مشاركة ارباح جوجل ادسنس - اربح من كتابه مواضيعك

[Mahmoud Kamel]

السلام عليكم ورحمة الله وبركاته

إيمانا من أدارة الموقع والمنتدى أن نجاح أعضائنا هو نجاح لنا أيضا لذلك نود أن تشاركونا الأستفتاء عن الخدمة الجديدة وهى مشاركة أرباح جوجل أدسنس فى منتدى بنات مصر

توضيح الفكرة:

خدمة مشاركة أرباح أدسنس فى المنتدى تتيح لك الربح عن طريق كتابة موضيع فى المنتدى بمعنى كل موضوع تكتبه فى المنتدى تظهر أعلانات جوجل أدسنس الخاصة بك بنسبة معينه و أى شخص يشاهد موضوعك و يضغك على الاعلانات فى الموضوع تزيد أرباحك فى جوجل أدسنس.

كيف تعمل الفكرة ؟؟
أولا يجب عليك أمتلاك حساب خاص بك فى جوجل ادسنس (سيتم شرح كيفية الأشتراك فى جوجل أدسنس بدون ان تحتاج لأمتلاك موقع مدفوع فى حالة وجدنا تفاعل مع الخدمة )
ستضيف رقم النشر الخاص بك وستظهر أعلانات بشكل تلقائى فى أى مواضيع تكتبها فى المنتدى

كيف أضمن ظهور أعلاناتى فى موضوعى ؟؟
أولا ظهور أعلاناتك يظهر بنسبة معينه غير محددة بعد بمعنى إذا كانت النسبة 50% و شاهد موضوعك 1000 شخص ستظهر أعلاناتك 500 مرة و أعلانات الموقع 500 مرة (النسبة غير محددة بعد) وبعد كتابة الموضوع يمكنك تسجيل خروج ومشاهدة السورس كود "Source code " الخاص بصفحة الموضوع سترى رقم النشر الخاص بك فى الاعلانات (طبعا بنسبة الظهور).

كيف أستلم أرباحى؟؟
أستلام أرباحك عن طريق جوجل أدسنس و هناك طرق عديدة لأستلام أرباح بعد الوصول إلى الحد الأدنى للدفع وهو 100 دولار و من أشهر الطرق عن طريق شيك يصل إلى عنوانك المسجل به أو عن طريق ويسترن يونيون لتحويل الاموال و هو المفضل لأنه يصل فى نفس اليوم ولا يوجد رسوم عليه حتى الأن(سيتم شرح كل الطرق لاحقا فى حالة وجدنا تفاعل مع الخدمة).

كيف أعرف مكسبى من مشاركة أرباح أدسنس فى المنتدى ؟؟
سيتم شرح بالتفصيل لكيفية مراقبة مكسبك من المشاركة فى أرباح أدسنس فى المنتدى.

فى حالة وجدنا تفاعل من الأعضاء وأقبال على الخدمة الجديدة من خلال الأستفتاء فى هذا الموضوع سيتم تفعيل الخدمة قريبا أن شاء الله و سيتم شرح كل الخطواط بالتفصيل و الرد على أيه أستفسارات
وسيتم توضوح مميزات أخرى كثيرة وكيفية زيادة أرباحك وتوضوح كل النقاط الخاصة بالفكرة الجديدة بالتفصيل.


طبعا الفكره كانت في دماغي من فتره كبيره وحبيت أخد رائي طارق من فتره بس اهتميت بيها ,

لكن ناس كتير راسلتنى ع الخاص وطرحت عليا الفكره وحبيت اطرح استفتاء ناخد رائي الناس لان اللي مش مهتم بيها مش هتعوقه في شئ لانه مش هيضيف الكود الناشر بتاعه واللي مهتم هيعمل بالفكره

فى انتظار مشاركتكم ومساهمتكم فى الأستفتاء لأنه هام جدا

[مشتاقه للجنه]

أرباح ماديا ...أممممممم
هى فكره حلوه وممكن نجربها
ما أن هناك كثير من النقاط مش مستوعبها
يعنى مثلا أى موضوع ولو حتى منقول سيشترك بالخدمه
ولا على حسب أختيار جوجل نفسه !!

[Mahmoud Kamel]

	المشاركة الأصلية كتبت بواسطة مشتاقه للجنه

	أرباح ماديا ...أممممممم هى فكره حلوه وممكن نجربها ما أن هناك كثير من النقاط مش مستوعبها يعنى مثلا أى موضوع ولو حتى منقول سيشترك بالخدمه ولا على حسب أختيار جوجل نفسه !!

