يا تري اللوم علينا والا عليكي يا دنيا ...؟

[ماتركس]

انا النهارده جايب ليكم موضووع اللي عايشينو في وقتنا الحالي

وهيه الدنيا اللي دايما نلوم عليها معا اني الذنب مش في الدنيا الذنب في اللي عايشين فيها كل واحد مننا لما تقابله اي

مشكله تقابله يقوال ما هيه الدنيا كده هيا اللي مدينا ظهرها عالطوال كل ما طالب ميجبش نتيجه في الامتحانات تلقيه يقوال

ما هيه الدنيا حظوظ كل واحد مننا لما يتخان من حببته والا تتخان من حببها يقوال الدنيا ملهاش امان كل ما بنت او والد حد

يكذب عليه يقوالو ما هيه الدنيا كذابه كل واحد ما يتجرح من صديقه نقعد برضوه نلوم علي الدنيا لو في موظف متوظف في

وظيفه علي قد حاله ويلاقي واحد صاحبه متوظف في مكانه اعلي منه دايما يقوال اخص عليكي يا دنيا الله يرحم واد فيلان

كان ايه وبقي ايه بقيت الدنيا في وقتنا ده هيه الشماعه اللي بنعلق فيها كل حاجه فشلنا فيها في حياتنا

ليه كل واحد من دووال من اللي ذكرتهم ليه مسئلش نفسه وقعد يفكر معا نفسه وقال لما جينا الدنيا دي مش كانت فاضيه

واحنا اللي عاملنا فيها كل ده لما ربنا سبحانه وتعالي خلق الدنيا خلقها نظيفه

مكنش فيها كذب

مكنش فيها خيانه

مكنش فيها قتل

مكنش فيها جرح

مين اللي خلي فيها كل ده مش الانسان اللي خلي فيها الكذب

مش الانسان اللي خلي فيها الخداع والخيانه والنفاق

ليه هيه بقيت الشماعه اللي بنعلق عليها كل حاجه حصلت غلط في حياتنا

لو كل واحد معلقش فشله علي الدنيا وخلي اللوم علي نفسه وعاقب نفسه

اكيد مكنش ظهر كل ده من كذب وخداع وخيانه وغدر وقتل

ياتري يا جماعه بعد كل ده اللوم علي مين فينا علينا والا علي الدنيا

نتظر ردودكم التي تنير الموضوع

اخوكم

احمد الشريف

[بسمة العمر]

موضوع جميل منك اخ احمد

الدنيا ملهاش ذنب فى افعال البشر

الدنيا ما هى الا دنيا عايشين عليها لحد ما يؤن الاوان

الذنب كله على ابن ادم

واهم شئ هنا انعدام الضمير عند البشر كمان الانانيه وحب النفس

كمان الحقد والغيرة كمان الكذب وتذيف الحقائق

كله دة بتعملوا الدنيا لا بيعمله ابن ادام

يبق الذنب على مين

هيقولك ابن ادم على الدنيا بس الدنيا ما قلتلك غش خون اخدع زيف نافق

انت من نفسك

وهى خلاص يا احمد لقد قرب الميعاد

وهنشوف الذنب على مين

بس لو صلح الناس جميعا مكنش فيه دونيا لازم يكون جزاء صالح وجزاء طالح

تسلم الايادى على جميل اختيارك

[توحد ارواح]

تمام

كما ذكرت اخى دا واقع عايشينه

ان كل واحد بيعلق على الدنيا شماعة فشله

و يجيب الحق عليها

بالفعل نحن من يتغير

و الدنيا كما هى

مطلوب من كل واحد فينا

انه يقف وقفة مع نفسه

و يعيد ترتيب حساباته

و يحاول انه يتغير للافضل

و يجيب اللوم على نفسه مش الدنيا

رغم اختلاف بعض المقاييس برده

بس مش نكون سلبيين

مشكور اخى و جزاك الله خيرا ع التوبيك الرائع

تحيتى

[فنانه باسلوبي]

