مصر ، والمصريين تريد ان تعرف من هم المصريين ؟ تريد ان تعرف من هيا مصر؟

[عبقرينو]

السلام عليكم ورحمه الله وبركاته

مـــصر


|||||||||||||||||||||||||||||
lllllllllllllllllllllllllllll
|||||||||||||||||||||||||||||

المصريين زمان

ايام الحياه البسيطه أيام لما كان الانسان بيقول الحمد الله علي كل شيء
أيام لما تحصل مشكله او حد مات فى بيت فلان تلاقي كل البلد عندو
ايام لما كان المصرى بيحمد ربه في الفقر والغني
أيام لما كان الجنيه يسوى حاجه
ايام لما كان محدش بيشيل فى قلبه من حد
أيام الصداقه بدون مصالح
أيام أيام أيام

قول للزمن أرجع يازمان

اسمحولي أجيب صور من زمان

الى شفها تعالي شوفها تــاني وتالت ورابع
أقف لمده دقيقه أمام أي صوره أسرح بخيالك تخيل الحياه قديمه من خلال صوره

أن لم تشاهد الصور من قبل فأتمتع بالنظر أليها وتخيل أنك جزء او شخص فى الصوره




























شيفين الحياه كانت بسيطه ازاى؟؟
لسه فى تـــاني


بسم الله الرحمن الرحيم
السلام عليكم ورحمة الله وبركاته

جميعنا يحب مشاهدة الصور القديمة .. وبالذات إذا كانت هذه الصور لأماكن مازالت موجودة حتى الآن وربما زرناها
حرصت ألا تكون الصور لأماكن صماء .. وإنما صور لأشخاص عاشوا قبلنا وسنعرف الكثير عن حياتهم وعاداتهم حتى تكون الصور بها حيوية
أترككم الآن مع متعة المشاهدة .. ولنركب آلة الزمن لنتجول بها في سحر الماضي وعبق التاريخ
- الصورة 1 -

صورة كانت تتكرر صباح كل يوم .. ومازالت تتكرر حتى الآن ولكن بطرق مختلفة
حيث يقف أحد البائعين صباحاً وأمامه عربة وبها الفطار ويتجمع حوله العمال لتناول الفطار قبل الذهاب للعمل
طبعاً هذا المنظر في الأماكن الشعبية .. ولطبقة معينة من الناس
والبائع يختار بذكاء المكان الذي يقف فيه .. وغالباً ما يكون بجانب أحد المصانع .. أو بالقرب من أي مبنى حكومي .. حتى يحظى بأكبر عدد من الناس
وفي الصورة السابقة نجد البائع وأمامه الخبز وأطباق عديدة .. استطعت تمييز عدة أطباق وهي ( طعمية + باذنجان مقلي + سلطة + فول ) والزجاجات هي لإضافة الشطة والزيت
- الصورة 2 -

صورة اخري لآفطار العمال في الصباح...
- الصورة 3 -
ونقل الماء من النيل مباشرة للمنازل حيث ان يد التلوث لم تصل اليها وقتها

- الصورة 4 -

مؤذن فوق أحد مآذن مساجد القاهرة القديمة
كل ما في الصورة السابقة مازال موجوداً طبق الأصل .. القلعة من بعيد وبعض المساجد الأخرى .. وما بينهما عبارة عن مقابر المماليك
كان المؤذن يصعد أعلى المئذنة ويؤذن بدون مايكروفونات
- الصورة 5 -

صورة المزارعين وهم يستعدون للمرور من على كوبري قصر النيل والإنتقال من ضفة إلى ضفة أخرى
حيث كان الإنتقال وقتها مقابل قرشين .. وكان يتم إعفاء الأطفال دون الـ 6 سنوات
- الصورة 6 -

جزء من الآثار الفرعونية في أسوان وهي غارقة
قبل بناء السد العالي كان كل عام يأتي الفيضان ويهدم القرى ويغرق المنازل ويدمر الأراضي الزراعية ، لذا كان التفكير في بناء السد العالي
والصورة السابقة تم تصويرها أثناء الفيضان
- الصورة 7 -

وسيلة الإنتقال الفارهة ..
ما ترونه الآن كأنها مرسيدس آخر موديل في وقتنا
فلن يركبوا على ظهر الجمل .. وإنما في حجرة معتدلة .. وتغطيهم من الشمس
أكيد وقتها كان الكل يتمنى تجربة هذه الفخامة
كانت هذه هي الطريقة التي تنتقل فيها العروسة إلى بيت زوجها ، ويتم تزيين الجمل كما نزين السيارات هذه الأيام
الحجرة التي على الجمل مزخرفة بشكل جميل ومصنوعة بما يسمى اليوم ( أرابيسك )
- الصورة 8 -

