عزبة المرسي اخوان وشركاه

[نهر النيل]

بأمانه
انا جالي ضغط وسكر وشلل وزهاير وقولون كمان
وشكلي هخرج من هدومي اللي حيلتي
ايه ياعم مرسي
انت خلاص يعني اول ما تشطح تنطح و تلغي قرار القضاء الخاص بحل مجلس الشعب
هو دا احترامك للقضاء ياعمونا في دوله عملت ثوره
انا قلت من الاول احنا هنرجع تسعمية سنه لورا
محدش صدقني , واللي هلل , واللي طبل
البشاير وصلت يا حلوين
ولما توصل لالغاء قانون اتعمل مرتين قبل كده اصلا
في عصر النظام السابق وتم الحل
وييجي الاخ الرئيس
( وشاكك والله في حكاية الرئيس دي ومش فاهم لغزها اصلا ! )
يلغي قرار قانون
طب فاضل ايه ؟
بكره يطلعوا علينا الفلول ويقولوا اشمعنى احنا
طبعا اقصد المحبوسين من الوزرا والحاشيه
ومعلشي بتكلم بلدي اصل اتخنقت
فاضل ايه ياعم الشيخ مرسي
هتودينا لفين انت واخوانك ومرشدك
دي مصر ياعم مرسي
مش عزبة المرسي اخوان وشركاه
وانت لو مسكت النجوم مش هتكون اقوى م اللي سبقك
فين ياعم مشروع نهضتك
ياترى هو دا بدايتوا ولا ايه بالظبط
طيب مفاجأه وحصريه ليك وللكل
المرسي شهور وهيطير
والجيش قدر يوهموا ولبسوا في كرسي الرئاسه ( بطريقة الكوسه )
وكل الدنيا عارفه ده
وبأمانه
أنا حزين على الحال دا
وربنا يستر
ياريت لو حد فاهم حاجه يعرفني وينوبوا ثواب لوجه الله الكريم
مودتي لحضراتكم

[طفطف المرحه]

...

دا الشعب هو اللي هيطلع من هدومه من وجود امثال حضرتك في البلد
يعني الرئيس لما حب يتنزع صلاحياته وسلطاته من إيد العسكر قلتم " أول ما شطح نطح "
ولما مكانش عامل حاجة قلتم " رئيس من غير صلاحيات "
وبعدين ازاي يبدأ في مشروع نهضة وهو " سكند هاند " مش لما يحكم سيطرته علي البلد يبقي يشتغل !!
علي فكرة شكل حضرتك مش قريت قرار الرئيس كامل ولا عرفت هو اعتمد علي ايه
قراره صحيح مية بالمية
وكمان شكل حضرتك مش تعرف ان المحكمة الدستورية أصلا لا تختص بالنظر في قرار الرئيس ولكنها تحكم هذا دستوري وهذا غير دستوري
ومش عارفة حضرتك ليه ما اعترضتش علي قرار المحكمة اللي بيلغي ارادة 30 مليون ناخب بحجة أن قانون الانتخاب غلط ( بغض النظر إن المحكمة الدستورية هي اللي وافقت عليه وتهاني الجبالي قالت إنه محصن !!! )
وبعدين ما اتكلمتش يعني لما المجلس العسكري حل مجلس الشعب رغم إنه رئيس مؤقت وهذا ليس من اختصاصه واعترضت لما مرسي رجعه رغم إنه رئيس منتخب وده من حقه .

[نهر النيل]

