حاجات مش كويسة مش لازم نعملها

[شاعر واسير الحب]

حاجات مش كويسة يافوزية مش لازم نعملها

حاجات كخه مش لازم نعملها

فى حالة من الهجوم كله بيسال هى ايه الحاجات الكخه ده

تعالى اقولك واخد فيك ثواب يافوزية واحولك للست ذكية

يالله معاى
ومن الاول احنا اتعودنا مع بعض بلاش اكل فول

انصح بشرب الليمون

كتير من الستات عليهم شوية عادات تتطفش بلد وبالذات بتطفش المحروس من العين

سمعت دلوقتى واحدة بتقولى ...اخلص ياض ..... وقول المفيد

اوكى براحة علينا شوية

تعالوا نتعرف على بعض هذه العادات التي يشكو منها معظم الرجال

الإلحاح الدائم.

مش فاهمين

من الاخركده الزن والكلام الكتير اللى مش ليه اى لزمة

هضرب مثال

جوزك طيب انت مجوزه ههههه
عارف كلكم بنات علي وش جواز ربنا يرزقكم بابن الحلال
لحسن تقولوا بدعي عليكم ماليش دعوة

المهم
جوزك قام الصبح مش طايق نفسه اصلا

وانتى شغالة حلاوة فى الكلام وهو بيلبس عشان ينزل لشغله حبيبى اوعى تتاخر

شوية وهو بيلبس الحذاء حبيبى اوعى تتاخر

شوية وهو بيفتح الباب حبيبى اوعى تتاخر

انا مش هاقول ساعتها غير الله يكون فى عونك ياعبد العال

ايه ياست ده ارحمى الراجل شوية بالعة راديو على الصبح ارحمى نفسك خلاص قولتى مرة واحدة كفاية

ولم الراجل يتصرف تصرف وحش نزعل ونضرب احلى شفايف طبعا كلنا فاهمين اقصد ايه بلاش فضايح

تانى حاجة هتكلم عليها وهى
محاولة التغير

طبعا ما فيش حد كامل سواء لست او الراجل بس
ساعات الزوجة الذكية بتحاول تشوف ايه عيوب زوجها وتحاول تغير فيه
وهو بقى ممكن يقبل التغيير وممكن لا حسب الحاجة اللى هتغير

بس ده كله يرجع لست هتغير العيب ده ازاى

وخدوا بالكم ممكن العيب بتاع الزوج يكون عيب من وجهة نظر الزوجة ام الاخرين بيكون بنسبة ليهم عادى

مش كده ولا ايه

تعالوا نضربوا احلى مثال لعيون احلى ستات

الست فوزية اتجوزت واحد مش بيصلى مثلا وهى ما شاء الله عليها ست بتصلى دايما

تعملايه هى طبعا عشان هى فوزية كل لم تشوف جوزها تفضل تزعق وتصرخ وتقول انت مش بتصلى لييييييييه هى الميا ساقعة ولا ايه وممكن تغلط وتحدف كمان

بالله عليكى ده اسلوب ياولية

تعالوا نشوف الست ذكية هتعمل ايه

هى من البداية عارفة ان موضوع الصلاة ده موضوع مهم وخطير تحاول تقول لجوزها ياحبيبى تعالى صلى معاى اصلى مش حافظة الفاتحة ههههههه
اقصد انها تعمل اى حاجة عشان تحاول انه يصلى معاها بس كل ده باسلوب هادى جدا
طبعا مش يكون فيه استجابة من مرة واحدة احنا هنحاول ونعمل اللى علينا ونشغل الدعاء بالهداية انه ربنا يرزقه المحافظة على الصلاة

اخر شئ هتكلم عنه

محاصرته.

مش فاهمين.. ما انتوا لسه في بيوت اهليكم بكرة تعرفوا

انتو عارفين الست الحشرية اللى كل شئ تدخل مناخيرها الحجم العائلى

اول ما حد يتصل بزوجها تجرى جرى وتلمع ودانها وتبدا بالشغل

لا وكمان بعد ما يخلص تسال هو مين واسمه ايه وشكله ايه
وعاوز ايه وكمان بيشتغل ايه

الظاهر كده انها بتدورله على عروسة

عاوزة اقولك نصيحة امنحى الراجل بعض من الحرية الشخصية عشان يعرف يشم الهوا

الرحمة شوية يا ست فوزية الدنيا طارت
رد يا اخواتي وقالت
خلص ياض وامشي روح قسمك

حاضر انا ماشي اهو

[عاشقة الهدوء]

ههههههههههه كالعاده موضوع جميل يا أستاذ جلال والحوار مضمونوا

ظريف ونصائح بأسلوب عفووى وسلسل وجميل وفعلا يجب على كل أمرأه

ان تعمل بهذه النصااائح القيمه على قدر أستطاعتها بتعقل وحكمه وصير

وأسال الله صلاح الآحوال اللهم أمين موووفق دائما أحترامى لشخصك

[۩۩ سيد الشرقاوي ۩۩]

ديماا تميز في اختياراتك يااجلال
ربنا يوفقك ياغاالي ويسعدك يارب
جميع الاشياء اللتي ذكرتها اليناا
اليوم اكيد لابد ان نتجنبهاا موفق
اخي في اختياراتك القيمه ديمااا