جمع غفير من المصلين بعد صلاة الجمعة في الجامع الأزهر
كان هذا المسجد ليس مجرد مسجداً للصلاة فقط .. وإنما كان له دوراً سياسياً كبيراً جداً
فمعظم الثورات ضد الإنجليز كانت تقام منه بعد صلاة الجمعة ، وكان نابليون يذهب إلى شيخ الأزهر بدلاً من الحاكم كي يترك أثراً طيباً في نفوس الناس
تأملوا الناس في الصورة السابقة .. منهم من يرتدي بدلة وكأنه يعيش بيننا الآن .. والغالبية تلبس الزي الطبيعي وهو عباية وعلى الرأس طربوش
وتلاحظوا وجوه من أفريقيا في الصورة .. فقد كانت تأتي للدراسة في الأزهر على نفقته .. ومازال الأزهر يقدم هذه الخدمة المجانية لمسلمي أفريقيا وشرق آسيا وأوروبا
- الصورة 9 -

خزان أسوان ..
وهو السد الذي كان موجوداً قبل بناء السد العالي ، ووظيفته أنه يحجز مياه الفيضان للإستفادة منها في الري ، لكنه كان لا يحجزها لأكثر من سنة
المهندسين الذين بنوا السد كانوا يستريحون في جزيرة بالقرب من أسوان اسمها جزيرة إلفنتين .. وهي الآن مزاراً سياحياً مهماً
الصورة السابقة التقطت عام 1906
- الصورة 10 -

بائع ألومينوم داخل أحد حواري مصر القديمة
رغم أن الصورة منذ عام 1905 إلا أن الوجوه مألوفة .. وسبحان الله الإبتسامة عليهم منذ القدم
وواضح طبعاً بأنهم كانوا وقتها في الشتاء
- الصورة 11 -

منظر عام للدقي من إحدى البلكونات
لا عمارات .. ولا زحمة .. ولا سيارات
البيوت وقتها كانت كما ترونها .. عبارة عن فلل بحد أقصى 3 أدوار .. وكانت كل فيلا أمامها بعض الأشجار داخلة في ملكية الفيلا
جزء كبير من هذه الفلل موجود حتى الآن وبالذات في مصر الجديدة والدقي وحلوان ..
حيث كان يقيم فيها اليونانيون الذين أقاموا فترة كبيرة في مصر لقربهم منها
- الصورة 12 -

بائع البطاطا ..
وهذا المشهد مازال موجوداً حتى الآن .. وبالذات على الكورنيش
عربية وعليها فرن لشوي البطاطا ..
أنظروا إلى زي المرأة في الصورة السابقة ..
- الصورة 13 -

هذه الصورة تعود إلى عام 1922 وذلك عندما تم اكتشاف مقبرة توت عنخ آمون في الأقصر
وهي المقبرة الوحيدة التي وجدوها كاملة المجوهرات وممتلكات الملك
اكتشفها أحد العلماء البريطانيين بتمويل من مليونير بريطاني كان من ضمن القلائل الذين يمتلكون سيارة في بريطانيا
وما تشاهدوه في الصورة هو أحد العمال عندما كان ينقل الآثار من المقبرة لترحيلها إلى المتحف المصري بالقاهرة
- الصورة 14 -

صورة قديمة لجامعة القاهرة .. في الجيزة
مشهورة بالقبة والساعة الموجودتين حتى الآن ..
تم إنشاء الجامعة عام 1908 وكان اسمها في أول الأمر : الجامعة المصرية
ثم تغير الإسم إلى جامعة فؤاد الأول
وبعد الثورة تم تسميتها جامعة القاهرة
- الصورة 15 -

منظر غير موجود ولن تراه أبداً .. الأهرامات وبجانها نهر النيل
حيث كان أحد فروع النيل يسير بمحاذاة الأهرامات .. وقد نقل الفراعنة الأحجار إلى هذا المكان بواسطة سفينة كانت تسير في هذا الفرع
السفينة موجودة حتى الآن وتعرض في متحف بالقرب من الأهرامات .. اسمها سفينة الشمس
وهي سفينة ضخمة جداً ولا يمكن أن تستوعبها صورة واحدة
- الصورة 16-

أحد المقاهي القديمة ..
لكنها في حي شعبي قديم .. بعكس مقاهي القاهرة القديمة في الأحياء الراقية التي كانت اجتماع نخبة الأدباء والشعراء
شايفينن الواد بليه
- الصورة 17 -

جنرالات الحرب العالمية الثانية في لقطة تاريخية أمام الأهرامات
الحرب كانت من 1939 إلى 1945
- الصورة 18 -

أفراد الجيش البريطاني أثناء الحر العالمية الثانية وهم ( ملمومين ) على أبو الهول
كان قريباً من الأرض وقتها لأن جزءاً كبيراً من جسمه كان مدفوناً تحت الرمال
لذا كانوا يصعدون على كتفه لأنه قريب منهم
- الصورة 19 -

