ضجيج الصمت

[قلم بلا حبر]

بسم الله الرحمن الرحيم

السلام عليكم

اغلبنا يتمنى الهدوء وراحة البال ,,

وان كان هنالك منا من يستمتع بالجو الصاخب احيانا

الا انه تبقى بداخل كل واحد منا جزء خاص يستمتع فيه بالهدوء النفسى او مانسميه بالسكينه ,,

كثيرا ما نجد عبارات ,, صمتى سلاحى ,, والصمت اقوى من الحديث ,, ودعونى وصمتى

كلمات او جمل كهذا تنتشر بيننا دون ان نقف ولو للحظات عند معناها وهل هى صحيحه ,, ام انها مجرد ادعاءات نتناقلها دون وعى لمجرد حلاوة اللفظ فيها

عزيزى القارئ ,, هل تحسب انت ايضا ان صمتك يجلب لك الهدوء ؟

هل الضجيج يأتى فقط من الحديث والثرثره من الاخرين ؟

لكن ماذا عنك انت ,, هل لا تسبب لنفسك ضجيجا ؟

دعونا ننظر الى المشكله من زاويه عكسيه نتجرد فيها من الخيال ونقترب قليلا من الواقع المجرد

لغة التخاطب بين البشر تعتمد حقا على اللسان كما هو الحال فى سائر الكائنات

الا أن الله قد ميز الانسان بنعمة العقل ,,

لذا فاللسان فقط يتحرك لينطق بما يمليه عليه العقل

اى ان مصدر الحديث والثرثره فى الاساس العقل ,, وما اللسان الا وسيله للتعبير ليس الا

لذا فالصمت قد ينقذ أذنك حقا من ضجيج الحديث

لكن لن تسلم نفسك من ضجيج الصمت ,, فهو اقوى واشد تأثيرا ,, هكذا أحسب انا كذلك

فحينما تستلم لصمتك وتنقاد الى انعزالك ولو على سبيل راحة البال ,, فأنت قد منحت فرصه ذهبيه للعقل لبدء ضجيج يدعى ,, التفكر

هذا التفكر كفيل بان يحدث لك ضجيجا هو فى قوته اشد الاف المرات واقوى تأثيرا على النفس البشريه من ضجيج الحديث او الخطاب العادى الذى نعرفه

فصمتك قد منح الحريه المطلقه لافكارك الوارده من العقل من التشعب هنا وهناك ,, ومنحت كل ذلك قدرا من الخيال واحيان يدعم كل هذا الشك والريبه فى كل شئ

لتذداد دائرة التفكر رويدا رويدا ,, حتى تغلق كل احاسيسك فتجدك فى النهايه صريعا لتشعبات كثيره بدأت فى الآساس بمجرد فكره اتتك اثناء صمتك او هدوءك ,, لتنتهى بافكار كثيره ومتشعبه ويمسها الشك فيجعل منها افكارا سلبيه تنتهى بك الى الخوض فى غمار الحيره

فى وسط كل هذا تشعر أذنيك بطمأنينه ما ,, نتيجة لانعدام الضجيج الحسى

بينما نفسك تخوض معركه حاسمه ضد ضجيج الصمت الذى وقعت فيه ,, فباتت كل حواسك مستقبلة لاشارات سلبيه من العقل تمنحك قدرا من التبلد ولو للحظات نسميه نحن (( سلاح الصمت ))

هو ليس صمتا ,, بقدر ما هو عجز فى الحقيقه

والآقسى ان يتملكك العجز لتصبح اسيرا له ويهيمن هو على ادراكك ليجعلك تنقاد الى مزيدا منه ,, فيذداد صمتك يوما بعد يوم ,, وتتكاثر عليك الافكار يوما بعد يوم ويعلو الشك والريبه فى كل شئ وفى كل فكره حتى تخترق الحيره عالمك وتتملكك وتقودك فى النهايه الى الانعزال التام وتلك اولى مراحل الاكتئاب اعذانا الله واياكم منه

لكن هل كل الصمت عجز ؟؟

بالقطع لا

فهنالك من الصمت ما هو اشد وقعا من الحديث وابلغ أثرا ويحمل من المنطقيه ما يجعل موقفك اكثر ثباتا وايجابيه

