الحلقه الثانيه من برنامج (طفولتى)ومعانا(........)

[king lion]

اقتباس المشاركة الأصلية كتبت بواسطة شاعر واسير الحب شكرا ملك ...... شكرا محمد وحمد لله علي السلامة يامحمد منورين البرنامج اسئلة حلوة ويااه رجعتينا للماضي ياملك ورد من محمد اخر حلاوة ياحلاوة بصراحة مضيفة نشيطة وجادة وضيف كريم ومش عارف هل الكرم لبعض عشان هم من الاسكندرية ولا عادة البرنامج الكرم شكرا ملك شكرا محمد نورتونا واسعدتونا دمتم بخير

الله يسلم قلبك يارب يا شاعر ربنا يعزك

هو فين الكرم ده بس يا شاعر بقولكم مشفتش منها حاجه

هى مفكره عشان جيران انى حسكت بقى
ومش حقول انها ضحكت عليا ولا جابت اى حاجه

بس معلش بقى يا جارتى الا الأكل والمشروبات
لازم اقول على طول :079:

[king lion]

اقتباس المشاركة الأصلية كتبت بواسطة لحظة عتآب حوار جميل وبروجرام رائع وضيف مميز جداً وصاحب بصمة مميزة واجابات جميلة فطستنى من الضحك بصراحة :biggrin: منور الحلقة يـ استاذنا تحياتى ليكى يـ قمر على حسن اختيارك للضيف وفى إنتظار الحلقة الجديدة احترامى )

ايوه مين يشهد للعروسه :079:

شرفنى حضورك جدا وبلاش تضحكى كتير :762:

شرفنى حضورك الراقى

[king lion]

اقتباس المشاركة الأصلية كتبت بواسطة نقاء القلب حلقه جمييله وضيف اجمل *_^ الصراحه مواقفه كلها ضحكتنى .. شكله كان طفل شقى اوووووووى )) وعجبنى البومب اللى هو عمله فى راس البت ههههههههههه ,, حلقه جميله ودمها خفيف يسلموووو ملك

الأجمل هو حضورك الراقى

فعلا كنت شقى جدا جدا جدا جدا :079:

اه البومب ده مشكله بس ايه كان شكلها تحفه بصراحه
والدخان طالع من شعرها كده

انتقام بقى منها هى اللى جابته لنفسها

نورتى الموضوع بحضورك

[Arco Baleno]

طفوله جميله مفيش اجمل من الطفوله
منور البرنامج

[♥ملك روحى♥]

اقتباس المشاركة الأصلية كتبت بواسطة king lion فى البداية كده معلش بقى يا ملك انا مشفتش منك حاجه ولا حتى كوبايه ميه لما بعتى الرسايل جايه فى الموضوع عشان الناس تقول انك جبتيلى اكل وشرب وجاتوه وحلويات وروقتينى يعنى عشان جيران فانا بقول للكل أهو والله ما جبتلى كوبايه ميه يا جماعة حتى بس هى نزلت الجاتوه فى الموضوع عشان يعنى ايه تقولوا انها عزمتنى :079::079: معلش بقى يا ملك انتى اللى جبتيه لنفسك:762:

اممممممممممم بقي كده يامحمد
ده احنا اسكندرانيه زى بعض
اعتبر نفسك شربت واكلت
ايوووووووووووووووووووه
ياجدعان وحياه المرسي وسيدك بشر
ههههههههههههههههههه
اطلب واتمنى وابعتلك أحلى طبق جاتوه
ع المنتدى

[king lion]

اقتباس المشاركة الأصلية كتبت بواسطة ♥ملك روحى♥ اممممممممممم بقي كده يامحمد ده احنا اسكندرانيه زى بعض اعتبر نفسك شربت واكلت ايوووووووووووووووووووه ياجدعان وحياه المرسي وسيدك بشر ههههههههههههههههههه اطلب واتمنى وابعتلك أحلى طبق جاتوه ع المنتدى

لا معلش مش بناكل من الكلام ده معلش

ابعتى اختك فينو هانم بالطبق هى خطوتين بالظبط وتوصل
مش تقوليلى ابعتلك على المنتدى

:762::762:

[♥ملك روحى♥]

