كفايه

[الرحــاال المٌتَمرد]

كِفـــــــــايه

هل دماؤهم دماء .. ودماؤنا ماء !



"أقبل النقد"

الناس دَمهُم غالى

وإحنا دَمِنا رخيص

كرامِتنا دى شىء خَيالى

مِتهانه مِن كُل خَسيس

..

حَسبِنا الله ونِعم الوَكيل

حَقِنا فى الدُنيا ضايع

حَقيقه ومالهاش دَليل

بِنطالب بحق وننسى ,, الكُل بايع

..

كَام شَهيد على مدَار الزَمن

مِن أُكتوبَر لــ إعتداء رَفح

دَافعوا عن الوَطن

كفايه دا الكِيل طَفح

..

دمائنا مَايه مالهوش تَمن

دبايح غرقَانه بالدم

إنتهكوا عِرضنا فى العَلن

وقابلين بالمهانه والظُلم

..

يا مُرسى إنت مَسئول

عن المَجزَره إللى حَصلت

ولو الحَق مِش هَيرجع بالأصول

مَع السلاَمه ,, شخصيتك إنكشفِت

..

إرحَل كفايانا قَهر

كفايه كِدا عَلينا

عرَايا مالناش دَهر

الكِلاب بنتهش فينا

..

الطيبه فى الزمن دا خيبه

والسياسه لِعبه قاذره

بتجيلك الضربه من أخت شقيقه

نِسكت ونقول إحنا أُسره

..

يا عَسكر

نَكسه 67 بِتتكَرر

ماهى العِبره مش بالكَم

الشَعب مِستنيك تِقرر

ترُد على الجُرم ,, على المُجرم لو إبن العَم

..

مافيش أمن لا بَره ولا جِوه

ضَربونا عَلى الحِدود

لازم نِرُد وبقِوه

الحَق لأصحابه لازم يعود

العَدل لازم يسود

..


يا قَنديل

صحيح بقالك كام يوم فى الوزاره

لكن مش مُبرر هيعفيك من المسئوليه

مِش عاوزين شعارات كذابه

بالنسبالك دى أهم قَضيه

..

كِفايه الحق إللى راح

لاَزم نِسترد قيمتنا

كفايه الدَم إللى إستباح

فى إيه أهَم مِن حياتنا

..


لو التنازُل عن الحَق أدب

أسف أنا قَبيح

لو هنخَاف على الرُتب

هيستهانوا بقيمتنا

هيستضعوا قوتنا

دَوله زى ريشه طايره مع الريح












رسالتى يا ساده

للسيد الريس

كفايه مِطاطيه بزياده

كفايه لا يقولوا بَهيس

..



كُلنا مُذنبين ,,

ودَمُهم فى رقبتنا

راسنا فى الطِين

لحد ما نَسترد كرامتنا

..

وليده الَقَهر ,, وليده الظَلم والشعور

خارج حدود العَقل

جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
الرحـــــال

[توحد ارواح]

تمام
انى ارى العاقبة سيئه
و احس بالظلام يملأ الكون
و دماء هنا و هناك
و لكن عندى امل
و لو بصيص من النور
يخرج من وسط العتمه ينور ايامنا
نور جميل زى ضوء الشمس
و نحس بالامان و الاطمئنان
و تكون بلدنا احلى البلدان
كتبت فأبدعت
راااائع
فى انتظار جديدك المميز
تحيتى

[نقاء القلب]

مافيش أمن لا بَره ولا جِوه

ضَربونا عَلى الحِدود

لازم نِرُد وبقِوه

الحَق لأصحابه لازم يعود

العَدل لازم يسود

بجد كانت حاجه تقهر بصراحه ..