اقتباس المشاركة الأصلية كتبت بواسطة طفطف المرحه ... دا الشعب هو اللي هيطلع من هدومه من وجود امثال حضرتك في البلد يعني الرئيس لما حب يتنزع صلاحياته وسلطاته من إيد العسكر قلتم " أول ما شطح نطح " ولما مكانش عامل حاجة قلتم " رئيس من غير صلاحيات " وبعدين ازاي يبدأ في مشروع نهضة وهو " سكند هاند " مش لما يحكم سيطرته علي البلد يبقي يشتغل !! علي فكرة شكل حضرتك مش قريت قرار الرئيس كامل ولا عرفت هو اعتمد علي ايه قراره صحيح مية بالمية وكمان شكل حضرتك مش تعرف ان المحكمة الدستورية أصلا لا تختص بالنظر في قرار الرئيس ولكنها تحكم هذا دستوري وهذا غير دستوري ومش عارفة حضرتك ليه ما اعترضتش علي قرار المحكمة اللي بيلغي ارادة 30 مليون ناخب بحجة أن قانون الانتخاب غلط ( بغض النظر إن المحكمة الدستورية هي اللي وافقت عليه وتهاني الجبالي قالت إنه محصن !!! ) وبعدين ما اتكلمتش يعني لما المجلس العسكري حل مجلس الشعب رغم إنه رئيس مؤقت وهذا ليس من اختصاصه واعترضت لما مرسي رجعه رغم إنه رئيس منتخب وده من حقه .

امثال حضرتي
طيب انا بقدم كل الشكر لحضرتك
ميرسي

[SiLver Spectra]

بص اي حد في العالم يسمع قصة الحل هيقولك ايه البلد الي بتشتغل نفسها دي
يعني ايه قانون ينزل و بعدين يحكم عليه بالبطلان!!
انت عارف مين الي عمل قانون الانتخابات ؟
المجلس العسكري,, و بعدين الاحزاب اعترضت فالمجلس العسكري وافق انه يعدله و تعمد يسيب ثغره فيه
عشان القضاء يحكم عليه ببطلانه وقت ما يتزنق
زي ما تقول كدا عدله شفهيا لكن مش عدله بنشره في الجرايد

فمعلش يعني هنعد نقول قضاء شامخ و مش شامخ و كلو بيشتغل بعضوا
مش الشامخ دا الي كان ساكت على تزوير الانتخابات ايام مبارك !
مش الشامخ دا الي كان موافق على تزبيط الدستور عشان مبارك يحكم لما لا نهاية
ليه ماكنش بيطعن على قرار منع الاشراف القضائي في انتخابات 2010 !!
و فين شموخه وقت المنظمات الأجنبية!!
لو قاعدت اعددلك مدى فتوره في الحكم في القضايا السياسية مش هخلص غير بكرا الصبح

من الاخر كدا قضاء مسيس بالدرجة الأولى
فأنا لو رئيس , هفكسه و هشتغله زي ما بيشتغلنا
دا غير ان زي الحكم دا كان صدر في التمانينات و الرئيس عمل استفتاء عشان يتحل
ماكنش في امر حل مباشر من السلطة التنفيذية زي ما عمل المجلس العسكري و كبش على التشريعية بمزاجه
لأ و فصله اعلان دستوري كمان ,,هو الوحيد الي مالوش ثغرات , بيغزل كل يوم قانون جديد و عادي
اما غيره فاول ما يعمل حاجه تطلعله المحكمة تقوله دا باطل

يا راجل دا مين الي يجيب قولون في البلد دي )

[Priŋčeŝŝ Mзnna]

مع احترامى الشديد لوجهوة نظر حضرتك
بس انا مختلفة معاك فى وجهة نظرك
انا مستغربة ازاى المجلس العسكرى مزورها ل د. مرسى
مش ده اللى كان ساكت ايام مبارك على كل اللى كان بيحصل !!
دلوقتى بقآ وحش ومزور وفاسد
انا طبعا مش بقول غير كدة .. بس مكانش مع د. مرسى
د. مرسى جاى بإرادة شعب .. حاولوا يغيروا فيه مقدروش
طبعا رأيى من رأى طارق ...
وشكرا على طرح الموضوع ده
ربنا يصلح حال البلد ياارب
بالتوفيق ..