إحدى الحارات المصرية القديمة ..
لاحظوا البيوت وعليها المشربيات من الخارج .. وغالبية البيوت في مصر القديمة كان عليها مشربية .. وذلك للحفاظ على خصوصية من في البيت .. ولها أيضاً دور في تكييف الهواء بالداخل

شيفين البيوت كانت بسيطه ازاى؟
أفضل من عماره 30 دور ولا ايه؟





في هذه الصوره ماذا تجد علي وجهه الفلاح البسيط
الى أتكلمنا عليه فوق خاالص لو تفتكر؟

هتلاقي أبتسامه بسيطه
تخيل ماذا يقول .....
انا أثق تماما انها كان يفكر في
الـحمد الله



طيب شايف لبس النساء قديما !!

أروع من كدا ايه ؟؟؟

لو أتكلمت ساعه وأكثر
مش هعرف أوصف بالكلام مصر ازاى كانت زمان لانها عاوزه ليها كتاب فعلا


________________________________


مــصر دلوقتي
فى عصر التقدم العلمي المستمر عبر السنين
ملاحظه بس : الأجانب لما بينزلو مصر فكريين ان المصريين زى الصور الى شوفنها فوق دي يعني لسه مفيش تقدم عندنا بنركب الأحصنه والحجات دي كموصله تخيلو فى ناس فكره ان في عبيد لسه من القصص الى بيشوفها
يجيو مصر ينصدمو بالتقدم الى احنا فيه
..وماشى الحال

مصر الأن مع التقدم العلمي الى احنا بنشوفو وبنعيشو
كل حاجه أتغيرت
بس مش كل حاجه طبعا
فكريين الحجات الحلوه بتاعت زمان الى اتكلمنا فيها
الحجات دي لسه موجوده وبتزيد مع الوقت

الجدعنه - الشهامه - خفت الدم - حب الخير للغير
الحجات الجميله دي كلها
أيوا لسه موجوده
بس الناس مش شيفها او مش بتلاحظه لان زى مافي كويس في وحش

والخير ديما بينتصر
مهمه الشر العمر بتاعو طويل ،،، هيجي الخير فى يوم وهيصلح كل ده
وتستمر الحياه .....

هتلاقي خفه الدم والضحكه الحلوه فى كل مكان

هتلاقي ناس بتقف جنبك بجد فى اى وقت وفي اى مكان

هتلاقي ناس جدعه يقفو معاك فى الفرح والحزن وفي كل الأحالات

أسمحولي أعرض ليكم صور جميله حديثه لمصر

الأســكـنـدريـــة



ده منظر للبحر و مراكب الصيد فى الأنفوشى- بحرى- رأس التين.




قلعة قايتباى و هى قلعة أثرية توجد بالأسكندرية فى منطقة رأس التين.




ده بقى قصر المنتزة و علشان اخد الصورة بالقرب ده من القصر كان حيتقبض عليا .. هههههههه
خاصة انى كنت واقف داخل ساحة القصر و كمان بابا مبارك كان فى طريقه لقصر المنتزة فى اليوم ده !! شايفين مفيش حظ احسن من كدا..
المهم القصر كان بتاع الملك فاروق و بعد الثورة و اتحول بقدرة قادر الى السلطان حسنى مبارك و اسرته طبعا...




دى بقى صورة جانبية لمكتبة الأسكندرية الموجودة فى الشاطبى.




دى مكتبة الأسكندرية من الداخل.. يعنى للناس اللى مش شافتها من جوه




منظر تانى لمكتبة الأسكندرية من الداخل برده..




دى اسمها القبه السماوية و هى موجوده فى البلازا بتاعة مكتبة الأسكندرية حاجة زى السينما كده و بتعرض أفلام علمية ثلاثية الأبعاد .. بجد فظيعة من جوه ..خاصة فيلم بتاع المجموعة الشمسية .. بجد كان وهمى ...



دى بقى قاعة المؤتمرات بالأسكندرية .. موجوده بجانب مكتبة الأسكندرية ..



قلعة و مسجد محمد على بالقاهرة... و على فكره فى قلعة مثلها بالظبط موجودة فى استطنبول بتركيا كانت كنيسة و أصبحت جامع بعد كده ... اسمها صوفيا على ما اعتقد ...





أحد أهرمات الجيزة..

دلوقتى بقى جه ميعاد الصور الجنان بتاعتى .. هههههههههه... لأنى بجد انا نفسى بحب الصور دى قوى ...
انتم رأيكم ايه ؟؟




ده منظر لشروق الشمس فى شرم الشيخ ... و الصراحة اول مره أعرف ان الشمس بتشرق من البحر فى شرم لأن فى اسكندرية غروب الشمس عندنا بيكون فى البحر ... المهم علشان اخد الصورة دى فضلت قاعد صاحى طووول الليل علشان اللحظة دى .. بجد يا جماعة كان منظرها جميل جدا جدا..





