فرانز بيكنباور : " ميسي من سيفوز بالكرة الذهبية " .

[عيون مصرية]

اقتباس المشاركة الأصلية كتبت بواسطة طمطم تسلمى ع الخبر بقآ ,,

نورتى التوبيك يا قمراااية

ودى

[سَـلمَى]

اقتباس المشاركة الأصلية كتبت بواسطة Ѕad Єyes مش معقول يفوز بيها مره كمان وهو لا يستحقها !! 2010 اما ادوها لميسي كانت قمه الظلم في التااريخ فضيحه كبيره وسقطه في تاريخ الجايزه اما يتجاهلو بطل الدوري الايطالي مع انتر 2010 بطل كاس ايطاليا 2010 بطل السوبر الايطالي 2010 بطل كاس العالم للانديه 2010 بطل دوري ابطال اوروبا 2010 افضل لاعب وسط في دوري ابطال اوروبا 2010 افضل لاعب في نهائي دوري الابطال 2010 ثاني العالم مع هولندا 2010 افضل لاعب في 4 مباريات من اصل 7 لعبتهم هولندا في كاس العالم 2010 ثاني افضل لاعب في كاس العالم 2010 هداف كاس العالم 2010 مع هولندا ( مكرر ) ( ويسلي شنايدر ) ويتجاهلو برضوة بطل اليوربا ليغ 2010 وهداف اليوربا ليغ 2010 وافضل لاعب في اليوربا ليغ 2010 وبطل السوبر الاوروبي 2010 ورابع كأس العالم 2010 وهداف كأس العالم 2010 مكرر وافضل لاعب في كأس العالم 2010 ( دييجو فورلان ) وولا واحد فيهم يكون في الثلاثه المرشحين !!!!!!!!!!! ويدوها لـ بطل الدوري الإسباني بطل الكأس السوبر الإسباني هداف دوري أبطال أوروبا 8 أهداف هداف الدوري الإسباني 34 هدفا واللي خرج من كأس العالم بلا اي هدف ( ميسي ) قمه الظلم وعدم الحياديه اللي شوفتها في حياتي سابو اللي عمل كل حاجه في الكورة في السنه دي لجل عيون ميسي علشان يطلعوه فوق كل الناس حتي لو علي حساب اللي اعطوا فعلا ************ ******** والسنه دي هيتجاهلو كرستيانو رونالدو ؟؟ وتشافي هيرناندز ؟؟ واندريا بيرلو ؟؟ واندرياس انيستا ؟؟ وكاسياس ؟؟ ويدوها للي محقق اقل منهم بكتير \!!!!! لو تمت دا يبقي فعلا مسمهاش فيفا اسمها مافيفا زي المافيا بالظبط

مع إحترامي الشديد لكلامك

الموضوع مفهوش ظلم

ميسي لاعب محترف ويستحق الكرة الذهبية

هو صح مش بس ميسي ال مفروض يسلطو الضوء عليه

بس أنآ بقول لو هو أخذتهآ يبقى يستآهلهآ

لآنه وبصراحة هو لاعب مهم في برشلونة

ومحترف ويستاهل أكتر من كدآ

بس لو هتمنى مين ياخذهآ المرادي

يبقى كسياس هو ال يستهيلهآ

بس لو مفيش غير ميسي ورنالدلو

يبقى هو ميسي من غير منازع )

ده رأي

[აα∂ Ԑγεა]

اقتباس المشاركة الأصلية كتبت بواسطة Salma .. ♥ ♥ مع إحترامي الشديد لكلامك الموضوع مفهوش ظلم ميسي لاعب محترف ويستحق الكرة الذهبية هو صح مش بس ميسي ال مفروض يسلطو الضوء عليه بس أنآ بقول لو هو أخذتهآ يبقى يستآهلهآ لآنه وبصراحة هو لاعب مهم في برشلونة ومحترف ويستاهل أكتر من كدآ بس لو هتمنى مين ياخذهآ المرادي يبقى كسياس هو ال يستهيلهآ بس لو مفيش غير ميسي ورنالدلو يبقى هو ميسي من غير منازع ) ده رأي

لا فعلا الموضوع فيه ظلم فعلا والفيفا بتاخد علي حسب مين اللي بيديها الاعلانات اكتر
وانا قلت 2010 وايه اللي حققه ميسي فيها وايه اللي حققه ويسلي شنايدر
وبفارق شاسع ويسلي شنايدر افضل لاعب في العالم اللي ذكرتها
لا وكمان وراه دييغو فورلان ثاني افضل لاعب
ثم اريين روبين او تشافي هيرنانديز

