ربى قل لأمنياتى كونى

[dяєαм..|♥]

للدرجادى مش بتحبيهم
ومش بحب سيرتهم كمان
طب هما عملوا ايه فيكى لكل ده
ماحنا نذكر محاسن موتانا بقى
هما ماتوا !!
أه بالنسبالى ماتوا =(

[dяєαм..|♥]

مساء الخير
ازيكوا .. وحشتونى بجد
وعارفه ان انا وحشتكوا كمان ,, عارفه عارفه بس اكيد مش عارفين تعبروا احم احم ههههه :d
فيه حاجات كتير اوى عاوزه احكيها
هقولكوا الوقتى موجز لاهم الانباء ^^
12/3 لحد الوقتى .انا وندى وبابا اعدين لوحدنا ف البيت
17/3 فى مسابقة كانت عندنا ف المدرسة وغنيت انا وندى
والحمد لله لأول مره اقتنع بغنانا ع المسرح وبالمايك
واقتنعت بعد ردود الفعل بصراحة كانت جميلة اوى ,, كان يوم جميل
21/3 .عيد للأم ويوم وحش بعد يوم حلو
22/3 . هدف لمحمد صلاح ^^
26/3 . امتحانات الميد تيرم بتاعتنا اتلغت بس كل مدرس من حقه انو يدى امتحان ف حصته وف الوقت اللى شايفه مناسب .. والحكاية دى اصعب اصلا >> ترشح السيسى للرئاسة وفوزه مقدما >> واشرب بقى ي معلم والف الف مبرووك وورينا شطارتك وحاجات كتير بقى
27/3 . خالو جالنا بعد غياب
28/3 . دخلت بنات مصر وكتبت ف صفحاتى ^^
29/3 . اوحش يوم ليا ف الاسبوع علشان بتبهدل ف الدروس
وكفاية كده بقى
فى امان الله

[dяєαм..|♥]

واخييرا خلصت امتحانات ^^
بجد انا مش مصدقة انى خلصت السنه دى
اولى ثانوى دى سنه زفت اصلا
كانت سنه صعبة بجد بكل ما فيها
الحمد لله ^^
وتانى حاجه مش مصدقاها انى داخلة تانيه ثانوى
وهحدد بقى علمى ولا ادبى والكلام الكبير دهون
لسه فاكرة وانا لسه ف اولى اعدادى
انا اول مره دخلت فيها المنتدى كنت فى اولى اعدادى
والوقتى يعتبر بقيت ف تانيه ثانوى
ده الواحد كبر والله ي ولاد
وكمان فاكرة ف بداية السنه اما كنت محتاره بين عام وفنى
الوقتى محتارة بين علمى وادبى
الايام بتعدى بسرعة اوى بجد
المووهم المنتدى وحشنى ووحشنى كل حاجه فيه
وان شاء الله بقى ادخل علطول ^^
بس بجد بقى احلى حاجه ان الواحد يحس براحة بعد تعب كبير
كده فعلا هتحس بقيمه الراحة ,, اكتشفت ان كل السنين اللى فاتت دى واحساسى لما الاجازه تيجى مش زى احساسى الوقتى
لأنى تعبت فعلا السنه دى جدا
ادعولى بقى ربنا يدينى ع اد مجهودى وتعبى ويوفقنى ف النتيجة ان شاء الله
^____^

[dяєαм..|♥]

نقاء
ويوفقك ي رب تسلمى ي جميله ^^

العاشق الذى لم يتب
ههههههه وانا مالى هو انا اللى هحاسبهم ,, ربنا يهديهم وخلاص

حلم عمرى
الله يبارك فيكى ي جميل
اها اكيد ان شاء الله نتيجتى طلعت اصلا خلاص ليكى شيكولاته بقى ابقى فكرينى ^^
ان شاء الله ,, منوره والله ي قمر ^^

morshooo
منور بيك والله ,, تسلم ي مورشو ^^

تسلموا ي جماعه ^^

احنا الحمد لله نجحنا ^__^
جبنا النتيجه النهارده
هى اى نعم جت بطريقة غريبة شوية
بس ماشى تمام
انا صاحيه م النوم لقيت واحده صاحبتى م الشارع بتنده ,, هى فضيحة شوية
ي ندى ي ريم ,, ي ولاد نتيجتكوا طلعت
فتحت البلكونه قلتلها ايييه
قلتلى رييم جابت ,, قلتلها لا والنبى بلاش استنى انا نازلة
بس الحمد لله لحقت نفسى قبل الفضاايح ^^
بس والله لما عرفت النتيجه قولت يعنى كان ممكن تقولها ف الشارع
بس برضو بصوت واطى شوية ههههههه
المووهم الوقتى ,, نجحـنا
يلا عقبالكوا كلكوا ي اطفــال << بقول اطفال دى اما ببقى مبسوطه ,, استحملونى بقى شوية ^^