والاحداث اللى حصلت تخلى الواحد يبكى ,,

والقصيده دى فعلا بتعبر عن حالتنا وامنياتنا كلنا ،،

فى انتظار كل جديدك الرائع ،، مودتى

[gold rose]

فعلاً هاي القصيدة تعبر عن حالنا ,,
حال تخلينا نبكي دم ,,
\\\
كعادتك إبداع فاق الخيال ,,
عبرت عن مشاعرك بمنتهى الحرية ,,
أوصلت لنا الفكرة بمنتهى السلاسة ,,
سلمت على ما خطه قلمك لنا ,,

[βзήŦ ℓǻẑĨήǻ]

يا مُرسى إنت مَسئول

عن المَجزَره إللى حَصلت

ولو الحَق مِش هَيرجع بالأصول

مَع السلاَمه ,, شخصيتك إنكشفِت


كلنآ إتقهرنآ
وكلنآ إتوجعنآ
وكلنآ حسينآ بآلضعف وآلخزي وآلعآر
كل بيت في مصر دلوقتي
مليآن بآلحزن والاسي
بس مش لآزم نحمل آلريس مسئولية ده لوحده
موش لآزم نتلككله ونجيبهآ فيه
هو دلوقتي ولي أمرنآ آه
وهو آلمسؤل قدآمنآ بآلطبع
لرد كرآمتنآ ودمآء شهدآئنآ آللي سآلت ع آلحدود
بس إحنآ كمآن لآزم نستني ونشوف رد فعله إيه
مش آلمفروض نحآسبه ع آللي حصل
آلمفروض نحآسبه ع رد فعله
وآللي هيعمله
وربنآ يرحم شهدآئنآ ويغفرلهم ويسكنهم فسيح جنآته
وينتقم مـ آللي عملوآ كدآ
آللهم أمين

[lady lead]

أسفنا و ما قيمة اعتذار
صرنا شعباً آسفاً لا يهمه أي إنذار
من أروع ما قرأت و تعبير عن الواقع بقوة و صدق
تحياتي لهذا لقلم النابض بحب مصر

[عاشقة ذكر الله]

قصيدة روووعة جدا
فعلا كلنا زعلانين على اللى حصل دا كله
ربنا يرحمهم يارب
بس نستنى شويا لما نشوف الرئيس هيعمل ايه
موش لازم نحكم من دلوقتى
بس هو مسؤل انه يرد بقوة على اللى عمل كدا
وربنا يستر ويحفظ شباب مصر

[السفينة]

لم تكن سطورك شجب وإدانة كتلك التصريحات الرنانة

بل كلمات شاهد عيان بعينه شايف الذل والمهانة


صرخات بدلت نبض القلوب

وتحجرت معها الدموع....سكت الكلام وماتت الحروف

لم يبقي الا صدي الصرخات بيطلب حق الشهيد



الاخ رحال
أحسنت وأجدت التعبير

نسأل الله ان يتقبل شهدائنا ويصبر اهلهم

وترجع مصر كما كانت بلد الأمن والأمان

[شاعر الإحساس]

وبنضم صوتنا لصووتك يا رحااال

كل يووم شهداء وشباب بتضيع حياتهم

وكأن دمنا بات رخيص....

والله مناظر تألم بجد .. وتوجع القلب..

ربنا يرحمنا يارب ويغفر لشهدائنا ويرحمهم

اللهم ادخلهم جناااتك ياررررب برحمتك


الرحــال...

كالعاده صرخه وطنيه عاااليه وقويه

ورساله لمن يعي ويفهم الموقف اللي احنا فيه..

من القلب احييك .. واحيي جمال قلمك

\
هنا ما شاء الله علييك بجد

قلمك متمكن جدا .. وراقني اسلوبك

بل هذه العاده منك.. ان تُذهلني بجديد عاميتك الجميله

وخاصة في هذه القصيده المميزه الموزونه

ررراقي جدا ....ومميز


اتمنى لك دوام التميز ايها الرحال الجميل

دُمت بكل خيررر يارررب

تحياااتي وتقديري واحترامي اليكـ

مع تقييمي لرائعتك هذه


"شـاعر الإحسـاس"

[я e e м]

حسبُنآ الله وَ نِععمَـ الوكيلْ

كلمآآت رآئععه . .
يححتآج كل حررف فيهآ لإقتبآسْ ~
دُمتَ بإحّسآسَكَـ الرآئِع وتععبيركَـ الجميلْ

تقييمي ||

تحيـ ـآتِ ~