لكن لم يتم ترشيح ولا شنايدر ولا فورلان ولا روبين !!!
ويرشحو ثلاثي برشلونه تشافي وانيستا ابطال دوري وعالم
و ميسي بطل دوري فقط لا غير واللي خرج وقتها من كأس العالم بلا اي هدف وبرباعيه من المانيا

لو دا مش ظلم لشنايدر وفورلان
ياتري مفهوم الظلم في القواميس ايه
لو عندك سبب يخلي ميسي احسن من شنايدر في 2010 انا حابب اسمعه


**********

ولو علي السنه اللي احنا فيها فمسيي ماخدش غير كأس مع برشلونه فقط لا غير
ومفيش اي حاجه بطوله اتلعبت مع المنتخب

بينما كرستيانو دوري وسوبر ومربع ذهبي بطوله اوربا مع المنتخب
وتشافي كأس وامم اوروبا مع المنتخب ونفس الوضع لاندرياس انيستا
وايكر كاسياس دوري وسوبر وامم اوروبا مع المنتخب ( ولو انها صعب يدوها لحارس )
وكمان اندريه بيرلو دوري وسوبر ووصيف امم اوربا مع المنتخب

الاسامي اللي ذكرتها دي كلها اعلي من ميسي
والمفروض احسن لاعب في العالم للسنه
دي تتحسب علي حسب الانجازات اللي حققها اللاعب
مش علي شهرته ولا شعبيته ولا ولا
لكنها فقدت مصداقيتها من 2010 ومبقتش فيها عدل ابدا
لو ادوها لميسي ؟؟ مش هتبقي غريبه عليهم لانها جايزه غير عادله بالمره


تحياتي

[سَـلمَى]

أنآ بعتقد إنه مفروض يدو على المهارة والأحتراف وعدد الأهداف

مش على الأنجآزات

لآنه الأنجآزات بتشمل فريق بحالو

مش لاعب لوحدة

والجائزة عايزة لاعب وآحد

أنآ مش مع ميسي ولآ مع حد

أنآ مع ال فعلا عمل مجهود في اليورو وغير اليورو

وأعتقد كفاية كدآ ميسي ورنالدلو

حد من الأسماء ال ذكرتهآ ده

وأنآ لو هرشح هرشح كاسياس وتشافي

بس لو خيرونآ بين ميسي ورنالدو

أعتقد إن الأفضل حاليا هو ميسي

ومفهاش ظلم

وياسيدي في الأخير كلمنآ مش هو ال هيمشي

كلام الفيفا *_*

[gold rose]

تسلم إيدك على المتابعة ,,
خبر مميز ,,
^^

[აα∂ Ԑγεა]

اقتباس المشاركة الأصلية كتبت بواسطة Salma .. ♥ ♥ أنآ بعتقد إنه مفروض يدو على المهارة والأحتراف وعدد الأهداف مش على الأنجآزات لآنه الأنجآزات بتشمل فريق بحالو مش لاعب لوحدة والجائزة عايزة لاعب وآحد أنآ مش مع ميسي ولآ مع حد أنآ مع ال فعلا عمل مجهود في اليورو وغير اليورو وأعتقد كفاية كدآ ميسي ورنالدلو حد من الأسماء ال ذكرتهآ ده وأنآ لو هرشح هرشح كاسياس وتشافي بس لو خيرونآ بين ميسي ورنالدو أعتقد إن الأفضل حاليا هو ميسي ومفهاش ظلم وياسيدي في الأخير كلمنآ مش هو ال هيمشي كلام الفيفا *_*

اكيد كلام الفيفا اللي هيمشي طبعا
لكني برضوة هرد لان الفيفا عمرها ماكانت عادله
غريبه موضوع احتراف ؟ هو معني احتراف ايه ؟؟
ولو علي المهاراه وعدد الاهداف والاداء الفردي ؟؟
للعلم افضل لاعب في العالم = انجازات فريق ودور لاعب مميز فيه
مينفعش لاعب مميز ياخدها من غير انجازات عمرها ماكانت كده
والا كان رونالدينهو فضل واخدها لحد يوم ما اعتزل لانه بلا ادني شك امهر من لمس كره القدم !!
لازم يكون بطولات اتحققت ويكون للاعب دا اكبر دور فيها

...
و2010 اللي بكررها تاني في كلامي لانها نقطه تحول في تاريخ الجايزه
واللي وصلي انك شايفه مفهاش ظلم

