الحلقه الثانيه من برنامج (طفولتى)ومعانا(........)

[نهر النيل]

مش جديد التفوق والتالق منك ياملك
وبامانه اخترتي ضيف نجم بمعنى الكلمه
ومفيش اي حد يختلف عليه
حلقه غايه في الروعه
متشكر جدا ع الحلقه الجميله دي
مودتي

[♥ملك روحى♥]

أهلا بيكم يا أحلي شباب وبنات انهرده هنبتدى حلقه جديده من برنامجنا طفولتى وزى ما وعدتكم بالمفاجأه ومفاجأتنا انهرده شخصيه راقيه جدا بخلقها وذوقها شخصيه ذو حضور وشعبيه تم تعينها من قبل سيلفر سبيكترا لايمكن لأحد أن ينكر نشاطه واجتهاده وسموه بعمله وشخصيته وقد تم ترقيته للمنصب الإداري بصلاحيات كامله أكيد يستحقها عن جدارته معانا ومعاكم انهرده * * * * * * * * * * * * * * * صاحب حكمه قوة السلسلة تقاس بقوة أضعف حلقاتها مشرف القسم الرياضي سابقا و من ثم مراقب عام ثم ادارى ذو صلاحيات كامله معانا ومعاكم EGY GLORY أولا بجد شرف ليا تواجدك في حلقه برنامجى وطبعا انت عارف بقي كرم الاسكندرانيه :079: تحب تشرب ايه معانا ولا اقولك انا هشربك علي زوقي يارب يعجبك هههههه بألف هنااااا يله بقي نبدأ أسئلتناااااا اتولدت في شهرايه؟ شهر يناير أى نوع من الأطفال هادى ولا شقى ؟ يعني من ده على ده ملخبط شويه مرة تلاقيني هادي ومرة تلاقيني مش هادي ايه أكتر ألعابك ايلي كنت بتحب تلعب بيها ؟ اتاري كنت بلعب الطيران وعسكر وحرامي ايه هوه اسم دلعك ؟ حماده مين أكتر شخصيه كنت بتحبها ؟ والدي ووالدتي مين هوه مدرسك ايلي مش ممكن تنساه؟ يعني تقريبا كلهم بس اقدر افتكر المدرسة عزة او عزيزة مش فاكر اسمها بالظبط ايه السندوتشات ايلي كنت بتاخدها معاك المدرسه؟ كنت بجيب من الكانتين بتاع المدرسة واوقات سندوتشات جبن وفلافل ايه تسريحة شعرك ؟ عادي كنت بجيبه على جنب وفيه اوقات كتيره كنت بعمله قصه كنا صغيرين بقا مين قدوتك وانت طفل؟ والدي كنت بتحلم تطلع ايه في المستقبل؟ ظابط بس بحمد ربنا كان زماني بيطلطخلي دلوقت ايه اكتر فيلم كارتونى كنت بتحبه؟ كابتن ماجد وجريندايزر والقط والفار وكان فيه بتاع زيتونه باباي تقريبا ياتري كنت تلميذ شاطر ولا بليد؟ لا في دي ما تقلقيش كنت شاطر ياترى ايه الرحله ايلي طلعتها تبع المدرسه؟ مش فاكر بس كنت بطلع مسابقات كتيره كلها كانت زي فسح ايه اكتر ماده كنت بتحبها ؟ العربي والرياضة وحبيت التاريخ في رابعه ابتدائي ايه هوه اقرب صديق ليك ايام الطفوله؟ ناس كتيره بس اغلبهم اسمه احمد وابراهيم اولى اول بقا ايه هوايتك وانت طفل.؟ كنت بحب اتفرج ع الماتشات من صغري والعب كورة واقرأ جرايد كتيره ايه اكتر عديه خدتها ؟ كانت عشرين بس ده من زمان :079::079: ما كنتش برضى اخد عيديات من حد اكتر اكله كنت بتحبها؟ اي حاجه بس المكرونه واي حاجه معاها وفيه الرز برده ياتري كنت طفل مطيع ولا عنيد؟ مناكف ياتري مصروفك كان كام ؟ البيت قريب من المدرسة وكانت السندوتشات معايا واغلب الوقت كان ما بيعديش ربع جنيه في التسعينات : ايه هو لون الزى المدرسي؟ كان بني في البيج والله مش فاكر بس اعتقد ده كنت تلميذ ملتزم ولا بتزوغ وتنط من علي السور ههههه؟ لا عمري ما عملتها الا في الثانوي بس ومرة في اول يوم في المدرسة الابتدائي كنت مفكرها ها نروح طلعت فسحة تاني يوم كلت علقة محترمة نشيد كنت تحبه أيام الطفوله ؟؟ بلادي بلادي شخصيه كرتونيه كنت تحبها ؟؟ دوكفليد بتاع جريندايزر ايه هيه المواقف التي عرضتِ فيها اهلك للاحراج؟؟ حاجات كتيرة كانت اغلبها خناقاات مع العيال في الشارع مين كـان يدلعك أكثر أبوك ِ او أمك ؟ كانت جدتي ابويا وامي كان بيقطعوني بس كنت دب وانت صغير او نحيف..؟؟؟ كنت عادي لا كده ولا كده متوسط ياترى عندك لعبه موجوده من صغرك لحد دلوقت ؟ وايه هيه ؟؟ بطاقة التأمين الصحي بقعد العب فيها لغاية دلوقت هي اللي فاضله موقف بطفولتك مش ممكن تنساه ؟ وليـه ؟ كنا في الدرس في مرة وكان فيه واحد توفى واسمه زي اسم زميلي افتكرته انه هو وقعدت اقول للعيال في الدرس نعمل ايه وكنا مش عارفين نعمل ايه ساعات الواحد بيبقى فقيق لقيته جاي الدرس بعد يومين وعرفت بعدها انه جده اللي مات مكان معلق في ذاكرتك من طفولتك ؟ وليه ؟ مكان كوبري كنت حلمت اني زقيت واحد من عليه وكل ما اعدي من عليه افتكر الحلم ده بس في مرة ببص لقيت الواد اللي زقيته توأم قولت سبحان الله انا زقيت مين فيهم مين أقرب صديق في طفولتك وياترى بنت ولا ولد؟ الأقرب اولاد بس كان فيه بنات في فصلي وكنا في الدرس والمدرسه مع بعض ياتري كـنت تـعانـى مـن اخـطاء فـي مخـارج الحـروف ؟ الحمد لله لأ كنت تنآم لوحدك ولاعند مآمآ ..؟؟ لا عند اخويا بس لما خلصت ابتدائي ما كنتش بحب حد ينام جنبي أجمل مكان سافرت له وانت صغير وتتمنى ترجع له ثااني ؟؟ روحت زفتى وقضيت ايام جنب حديقه فيها موز وكنا بنروح نستخبى ونلعب فيها عند جماعة نعرفهم اوصف طفولتك ازاى كانت..؟! كانت من البيت للمدرسه للدرس للعب شقاوة وهداوة كل حاجه كنت بحب العب في الشارع في الشتا ونجيب حاجات ونعمل خيمه احنا والعيال فيه ونقعد واللي يعدي نضحكله واحلى حاجه لما الهوا يبقى شديد وتلاقي نفسك متغطيه بالخيمه دي وتلاقيها مهدوده يعني فيها حاجات كتيره صعب الواحد يعمل عليها كلام ويبني عليها جمل مفيده بس الطفولة شيء جميل واعتذر اني مش ها قدر اجمع حاجه عنها تحب تقول كلمه لبرنامجنا في نهايه الحوار؟ برنامج جميل ورجع ليا ذكريات طيبه وبشكر القائمين عليه أنا كمان بشكرك علي تواجدك الراقي الذي سعدت به كثيراا بل وراق لي أكثر وأكثر دمت بكل الخير وأتمنى تقبل هديتنا البسيطه دى إنتظرونى في الحلقه القادمه ومعانا ومعاكم ضيف جديد مع تحياتى ملك روحى

