تزوير فى اعياد ميلاد رسمية

[خارج عن القانون]

بسم الله الرحمن الرحيم

فى البدايه احب اتاسف عن تاخير نزول التوبيك
عن الميعاد المتفق عليه
بس اعمل ايه الكهرباء كانت مقطوعه

طبعا كلكم مستغربين ايه اسم التوبيك الغريب ده

انا هقولكم على كل حاجه

تعالو نرجع بالذاكره كده لوراء

لالالا مش لوراء قوى كده

هو بس لغايه يوم 22-8-2011


فى اليوم ده عملت توبيك اعتقد ان معظمكم شافه ورد فيه كمان


والاغنية اللى انتو سمعنها دلوقتى اكيد فكرتكم كويس

والتوبيك هو

عيد ميلاد اجمل فارماكولوجى


dr.pharma

مشرفة قسم اليوميات
ॡ, Ṝɱṧḧ.ҘїŊῨ


بعد ما عملت التوبيك بيومين

ضافنى احد الاشخاص ع الميل ودار بينا الحديث الاتى

- السلام عليكم

-وعليكم السلام

- استاذ محمد عكاشه معايا

- ايوه انا مين حضرتك

- انا الدكتور سعد عبد اللطيف مكى

- اهلا وسهلا بيك
وحضرتك جبت ايميلى منين وليه؟؟

- انا جبته من منتدى بنات مصر
وليه ديه بقا علشان انا بتهمك بالتزوير والكدب

- وحضرتك بناءا على ايه بتقول الكلام ده

- انا قراتلك توبيك فى المنتدى بخصوص عيد ميلاد احد الاعضاء اسمها دكتوره رفيف

- ايوه انا فعلا اللى عملته
بس مال التوبيك ومال التزوير والكدب اللى بتتهمنى بيهم

- مه انت لو تعرف انا شغال ايه هتفهم كل حاجه

- وانت شغال ايه يعنى ظابط

- لا انا مدير مستشفى المحلة العام اللى هى معروفة باسم القصر
واللى انت ادعيت ان دكتوره رفيف مولوده فيها





- انا ما دعتش
ديه حقيقه لا جدال فيها ومثبوته بشهاده الميلاد الرسمية

- مه انا لما قريت التوبيك بحثت فى سجلات المستشفى لسنه 92 وجبت شهر 8 كله مافيش حد مولود بالاسم ده

- مه حضرتك لو بتفهم وبحثت كويس هتعرف ان ده مش الاسم الحقيقى وده اسم مستعار

- يا عم ماشى مستعار مستعار
مافيش اساسا اى مولود استقبلته المستشفى فى يوم 22 خالص والا بنت والا حتى ولد

- ازاى يعنى مش فاهم

- زى ما بقولك بالظبط مافيش اى شخص اتولد فى المستشفى فى اليوم ده

- مش عارف بصارحه اقول لحضرتك ايه
بس انا متاكد من كده ومعايا ما يثبت كده

- وانا متاكد اكتر منك ومعايا برضو ما يثبت كده

- طيب انا هحاول افهم فيه ايه وهكلمك مره تانيه

[خارج عن القانون]

وطبعا انا حاولت افهم بكل الطرق ايه الحكايه وفين الحقيقة بس والا فهمت حاجه

فكان لازما وبالطبع انى استعين بصديق وده اللى حصل فعلا

استنعت بواحد من اهم مراكز المعلومات فى المنطقة باسرها

استنعت بسيادة اللواء ا.ح

عمر سليمان





وبما اننا تربطنا ببعض صداقة غير عادية

قام بصراحه الراجل ببذل قصارى جهده علشان يعرف هو كمان الحقيقة

وبعد مجهود شاق والكثير من الوقت

اتصل بيا يوم 17-7-2012

وقالى انه قدر يتوصل للحقيقة وانه دلوقتى فى سوريا

وهيجى مصر علشان يقولى كل حاجه الاسبوع الجاى

ولكن القدر لم يمهله هذا الاسبوع

حيث قام الجيش السورى الحر باغتياله عن طريق الخطأ

فى حادثة تفجير مبنى الامن القومى السورى

ومن هنا اصبت بخيبة امل شديده فى معرفة الحقيقة

ولكن منذ اسبوعان تقريبا اتصل بي

الرائد ماهر النعيمى
المتحدث الرسمى للجيش الحر





واخبرنا عن اسفه فى مقتل اللواء عمر سليمان
وانه توفى عن طريق تواجده فى المكان الخطا فى الوقت الخطا

