صاحبك .. إهداء لصديق وأخ هنا

[نهر النيل]

صاحبك




صاحبك وقت الشده يبان
يسهر ليلك يكسر ويلك
يهزم وياك الأحزان


يمسح أى دموع فى عنيك
يفضل جنبك رهن إيديك
مع أحزانك يبقا الفرح
مع حرمانك ضد الجرح
صاحبك مهما إن كنت أكيد
دايما ليك بيمد الإيد
صاحبك جنبك ولا بعيد
فى الحالتين بتحس أمان


صاحبك يحفظ كل عهودك
عمروا ما يخلف يوم لوعودك
يفضل مهما زمانك خانك
نبض كيانوا زى كيانك
مهما الدنيا هتغدر بيك
مهما هتنسى وتقسى عليك
يملا الدنيا كتير حواليك
ود وحب وشوق وحنان


صاحبك مش ف الفرح وبس
صاحبك لو فيك جرح يحس
يكسر همك آه ويضمك
لأ ويحاول يبعد ألمك
صاحبك فين دلوقتى يكون
زمنى وزمنك كلوا جنون
صاحبك عمروا ف يوم ما يخون
ولا يعرف أبدا نسيان ..


**


هذه الكلمات ..
اهداء لأخ وصديق هو يعرف نفسه
أحترمه وأحبه كثيرا
وكان هو الضوء الأحمر دون قصد لميلاد هذه الكلمات ( الصادقه )
له مني دوما ( كل الحب )
ودون ذكر أسماء
سيعرف نفسه ( بالإحساس )
لأنه ( بحر ) من المشاعر .