اسرة مصرية ومع اسرة الغالية همسة الجوارح

[مِسكُ الشَهادة]

نتشرف معكم وبكم في الحلقة الثالثة من برنامج ( أسرة مصرية ) مع ضيفتنا الغالية التي سطرت لنا رونقا ً عظيما ً من الرقي والخير بنشاطها المنير بحب ٍ عظيم للمنتدى وإخلاص فاق التخيلات ضيفتنا لهذا اليوم أختا ً نعتز بها جميعا ً إنها ... الأخت الفاضلة :_ ( همســـــة الجــــوراح ) قلمي تشرف بالحضور فإنهم رمز ٌ لكل ِ الخير ِ عنوان َ التألق فهدى ستبقى للرقي ِ منابر ٌ قاموسها الإبداع ُلا يحوي التفرق فأهلا ً وسهلا ً دائما ً بحضورنا من كل قلبي سوف نمضي للتفوق تعالو لنتشرف بمعرفة أسرة أختنا الغالية ( همسة الجوارح)

نبدا بالصلاه على الحبيب المصطفى خير البريه واشرفها الصادق الامين عليه وعلى امته افضل الصلاه واتم التسليم بالنسبه للاسرتى اولا احنا اسره مصريه من اصل صعيدى عايشين فى القاهره بس بنظام اهل الصعيد يعنى ممنوع ممنوع احنا 5 افراد تلاته اشقاء واتنين من والدتي بس ماحدش يعرف الموضوع ده سر لانى عمرى ماحسيت انهم مش اشقاء بالعكس اقرب ليا من اشقائي الموضوع الا انه ولاد عمى لكن تواف الله وهما اطفال ونظام بقا اهل الصعيد مرات اخوك المتوفى لزم تتجوزها علشان الاولاد ماتترباش بعيد عننا المهم كانو عايشين فتره من الوقت فى الوحات وبعدين اتنقلوا للقاهره ده قبل مانا اجى للدنيا ابويا مدرس اول ثانوى عام لغه عربيه ووالدتى ربه منزل علاقتى بوالدى يعنى مش اوى يعنى فى حدود السطحى كانه ضيف ماعلينا لكن والدتى دى كل حياتى بحبها اوى وهى كمان بتحبنى اووووووى لانى قريبه منها جداااااا عايشين فى بيت عائلى يعنى العماره كلها عمامى واولادهم فى الفرح متجمعين, ,وفى الحزن ربنا مايقدر برضو متجمعين مترابطين ببعض وكل ولاد عمى زي اخواتى بيخافوا علينا واحنا بنخاف عليهم فى صله قويه بينا وبين عمامى واولادهم ,,, فى شقتنا مرتبطين بعادتنا , ,,يعنى مش بناكل الا سوا نتجمع فى المناسبات كلنا سوا ولو خرجنا بنخرج كلنا سوا وبنقضى يوم مع بعض امممممم ايه كمان اخواتى اخويا الكبير الله يرحمه كان متزوج وانجب ولدين ولكن شاء القدر وتوفاه الله وتركهم اطفال مامتهم اعتبرنها هى كمان ماتت لانها تركتهم ومافكرتش فيهم والحمد لله قرت اكون مع امى ام لهم واتعلقوا بيا اوى لدرجه ان الصغير بيقولى ياماما ببقى طايره من الفرحه لما بحضنه واقرب منه متعلق بيا جداااااااا اما الكبير بقى عنده 10سنين دلوقتى وعرف كل حاجه بس برضو متعلق بيا لان امى ست كبيره واختى دايما كانت بتشتغل ولما قعدت اتجوزت الشهر اللى فات مشتركه معانا هنا فى المنتدى باسم حياه القلوب واخويا مصطفى ده كان مسافر بره مصر ولسه راجع قريب وقاعد معانا اخواتى الاشقاء هى هاله واخويا الاصغر منى كنت قريبه من هاله شويه وبعد جوازها حسيت بفراغ كبير وخصوصا انها مرحه جدااا عنى دايما لما بيقارنوا بينا يقلولى انتى وش نكد معرفش ليه بس اهو ربنا يسامحهم اخويا الصغير لسه طالبه فى المرحله الاعداديه سنه 3 لسه اعدادى وده قريب اوى من بابا حتى شبه وه اللى معصبنى منه ايه كماااان علاقتنا بقرايبه قويه الحمد لله وكلهم بيحبونا وع اتصال دايما بينا وبنسافر الصعيد كل سنه ولو حصل مناسبه وبنقضى ايام قليله ولكنها جميل مش بنلاحق من العزومات ,, , لدرجه اننا لو اجازتنا صغيره نتعزم مرتين فى اليوم غدا وعشا وكل وجبه بقا ماقولكش البط والحاجات الصعيدى دي ونفضل نقول مش عاوزنين يحطلنا بالغصب مابيصدقوا نروح ايه كمان ,,,,بالنسبه ليا انا فانا بحب الانعزال برغم كل الناس دي وبرغم حبهم لينا الا من وحده مرات عمى بحب احكى معها ونفضفض ونرغي سوا هى كمان بتحكيلى وبحس انها قريب منى حياتى كلها عاديه مافيهاش اختلاف عن اى بنت ولكن ماليش صديقات برغم انى التحقت فى الابتدائى بمدرسه بنات فقط ,,والاعدادى برضو كانت بنات وفى الثانوي مشتركه ولكن فى التلت سنين فصلى كان بنات فقط ولكن لم اجد ماارتاح اليها واجعل منها صديقه ويمكن العيب فيا لانى مابحبش الاختلاط اوى,,, فى الجامعه اول سنه مرت بسلام ,,,والتانيه طلعت بمادتين مع انى كنت من الاوائل فى المراحل السابقه ماعرفش ايه اللى وكسنى من ساعه مادخلت الجامعه يمكن لانى مالقتش نفسي فيها سنه تالته بلاش اقول احسن , ,,,خلينى بخيبتى وكده دى اسرتنا الجميله الحلوه كملت