واخبرنى انه بعد الانفجار استطاع احد ظباط الجيش النظامى

بالحصول على ظرف مكتوب عليه يسلم لــ محمد عكاشه
كان موجود برفقة اللواء عمر سليمان

ولكنه بعد يومان انشق هذا الظابط عن الجيش النظامى
وبتسليم الظرف للجيش الحر

واخبرنى الرائد ماهر انه عن طريق اتحاد ثوار مصر وسوريا

استطاع ان يتصل بى وانه يريد ان يعطينى ما يخصنى

وفعلا وصلنى الظرف منذ بضعة ايام

وعندما فتحته وجدت الرساله التالية




وعندما قرات الرساله عرفت اين الحقيقة

ولذلك دعونا نحتفل جميعا بهذا المناسبة السعيدة

[خارج عن القانون]

ولقد اقيم الحفل فى مدينة الشمس
المعروفة حاليا باسم محافظة الاقصر

وقد اقيم الحفل فى معبد الكرنك بين اجدادنا العظماء





ولقد حضر الحفل الكثير والكثير من الضيوف

وكان من اشهرهم

الملكة حتشبسوت



والتى كانت فرحة جدا بذلك الحدث العظيم
فقامت بدبح كبشان من طريق الكباش وقامت بتوزيع لحومهم ع الضيوف


واتى ايضا الملك توت عنخ امون




وقام باعضاء الدكتوره رفيف قناعه الذهبى هدية منه



ولا ننسا ايضا ابو الهول



الذى ترجل من الجيزة حتى الاقصر حتى يشاهد الحفل بنفسه

بدلا من ان يشاهده على التلفاز


اما الملكة كليوباترا




فقد اتت على مركبها الشمسى ومعها كلا من
يوليوس قيصر وماركوس انطونيوس
الذى ظلا فى عراك طول الحفلة بسبب الاسباقية فى الجلوس بجوار الملكة


و فى الدقائق الاخيره ظهر
الملك رمسيس الثانى




واعتذر عن تاخره وعلل هذا بسبب مظاهرة فئوية كانت تعيق الطريق

[خارج عن القانون]

التورتة












البوفيه


















المشروبات والحلويات

[خارج عن القانون]

والان مع الهدايا



ساعة






لاب توب







موبيل







نظاره







وبكده يكون انتهى حفلنا المتواضع بالاحتفال بعيد ميلادها العشرين

والى اللقاء يا اصدقاء قد حان موعد الفراق

[نقاء القلب]

ي عينى ع عيد الميلاد العثل ده ^_^

كل سنه وانتى طيبه ي رفيف ،،

وعقبال مليون سنه ي جميل =))

[тoкα..♥]

تصدق آنآ مش هسكتلك ولآ هعديهآ ع خير ،، عشان من يوم م عملت البتاع ع الفيس وانا قولتلك اني عارفه انك هتعمل عيد ميلاد فوفا وقولتلي لاء!! هو انت فاكرنا هنزعل ي اموووور !! داحنا هنعمل لولولولوللولولي فـــرح ي اموووور !! xD ماااااشي ي عوكش حاضر المهم يعني صفصفتي الحللوة الكميييييله روح قلبي دي ،، كل سنه وانتي طيبه ي احلى اختايه ف الدنيا كلها ع بعضها وعقبال ي رب سنين كتير اوي واحنا دايما مع بعضينا ي اموووور xD سنه حلوة عليكي ي رب واحسن كتير م السنين اللي فاتت كلها ع بعضها ) وسوري بقا لو الكلام ملخبط بس ايام فون والله *

[simsim96]

كل سنة وانتي طيبة يا قمري
وعقبال 10000000 سنة يارب
موفقة دايما باذن الله

[دمعه حائره]

عيد ميلاد ماحصلش بجد جميل جدا
كل سنه وانتى طيبه يااحلى فوفا فى الدنيا
وعقبال 100سنه ياحبيبتى

[بسمة العمر]

يالة انت تعبت اوى علشان توصل للحقيقه

مبروك وصولك ليها مكناش نعرف انو الحقيقه صعب الوصول ليها كدا

مبروك وصولك ليها

ومبروك عليكى عيد ميلادك فارما

سنه سعيدة عليكى حبيبتى

وعقبال الف سنه كل عام وانتى سعيدة ومبسوطه

توبيك فظيع