لكن هذا النوع من الصمت يتطلب ادراك حسى فى البدايه يساهم فى تكوين شخصيه قادره على لمس الخطوط الرفيعه بين الصمت الايجابى والصمت السلبى

لذا فهى حينما تصمت ,, فقد لامست بدقه خط الصمت الايجابى ولهذا فهى لن تقع فى صراع الافكار ,, او تذوب بين ثنايا تشعباتها ,, او يقودها شكها وريبتها الى مستنقع الحيره

لذا فالصمت ليس سلاحا بقدر ما هو ,, سلاح ذو حدين ,, لمن يجيد فقط ان يستخدمه حتى لا يوشك ان يصيب نفسه هو بدلا من ان يصيب الاخرون

ولذا فطبيعى ان نجد ان من اوائل علامات الاكتئاب كما وردت فى علم النفس هى الصمت الذى يقود الى العزله بعيدا عن المجتمع والذى معه تتسارع الافكار وتتشعب وتدعمها الشك والريبه فى بعضها البعض وتتداخل فيما بينها لتحدث ضجيجا داخليا هو اقوى من اى ضجيج خارجى

انه ضجيج الصمت ,, لينتهى المقام الى العزله رويدا رويدا ,, حتى مرحلة الانفصال التام عن العالم الخارجى

لذا عزيزى القارئ لا تتباهى بصمتك ,, ولا تحسبه سلاحا ,, بل هو كما اوضحت سابقا سلاحا ذا حدين

ان شئت استخدامه فلابد ان تدرك جيدا ماهية ما انت مقدم عليه من فعل قد يتسبب فى تحطيمك انت قبل ان تأمل فى كسر كبرياء الاخرين

وصدقنى ,, احيانا ضجيج الثرثره ,, ارحم بكثير من ضجيج الصمت

لكم كل تمنياتى بالتوفيق والسعاده

تحيااااااااااااااااااااااتى""""""""""

[SiLver Spectra]

يا واد يا مفلسف :biggrin:
تقدر تسميه ارهاق فكري
لما تبدأ تفكر في حاجه واحده كتير و تكون محتار في خياراتك او مش لاقي الخيار الأنسب
الشعور دا كمان بيجيلي لما بحاول اطلع بفكرة مسابقة جديدة مثلا
او فكرة موضوع جديد , بتوصل لمرحلة ارهاق فكري في صمت بتبقى عايز بعدها تقفل صمت الضجيج زي ما ذكرته و ترجع لضجيج الحديث أو السمع , و كتير بوصل لمرحلة الاحباط لما مش بوصل لنتيجة كويسه من حيث العمل و الفكرة , أو ممكن زي ما ذكرت بتطلع بنتيجة متشعبة بتصيبك بحيرة بس دي لما بتجيلي ببقى مبسوط لأني بكدا وصلت لخيوط الفكرة و فاضل اني اطلع كل خيط لواحده و اختار الي يناسبني

عامة التوازن بين الصمت و الضجيج مهم
الصمت لواحده بيسبب كآبة
و الضجيج لواحده بيسبب ضيق نفس
و السببين دول بيترتب عليهم آثار سلبية في النفس و في السلوك الآدمي عامة

موضوع قيم,,

[بسمة العمر]

ارى ان الصمت اصعب من الكلام

فالصمت يسبب الكثير من المتاعب فهو يجعل العقل دائما فى توهان

ويجعل الفكر شارد

ربما لو تحدثت بما فى داخلك ترتاح نفسيا ويرتاح فكرك لانك اخرجت كل ما بداخل من شاحنات

ام الصمت تظل طوال الليل والنهار صامت تفكر بداخلك ماذا افعل وماذا اقول

ربما ترتاح الاذن ولكن القلب والعقل لا يرتحان بل يظل طوال الوقت مشغولان زليلان للصمت

فالتعبير بالكلام سهل وبسيط وميسر للامور

ام الصمت صعب ثقيل مصعب لعملية الفكر تاعب للقلب شاغل للبال

قد تفيد احيانا لغة الصمت ربما تضر كثير فهى تسبب ضجيج فكرى وعقلى

جميل موضوعك قلم

تسلم الايادى

[ساحر الأحزان]

