غناء علي اوتار الحزن

[واد حبيب]

اول سحور في رمضان
ربنا يجعلو شهر خير علينا
ويرفع عننا البلاء يارب

[واد حبيب]

النهارده اول يوم رمضان اول ما مسكت المصحف علشان اقرا فيه افتكرت شخص غالي عليه اوي من سنتين اول ما رمضان جه قالي نشوف مين اللي هيقرا اكتر انا مع ظروف شغلي كنت بقرا جزء او اتنين في اليوم لكن هوه ما شاء الله كان بيقرا كتير
تقريبا كده بقالي سنه واكتر معرفش عنه اي حاجه لكن افتكرتو النهارده اول ما مسكت المصحف في اول ايام رمضان

[واد حبيب]

ايام رمضان بتجري اوي بتحس ان اليوم بيطير
الايام العاديه بيكون اليوم طويل مش عوز يخلص
الايام الحلوه دايما بتعدي في ثواني
يارب بحق الايام الكريمه ابعد عننا كل شر

[واد حبيب]

علي الرغم ان فتحت هنا علشان الاقي حاجه تشغلني في الوقت اللي احنا عايشين فيه دي والدنيا كلها واقفه بس مليش نفس اكتب اي حاجه ولا هنا في المدونه ولا حتي في قسم الخواطر حاسس اني مليش مزاج اعمل اي حاجه هنا خالص مش عارف ليه

[واد حبيب]

يارب انت عالم بحالي وحال كل المسلمين
استرها معانا يارب

[واد حبيب]

والله وحشتيني اوووي يا ....

[واد حبيب]

رمضان السنادي ملهوش اي فرحه زي كل سنه حاسس انه يوم عادي وبيعدي وخلاص مفيش صلاه في الجامع ولا ترويح ولا اي حاجه تقول ان احنا في شهر ربنا
ربنا يعدي الازمه دي علي خير

[واد حبيب]

احنا شعب مش بنحب نسمع الكلام غير لما يحصلنا نصيبه كبيره علشان نعرف ان الله علي حق وكل واحد يسمع الكلام
العالم كله في وباء والكل قاعد في بيتو الا الشعب المصري شعب يختلف عن الاخرين بيحب الزحمه موت كانه مولود في الزحمه دي
مفيش حد هيلتزم بينه غير لما يحصل نصيبه بجد

[واد حبيب]

كنت عامل حسابي ان انزل مصر في اخر شهر 3 لكن جه كورونا بوظ كل حاجه

[واد حبيب]

علي الرغم اني مش عارف عنها اي حاجه من فتره
بس كل يوم لزم اصبح عليها حتي وهيه مش معايا