دى بقى غروب الشمس فى القاهرة الكبرى ... بالظبط كنت واقف بجانب قلعة محمد على ...




هنا بقى غروب الشمس فى الأسكندرية .. المهم الصورة صورتها من فوق سطوح عمارة واحد صاحبى كنت عنده و الجنونه بتاعتى اشتغلت و طلعنا فوق انا و هو و انا تسلقت خزانات المياه و وصلت لأعلى نقطة و صورت المنظر ده ...




ايه رأئيكم بقي؟؟؟

عرفتو مين أم الدنيا مصر اكتر ؟

ومحدش ينسى أحاديث الرسول عليه الصلاة والسلام عن مصر

او القرأن الكريم


( ملاحظه بس ؛ الموضوع كليا من عندي معادا الصور جيبها من مدونات وبعض المنتديات الصور القديمه او الحديثه )




أوعي تفتكر ان الحجات الى فى الموضوع دي من أفلام كرتون
ولا من قناه Mb3

صدقوني الحجات دي حقيقه وموجوده

وفي الأخر
بأأتمني من كل قلبي والله ان الموضوع يكون عجبكم بجد
لاني بكتب وبجمع الصور وبنسق الموضوع في بقالي ساعتين او ساعه والله
بس مش خساره فيكم

نفسى أسمع رأئيكم بجد في الموضوع

[طــيــرالجنــه المهــاجـر]

ياااااااااااااااااااه قول للزمن أرجع زمن الخير زمن الجدعان والرجاله والصحاب والصداقه زمن لن يعود أبدا|ً

فقطــ نسمع عنه كبار السن يحكونا عنه

فقطــ أصبح ذكري نتفاخر بها ونتمنى أن نعيشها

شكراً لك

[عبقرينو]

والله الزمان دا كان جميل جدا دا لما الناس الكبار بيحكو عنه شوفه بقى بيكون عامل ازاى امال بقى لو الواحد عاشه ياااااااااااااااااه الواحد بجد نفسه يجرب التجربه دى ويعيش الزمن دا لانه بجد زمن جميل جداااااااا

[shiri]

مفيش احلى من كده تسلم ايدك على الموضوع الرائع و مصر هتفضل حلوه زمان لما كانت مش مطوره و دلوقتي بعد التطور فمصر هي ام الدنيا و مهد الرسالات و مذكوره في القرآن

[صافي]

بجد ياعبقرينو انت عبقرينو ماشاء الله موضوعك هايل جججججججججججدا
تستحق التقيم العالي دة
وتصويرك هايل ماشاء الله عليك
اطلع بقي مصور مشهور بس متنسناش
تحياتي
اختك

[عبقرينو]

اقتباس المشاركة الأصلية كتبت بواسطة shiri مفيش احلى من كده تسلم ايدك على الموضوع الرائع و مصر هتفضل حلوه زمان لما كانت مش مطوره و دلوقتي بعد التطور فمصر هي ام الدنيا و مهد الرسالات و مذكوره في القرآن

مشكوره جدا على الرد الجميل والمرور الاروع

[عبقرينو]

اقتباس المشاركة الأصلية كتبت بواسطة صافي بجد ياعبقرينو انت عبقرينو ماشاء الله موضوعك هايل جججججججججججدا تستحق التقيم العالي دة وتصويرك هايل ماشاء الله عليك اطلع بقي مصور مشهور بس متنسناش تحياتي اختك

مشتكر جدا ياصافى على كلامك الجميل يارب يكون عجبك الموضوع وعجب كل الاصدقاء

[اميره القمر]

عبقرينو
اولا بحييك على الموضوووع
وطريقه سردك بجد رررررررررروعه
وانا كنت عامله موضوع مشابه له فى قسم السياحه والسفر
وده الرابط
http://forums.msryat.org/showthread.php?t=3465
لاكن طبعا فكرتك بتختلف
شكرا ليك ولمجهودك الراااااااائع
بانتظار جديدك المميز
دمت بود

[عبقرينو]

اقتباس المشاركة الأصلية كتبت بواسطة اميره القمر عبقرينو اولا بحييك على الموضوووع وطريقه سردك بجد رررررررررروعه وانا كنت عامله موضوع مشابه له فى قسم السياحه والسفر وده الرابط http://forums.msryat.org/showthread.php?t=3465 لاكن طبعا فكرتك بتختلف شكرا ليك ولمجهودك الراااااااائع بانتظار جديدك المميز دمت بود

شكرا ليكى على ردك الجميل

[عاشق الجمال]

الصور ده عمرها مائة وخمسون عاماً
لك منى