ضجيج الصمت ام ضجيج الافكار وارهاق النفس تتحدث نفسك وتتحرك

افكارك انت صامت ولكن عقلك لا يتوقف عن التفكير فتثقل الهموم الصمتية

ام ضجيج العقل الباطن الذى يتحرك من السكون لليقظة فتتقلب الافكار معك

موضوع قيم منك عرب

تحياتى

[همسه الجوارح]

بصراحه مواضيعك من ساعه مابعدت عن السياسه
وهى اخدت معانى تانى
يمكن لان ميولى فكريه اكتر من السياسيه
عبرت عن مايجرى بداخل كتير مننا
اوقات تحصل معايا مشكله بكون ساكته وصامته
ولكن بداخلى مش بيعمل ضجيج وبس
ممكن يكون بيعمل حرب لحد مايهدى خالص
ممكن يمر بسرعه
وممكن يرجع تانى الى ان اجد الحل المناسب
طرح راقى اخى
دمت بكل ود واحترام

[دمعه حائره]

الصمت ضجيج داخلى
لغه الضعيف الذى لايملك رد
ولغه العبقرى التى تسبق ابداع جديد
الصمت احيانا يكون ابلغ من كلام لايفهمه غيرك
وافضل من مجادله احمق يكون الكلام معه عقيم
الصمت فعلا سلاح ذو حدين كلاهما متعب
وكثيرا مايتبعه اكتئاب
نتيجة لكتم مشاعر وافكار لاتستطيع التعبير عنها
الوسطيه دائما هى افضل الاختيارات
تسلم اخى دائما راقى فى فكرك وطريقة التعبير عنه

[yasmine refat]

ياراجل جبتلي أكتئاب :biggrin:

مش صمت أكتر من فراغ لما تبقى فاضي هتتاكل آكل ,,, الفراغ بيموت

زي الاجازه دي الي هخرج منها بتوحد :biggrin:

أنت بقى جبت الخلاصه في النهايه (( أهم شيء تعرف نفسك ))

الخواطر السوداويه بتمر بأي حد (( الي مش حقائق في واقعك)) وخاصة لما تشوف مواقف معينه قدامك ,,

بس انت بامكانك ترفضها او تستمر فيها (( مش شرط تبقى لوحدك )) ممكن تبقى مع لمه وتجي فكره تقلب مزاجك من حال لحال

فالحل تكون عارف نفسك وأزاي ترجعها للخط الصحيح (( أنا شخصيا بكتب أو بتكلم مع أي حد أو حتى بشغل هكونا متاتا :biggrin)

المهم كل حد يعرف نفسه

وبعدين الحزن مش وحش دايما لانه فعلا بيحسسك قيمة الناس فتبدء تراعي فيهم (( السعاده والاحساس )) بالقوه مش دائما أيجابي

وبشوف الخلوه مع النفس من اهم الامور (( حجات كتير قدرت اتجاوزها كده )) لان احيانا ضجيج الحديث هروب (( وهو التبلد فعلا )) بدل ماتواجه نفسك بتهرب

وحتى لو تبلدت (( عندك الثورات العربيه مثال جميل جدا )) الناس ثارت على نفسها

في حالات فعلا بتوصل لحاله مأسويه (( بس دي بجد محتاجه حد يقف جنبها ))

ولكن الخلوه مهمه علشان ترتب امورك

وانا شخصيا لو خيرت بين ضجيج الحديث وضجيج الصمت هختار ضجيج الصمت (( وبما أني شخصيه بميل للتأمل ففعلا الصمت مش بيبقالي مشكله لأني فعلا في اوقات كتير ببص حتى لمواقفي الشخصيه من برى ))

وزي ماقلت الافكار السوداويه بتجي للجميع

غير ان اغلب الناس بضيع وقتها في تافهة وامور بتستهلك منك كتير انا فعلا لما أختار اصمت بصمت في حاجه عارفه انها هتستهلكني ومش هستفيد اسكت احسن !!!