لو اشتركتي بالخدمه وتم تفعيلها في المنتدي وحطيتي كود الناشر بتاعك اي موضوع انتي كتباه وهتكتبيه هيظهر فيه الاعلانات الخاصه بيكي ,

طبعا نقطه المنقول او الحصري بتفرق كتير لان الحصري بيكون عليه زوار من جوجل فـ هتزيد نسبه ارباحك منه لكن المنقول هيبقي قليل لان الموضوع اللي كتباه مكتوب في 100 منتدي تانى فـ هيبقي المنافسه عليه صعبه لانه منقـول

جوجل مش بيختار جوجل بيشوف المحتوي للموضوع ومجرد ما يعرف الموضوع بيتكلم عن ايه بيعرض اعلانات متعلقه بيه مش اكتر

[مشتاقه للجنه]

طيب عظيم جداا طيب المنتدى مستفيد أيه من تلك
الاعلانات اللى هى خاصه بالاعضاء ؟
وهل سيعمل زيادة عدد زوار المنتدى

[حلم عمري]

الصراحة هو انا تقريبا مش فاهمة بنسبة كبيرة جدا
بس الفكرة حاسة ان هي كويسة
هحاول اقرا تاني براحة يمكن افهم وبعد كدا اشارك في الاستفتاء انشاء الله
بالتوفيق باذن الله

[Mahmoud Kamel]

	المشاركة الأصلية كتبت بواسطة مشتاقه للجنه

	طيب عظيم جداا طيب المنتدى مستفيد أيه من تلك الاعلانات اللى هى خاصه بالاعضاء ؟ وهل سيعمل زيادة عدد زوار المنتدى

المنتدي مش مستفيد بشئ من الاعلانات الخاصه بالاعضاء

الاعلانات الخاصه بالاعضاء هتكون عايده علي العضو صاحب الموضوع واعلاناته اللي هتظهر ,
يعنى واحد حابب يشارك اي موضوع هيكتبه هيحب يكتبه علشان يبقي حصري ممكن يكون ميوله للربح هيستفيد من دا حتي لو هيدفع تمن اشتراك النت او كروت شحن التليفون بتاعه :biggrin: مصلحه برضه

فكره اعلانات جوجل ادسنس هي اعلانات بتظهر مشابهه للمحتوي الموضوع اللي مكتوب بمعنى موضوع مكتوب عن الصحه هتظهر اعلانات خاصه بالصحه , موضوع مكتوب عن الرياضه هتظهر اعلانات تخص الرياضه يعنى اعلانات مستهدفه وبتفيد الزائر غير الاعلانات بالشكل المزعج والبنرات في الاماكن الغلط

المنتدي مش مستفاد غير ان فكر الاعضاء ينضج شويه مش اكتر في امور كتابه المواضيع واساسياتها وانه يعرف ان وقت جلوسه ع الانترنيت ممكن يحوله بفايده ليه هو لان التجاره الالكترونيه بقت شئ مهم جدا في حياتنا حاليا ممكن متكونش في مصر كتير لكن هي بقت اكبر الطرق وافضل من التجاره في الحقيقه لانها تجاره سهله ومش محتاجه راس مأل او غيره في ناس بتحقق ع الاقل شهريا 30 الف دولار شهريا من ادسنس لوحده :biggrin:

يلا طولت بس علشان تفهمي يعنى ايه تجاره الكترونيه

[jasmean]

ممممممم

هيا فكره حلوه علي ادالي فهمته بس في نقط مش فهماها شويه

هحاول اقرء تااني

[احضان الحبايب]

بص انا معااك و مشترك ان شاء الله ,,

نزل بقا شرح بالصور عشان نعمل حساب ع الجوجل ادسنس ,,

و نشوف ايه الكلام بتاع الاكواد و الكلام ده ,,

عشان هنفهم اكتر كدا ,,

فكرة ممتاازة ,,

[حلم عمري]

انا قرات الموضوع تاني وعجبتني الفكرة
بس ازاي بنربح من غير ما ندفع معقول مش بندفع فلوس ؟
معلشي ممكن توضيع اكتر انا موافقة علي الموضوع ولكن عايزة افهم اكتر
خالص احترامي

[TIMO]

انا شايف ان الفكرة حلوة
لكن العيب الاكبر انها حتحول المنتدى من منتدى اجتماعى ترفيهى ومساهمات بدون مقابل و بغرض النفع
إلى منتدى ربحى وستجد اعضاء جدد الهدف من التسجيل الربح و ليس الافادة

الفكرة مطروحة ويمكن تبقى كويسة
وممكن معالجة العيب ده بدون وقف تنفيذ الفكرة

وعموما انك تاخد رأى الأعضاء دا شىء مميز جدا و بحييك عليه
ودى