[نهر النيل]

اقتباس المشاركة الأصلية كتبت بواسطة silver spectra بص اي حد في العالم يسمع قصة الحل هيقولك ايه البلد الي بتشتغل نفسها دي يعني ايه قانون ينزل و بعدين يحكم عليه بالبطلان!! انت عارف مين الي عمل قانون الانتخابات ؟ المجلس العسكري,, و بعدين الاحزاب اعترضت فالمجلس العسكري وافق انه يعدله و تعمد يسيب ثغره فيه عشان القضاء يحكم عليه ببطلانه وقت ما يتزنق زي ما تقول كدا عدله شفهيا لكن مش عدله بنشره في الجرايد فمعلش يعني هنعد نقول قضاء شامخ و مش شامخ و كلو بيشتغل بعضوا مش الشامخ دا الي كان ساكت على تزوير الانتخابات ايام مبارك ! مش الشامخ دا الي كان موافق على تزبيط الدستور عشان مبارك يحكم لما لا نهاية ليه ماكنش بيطعن على قرار منع الاشراف القضائي في انتخابات 2010 !! و فين شموخه وقت المنظمات الأجنبية!! لو قاعدت اعددلك مدى فتوره في الحكم في القضايا السياسية مش هخلص غير بكرا الصبح من الاخر كدا قضاء مسيس بالدرجة الأولى فأنا لو رئيس , هفكسه و هشتغله زي ما بيشتغلنا دا غير ان زي الحكم دا كان صدر في التمانينات و الرئيس عمل استفتاء عشان يتحل ماكنش في امر حل مباشر من السلطة التنفيذية زي ما عمل المجلس العسكري و كبش على التشريعية بمزاجه لأ و فصله اعلان دستوري كمان ,,هو الوحيد الي مالوش ثغرات , بيغزل كل يوم قانون جديد و عادي اما غيره فاول ما يعمل حاجه تطلعله المحكمة تقوله دا باطل يا راجل دا مين الي يجيب قولون في البلد دي )

والله يا دكتور طارق عندك كل الحق
بس ليه مش عارف ان المجلس العسكري دا
تصرفاتوا مريبه شويتين
معلشي اصل بعلوم السياسه
تمام زي جدتي ربنا يرحمها
مش تعرف اللغه الصينيه

[the Princess of rose]

انا بقى موافقاك فى كلامك
وبعدين لحد امتى هنفضل نقول مش دول اللى زوروا ايام مبارك
طب مادام مزورين ليه المرشحين ارتضوا من البداية لعبة بيحكمها مزورين وعلى كده ممكن تكون الانتخابات سواء التشريعية او الرئاسية مزورة مادام القضاة مزورين
وطبعا ده مش ممكن لانى اثق وعندى حسن ظن اننا نتغير للأحسن وان مفيش تزوير
وبعدين ده حكم دستورية يعنى مينفعش تغييره وزى ماانت قلت دى ما حصلتش ايام مبارك فجيا تحصل دلوقتى
اللى انا مستغرباه التغير المفاجئ للبعض بعد ماكان بيهاجم الاخوان دلوقتى بدأ يطبلهم
للأسف الاخوان كانوا يزعمون ان بدونهم ما نجحت الثورة وشباب الثورة كان بيهاجم ده لان الثورة نجحت بدم شهدائها الابرار وبس ولكن بانتخاب بعض شباب الثورة لهم اكد صحة كلامهم
وليا بقى استفسار ليه الدكتور محمد مرسى ما اجتمعش باهالى شهداء الشرطة ؟؟؟ ولا هو الشهداء انواع
انا مصرية احترم جميع الشهداء المصريين والعرب والمسلمين سواء كانت ايه وظائفهم او بلدهم
ودايما اقول انا مع الثورة ضد مبارك وضد برضه الاخوان
وعجبنى حمدى قنديل لما قال ان الثورة هى اللى حمت المجلس العسكرى مش المجلس العسكرى هو اللى حماها واعتقد ان المقولة تنطبق ايضا ع الاخوان
تحياتى لموضوعك

[نهر النيل]