اهداف وتأثير علي الفريق
ويسلي شنايدر كان له الدور الاكبر في فريقه في الفوز في الدوري والكأس وكأس امم اوربا
ويسلي شنايدر كان له اكبر دور في وصول هولندا لنهائي كأس العالم افضل لاعب في 4 مباريات ودي اعلي بطوله مستوي واعلي مهارات وتقييمها طبعا الاول عن اي بطوله وهو كان هدافها يعني حاله خيال في خيال لصانع العاب

فرديا : هداف كأس العالم . ثاني افضل لاعب في العالم . افضل صانع العاب في ايطاليا . افضل صانع العاب في دوري الابطال . ضمن تشكيله نجوم دوري ابطال اوروبا . ضمن تشكيله نجوم كأس العالم

ومع ذلك ميسي !!

لعلمك برغم الكره الشديد بين مشجعي الانتر واليوفي والميلان
الا ان كتير جماهير الاتنين مجمعه باحقيه نجم الانتر بالجايزه

صدقت جماهير الانتر اما قالت


.....


لو المقياس اهداف ومهارات
كان فرانشيسكو توتي و تيري هنري واندريه شيفشينكو واليكساندور ديل بييرو
استحقوها 2006 و 2004 و 2003 و 2008

.كرستيانو رونالدو 2011 كان اكتر تسجيلا اهداف من ليونيل ميسي واخد الهداف عنه
ومحدش يختلف علي مهارات وامكانيات وفرديه رونالدو حتي لو مش بيحبه
ومع ذلك ميسي خد احسن لاعب ؟؟
بناء علي ايه لو مقياسك سليم ؟؟
بناء علي ان لازم يكون في بطولات اخدها اللاعب
وكرستيانو مكنش اخد غير الكأس علشان كده ماخدهاش
صح ؟؟ دا يوصلنا ل 2012

....
2012 لاعب ماخدش غير كأس فقط المره دي وهو ميسي ؟ صح ؟؟
هل يفوز بكأسه دا علشان اهدافه ومهاراته ؟؟
ماهو كرستيانو كان السنه اللي فاتت بكأس واهداف ومهارات ؟؟ ماخدش ليه !
دا حتي كرستيانو عدد اهدافه اعلي من عدد مبارياته بقاله سنتين ونص يبقي المفروض ياخدها كل السنين ؟؟


مقياسك خاطئ للحكم علي الجايزه
ولو لسه موصلكيش دا لحد دلوقت
مكنش اخدها ولا زيدان ولا فيجو ولا كاكا ابدا لانهم مش الهدافين لفرقهم ؟؟
مكنش اخدها مدافع سنه 2006 ؟؟ فابيو كانافارو ؟؟
عمره ما كان الاهداف والمهاراه
دايما الفوز بالبطولات وبالاخص البطوله الاكبر في العام وتاثيرك علي الفريق فيه
وخدي مثال من كانافارو 2006 كاكا 2007 رونالو 2008 ميسي 2009
في كل جايزه من دول الفائز كان هو اللاعب صاحب البطوله
بينما ميسي 2010 معملش حاجه
لكنهم غيرو القوانين بتاعتها علشان يكسبو ميسي
ودي مش اول مره الفيفا دايما ظالم
ظلم قبل كده اليساندرو ديل بييرو و تيري هنري ونيدفيد وغيره من نجوم الكورة وشنايدر في الاخير

مين عارف بقي هيدوها لميسي تاني وتستمر الفضيحه ولا ؟؟




بعتزرلك عن طول ردي
لكن اول مره حد يتناقش في الكورة وحبيت استغل الموقف واقول كل الكلام
ياريت متكنش اخر مره بسبب الرط الكتير
ومنتظر تعقيبك علي الرد لو عندك

[سَـلمَى]

لآ عآجبني فيك تحليلك للمشكلة

بس باين عليك إنك رافض ميسي تماما

وإنآ قلت أنآ مش مع ميسي ولآ مع رنآلدلو

لآنه هو وميسي الفيفا دايما تسلط عليهم الضوء

والسنة ال فاتت كانت مسلطة الضوء على ميسي ورنالدلو وتشافي

وكنت متوقعة مليون بالمية إنه تشافي

بس أدوهآ لميسي

مع إن تشافي قدم أحسن منه

بس حمدت ربنآ إنه ميسي مش رنالدلو

مش حبا في ميسي وبس

لآني في نظري هو منجي برشلونة الوحيد

وإنه صانع ألعاب برشلونة الوحيد

وإنه أمهر لاعب في برشلونة

وإنه ال بيحقق لبرشلونة البطولات

كل ده كفاية أن يجعل ميسي أفضل من رنالدلو

لكن رنالدلو ليس الأفضل في فريقه

وليس الأمهر

وفي غيره مساعد الفريق على الفوز >> وأولهم كاسياس


وإنت الأسماء ال ذكرتهآ

أنآ معاك فيها

وصدقني أنآ مش رافضة كلامك

بس الرفوض بيكون لمآ تقارن رنالدلو بميسي

لآنه لو ميسي مفهاش ظلم

ولو رنالدلو مفهاش ظلم بردو

وفي الأخير

هدافين ميلان وإنتر وتشيلسي ومانشستر

وغيرهم

يستحقو أن تسلط عليهم الفيفا أضوائهآ

....

