جوزى مش بيصلى أتفضلى وأنا أقولك تعملى أيه

[عاشقة الهدوء]

السلام عليكم ورحمة الله وبركااته يا بنات بينى وبينكم انا عارفة ان مشاكل ستات كتير ان جوزها مش بيصلى للاسف او بيصلى ويقطع وبنخجل نتكلم مع حد فى الموضوع دة جداااااااااا وتبتدى وصلة الصويت والشتايم وانت كافر وانت لازم تطلقنى وطبعا الزوج يرد الرد المعروف انتى مالك هوة انتى اللى هتحاسبينى ولا انا بينى وبينكم انا اتواجهت بالمشكلة دى مع جوزى وكنت حزينة قوى قوى لانى شيفاة كويس وطيب وابتدى الشيطان يدخل ما بينا حبة حبة وابتديت ان احس انى حبى لية بيقل شوية شوية ..... وفى ليلة قررت انى مش هايئس ابدا وهحاول مرة واتنين وعشرة ومليون لحد ما اغيرة وفعلا يا بنات وأليكم الخطة المتينة 1_الجئ لربنا بالدعاء وخصوصا فى صلاة الفجر (متعرفوش دى مهمة ازاى جدا جدا جدا )وافتكرى قول الله انك لا تهدى من احببت ولكن الله يهدى من يشاء يبقى لازم تدعيلة كتيررر جدا ومعلش اهم شئ ما تيئسيش خالص لان الشيطان بيدخل فى حتة الملل دى ويقولك دة انسان مفيش فية فايدة قوليلوا ابدا انا حغيرة اذا كان الكافر بيسلم يبقى المسلم اللى فطرتة سليمة هيكفر لالالالا 2_تانى حاجة دى يا سيتى عايزة ذكاء الانثى اذاى ! اقولك انا انا جبت على الكمبيوتر صور ازواج بيصلوا مع بعض وكتبت تحتهم _(يارررب ارزقنى بلحظة زى دى ولو مت بعدها انا راضية ) واتعمدت انة يشوفها بس قال اية انا مش واخدة بالى خالص (عبدة العبيط يعنى )* ومتعرفيش الكلمة دى عملت فية اية سابت علامة كبيرة والله 3_حكيتلة عن صحباتى الوهمين يعنى وبينى وبينكم كدة انهم بيصلوا الفجر وازواجهم بيبقوا الامام وهما بيصلوا وراهم ياااااااة وعينى دمعت تصدقوا يا بنات اتكسف جد ااوبقى مش عارف يودى وشة فين من الاحراج والله انا ربنا اللى كان بيلهمنى المواضيع دى لانة هوة عارفنى انى خيبة ولا بخطط ولا بدبر ولا حاجة ابدا فهوة اخد الموضوع ثقة يعنى ودة ساب علامة جامدة جدا جدا جدا 4_اوعى اوعى اوعى تقوليلوا تعالى صلى وتتعاركى وتعملى الحبتين دول يا كافر يا يا يا يا انا خسارة فيك انا ضوفرى برقبتك انا فى الجنة وانت ........ اوعى يا فتوكة اوعى انتى كدة بتخلية يعند معاكى اكتر وبتبعدية عن الصلاة خالص 5_ودى مهمة برضوة صلى الفجر وكل الصلوات جنبة وهوة نايم وهوة صاحى وهوة بيلعب على الكمبيوتر هتقولى نايم فى قوضة الاولاد اقولك وراة نايم فى الانترية برضوة وراة وراة وفى كل الصلوات فى البداية هيبعد خلى بالك دة الشيطان بيحسسة بالخنقة وبعدين حتلاقية يستسلم للامر الواقع ويبص عليكى وساعتها هتحسى ان معملتة معاكى اختلفت والله 6_وانتى بتصلى جنبة كدة زى الشاطرة ادعيلة وسمعية انك بتدعيلة وادعى ربنا يقربكم من بعض فى الجنة ان شاء الله وفى الدنيا كمان 7_كلمية عن بيتكم فى الجنة وعرفية ان المتحابين فى الله ربنا بيجمعهم تحت ظل عرشة قوليلوا نفسى نكون متحابين فى الله كدة وتدخلنى الجنة وانت ماسك ايدى زى ما دخلتنى بيتنا دة وانت ماسك ايدى كدة والله والله انا أشتغلت على كدة شهر واحد بس وجوزى ما استحملش خالص خالص وبقى يصلى بية امام انا والاولاد وربنا اكرمنى جدا ولا عمرى كنت احلم بنص المعاملة اللى بيعاملهالى الايام دى والحب والكلام الحنين حتى فى الخلاف الطبيعى بقى مالوش نفس يتكلم كتير غير زمان والجدال اللى مش بينتهى وبقى يصلى فى الجامع كمان معادا الفجر بيصلية جماعة معايه زى ما دعيت ربنا تتخيلوا انا والله مش مصدقة نفسى يارب الموضوع ربنا يجعله سبب نافع وناخد ثواب رجالة صلت وثواب ستات محتارة وكارهة اجوازها بسبب الموضوع دة ويارب اكون أفدتكم بتجربتى الصغنونة دى وفى امان الله جزى الله هذه ألاخت الفاضله على المجهود القيم والرائع هذا الموضوع رااق لى نقلته لحضراتكم أسال الله أن ينفعها به أختكم ,, عاشقة الهدوء ,,

