اسرة مصرية ومع اسرة الغالية طمطم

[مِسكُ الشَهادة]

نتشرف معكم وبكم في حلقة جديدة من برنامج ( أسرة مصرية ) مع ضيفتنا التي نحترمها ونقدرها لما اسهبت به من انجاز لرقي منتدانا وتقدمه مهما تحدثنا من عبارات شكر سنبقى عاجزين امام عظمة ما تصنع لنا بقلمها المتوهج نورا ً وقلبها العاشق لوطن ٍ ومنتدى عاشا فينا ما حيينا رحبوا معنا في أختنا الغالية المتألقة دوما ً ( طمطم ) أهلا ً وسهلا ً بمن جاءوا لنا فرحا ً بقدومهم كل القلوب ِ تبتسم ُ لا تسألوني عن أختاه أعرفها عنوان ُ التألق ِ منها المجد ُ يرتسم ُ تعالو لنتشرف بمعرفة أسرة أختنا الغالية ( طمطم )

اولا :- شكرا ليك ي خالد ع استضافتك ليا النهاردة وانا مبسوطة جدا بالدعوة دى ــــــــــــــــــــــــ ـــــــــــــــــــــــــ ـــــــــــــــــــــــــ انا اسرتى ف الوقت الحالى مكونة من 4 افراد انا :- ميرنا .. لسه مخلصة 2 ثانوى وطالعة 3 -علمى رياضة- هكمل 17 سنة ف شهر 11 حلمى ان ربنا يكرمنى وادخل كلية الهندسة وابقى باشمهندسة معمارية كده ــــــــــــــــــــــــ ـــــــــــــــــــــــــ ـــــــــــــــــــــــــ عندى اختين مـى اصغر منى ب 3 سنين طالعة 3 اعدادى ف اخر الشهر هتكمل 14 سنة مـى برضه بتحب الهندسة بس من ناحية تانية يعنى بناء طائرات_ سفن والجو ده ^^ ــــــــــــــــــــــــ ـــــــــــــــــــــــــ ـــــــــــــــــــــــــ مـريم اصغر من مى ب سنة طالعة 2 اعدادى بعد رمضان هتكمل 13 سنة مريم طموحها انها تدخل سياحة وفنادق ــــــــــــــــــــــــ ـــــــــــــــــــــــــ ـــــــــــــــــــــــــ والدتى و اهم فرد اكيد ربة منزل كانت بتشتغل ف شركة تأمين وبعدين لما انا جيت ع الدنيا سابتها علشان تفضالى بقآ ــــــــــــــــــــــــ ـــــــــــــــــــــــــ ـــــــــــــــــــــــــ ندخل ف التفاصيل بقآ انا واخواتى تقريبا ف نفس العمر الا ان تفكيرنا مختلف تماما كل واحدة فينا ليها شخصيتها المستقلة ^^ بس ده ميمنعش اننا دايما بنقعد نتكلم مع بعض وبنحكى لبعض كل حاجة حتى لو كانت تافهة ويمكن ده احسن حاجة فينا ــــــــــــــــــــــــ ـــــــــــــــــــــــــ ـــــــــــــــــــــــــ وبرغم كل ده الا انك تحسنا مولودين فوق بعض دايما بتناقر مع بعض زى توم وجيرى كده بس عمرنا م زعلنا من بعض الحمد لله ممكن نضايق اه وبعدها ب 5 دقايق نتكلم مع بعض ولا كأن حاجة حصلت مجانين بقآ ــــــــــــــــــــــــ ـــــــــــــــــــــــــ ـــــــــــــــــــــــــ بابا - الله يرحمه - كان مسمينا "امبراطورية ميم " يعنى علشان احنا الثلاثة اسامينا بتبدا بحرف الميم ــــــــــــــــــــــــ ـــــــــــــــــــــــــ ـــــــــــــــــــــــــ انا ومامتى بقآ مش تقول بنت ومامتها لا صاحبة والفريند بتاعتها وده لان ماما قريبة منى جداا عمرى م خبيت عنها حاجة حتى لو الحاجة دى كارثة واللى كان بيشجعنى انى احكيلها كل حاجة انها فاهمانى وفاهمة دماغى ومقدرة المرحلة اللى بمر بيها وعمرى م اتكلمت معاها ف اى حاجة الا ولقيت منها الهدوء والنصيحة المستخبية ورا الكلام يعنى بتنصحنى من تحت لتحت مهى ام برضه ولازم تنصحى بس بتتعامل معايا بذكاء ــــــــــــــــــــــــ ـــــــــــــــــــــــــ ـــــــــــــــــــــــــ والدى بقالوا 4 سنين متوفى كان قريب جداا ليا اقرب من اى حد تانى وكنت انا ال favourite عنده خصوصا ان انا البكرية اما اخواتى الاتنين فكانوا قريبن لماما اكتر وكمان ان انا كنت بعمل كل حاجة معاه بناكل _ بنشرب_ بنتفسح_ بنتفرج ع افلام الرعب سوا ومن ساعة م هو مات مش بتفرج ع افلام رعب ابدا ــــــــــــــــــــــــ ـــــــــــــــــــــــــ ـــــــــــــــــــــــــ اهتمامتنا انا قبل الثورة كان اهتماماتى عبارة عن النت الموسيقى وخصوصا ان انا بحب الجيتار جدا وكنت بقضى معظم وقتى ف العزف عليه بعد الثورة بقآ الحاجات دى اتغيرت شوية يعنى بقيت مهتمة اووى بالسياسة وبتابع برامج التوك شو وبقرأ جرايد كمان يعنى اتحولت شوية بس لسه بحب الجيتار ــــــــــــــــــــــــ ـــــــــــــــــــــــــ ـــــــــــــــــــــــــ ماما تقريبا نفس الدماغ كده يعنى بقت بتابع التوك شو كويس جدا وده بطبيعة الحال مش غريب لان التطورات ف مصر بتحصل كل ثانية ــــــــــــــــــــــــ ـــــــــــــــــــــــــ ـــــــــــــــــــــــــ اخواتى اكيد 13/ 14 سنة اهتمامتهم سبونج بوب بجد بيحبوه جدا ده غير بقآ ست مايلى سايروس دى بيحبوها وبيحبوا افلامها والمسلسل بتاعها ده طبعا انا مش ليا ف الكلام ده خالص ده شغل عيال ــــــــــــــــــــــــ ـــــــــــــــــــــــــ ـــــــــــــــــــــــــ اممممممممم كده تقريبا اتكلمت عن اهم حاجات ف حياتى وعشان كده هختم الحلقة الجميلة دى بجد كنت مبسوطة جدا بيها و بتمنى تكون قصتى عجبتكوا مرة تانية شكرا ي خالـد على استضافتى بجد فكرة هايلة ومتميزة منك ــــــــــــــــــــــــ ـــــــــــــــــــــــــ ـــــــــــــــــــــــــ وكـل سنـة وانـتـوا طيـبـيـن ~رمـضـان كـريـم ~ . . ــــــــــــــــــــــــ ـــــــــــــــــــــــــ ـــــــــــــــــــــــــ . ميــــرنـا ♫