وده ردي ياسيدي

وزي ماقلت إختلافي معاك

في حكاية ميسي بس

[აα∂ Ԑγεა]

اقتباس المشاركة الأصلية كتبت بواسطة salma .. ♥ ♥ لآ عآجبني فيك تحليلك للمشكلة بس باين عليك إنك رافض ميسي تماما وإنآ قلت أنآ مش مع ميسي ولآ مع رنآلدلو لآنه هو وميسي الفيفا دايما تسلط عليهم الضوء والسنة ال فاتت كانت مسلطة الضوء على ميسي ورنالدلو وتشافي وكنت متوقعة مليون بالمية إنه تشافي بس أدوهآ لميسي مع إن تشافي قدم أحسن منه بس حمدت ربنآ إنه ميسي مش رنالدلو مش حبا في ميسي وبس لآني في نظري هو منجي برشلونة الوحيد وإنه صانع ألعاب برشلونة الوحيد وإنه أمهر لاعب في برشلونة وإنه ال بيحقق لبرشلونة البطولات كل ده كفاية أن يجعل ميسي أفضل من رنالدلو لكن رنالدلو ليس الأفضل في فريقه وليس الأمهر وفي غيره مساعد الفريق على الفوز >> وأولهم كاسياس وإنت الأسماء ال ذكرتهآ أنآ معاك فيها وصدقني أنآ مش رافضة كلامك بس الرفوض بيكون لمآ تقارن رنالدلو بميسي لآنه لو ميسي مفهاش ظلم ولو رنالدلو مفهاش ظلم بردو وفي الأخير هدافين ميلان وإنتر وتشيلسي ومانشستر وغيرهم يستحقو أن تسلط عليهم الفيفا أضوائهآ .... وده ردي ياسيدي وزي ماقلت إختلافي معاك في حكاية ميسي بس

لالالا انا مش رافض ميسي
لا انا رافض فوز ميسي بجايزه محدده
ودي تفرق كتير
لان محدش ككل بيحب الظلم
ولا فوز لاعب بالجوايز لجل الشو واليونسيف حتي لو مش مستحقها
ميسي يستحق احسن لاعب في العالم 2009 بكل جداره واستحقاق
ودي الوحيده في نظري مش 3 زي زيدان ورونالدو ولا 4 لو ادوله دي



بالنسبه لتشافي يستحق احسن لاعب في العالم مره عالاقل في السنتين اللي فاتو
والحق كان شنايدر 10 وهو 11 مش ميسي في الاتنين
وعلي فكره تيم برشلونه هو افضل لاعب في الفرقه مش ميسي
ااه ميسي النجم والهداف وكل حاجه
لكنها ماكينه شغاله بتروس اسمها تشافي وانيستا وصدقيني ميسي مكانش هيبقي ميسي من غيرهم


اختلف معاكي فرونالدو امهر وأهم لاعب في فرقته طبعاااااا مش معقول في حد عندهم افضل منه
وارقامه واهدافه ومعدل تسجيله والاهداف الحاسمه اللي سجلها تتكلم عن نفسها
ولا معندوش 2 تحته في مستوي الاتنين اللي تحت ميسي طبعاااا
كاسياس مستواه في الهابط ومش كاسياس الريال هو كاسياس اسبانيا خااالص
ولا دفاع الريال بيدي لكاسياس فرصه


بتفق معاكي ان الكورة مهياش ميسي ورونالدو وان في نجوم كتيييييير انظلمت في النص
لكن الشو بتاعهم في الجوايز عايز كده علشان الشهره الاعلانات الشعبيه مع دول
مع ان في لاعيبه كتير استحقت زي تشافي وشنايدر اللي قلناهم
غير نجوم كبيره في الكورة بتعمل كل حاجه فيها بس تحت ظل دول