اقتباس المشاركة الأصلية كتبت بواسطة the princess of rose انا بقى موافقاك فى كلامك وبعدين لحد امتى هنفضل نقول مش دول اللى زوروا ايام مبارك طب مادام مزورين ليه المرشحين ارتضوا من البداية لعبة بيحكمها مزورين وعلى كده ممكن تكون الانتخابات سواء التشريعية او الرئاسية مزورة مادام القضاة مزورين وطبعا ده مش ممكن لانى اثق وعندى حسن ظن اننا نتغير للأحسن وان مفيش تزوير وبعدين ده حكم دستورية يعنى مينفعش تغييره وزى ماانت قلت دى ما حصلتش ايام مبارك فجيا تحصل دلوقتى اللى انا مستغرباه التغير المفاجئ للبعض بعد ماكان بيهاجم الاخوان دلوقتى بدأ يطبلهم للأسف الاخوان كانوا يزعمون ان بدونهم ما نجحت الثورة وشباب الثورة كان بيهاجم ده لان الثورة نجحت بدم شهدائها الابرار وبس ولكن بانتخاب بعض شباب الثورة لهم اكد صحة كلامهم وليا بقى استفسار ليه الدكتور محمد مرسى ما اجتمعش باهالى شهداء الشرطة ؟؟؟ ولا هو الشهداء انواع انا مصرية احترم جميع الشهداء المصريين والعرب والمسلمين سواء كانت ايه وظائفهم او بلدهم ودايما اقول انا مع الثورة ضد مبارك وضد برضه الاخوان وعجبنى حمدى قنديل لما قال ان الثورة هى اللى حمت المجلس العسكرى مش المجلس العسكرى هو اللى حماها واعتقد ان المقولة تنطبق ايضا ع الاخوان تحياتى لموضوعك

عشان يا برنسيس
احنا خرجنا من عصر العولمه
والتقدم باقتصاد بلادنا
ودخلنا خلاص عصور التحريم والتحليل والتكفير والتسليم
وكل واحد ربى دقنوا اصبح واعظ وشيخ وخطيب
وعشان كمان
بقينا للاسف متحولين
بسرعه كلوا يغير
وسبحان الله
بعد ما كنا كلنا بنسبح بحمد النظام القديم وسيد مين يتمنى حتى يغسل وجهوا بترابوا
كلهم دلوقتي بيلعنوا فيه
احنا شعب متحول
بينسى كل شيئ بسرعه
ولغينا من قاموسنا الوفاء
مش معنى دا اني مع النظام القديم
انما دا دليل على اننا زي ما قلت شعب غريب
مبتكر في الاختراعات
متشكر برنسيس لاضافاتك المميزه
وتواجدك الجميل
مودتي

[طفطف المرحه]

اقتباس امثال حضرتي طيب انا بقدم كل الشكر لحضرتك ميرسي read more: http://forums.banatmisr.com/msryat367211/#ixzz20pfollc8

لا ميرسي علي واجب
وبعدين كل واحد ليه وجهة نظر
وبعدين دا بقي الرئيس بتعنا
ويجب انه يحترم علي رغم حضرتك بتحبه او معارضه
تب حضرتك عاملت ايه لمصر اوي علشان كدا بتكلم
غير يعني ان حضرتك قاعد قدام النت وبتحل مشاكل البلد

[SiLver Spectra]

اقتباس المشاركة الأصلية كتبت بواسطة the Princess of rose انا بقى موافقاك فى كلامك وبعدين لحد امتى هنفضل نقول مش دول اللى زوروا ايام مبارك طب مادام مزورين ليه المرشحين ارتضوا من البداية لعبة بيحكمها مزورين وعلى كده ممكن تكون الانتخابات سواء التشريعية او الرئاسية مزورة مادام القضاة مزورين وطبعا ده مش ممكن لانى اثق وعندى حسن ظن اننا نتغير للأحسن وان مفيش تزوير وبعدين ده حكم دستورية يعنى مينفعش تغييره وزى ماانت قلت دى ما حصلتش ايام مبارك فجيا تحصل دلوقتى اللى انا مستغرباه التغير المفاجئ للبعض بعد ماكان بيهاجم الاخوان دلوقتى بدأ يطبلهم للأسف الاخوان كانوا يزعمون ان بدونهم ما نجحت الثورة وشباب الثورة كان بيهاجم ده لان الثورة نجحت بدم شهدائها الابرار وبس ولكن بانتخاب بعض شباب الثورة لهم اكد صحة كلامهم وليا بقى استفسار ليه الدكتور محمد مرسى ما اجتمعش باهالى شهداء الشرطة ؟؟؟ ولا هو الشهداء انواع انا مصرية احترم جميع الشهداء المصريين والعرب والمسلمين سواء كانت ايه وظائفهم او بلدهم ودايما اقول انا مع الثورة ضد مبارك وضد برضه الاخوان وعجبنى حمدى قنديل لما قال ان الثورة هى اللى حمت المجلس العسكرى مش المجلس العسكرى هو اللى حماها واعتقد ان المقولة تنطبق ايضا ع الاخوان تحياتى لموضوعك

