ربى قل لأمنياتى كونى

[dяєαм..|♥]

تالت عيد ام يعدى من غيرك ي ماما
والله الاياام عدت بسرعة اووى
انا فاكره اخر عيد يوم قضيته مع ماما
يوميها كنت معايا فلوس كتير
وكنت مبسوطه اوى
ماما قالتلى خلى فلوسك معاكى انتى اللى حوشتيهم وانتى اللى هتصرفيهم انا مش عايزه حاجه
وقلتلى يكفينى بس بووسه منك وكل سنه وانتى طيبة وخلااص
كنت ساعتها فى سنه سته ابتدائى
ومكنتش اعرف انه هيكوون اخر عيد ام ماما تقضيه معانا
ماما توفت بعد العيد ده بشهرين بس
انا مكنش بالنسبة لى اليوم ده عيد وبس
لا والله العظيم كل يوم ماما بتكون معايا فيه بيبقى عيد
وحشتينى اوى ي ماما والله
والله حيااتى من غيرك وحشة اوى
انا مش مصدقة انى بدل ما انزل اجبلها هدية اروح ازورها
فيه فرق كبير اوى
الحمد لله ع كل حال
وكل سنه وامهات مصر كلها بخير
وربنا يرحم امهات المسلمين اجمعين
^^

[dяєαм..|♥]

جــايه ارد ع التقييمات دى وهمـشى علطول ^^

روح صامتة
ميرسـى ليكى ي مى
منورانى دايما والله ^^

واد حبيب
الله يرحمها ^^
نورتنى

Mr. M ! r o
ميرسى ليك
نورتنى ^^

احضان الحبايب
صح والله
عندك حق ف كلامك
منورنى ^^

SiLver Spectra
اميين يارب
ميرسى ليك
نورتنى ^^

احضان الحبايب
امين يارب
ادعيلى بس ربنا يصبرنى ^^
منورنى والله


شكرا ليكووا ي جماعه
نورتونى والله

[dяєαм..|♥]

سلاام عليكم

مش هقول ازيكووا بقى
عشان والله انتوا وحشين
بعد بالاسبوعين مش بدخل ولا حد بيسأل عليا
ده انا بفتكر انى هدخل الاقى عندى رسايل بالعبيط
بس للأسف مش بلاقى ولا رساله
والله انتوا بتقفلونى خالص
عموما انا هطلع احسن منكوا
وبرضو هقولكوا وحشتوونى خالص
^^

[dяєαм..|♥]

انا ساعات كده بفكر فى حاجات مجنوونه
بمعنى انها حاجات مستحيلة اصلا

يعنى مثلا ساعات بتخيل لو فيه جهاز بيسجل احلامنا !!!
ازاى بقى معرفش
صوت وصوره كمان
يعنى مثلا انا احلم حلم واقوم براحتى بقى
الجهاز ده هيكون متوصل عندى بس برضو محدش يسألنى ازاى ^^
واقوم جاية بقى شايفة الحلم ده لوحدى واسجله باسم كمان
ويبقى عندى بقى احلاام كتير اووى
واعد بقى اتفرج عليها
وساعات بقى يبقى فيه كواابيس كده
وارتبهم بقى كده من الحلو للوحش
او ارتبهم كأحداث مسلسل كده
ولا احلى مسلسل تركى والله ههههه ^^
انا مجنونه اووى عارفه
بس انتوا متتخيلوش انا الاحلام دى بتهمنى اد ايه
ممكن لو حلمت حلم حلوو اعد افكر فيه اسبووع كامل
وبرضو لو وحش نفس الكلام
وببقى مضاايقة اووى لو صحيت ومش فاكرة الحلم اللى انا حلمته
يلا اهوه كله تخيلاات وخلااص ههههه ^^

[dяєαм..|♥]