أولا ً رحم َ الله والدك وجمعنا به في جنان ِ الخُلد ِ بعونه تعالى ونسأل الله أن يوفقكم لكل خير وأن يغمر حياتكم بالفرح ِ والسرور ونحن ُ من تشرفنا بحضورك يا أختي ولا شكر ع واجب مع أهل الواجب ربنا يكرمك ويسعدك ويحفظ أسرتك وكل عام وأنتم بألف ألف خير وصحة وسلامة

[دمعه حائره]

حلقه جميله مع اخت غاليه علينا كلنا
نورتى الحلقه يا ميرنا وربنا يرحم والدك
ويخليلك اخواتك ومامتك
واتمنى انك تحققى كل احلامك
يسلمو اخى خالد على الاستضافه الجميله
كل عام وانتم بخير

[الأميرة رودي]

حبيبتي ياطمطم
منوره الحلقه ياقمرى
ربنا يرحم والدك يارب ويسكنه جناته
ويخليلك مامتك وأخواتك البنوتات العسل دول
أجمل شئ فى الدنيا تكونى انتى ومامتك أصدقاء مش بنت وأمها ..
ربنا يخليكو لبعض ياحبيبتي ويملى بيتكم سعاده وحب دايـما
تسلم الاايادي ياخالد استضافتك مميزه
يدوم التميــز أخى وكل عـــام وأنت بخيــــر

[عاشقة ذكر الله]

حلقة جميييلة أخى
منورة ياطمطم ياقمر المنتدى
ربنا يرحم والدك ويجعل مثواه الجنة
حلقة تستحق التقييم
يسلمووو اخة ع الدعوة الجميلة

[Mo7aMaD 3aLa2]

ميرنآ ,, من الشخصيات الجميلة اللى معانا فـ المنتدى
ربنا يرحم والدكـ يا رب
ويخليلك أسرتكـ الجميلة دى
ونشوفكـ بشمهندسة معمارية أد الدنيا ان شاء الله

تسلم ع التوبيكـ يا خالد

[نقاء القلب]

حلقه جميييله اووووى ..

سعيده انى اتعرفت ع اخت غاليه فى المنتدى ..,,

ربنا يخلى ليكى مامتك ي قمر ..

ويرحم والدك ويدخله فسيح جناته ))

حلقه جميييله وممييزه ^^

ورمضان كريم

[۩۩ elMagic ۩۩]

عجبتنـى امبراطوريه ميم :biggrin:
بجـد حلقه جميله
وربنـا يرحم والدكـ ويجعل مثواه الجنه
ويخليلكوا والدتكوا وتشوفكوا كده حاجه جميله مستقبلاً وتفرح بيكوا
بالتوفيق ليكـى ى طمطم دايمــا
وكل سنه وانتى بألف خيـر
تسلم يا خالد للمجهود الجميل
كل سنه وانت طيب يا غالـى
مودتـــــــى

[همسه الجوارح]

حلقه روعه
وشخصيه جميله جدااااااااا
وصغنطوطه وشقيه
ميولها رقيقه
واخواتها ربنا يخليهم لبعض
وربنا يرحم والدها
ويخليلها والدتها
وتسلم ايدك ياهندسه
ومنوره ياطماطم
وكل سنه والمسلمين بخير

[طمطم]

تسلم ي خالد مرة تانية ع استضافتى
وبجد استمتعت جدا بالحلقة

[طمطم]

اقتباس المشاركة الأصلية كتبت بواسطة دمعه حائره حلقه جميله مع اخت غاليه علينا كلنا نورتى الحلقه يا ميرنا وربنا يرحم والدك ويخليلك اخواتك ومامتك واتمنى انك تحققى كل احلامك يسلمو اخى خالد على الاستضافه الجميله كل عام وانتم بخير

تسلمى ي منة
ربنا يخليكى ي جميل
نورتينى