مجرد كلام وخـــلاص

[أبـكتنــى ذنوبــى]

السلام عليكم ورحمه الله وبركاته
//

مش عارفه أبدأ منين واازاى بس لازم تسمعونى

أنا مش عارفة داخلة عشان اكتب إيه...حبيت اسيب ايدي تتكلم بما اني صوتي مبقاش قادر يطلع ولا قادرة اتكلم مع اي حد قلت يمكن اعرف اكتب وعارفة ان كلامي هنا ميهمش اي حد ومافيش فايدة اني اخلي حد يقرأ حاجة تضايقه ولا تنكد عليه
بس صدقوني
واعزروني
انا فعلاً ملقتش مكان اتكلم فيه غير هنا
.............
انا صح؟؟؟
!!!!!.....معرفش
غلط؟؟؟؟
برضه معرفش
عاقلة؟؟؟؟
معرفش
مجنونة؟؟؟
احتماااال
بس اللي انا عارفاه اني مبقتش فاهمة حاجة من الدنيا حواليا خااااالص
ومش عارفة عشان هي دنيا عاملة كدة واللا عشان انا كدة فهي كدة معايا
!!!!!!!!!
طبعاً محدش فاهم حاجة
بس برضه معلش خلوني اتكلم كدة وخلاص اللي وصل لهنا ومستفادش حاجة انصحه يطلع وميجيش الموضوع ده تانى ولاحتى يسبلى رد
................
المشكلة كلها اللي انا عارفاها ومتاكدة منها اني مش عارفة اتغير ولا امشي اموري ولا اكبر دماغي ولا مزعلش ولا ماحبش بقلبي اوي
عمركوا شوفتوا حد غلط عشان بيحب اللي حواليه بقلبه وبكل احساسه وبيزعل لما الناس تعامله كأنه ولا حاجة...ده يمكن الولا حاجة دي بتبقي كمان ليها قيمة عند الناس لكن هو لا
وبعدين نفضل نقول ماهو مش كل الناس
واللي مش كل الناس في لحظة بيبقوا كل الناس
والناس مش اي ناس
لا
ناس قريبين اووووي وعارفين ايه اللي بيزعلك وايه اللي بيجرحك وبرضه بيعملوه وعارفين ظروف مرضك وتعبك والظروف المنيله اللانتا فيها بعد ماافتقدت اغلى الناس ابويا وامى ..

أصعب احساس في الدنيا ان حد تبقي معتقد انه قريب منك ومش محتاج منه غير انه يكون جمبك وانت محتاجه حتى لو متكلمتوش لكن تلاقي تصرف معاكس تماما وبعد وجفاء من غير سبب اللي يضايق اكتر ان الانسان ده يعاملك بطريقة هو نفسه بيكره يتعامل بيها
المهم في كل ده
انك تطلع في الاخر غلطان
من كل النواحي
غلطان انك بتحب
وغلطان انك بتحس
وغلطان انك بتقول الحق
وغلطان انك بتتنرفز
وغلطان انك مش بتسكت وتعدي
طيب لما ابقي كدة
اتغير ازاااااااااااااااااي
الناس عايزيني اتغير
عشان انا غلط طبعاااااااااااا
وانا مش شايفة كدة
انا شايفة اني اللي يعرفني يعرفني زي ما انا
بجنوني
بعقلي
بحنيتي
بقسوتي
يحبني عشان بقول الحق ولو على رقبتي
ويحبني من غير سبب
يحبني عشان الأصحاب والاخوات بجد بيعملوا كدة
ولو مش كدة يبقي برضه انا حكون غلط
عشان ببقي موهومة بعلاقاتي كلها مع الناس ومش قادرة احدد
مين يستحق اني احبه بجد ومين لا
نفسي في اخر كل الكلام ده ارجع بعد يومين اقول انا ازاي قلته والدنيا رجعت تاني حلوة وانا كنت مكبرة المواضيع بجد نفسي اقول اني قلت الكلام ده كله في لحظة يأس مكنتش اقصدها
.....لكن
.......للأسف
انا حاسة ان حاجات كتير اتكسرت
...مش بيني وبين ناس كتير
!!!....لا
حاجات جوايا اتكسرت ومش حعرف أرجعها زي الأول
...بجد انا اسفة
اسفة علي الازعاج زي ما قلتلكم المرة اللي فاتت
اسفة عشان الوحدة احيانا بتبقي افضل من اي صديق
اسفة لأي حد ضايقته أو زعلته بسبب كلامي ده واعرفوا انه غصب عني كان لازم اطلع اللي جوايا
لأني بجد كنت وصلت لمرحلة اني مبتكلمش مع حد

[the moon]

علي فكره انتي صح 100%
وكبري دماغك من اي حد واعملي كل حاجه واي حاجه ترضي ربنا الاول واكيد هترضيكي

[shrOok]

كلامك صح مئة بالمئة اكيد
سيبك من كلام الناس اعملى الى انتي عايزاة بس يكون فى حدود الادب والمهم ترضى ربنا

[بسمة العمر]

على فكرة العيب عمرة ما كان بالدونيا او الزمن اللى نعيشه

العيب فى الشخص اللى نصاحبه او نحبه ونعطيه ثقه هو ما يستهلها

العيب فى البشر نفسهم ما بق ليهم امان

تسلم الايادى

[semsema elhor]

معاكى حق
لكن ارجعى اللى الله دائماا

[كشكول]

من عاش بأكثر من وجه مات ولا وجه لــه ... ومن كان مع الله كان الله معه