صـباح الخير

امممم بما انى يعنى عندى تؤام
فانا قوولت بقى اما اتكلم شوية عن تؤامى
بدايتا كده انا اصغر منها بخمس دقايق
تصوروا هى اكبر منى بخمس دقايق بحالهم
والخمس دقايق دوول بقى هى عملاهم ولا كانهم خمس سنين
بحس انها اختى الكبيره بجد والله
المووهم حياتنا بقى مختلفه عن حياه اى حد تانى
كل حاجه بنمشيها بالدور
يعنى مثلا تنضيف الشقه بالدور
ممكن دى اى اخوات بيعملوها
بس بجد ف ابسط الحاجات بنمشيها بالدور
يعنى ع سبيل المثال النوم
هى النهارده صحت الاول
يبقى بكره لازم انا اللى هصحى الاول اظن مفيش حد كده هههههه ^^
وي سلاام بقى ع تفكيرنا
بنفكر فى نفس الحاجه مع بعض ف نفس الوقت
واحنا الاتنين لو اعدنا مع بعض لوحدنا مقولكوش بقى ع اللى بيحصل
بنبقى مجانين ع الاخر
ف البيت اكيد الكل بيعرف يفرقنا بس مكدبش عليكووا احيانا بابا بيتلغبط ^^
ف الشارع بقى بنسمع كومنتات مختلفة من الناس
يعنى مثلا فى ناس تقول تؤام عادى
وناس تانيه عايزه تستظرف نفسها تقول تؤاؤ
وناس بقى تقول 2m وناس بقى توينز عادى
وناس غريبه بقى تقول ايه ده انتوا اخوات هههههه ي راجل لا اصحاب
من الاخر بكره اليوم اللى بنزل فيه الشارع مع تؤامى
بصرااحة بنبقى عاوزين نولع فى بعض
انا حبيت احكيلكوا لانى الحاجات دى كلها بالنسبالى عاديه بس بحس انها غريبه اصلا هههههه
بس بجد احسن حاجه ف الدنيا انو يكون عندك حد يشبهك فى كل حاجه
شكلك مضمونك وتفكيرك كله كله
بجد ربنا يخليكى ليا ي لولو

يلا تـصبحوا ع خـير بقى
اصل انا اللى هصحى بكره الاول ههههه ^^

[dяєαм..|♥]

صبــاح الخـير
مش عارفه بصراحة ابدأ ازاى
بس كل اللى اقدر اقوله انى بفتكر كل حاجه عدت عليا
المشكله انى بفتكر اوحش ايام عشتها ف حياتى مش عارفه لحد الوقتى انا كنت بحلم ولا ايه
يعنى انا فيه ايام عشتها فعلا والله انا مش عارفه انا ازاى عشتها ازاى اصلا استحملت
الايام دى ايام وفاه مامتى حبيبتى
اعدت 20 يوم ماما كانت لسه عايشه وع الرغم من انها كانت تعبانه اوى بس كان عندى امل انها هتقوم تانى
كنت دايما بصدق بابا لما يجى ويطمنى ويقول ان ماما كويسه وانها هترجع بالسلامه
ولما اخويا كان يواجهنى بالحقيقه ويقولى ماما ممكن تروح مننا انا اللى كنت بقوله يسكت وميتكلمش معايا تانى
بس يمكن انا اللى كنت غلطانه علشان كنت بميل للحاجه اللى تطمنى وبس
كانت فكره ان ماما تموت دى مكنتش بتيجى ف بالى ولو حتى لحظه
لما اعد مع نفسى وحاجه زى دى تيجى ف بالى استغفر ربنا واقول ايه الهبل اللى بفكر فيه ده ازاى اصلا ماما تروح مننا
لحد ما جه اصعب يوم ف حياتى
كنت راجعه زى اى واحده مخلصة الامتحانات فرحانه لانى خلصت
وخلاص بقى هروح اعد مع ماما لحد ما تقوم بالسلامه بس لما رجعت البيت
انا شوفت وشوش غريبة وحزينه اوى بس مش مبينه
ولما روحت لاخويا وكاانت الدموع ف عنيه وسألته مالك
قلى مفيش انا بس مضايق محلتش كويس فى الامتحان يوميها انا قلتله متزعلش هتعوض فى اللى جاى
مع انى كنت عارفه بس برضو مش عارفه اواجه الموضوع ببساطه كده