[ساحر الأحزان]

معلومات جميلة منك ونصايح قيمة جدا

وترك الصلاة مشكلة من الزوج وخصوصا امام الله وزوجتة وابنائة

فهو رب الاسرة وسوف يحاسبة الله على ما قدمت يداة

جزيتى كل خير على توضيحك القيم

[براءة حلم]

الله عليكي ياهبه موضوع اكثر من رائع
بجد استفدت منه كتير يارب يهدينا ويهدي ازواجنا يارب
تسلمي ع الموضوع تقيمي لجمال طرحك

[عاشقة الهدوء]

اقتباس المشاركة الأصلية كتبت بواسطة ساحر الأحزان معلومات جميلة منك ونصايح قيمة جدا وترك الصلاة مشكلة من الزوج وخصوصا امام الله وزوجتة وابنائة فهو رب الاسرة وسوف يحاسبة الله على ما قدمت يداة جزيتى كل خير على توضيحك القيم

حقااا أخى ماقولت أسعدنى مرورك القيم

لا حرمنا الله من حسن توواجدك أحترامى لشخصك

[عاشقة الهدوء]

اقتباس المشاركة الأصلية كتبت بواسطة براءة حلم الله عليكي ياهبه موضوع اكثر من رائع بجد استفدت منه كتير يارب يهدينا ويهدي ازواجنا يارب تسلمي ع الموضوع تقيمي لجمال طرحك

تسلمى ياحببتى على التقييم أسعدنى بجد مرورك الجميل

والرااائع وياارب أهدينا جميعا للخير نورتينى ربنا يبارك فيكى ويحفظك

[شاعر واسير الحب]

شكرا علي الافادة والمعلومات
دمت بخير
تسلم الايادي
لك تحيتي

[عاشقة الهدوء]

اقتباس المشاركة الأصلية كتبت بواسطة شاعر واسير الحب شكرا علي الافادة والمعلومات دمت بخير تسلم الايادي لك تحيتي

تسلم من كل سوء أستاذ جلال مرورك أسعدنى ربنا يبارك

فى حضرتك نورتنى أحترامى لشخصك وتقديرى

[رووكه]

هقولك حاجه ربنا ذكرها فى القرآن الكريم

( إنك لا تهدي من أحببت ولكن الله يهدي من يشاء وهو أعلم بالمهتدين )

صدق الله العظيم

بعنى الهدايا من عند الخالق مش مننا احنا ندعى وبس وربنا يستجاب

انتى وضحتى كويس قوى ازى الزوجه تتصرف مع جوزها

فيه رجاله مش بتحب الامر وخصوصا فى موضوع زى ده

ممكن يكون بيصلى بس وهو لوحده ومش قدمها بحيث

انه مش يحسسها انه نفذ امرها

وبردو وكل ما يشوفها بتصلى قدامه اكيد هيغير بس

مش تفضل تزن بقى انا هقوم اصلى ومش عارفه ايه

بالحسنه بتوصل الزوجه للشئ وتنفذه

واكيد هو بيفرح بيها رغم غضبه لو زنت عليه

بس بيكون عارف انها خايفه عليه وعوزاه فى الجنه معاها كمان

فيارب يهدئ كل الرجاله وشبابنا ويهدينا جميعا اللهم آآمين

تسلمى هوبتى على طرحك القيم موضوع فعلا تاعب ناس

كتير تحياتى وتقديرى وتقيمى 5 استار اهو ماشى

هههههههههههههه

مننحرمش منك يا قلبى

[عاشقة الهدوء]

اقتباس المشاركة الأصلية كتبت بواسطة روكه2 هقولك حاجه ربنا ذكرها فى القرآن الكريم ( إنك لا تهدي من أحببت ولكن الله يهدي من يشاء وهو أعلم بالمهتدين ) صدق الله العظيم بعنى الهدايا من عند الخالق مش مننا احنا ندعى وبس وربنا يستجاب انتى وضحتى كويس قوى ازى الزوجه تتصرف مع جوزها فيه رجاله مش بتحب الامر وخصوصا فى موضوع زى ده ممكن يكون بيصلى بس وهو لوحده ومش قدمها بحيث انه مش يحسسها انه نفذ امرها وبردو وكل ما يشوفها بتصلى قدامه اكيد هيغير بس مش تفضل تزن بقى انا هقوم اصلى ومش عارفه ايه بالحسنه بتوصل الزوجه للشئ وتنفذه واكيد هو بيفرح بيها رغم غضبه لو زنت عليه بس بيكون عارف انها خايفه عليه وعوزاه فى الجنه معاها كمان فيارب يهدئ كل الرجاله وشبابنا ويهدينا جميعا اللهم آآمين تسلمى هوبتى على طرحك القيم موضوع فعلا تاعب ناس كتير تحياتى وتقديرى وتقيمى 5 استار اهو ماشى هههههههههههههه مننحرمش منك يا قلبى

اللهم أمين تسلمى ياحبيبة قلبى وجهة نظر ك رااائعه وقيمه وحقا ما ذكرتى

الهدايه فى الآول والآخر بيد الله عز وجل أسعدنى مرورك الرااائع

والمتألق ياروكه وتسلمى ياحببتى على الفايف أستار ههههههههههه

نردهالك فى الآفراح أن شاء الله :sml2: نورتينى ياقلبى

ربنا يسعد قلبك وتتهنى اللهم أمين