ولا الكورة دوري توم وجيري ولا هيا برشلونه والريال
ودي ظلم من الظلم اللي موجود في الفيفا
اما في اخر 12 سنه جايزه افضل لاعب في العالم خرجت برا الليجا اسبانيه 3 مرات بس !!
حتي في السنين اللي انديتها محققتش فيها حاجه برضوة الليجا
وعمر ماكان البارسا افضل نادي في التاريخ لانه افضل نادي في السنين الاخيره فقط
وعمر ما كانت الليجا هيا الاقوي بالعكس هيا الاضعف لضعف المنافسه فيها ولضعف التكتيك والفرق
لكن ميزتها هيا فلوسها وقله ضرايبها عن غيرها اللي خلي النجوم تيجي عندها


منظومه ماشيه بمين هيجيب اعلانات وشعبيه اكتر
تحياتي ليكي

[سَـلمَى]

وأعتقد أيضا أنه من غير ميسي برشلونة ولا حاجة

وأنآ منكرش إن تيم وتشافي لعيبة محترفة

بس ميسي أولهم وبعدين هما تحتيه

والناس كلها مجمعة على كدا

بالنسبة لرنالدلو

في أمهر منه

بدليل إن الريال في بعض المباريا لما يلعبها من غير رنالدلو

بيفوز وبيكون أداءه حلو

بعكس برشلونة إلتحس كدا إنه من غير ميسي أداءه ضعيف

وانآ بحب مهارة رنالدلو وكل حاجة

بس أقدم ميسي عليه

لان ميسي ليه مهارات مهمة في نظري

تخليه أحسن من رنالدلو

بالنسبة لكسياس

فهو في نظري ونظر الكل أمهر حارس ملعب في العالم

ده رقميا وفنيا

ودايما أحسد الريال عليه :d

بالتوفيق للأثنين

وفعلا زيي ما قلت

الموضوع موضوع إعلانات وشعبية

والمتسلط بكدا هما الريال والبرسا

في بلدهم الأغنى هو الأشهر *_*


وبحيك من تاني على أسلوب الرد والتحليل

القسم كان محتاج محلل زيك

منور والله

[აα∂ Ԑγεა]

اقتباس المشاركة الأصلية كتبت بواسطة Salma .. ♥ ♥ وأعتقد أيضا أنه من غير ميسي برشلونة ولا حاجة وأنآ منكرش إن تيم وتشافي لعيبة محترفة بس ميسي أولهم وبعدين هما تحتيه والناس كلها مجمعة على كدا بالنسبة لرنالدلو في أمهر منه بدليل إن الريال في بعض المباريا لما يلعبها من غير رنالدلو بيفوز وبيكون أداءه حلو بعكس برشلونة إلتحس كدا إنه من غير ميسي أداءه ضعيف وانآ بحب مهارة رنالدلو وكل حاجة بس أقدم ميسي عليه لان ميسي ليه مهارات مهمة في نظري تخليه أحسن من رنالدلو بالنسبة لكسياس فهو في نظري ونظر الكل أمهر حارس ملعب في العالم ده رقميا وفنيا ودايما أحسد الريال عليه :d بالتوفيق للأثنين

اممم ممكن هيا وجهات نظر لمين الاهم في الفرقه وامهر مابين ميسي وتشافي واندرياس
ممكن يكون فيصل بينهم نتائجهم مع المنتخب في السنين اللي فاتت

في مدربين بيقنعو بان ميسي الاخطر وبيمسكوه بكذا لاعب وبيهرب وبيجيب
وفي مدربين بيقتنعو ان تشافي وانيستا اخطر وبيمسكوهم وميسي بيهرب وبيجيب الا لو محظوظين زي كازان

هو ككل التيم كله نجم كبير ومجموعه لاعبين هيا الافضل مع بعض كونت اقوي واصعب فريق تلعب ضده متعرفش تمسك مين ولا مين


بالنسبه لرونالدو رقميا رونالدو 161 هدف في 155 مباراه والرقم دا يتحدث عن نفسه
كاسياس الافضل في العالم في نظري بالاضافه لجانلوييجي بوفون
لكنه الايام دي مش في مستواه لكن اكيد اكيد مهما كان هيفضل من الافضل
ولو في مستواه بيفرق قدام اي حد

اقتباس وفعلا زيي ما قلت الموضوع موضوع إعلانات وشعبية والمتسلط بكدا هما الريال والبرسا في بلدهم الأغنى هو الأشهر *_* وبحيك من تاني على أسلوب الرد والتحليل القسم كان محتاج محلل زيك منور والله

تسلمي يارب دا بس من زوقك
انا اتبسطت بالنقاش معاكي
واتمني يتكرر دايما في القسم
تحياتي ليكي