ألف شكر لحضورك معانا أختي الغالية هدى ورحم الله أخاك ِ وجمعنا به في جنان ِ الخُلد بعون الله ... ونسأل الله أن يغمر أسرتكم الكريمة بالفرح والسرور والخير دوما ً ... اللهم آمين

[أجمل سعوديه]

الرقيقه همسه ,,

اهديك تحياتي وسلامي الخاص لشخصك الجميل

ولروحك الحلوه ,,,

داايما عاليه وغاليه ,, وأحييك ع حضورك الرااقي المميز

يسعدنا تواجد انسانه لطيفه زيك معانا ,, ولاشك انه يزيدنا شرف


استاذ خالد ,, مميز كعادتك لايوقف يارااائع

[الأميرة رودي]

أسره صعيديه جميله تحافظ على العادات
مرتبطين ببعض ودى اجمل شئ ربنا يخليكم لبعض
وربنا يرحم أخوكى ياهمسه ويجازيكى خير على تربيه أولآده
الله يوفقكم ياحبيبتي
وتتخرجى ان شاء الله بامتياز وتعوضى اللى ضاع منك..
بجد سعدت جدا بمعرفتى بيكي وبأسرتك
وكانت الحلقه فرصه اننا نتعرف أكتر على شخصيه رائـعه زيك
كل الحب لشخصك النبيل وكل التحيه والتقدير لآستاذنا الراقي خالد
دائـما انت عنوان للتميز والرقي
دومت اخى ودام تواجدك الآصيل
***** تقييمي

[عاشقة ذكر الله]

اللهم آمين
حلقة رائعة رائعة رائعة
ربنا يرحم أخوكى
ويخليكى لاخواتك واولاد اخوكى
منورة ياقمر المنتدى
يسلموووووو ع الحلقة مسك الشهادة

[نقاء القلب]

حلقه جميييله ,,

وهمسه بسم الله صريحه اوووى *_^

ربنا يخلى ليكى عائلتك ي قمر ..

وعادى هى الكليات بتبقى كده وخاصه لاما الكليه تكونى مش حباها .،

ربنا يوفق فى حياتك ,

ودى

[مملكة مصر]

أسره صعيديه جميله تحافظ على العادات
مرتبطين ببعض ودى اجمل شئ ربنا يخليكم لبعض
وربنا يرحم أخوكى ياهمسه ويجازيكى خير على تربيه أولآده
الله يوفقكم ياحبيبتي

[دمعه حائره]

حوار جميل مع انسانه ورقيقه وحساسه
تمتلك موهبه كبيره واخلاق عاليه مع الجميع
ربنا يحفظك ويخليلك اسرتك
نورتى ياحبيبتى وموفقه دايما يارب
شكرا خالد على البرنامج الرائع

[۩۩ elMagic ۩۩]

حلقه جميله جداا بجــد
جميل جدا روح الحب والود والترابط اللى بينكوا
ربنـا يديمها عليكـوا بأذن الله يا هدهد
وربنـا يرحم اخوكـ ويجعـل مثواه الجنهـ
بالتوفيق ليكــى ان شاء الله فى حياتكـ
ويارب تحققـى كل ما تتمنيه
انتى تستحقـى كل خير يا قمـرى
تسلم اخـى خالد للمجهود المميز والاستضافه الجميله
مودتــــــى

[ساحر الأحزان]

حلقة جميلة مسك مع همسة

الاخت صاحبة التواجد الطيب معنا

بحسن حضورها المميز

وجميلة اسرتها

ادام الله صلة التواصل بينهم

تحياتى

[Lost Pearl]

جميلة اوي الحلقة

و نورتي يا همسة بجد

اجاباتك جميلة اوووووي

اتبسطت و انا بقرا الحلقة

ربنا يخليلك كل قرايبك

و حاولي تقربي من باباكي شوية

مافيش احلي و لا احن من الاب

ربنا يخليلك اخوكي كمان و اختك

تسلم يا خالد حلقة بجد هايلة

و ف انتظار الضيف الجاي