غناء علي اوتار الحزن

[واد حبيب]

ربنا يشفي كل مريض

[واد حبيب]

بقالي يومين عوز اكتب موضوع مش عارف
حاسس اني زهقان وبدون سبب

[واد حبيب]

https://www.facebook.com/groups/397969100847723/

[واد حبيب]

اوقات كتير الواحد بيفضل يضحك اوي
وبعد ما يخلص ضحك يفتكر هوه كان بيضحك ليه اصلا
ومفيش سبب ان الواحد يضحك عليه
ساعتها بس اعرف انك داخل علي جنان بس براحه

[واد حبيب]

الناس اللي كانت بتقول دخليين علي ايام سوده
اصحو ياعالم احنا وصلنا وعايشين فيها اهو

[واد حبيب]

اكتر التبرعات اللي بتحصل في مصر لصالح مستشفي 57357 ودايما بيجي شكاوي منها انها بترفض تستلم اطفال وكبار طيب لما هيه بترفض التبرعات دي كلها بتروح فين
امس المستشفي رفضت تستقبل المصابين اللي كانو في معهد الاورام

[واد حبيب]

كل يوم تفجير وناس بتموت ملهاش اي ذنب غير انها موجود في نفس المكان اللي في الانفجار كل يوم بنقول اه علي اللي ماتو من اطفال ونساء
كل يوم بنقول اه علي شهداء اللي بيموتو في كل مكان
لحد امته هنفضل كده خايفين وساكتين
لحد امته هنفضل نموت من غير ما حد يسمع كلمه اه اللي جوانا
حسبي الله ونعم الوكيل في كل ظالم مفتري

[واد حبيب]

ماشي في حالي وسرحان
في الايام والعيشه زمان
كانت حلوه وكله متاح
واقول اي اللي جرالي
يارب انا كنت مرتاح
والعيشه معدن وتمام
دلوقتي بدور ومفيش
حتي رغيف العيش
بقول يا رب هون
عوزين بس نعيش
مش عوز اكون غني
ولا حتي اكون فقير
عوز اكون مبسوط
و وسط الناس اعيش
فجأ سمع صوت عالي
والناس بتجري حوليا
بيقولو ده انفجار
عند معهد الاورام
طلعت اجري معاهم
اروح هناك الاقي
الناس علي الارض
الميت والمصاب كتير
بقيت اشيل فيهم
واقول يارب اشفيهم
وربنا يرحم اللي ماتو
سمعت صوت بينادي
وسع وسع يا اخينا
خلينا نصور ونقول
الاخوان قتلو الناس
وانا مش قادر اتكلم
من الصدمه بتالم
ودموعي بتجري علي خدي
لقيت كتير اطفال
طلعه من معهد الاورام
شلين قلبهم علي اديهم
والناس واقفه حوليهم
من المنظر مصدمين
قالو نوديهم فين
قالو مستشفي الشعب
انا وانت وابن عمي واخويا
بندفع تبرعات علشان اهلينا
وصلنا هناك قالو خلاص
مش عوزين ناس تانين
احنا عندنا مرضي كتير
مستشفي 57357
رفضت تاخد اولادنا
وهما بيموتو كمان
من التعب ومن الاهمال


بقلم محمد رمضان
ابو اياد

[واد حبيب]

الغربيه بتبكي
قمه الحزن لما تكون في فرح وفرحان والكل بيرقص
وفي ثواني الفرح كله ينقلب جنازه
بس مش جنازه واحد بس
دي 17 جنازه من اسره واحده في تفجير معهد الاورام

[واد حبيب]

زمان وانا صغير كان ابويا وعمي يخدوني معهم في اي مكان بيرحوه عن اي حد قربنا ويعرفونو عليهم يفضلو يقولو ليا مش عوزين الود ينقطع بعد ما نموت لفة الايام والسنين مات ابويا وعمي وانا سافرت وابن عمي اطوع في الجيش والود انقطع بين الاهل مش بنشوف بعض غير في الافراح
من سنتين تقريبا لقيت واحد بيكلمني من النمسا بيقولي انا عمك ومن العيله من الاسكندريه بس عايش في النمسا بقولو اهلا بيك المهم قالي عوزين نشوف اهلنا ونجمع مع بعض ونعمل تجمعات في كل محافظه
المهم عجبتني الفكره اوي
اول اجتماع اتعمل في قنا ليه قريب كتير اوي هنا
وبعد كده اتعمل في كفر الشيخ والبحيره واخير الشرقيه
اجمعنا وبقينا كلنا ايد واحده وعملنا صندوق تبرعات لاي حد تعبان او محتاج من العيله
لو كل الناس عملت كده هنجمع كلنا ومش هيكون حد لوحده واهلو حوليه ومش عارف حد منهم
صله الرحم حلوه اوي
والهم انك يكون ليك سند جامد تنسند عليا