[dяєαм..|♥]

فيـه ناس كتير اوى بتمـوت الأيام دى
ومش اى ناس ,, دول شباب صغيرين
انا عن نفسى مات ليا شباب كتيير
اصحابى وقرايبى من بعيـد ,, وكل ما اسمع بموت واحد فيهم
انا بستغرب اوى وبجد بتفاجىء
لما اسمع ان تلاته شبـاب ماتـوا ف نفس اليـوم
ساعتها انا هستغـرب ,, ومن هنـا بقى هتـأكد ان الموت مش بالسن
ولمـا اعرف كمان ان اللى مـاتوا دول كـانوا زى الفـل
لا كـانوا تعبانين ولا ماتوا ف حادثة ولا حاجه
وجالهم المـوت مفاجىء كده ,, انا هستغرب اكتر
ومن هنا برضـو هعرف ان الموت مش بالمرض ولا علشان حادثة ولا غيره

يعنى بيكونوا صغيرين ومش تعبانين وماتـوا فجأة
لا مكحكحين ولا بيعانوا من اى حاجه ,, زى ما ناس كتير بيفكروا كده
يعنى انا ممكن اموت دلوقتى حالا ف نفس ذات اللحظة ,, ساعتها انا هعمل ايه

السـؤال هنا بقى
هو احنا امتى هنفكـر نعمـل لأخرتنا .؟
ليه لما بيجـى الموت ف دماغنا ولو لحظه ,, احنا اه بنخاف بس وبعدين يعنى .؟
هنخاف وبعدين ايه النتيجه ,, هنفضل خايفين خايفين لحد ما نموت واحنا خايفين
طب مانت خايف اوى كده ما تعمل حاجه لاخرتك ,, حاجه تقابل بيها ربنا
وبتـوصل بينا ان احنا ممكن نقول ,, لأ لسه شوية علينا احنا لسه صغيـرين
بعد كل اللى بيموتوا ,, الناس بتمـوت فجأة من غير اى حاجه
واحنا برضو مش قادرين نستوعب ان احنا ممكن نموت ف ثانيه
صغيرين او كبار ,, بيموتوا برضو والله

ربنا يرحم جميع اموات المسلمين اجمعين ويغفرلهم ويدخلهم فسيح جناته
ويجمعنا بيهم ي رب ف الفردوس الاعلى
وربنا يهدينا ي رب
وبطلب منكم تدعوا لصاحبتى نور بالرحمه والصبر لأهلها
وكمان تدعوا لصاحبتى التانيه ايمان بالشفاء العاجل ليها ان شاء الله
ولخالتو بقى بالمره ربنا يقومها بالسلامه وتخرج من المستشفى ع خير
وكمان بقى ادعولى كده ربنا يقوينى ^^
فى امان الله

[dяєαм..|♥]

كتـر الهم يخـف الدم
# حقيقة

[dяєαм..|♥]

اسكـونى ^^

[dяєαм..|♥]

اللهم فرج كربى ويسر امرى وفرح قلبى
موجوعة ومكسورة اوى ,, لدرجة انى حتى مش قادرة اتكلم من كتر خنقتى
الحمد لله ع كل حال
محتاجه دعواتكوا اوى ع فكره

[dяєαм..|♥]

ياما بنقابل مشاكل كتيير ف حياتنا
وحاجات كتير بتضايقنا وتأثر فينا
بس فيه حاجه معينه بقى بيبقى تأثيرها اكبر من اى حاجه تانيه
وبعد كده بتلاقى عندك لامبالاة ف اى حاجه تحصلك بعد كده
لأن ببساطه انت عديت بالاصعب ,, يعنى من الاخر خلاص معدتش فارقة
اهو ده احساس صعب اوى ,, احساس التوهان واللامبالاة
ان من كتر الحزن خلاص اتعودت ,, وتخاف تفـرح
اللهم انى لا اسألك رد القضاء ولكنى اسألك اللطف فيه
الحمد لله ع كل حال ^^

[dяєαм..|♥]

ان لله وانا اليه راجعون
ربنا يرحمك ي خالتو