[۩۩ elMagic ۩۩]

حلقه جميله جداا واستضافه مميزه
نورتنا يا عم احمد
وربنـا يوفقكـ فى حياتكـ بأذن الله
تسلمى ملك للمجهود
يدوم التميز والنشاط

[نقاء القلب]

برنامج رااائع وحلقه مميزه ,,

واجابات egy gloryا رااائعه ..

تسلم ايديكى ي ملك ,,

فى انتظار الحلقه القادمه

[Arco Baleno]

منور اخوي احمد وياااااااااااااااارب ترجع تنور من تاني طفوله
جميله

[كبرياء رجل]

منور اخي البرنامج
وما اجملها ايام الطفوله بزكياتها المختلفه
اشكرك لحسن الحضور وطفولك كانت جميله
ما بين االتفوق واللعب والشقاوه
ربنا يوفقك وفعلا غريب ان تبقى في احلام الواحد مينسهاش
بتبقى معلقه في الزاكره
مع مرور الوقت
زي بعض المواقف كده بتبقى مرت عليها سنين كتير وتفتكر الموقف كأنك لسه بتعيشه

حلقه مميزه منك ملك روحي ربنا يوفقك
نورت اخي البرنامج دمت بكل الخير
تحياتي لكم

[Hearts Whisper]

حلقة جميلة جدا مع شخص من اسلوبه
شكله حد لذيذ
تحيييياتى ليكى يا ملك على
الحلقة الرائعة دى

[morshooo]

ابو حميد منور التوبيك والقسم

والمنتدى كلة يا غالى

واجابات مميزة وحلوة التسريحة الــ على جنب دى والقصة اكيد كنت

بتعملها لو عايز تظبط والا حاجا ههههههههه كلة كان كدا تقريبا ^_^

حلقة مميزة اختى الغالية وبرنامج رائع دائما

اتمنالكم التوفيق دائما

تحياتى

[ARAGON]

♥ملك روحى♥


شكرا ع الاستضافة الجميلة

وشكرا ع زوقك في اختيار المشروب :d

بالتوفيق دايما

خالص الامنيات

[ARAGON]

اقتباس المشاركة الأصلية كتبت بواسطة ۩۩ elmagic ۩۩ حلقه جميله جداا واستضافه مميزه نورتنا يا عم احمد وربنـا يوفقكـ فى حياتكـ بأذن الله تسلمى ملك للمجهود يدوم التميز والنشاط

شكرا يا ماجيك على ردك

ربنا يخليك يا غالي

ويوفقك ان شاء الله