دة شيئ متعارف علية يعني بص لنفسك االاول
مش هتعاتب الدنيآ؟وتبئة حاسس انهآالسبب
عمرحد فينآ(غيرقليل جدا) يعترف بخطئة ف اهمال الفرص او يتعامل مع خطئة بجرائة ف حق نفسة
علشن بيحبش يعاقب نفسة وهيبقة ينصفهآ علي حساب
الدنيآويخلع من مسؤليتة بحق اي مشكلة يكون هوة
اتسبب فيهآ
ارجو تكون المعلومة وصلت وجهة نظري المتواضعة
:‏)‏)

[Gogo mohamed]

تحيـــــــــــــــــــــــــاتي
بجد موضوع جميل
والعبره منه ان الانسان الفاشل هو اللي عامل لنفسه شماعه بيعلق عليها غلطاته لا ومش كده وبس من كتر الغلطات الشماعه ممكن تقع والانسان ولا هو هنا اهم حاجه عنده التبرير ودي سمه وحشه جدا
وبعدين ربنا خلقلنا الدنيا جميله واحنا بايدينا خلناها بالشكل ده

[نقاء القلب]

بص هى 100 % اللوم مش ع الدنيا ,.

واعتقد ان كتير اووى عارفين كده ..

بس زى ماتقول كل انسان فشل فى حاجه ..

بيكون عايز يلوم اى حد غير نفسه فبيلوم الدنيا ,,

فالدنيا بقت زى الحماله الى الكل بيعلق عليها غسيله الوسخ ..

طب ليه لما بينجح فى حاجه مابيقولش بسبب الدنيا ودايما يقول ده بفضل ربنا وبفضلى ،،

هى الدنيا بقت كده عليها اللوم فى كل حاجه ،، ربنا يهدى الجميع ..

نقاش رااائع ي احمد ,,

مودتى

[نهر النيل]

تمام ياريسنا
وعندك كل الحق
العيب فينا احنا
الدنيا من نعم ربنا علينا
ومستحيل الخالق يخلق شيئ فيه عيوب
تبارك وتعالى منزه
انما مخترعين العيوب فعلا البشر
توبيك روعه
تسلم ايدك ياريسنا
احترامي

[براءة حلم]

هههههههه عشان يمكن هي الشي الوحيد اللي لو اتهمناها موش هتقدر تنطق وتقول لا انتم السبب:004:
كلامك صح يأحمد دائما اي حاجه بتحصل لينا بنقول ماهي الدنيا بيكون ربي مقدر افارق اغلي ناس
بقول ماهي الدنيا دائما تفرقني عنهم برغم انها مالهاش اي دعوه بس كده متل ماقلت لك عشانها الشماعه اللي نعلق عليها كل المشاكل والهموم
بص هقولك وهي اكثر ماهي اتهام للدنيا صارت طبيعه حتي اوقات نقولها من غير مانقصدهههه يعني تعود
بس الاكيد ان العيب فينا مو بالدنيا الدنيا متل ماهي بس الناس اللي تغيرون
تسلم يأحمد موضوع رائع كالعاده
اممممم اقيمك ولا لا كم تدفع:079:
هههههه احلا تقيم تستاهل موفق يارب

[عاشقة ذكر الله]

لا طبعا العيب فينا احنا بصراحة

يعنى الدنيا واحدة واحنا اللى بنتغير موش ثلبتين ع حال

ان ادتك قلت دا حظ وان خدت منك تقول ليه كدا يادنيا

ياريت نصلح من نفسنا الاول ونشوف الاخطاء دى ونعالجها

بدل مانعلقها ع شماعة الحياة التى ستؤدى الفش

جزاكم الله خير ا ع النقاش

[●•0دموع الورد ●•0]

فعلا أخى
بنلوم الدنيا ديما
ومش بنبص لنفسنا قبل لما نلومها
ديما بنلومها لما يحصل لينا حاجه
سواء ظلم....خيانه....كذب....
لازم ديما نبص على نفسنا الأول
وزى ما قلت ربنا خلق الدنيا
بدون كذب بدون ظلم بدون ...وبدون
والإنسان هو الى نشر فى الدنيا حجات كتير اوى
بس أحيانا بيكون تعبان فمش بيلاقى غير الدنيا ويولمها

بس فى الأخر لازم كل واحد فينا يغير نفسه
وقبل ما يلوم الدنيا ....يلوم نفسه لأن كل الى بيتعرض ليه
ويتنج عنه لوم سببه (نفسه)


تسلم اديك اخى على طرحك