وبعدين احنا شعوب بتعاني في غالبية افرادها بلا هدف فطبيعي تلاقيهم مشغولين بتفاهة (( الفاضي يعمل قاضي :198)

الصمت في الغباء والتفاهة ومع صغار العقول جمالا :biggrin:

ومش تبلد قد ماهي سياسه لاعطاء كل شخص حقه ولاعطاء كل موقف حقه

امشي لهدفي ولا استهلك شخصي في امور لن تنفع شيئا

مشكور ياسيد :003:

[Sєяєєη●•ʚɞ]

حلو اوى الموضوع
وعجبنى فيه تشبيهك للصمت
بالرغم انى بميل كتير جدا للصمت وبفكر كتير بس برتاح فى الصمت جدا
كتير اوى بزهق من الناس وبحب اكون انا ونفسى بس نفكر فى صمت:biggrin:
بس مهما كان ضجيج الصمت جوانا ومهما اما وصلنا لتفكير فيه بس عمرنا اما هنندم ع التفكير اللى وصلنالهم لانة ببساطة بيفضل جوانا عكس ضجيج الكلام اللى ممكن يوقعنا فى ذلات واخطاء جسيمة نندم عليها
فمهما كان الصمت فيه ضجيج بس هو مش بيأذى الشخص عكس ضجيج الكلام اللى ممكن من كلمة تندم انها خرجت منك
ودة الفرق بين ضجيج الصمت وضجيج الكلام
الوقفه مع النفس ومحاسبتها والتفكير فى الامور حلوة وانا شخصيا بحب جد اعيد حساباتى بينى وبين نفسى فى كل حاجة بتحصلى فى حياتى
ناس كتير بتكون مفكرة ان الشخص الهادى او الساكت دة مرتاح ومش فى باله حاجة
بالرغم انة بيكون اكتر شخص جواة ضجيج وصراعات فكرية
احنا مش بنميل للصمت وبشدة غير لما بنكون تعبانين ومحتاجين وقفه مع نفسنا نفكر فيها تانى بهدوء علشان كدة تلاقى المكتئب بيبعد عن الناس ومش عاوز يكلم حد بيكون وقتها محتاج نفسة بس يفكر معاها ويعيد حساباتة فيها وكتير جدا من كتر ضجيج الصمت بتتمنى ان دماغك توقف عن التفكير هروبا بس من ضجيج الفكر لما بيزيد عن حاله ووقتها بتهرب للناس من تانى عشان تنسى التفكير وبتهرب لضجيج الكلام >> عملية عكسية
وكتير اوى بنخرج من فترة الصمت دى براحة نفسية كبيرة لانك بتكون وصلت لقناعات فكرية قدرت بيها تريح نفسك وتديرها داخليا ودة فى حاله لو كنت فاهم نفسك بجد
وفهمنا لانفسنا بتختلف من شخص للتانى لان النفس البشرية فيها اسرار مع الوقت بتكتشف حاجات فى شخصيتك وبتتعلم وبتزيد خبرتك
فكلنا محتاجين لضجيج الصمت علشان نقدر نوازن الامور ونعيد حسابتنا من جديد ،، واحيانا بنحتاج ضجيج الكلام عشان نهرب من ضجيج الصمت
فلازم نوازن بين الاتنين علشان مانتعبش
بالرغم انى بميل لضجيج الصمت اكتر
وشكرا ليك ياسيد ع الموضوع الراقى

[اميره شاعره]

العنوان جزبنى اوى
بس عندك حق
اوقات كتير بفضل انى اعتزل بنفسى من اجل التفكير
وترتيب الاوقات وبعدها اشعر براحة نفسية بالرغم من ارهاقى الذهنى
تحياتى لموضوعك المميز

[Words Whisper]

وعليك السلام والرحمة ..



كلنا نسعى للراحة سواء راحة البال أو القلب أو الروح

لكن من قال أن الصمت راحة و هدوء ؟؟!!

أحيانا نصمت لأن الصمت كرامة والرد أقل من مستوانا

حسنا هذا جيد جدا

لكن كثيرا نصمت اضطرارا لأننا اعتدنا الصمت و اعتدنا ألا نجد من يسمع

موجع هذا النوع من الصمت جدا

هو ببساطة أن يغلي البركان داخليا في { صمت

فإما أن ينفجر و يُحرق كثيرا مماحوله

وإما أن يبقى في احتراق داخلي يُذيب كل شيء

لكنه كثيرا يكون نوعا من اضطرار فلايستحق أن يسمع من لايشعر ...

وليس دوما وصف الذات بالصمت تفاخر وإنما هو التعبير عن حالة ..


مؤلم هو موضوعك

شاكرة لحضرتك

سلمت

ودمت بحفظ الرحمن ..