يعني ايه يطبلهم !
يعني بالنظرية دي انتي بطبلي للقضاه و العسكر ؟ :biggrin:
في حاجه اسمها استهبال سياسي
عمرك سمعتي عنه قبل كدا ؟
الي هو انك تكون عامل قانون جديد للانتخابات و تعمله مسوس
زي كاوتش جديد لسه مركبه و جايبه مخروم عشان انزلك من العربية وقت ما يعجبني و اقولك معلش اصل الكاوتش مخروم !
هو انت مش الي جايبه و لسه جديد كمان , جاي دلوقتي كمان و تفتكر انه مخروم!

انتي عمرك شوفتي حاجه زي كدا في اي بلد محترم , يركب كاوتش مخروم عشان يشيله وقت ما يعجبه!!
القضاة الي بتتكلمي عليهم انت مجبر انه يديرلك الانتخابات
لكن عندي مليون دليل على انه قضاء مخوخ سياسيا
لا في تطبيل و لا احزنون و لا جيبنا سيرة الاخوان !
هو انا لو مختلف مع الاخوان يبقى ارضى بالاستهبال و الهبل السياسي و الظلم ! هو دا المبدئ عندك!
مش عارف انا البعبع الي في دماغ الناس , كل ما تقول حاجه يقولك اخوان اه و يدخلك في سكه و حوار تاني مالوش اي علاقة بالموضوع
يعني لو قولتلك ايه دستورية حكم المجلس العسكري للبلد بعد الثورة !!
و فين قرار الدستورية في رفضه مثلا و تحويل السلطة لرئيس الدستورية حسب القانون !
لكن هو بيحكم بمزاجه على الي يعجبه
تعرفي انه من سنة 1995 و الدستورية العليا بتنظر في موضوع محاكمة المنديين عسكريا و لسه مش فصلت فيه لحاد دلوقتي
اما في موضوع مجلس الشعب طلع قراره تاني يوم بعد قرار مرسي
نفس الوضع في قانون العزل

تحبي اجبلك الزند و هو بيشيد بمبارك و يقولك انه بيحترم القضاء و هو و لا كان بيلتزم باحكامه دا لو حكموا في قضايا فرعية
زي فصل الحرس الجامعي من التابعيه للداخلية و النظام كان بينفض
و زي دا كتير
احنا بقى نسيب الواقع و نعد نقول الاخوان مفكرين و الاخوان عاملين و نخش في نوايا و نسيب الواقع الي فيه استهبال علني

شوفتي اخبار و محللي العالم كانوا بيقولوا ايه بعد الحل
عارفه لو جبت محلل سياسي من موزنبيق هيقولك دا استهبال من المجلس العسكري
و قضية التمويل الاجنبي وضحت اوي ان القضاء و العسكر مظبطين بعض
شوفتي انتي لما مرسي قال ( هنحاول نرجع عمر عبد الرحمن) الي مسجون في امريكا , الخارجية الامريكية ردت و قالتله ايه ؟
قالت : القضاء عندنا مستقل ( في امريكا يعني) , جمله تسمعها تتكسف انك مصري

و عشان يكون لعلمك انا من اشد المعارضين للبرلمان لما كان موجود و مش عاجبني اداء الاسلاميين فيه و بالاخص حزب النور
بس مع ذلك انا ضد الاستهبال لان دا مش مبدأ و ضد حله