اهلا بيكم يا أحلى أعضاء انهرده معانا شخصيه حظت باحترام الجميع شخصيه لها ثقلها وكيانها قدرت تثبت نفسها بجداره صاحب أعلي نسبه مشاركات بالمنتدى اللهم لاحسد يعني :079::079: شخصيه طيوبه متزنه معانا ومعاكم انهرده مشرف قسم الفلاشات وصاحب حكمه سأدع الدنيـا تفعـل بـيّ مـا تشاء . فــهــي " لــن "تتجـرأ ان تفعـل " أكثـر " مِمـآ كتبـه الله لـــيّ و و و و و و و و و و الادارى المنتخب ۩۩ elMagic ۩۩ أولا ألف مبرووووك عليك المنصب الجديد من تقدم لتقدم وطبعا في البدايه لازم تتعزم عندنا علي حاجه بس انهرده مش هعزمك لوحدك هعزم المنتدى كله علي شربات المنصب الجديد وسمعونا زغروطه بقي :079: خلاص كده شربنا الشربات وحلينا بالزغاريط :079::079: يله بقي ندخل علي أسئلتنا اتولدت في شهر ايه؟ بصى بيقولوا فى اواخر 8 بس انا تاريخ ميلادى يوم 6 شهر 9 أى نوع من الأطفال هادى ولا شقى ؟ يعنى من دا على دا ايه أكتر ألعابك ايلي كنت بتحب تلعب بيها ؟ اكتر لعبه الاتارى خصوصا انه جالى هديه بعد ما حليت امتحان رياضه من والدى كان صعب وكمان كنت باجيب وشوش حيوانات زى الثعلب والكلاب والقطط والبسها واخوف بيها والدتـى الله يرحمهـا . ايه هوه اسم دلعك ؟ اسمـى احمد واحيانا ميدو مين أكتر شخصيه كنت بتحبها ؟ والدى مين هوه مدرسك ايلي مش ممكن تنساه؟ مدرس الرياضه اللى أسسنى فيها بعد والدى وكان بيحبنى جدا مستر فتحـى ايه السندوتشات ايلي كنت بتاخدها معاك المدرسه؟ منوعات يعنى مثلا مربى وجنبه وحلاوة طحينيه حاجات من دى ايه تسريحة شعرك ؟ زمااان كان صغير كنت بتطلعه قدام انما دلوقت كبير بقآ مظبطه شويه . مين قدوتك وانت طفل؟ والدى وما زال كنت بتحلم تطلع ايه في المستقبل؟ والدى كان دايما بيقولـى يا هندسه وانا كنت من واانا صغير مميز فى الرياضه ولكن لما كبرت بقى مش حصـل نصيب الحمد لله على كل حال ايه اكتر فيلم كارتونى كنت بتحبه؟ توم وجيرى وكابتن ماجد ياتري كنت تلميذ شاطر ولا بليد؟ يعنى شاطر فى الرياضه والعلوم لما كبرنا شويه ولكن باقى المواد وخصوصا الدراسات كنت بأبقى زي زى المقعد اللى كنت بأقعد عليه ياترى ايه الرحله ايلي طلعتها تبع المدرسه؟ كانت رحله لحديقه الزهور وكانت جميله جداا اممم بس دى اللى فاكرها ايه اكتر ماده كنت بتحبها ؟ الرياضه اكييد ايه هوه اقرب صديق ليك ايام الطفوله؟ امممم والله كلهم بأشوفهم وبنسلم على بعض عادى بس مش اقرب اصدقاء ليا . ايه هوايتك وانت طفل.؟ اممم والله مأاعرف مكنتش بأعمل حاجه معينه كنت متعدد المواهب زى الكمبيوتر والكورة ايه اكتر عديه خدتها ؟ امممم وربنـا ما فاكر حاجه على ما اظن كانت معديه الـ 200 من قرايبـى اكتر اكله كنت بتحبها؟ البشاميل وما زلت انا عزمت نفسـى عندكـ على فكـره ايووووه أحلي صينيه بشاميل بس كده إنت تؤمر ادراينا المنتخب ياتري كنت طفل مطيع ولا عنيد؟ يعنى من دا على دا لانى بحب العند فى بعض الاوقات ماهو اسم مدرستك الابتدائيه؟ كان اسمها عمرو بن العاص ياتري مصروفك كان كام ؟ زماان كان وبلا فخـر جنيه بحاله ايه هو لون الزى المدرسي؟ لا احنا كنا بشوات بدخل وباخرج بأى زى يعجبنـى واحيانا كنت بأروح بالشبشب كنت تلميذ ملتزم ولا بتزوغ وتنط من علي السور ههههه؟ هههههه لا عمرى ما نطيت من على السور ولما كنت بحب اخرج باخرج من الباب الرئيسـى من اول اليوم واريح دماغـى بس الكلام دا فى الاعداديه انما الابتدائيه مكناش بنهرب للأسف موقف مريت فيه في طفولتكم و لحد دلوقت بتفتكره ؟ اه مرة جالنا الاستاذ فتحـى مدرس الرياضه وحط سؤال على السبوره وقومـنى وقوم بنت وقال يشوف من الاسرع فى الحل وهيحل صح وطبعا العيال يشجعونى والبنات يشجعوها قومت انا حليت صح وخلصت الاول وهى جاوبت اجابه تانيه خالص اظاهر مكنتش مذاكره حاجه الموهم انا فوزت والفصـل ولع والعيال تقعد تطبل وتصفر ونضرب بعـض واليوم اتقلب نشيد كنت تحبه أيام الطفوله ؟؟ قطتـى صغيره شخصيه كرتونيه كنت تحبها ؟؟ توم وجيرى ايه هيه المواقف التي عرضتِ فيها اهلك للاحراج؟؟ اممممم مأفتكرش مرة عرضت فيها اهلى للاحراج مين كـان يدلعك أكثر أبوك ِ او أمك ؟ والدى لان هو اللى كان بيلعب معايا ونعمل مقالب ونهزر مع بعض ويحكيلى حواديت وحاجات كتير كنت دب وانت صغير او نحيف..؟؟؟ هههههه لا مش دب كنت وسط ياترى عندك لعبه موجوده من صغرك لحد دلوقت ؟ وايه هيه ؟؟ هههه ياريت للاسف مفيش موقف بطفولتك مش ممكن تنساه ؟ وليـه ؟ افتكر مرة توهت فى الشارع انا واخويا كانت والدتى معانا وانا واخويا سيبناها ومشينا وبنبص كده مش لاقيناها معانا وقعدنا نمشى هنا وهنا واحنا مش عارفين حاجه فى الاخر صادف ولاقينا واحد يعرف والدى قام رجعنا البيت واخدنها علقه بقى من والدتى ميه ميه ومن ساعتها حرمت اسيب ايديها تانى لما نخرج سوا مكان معلق في ذاكرتك من طفولتك ؟ وليه ؟ بيتنا القديم كل ذكريات طفولتى فيه مين أقرب صديق في طفولتك وياترى بنت ولا ولد؟ اقرب صديق كان ولد وكان ساكن قصادى اسمه محمود وهو دلوقت فى حربيه ومازلنا اصحاب بس مش زى زمان ياتري كـنت تـعانـى مـن اخـطاء فـي مخـارج الحـروف ؟ الحمد لله لاء كنت تنآم لوحدك ولاعند مآمآ ..؟؟ كان ليا سرير بنام فيه لوحدى بس كان والدى بيجيبنى دايما انام معاه ونقعد نرغـى ويحكيلى قصص أجمل مكان سافرت له وانت صغير وتتمنى ترجع له ثااني ؟؟ اممممم مش فيه مكان محدد اوصف طفولتك ازاى كانت..؟! يعنى تقدرى طفوله كان معظمها فرح ومرح وشقاوه بجـد كانت اجمل مرحله مريت بيها تحب تقول كلمه لبرنامجنا في نهايه الحوار؟ برنامج بجـد جميل جداا واسئله اجمــل بجــد انا سررت جداا بالاستضافه دى وخصوصا انهـا من عضـوه متألقه ومتميزه زيكـ ى ملكـ وان شاء الله اكون عضو خفيف عليكوا مودتـــــى حقيقي نورتنا وأسعدتنا بوجودك معانا ونكون أول حلقه حصريه مع ادارينا المنتخب الجديد مع خالص تحياتى وتقديري لشخصك الراقي وياريت تقبل مننا الهديه المتواضعه دى إنتظرونى في الحلقه القادمه مع مفاجأه برنامج طفولتى تحياتى ملك روحى

[Řǻet βanota]

بجد حوار جامد جدأأ

يا شعله يا نار اصظادى الواد وهو لسا مش خد نفسه هههههههه

براحه ع الواد يا جدعان

يخربيتك يا احمد تعالى ابخركـ هتتحسد

نورت يا احمد

تحياتى

[دمعه حائره]

حلقهواجابات جميله
نورت يا احمد وربنا يوفقك دايما

[ملاك الصمت]

حووووووووووووووووووووار جامد اوي

هههههههههههههههههههههههه

بس انت مش طفل ايه يابني

ههههههههههههههههههههههههههه

بجد حلقه جيله اوي


حلقه متميزه في انتظار الحلقات

الجامده