بس دلوقتى انا لما بعد مع نفسى مبقدرش استوعب ان ماما اصلا مش معايا ؟؟
انا مش بشوفها بس لما افتكر انها مش معايا فى البيت
بقول لا ده هى اكيد مسافرة وهترجع قريب
بس امتى معرفش
بس المهم برضو بخلى عندى امل انى هشوفها
بس دايما انا احب اصبر نفسى بقول كده
ودايما برضو محبش اواجه الحقيقة
اللى اصلا المفروض اواجهها بقالى سنتين
انا والله مش عارفه هعرف اكمل كده ازاى
خصوصا ان انا لسه بستوعب
وكل اما الايام تعدى كل اما استوعب اكتر
نفسى اتكلم كتير اوى اووى بس انا عارفه انى لو اتكلمت اكتر كمان مش هخلص خالص
وكمان اكيد محدش مستعد يسمعنى اكتر من كده
بس انا يعتبر بفضفض باللى جوايا بس مش اكتر ^^

[dяєαм..|♥]

Ŗăήćy

مرام حبيبتى
وانتى وحشتينى اوى والله
الحمد لله ي قمرى
ولا يهمك ^^

طمطم

امين يارب
ويصبرك ي جميل يارب ^^

Words Whisper

بجد
مكنتش اعرف والله
ده انا ع كده بقى خيالى مرحش لبعيد ههههه
منورانى ي جميل ^^


تيتشر نفشه ツ

امين يارب
ويخليكى ي جميل ع كلامك ده
والله وانا صابرة ع اد ما اقدر
كل اللى عوزاه منك تدعيلى ربنا يصبرنى
نورتينى والله ^^

نورتونى ي بناتيت ^^

[dяєαм..|♥]

صبــاح الخــير
النهارده كان يوم جميل اوى بالنسبة ليا
اولا كده انا اليومين دوول مش بذاكر خالص
مع ان الامتحانات ع الابواب ودى ايام مراجعة
بس انا بقى قولت اخرج من الموود اللى انا فيه ده
وخرجت النهارده مع اخواتى لفينا المنصورة كلها
واشتريت شوية حاجات
واصلا مكنتش اشتريت من زماان ولا شوفت اى حاجه جديده
وده لأنى كنت علطول بلبس الاسود مكنتش بغير
بس بابا صمم انى لازم اغير
المووهم وبعد ما اشتريت اللى انا عوزاه
وبعدين بقى كلنا فى كوك دور
اتمشينا كتير اوى لحد ما تعبنا
ومع اننا لما روحناا كنا تعبانين وع اخرنا
بس اعدنا نلعب ونهزر ونضرب فى بعض ههههه ^^
والله كان يووم حلو اوى
ويمكن غيرت جو الى حد ما يعنى
نفسى بقى يبقى طول الاسبووع زى اليوم ده كده ههههه
بس تمام اوى ع كده
الايام الجايه ناوية ابدأ فى الجد شوية واذاكر بقى
ادعولى ^^

[dяєαм..|♥]

لــسه صــابرة
وعنــدى امــل ان ممـكن ربـنا يعوضــنى بأحـسن من اللـى بتمـناه =)
يــااارب ♥

[dяєαм..|♥]

عرفت انا دلوقتى ماما كانت مضايقه ليه اخر مره شوفتها ف حلمى
وده عشان خالو تعبان اوى
انا مش قادره اوصفلكم علاقه ماما بخالو كانت عامله ازاى
ومش قادره برضو اوصفلكم انا مضايقه اد ايه
انا كل ما اكون فرحانه ومش مضايقه تيجى حاجه تقفلنى وتضايقنى
هو انا هفضل كده لحد امتى
اللهم لا اسالك رد القضاء ولكنى اسالك الطف فيه
صبرنى ياارب
ادعووله ي جماعه عشان خاطرى