة من الشعب تنحاز الى حمدين صباحى

يتبقى لعمرو موسي طبقه وهم الفلول ": ومن هم مغيبون حتى الان

^^

بعد كل هذا ::

اتمنى فوز حمدين ^_^

[توليلا غسان]

انا مش مع اي حد من نظاام حسني مبارك

وكمان انا ضددد الاخوان

يا رب استر علي مصر

معنديش اكترر من كدة ال في الخيرررر ربنا يقدمو