الذهاب للطبيب النفسي وعي و ثقافة ام جنون و سخافة

[ريانة العود]

السلام عليكم ورحمة الله وبركاته



ارق ' خوف' كبت 'انفعال 'حزن' حقد ' احباط 'هذه هي تفاصيل ما يسمى عصر السرعة مع انني اسميه عصر الموت البطيئ من شدة تاخر لحظات الفرح التي تثلج القلب المحترق لوعة

ينصح المجربون انه لتجنب الانتحار و الوسواس و الآفات الاجتماعية العلاج عند الطبيب النفسي.


فهو الذي يسمع همك و يهتم لهمس قلبك و يحفظ سرك و الاهم انك لا تخرج من عنده بنفس الحالة قبل الدخول عنده - هذا ما قالوه من تعالجوا عنده

اما اجتماعيا يقال لا يزوره الا من هو مختل عقليا

دينيا كمسلمين نعلم انه ان كان علاج الجسد الادوية فعلاج الروح القران الكريم و الاذكار 'الا بذكر الله تطمئن القلوب'

اذن هل مشاركة الدكتور همنا هو شكوى لغير الله

[ساحر الأحزان]

لو الطب النفسى مكنشى لة لازمة مكنشى انشائت جامعات

وهو قسم فيها ودلوقتى كتير من الناس بيروح لية

وهو الى بيخفف عنك بكلامة معاك

بحكم تخصصة ودراستة

موضوع قيم منك

تحياتى

[دائما انت بقلبي]

اما اجتماعيا يقال لا يزوره الا من هو مختل عقليا

اهو اللي بيقول كدة هو اللي مختل عقليا للاسف
دة مجرد واحد بيسمعك بينصحك تعمل ايه .... من امتي الدكاترة كانوا
غلط او اللي بيروج لهم مختل عقليا للاسف القكرة دي اللي بيقولها مش عندة وعي
ولا علم ولا دة بيبقي جهل وكلام بيرددوة وخلاص
نايس توبيك
تقبلي مروري

[Wahem]

صدقيني الدكتور النفسي ده تخصصه وبقدر تعليمه يقدر يخفف عنك وكمان مش كل اللي بيروحوا للدكتور مجانين انا كده زعلت منك لاني انا بتعالج عند دكتور نفساني وبرغم كده انا مش مجنونه بس احيانا يكون الواحد جواه اسرار ما ينفع يقولها لاي حد بس بيصارح بيها الدكتور تحياتي موضوع كويس

[ياسمينااا]

مش معني اني اروح لدكتور نفساني
اني اكون مجنونه ومختله عقليا
لا طبعا مش عيب اني اروح ليه
ذيه ذي اي دكتور تاني
ادام انتي محتجاه انك تحكيله ويسمع منك
وينصحك تعملي ايه يبقي ليه لاء
ما هو لو كنتي لقيتي حد جنبك يسمعك
ويفهمك ويقدر يساعدك اكيد مكنتش روحتي
واللي يقول ان اللي يروح لدكتور نفساني مجنون
يبقي هو اللي مجنون لانه يبقي مش عنده ثقافه ووعي
توبيك جميل
تسلم ايدك
تحياتي

[محمدعبدالسلام]

السلام عليكم

موضوع رائع
الانسان عبارة عن جسد وروح عموما احنا او الغرب بصفة دائمه يهتم بالجسد
ويترك الروح تصرخ وتستغيث فان الروح ان لم تجد الغذء الكافى قد تقود الانسان
الى الانتحار وده موجود فى سوسيرا رغم انها بلد غنية جدا
اعتقد ان الدكتور بيحاول ان يغذى الروح ويعيد الثقة بالنفس
ولكن الشفاء الحقيقى هو كتاب الله والذكر
ولكن من يستطيع ان يخذ هذا الدوء الربانى

[Magic Dreams]

موضوع روووووووووووووووعه

[طمطم]

اللجوء للطبيب النفسى بتبقى ف حالة عجزك عن حل مشاكلك بنفسك
فبتحتاج لحد يساعدك فيها .. وهو ده الصح ع فكرة
..
نايس توبيك بقآ

[مشتاقه للجنه]

المريض النفسى مريض كأى مرض يحتاج الى دواء

والدواء أكيد عند الدكتور ..

نفسه وعصبيه ...
أكثر العيادات أزدحاما فى هذا العصر
فهو يعالج الكثير والكثير من أمراض العصر أو اللى كثرة بهذا العصر
الاكئتاب .. زهايمر .. الذهان .. الارتعاش بالاطراف عافانا الله وعافاكم

شكرا أختى الفاضله على الطرح المميز

تحيااتى