عيش مع المنشاوي .. مرشحكم للرقي والنجاح

[αЛαstoOorα]

ايها الآعضاء الموقورن ايها الآداريين المحترموون ايها الناس فـ ايها حتة و ايها حاجة

احنا داخلين علي مرحلة صعبة وكبيرة فـ العيد الكبيرة وهنشيل مسؤلية كبيرة

وعشان انا منكم ومن آجلكم وبكم قررت ان ارشح نفسي فى الآنتخابات

وجي انهاردة لآهل دايرتي وقسمي فـ الخزعبلات ..اللى هما آكتر ناس انا حاسس بيهم

وحاسس بمدا المعناه اللى بيعانوها في اي موضوع بينزلوه واي مشكلة بيقابلوها

انهاردة يا اخواني واخواتي انا طالب اقعد ع الكرسي دا مش عشان مصلحتي تؤ تؤ

عشان انا تعبت من كتر الوقفة مش آكتر والسن برضه عليه عامل والعامل يوميتو انهاردة متكفيش عيش حاف
وعشان انا بتاع الغلابة ومن الغلابة ومدخل نفسي فى القصة السودة دي اللى انا ماليش فيها اساسا

من آجل الغلابة ...قررت وانا بكامل قواية العقلية والصدرية والقلبية ان اعيش لخدمتكم

وتلبية طلباتكم ..وارضاء ضمائركم الهتاكة ..دلع وهندلع ..هشتكااااا وهنشهتك طرد وهنطرد ههههه

البرنامج بتاعي يا آخواني وآخواتي مش برنامج عادي لالالالا البرنامج بتاعي هو اللى العضو

هيلاقي فيه نفسه وهيلاقي فيه كل ما تشتهيه نفسه .

نبدء بالعضو حديث التسجيل ودا له آهميه واهميه جامدة وجاحدة ومتهورة واذ مكنش لقي اللى بيحبو

مش هيستمر واحنا عاوزين منتدانا يبقة زي الحمام دخولة ميبقاش زي خروجة

الشاب من دول ولا البونيه من دي بيخشو المنتدي بيحتاجو لحد ياخد برجليهم ويمشيهم على

اول سولوم النجاح والرقي نرجع تاني اذ ملقوش اللى بيحبووه؟؟؟؟ يبقة هيتعبو من المشي

احنا ناخد العضو من دول نعملو دماغ ونديلو مطرح ما ربنا يقدرنا كل ما يحتاجه لتكبير وتكاثر مشاركته

يعني مثلا ..اللى بيلطش المواضيع دا بيتعب عبال ما يدور ويتفاحص ويتماحص عن حاجة يلطشها

وينزلهلنا ..نقوم احنا نوفرلو اللينكات اللى هيسرق منها ونختارلو مواضيع محترمة

وبكدة يبقة ضربنا ارنبيين بنبلة واحدة ..اتآكدنا ان الموضوع اللى هينزل مهم وبراقبتنا

وثانياً غفلنا العضو اللى عامل ذكي وبيسرق من ورانه وهو فاكر انه بيسرق من ورانه بس احنا

عارفييييين؟؟؟؟؟ هنا في موخ مش فردة كاوشت نيجي بقة للمتعلقات السخسية

من حق اي عضو وعضوة طبعاً يتعرفو على بعض ..فـ قررنا نعمل شبكة اتصالات جوة قسم جديد

مسمي ( بسنترال الغرام ) وهنعين فيه معظم الآعضاء المستجدين والمكالمة هتبقة برعاية شركة ( يا موفق راسيين فـ الحلال )

وميضرش لو حطينا شوية اكسسورات وعملنا بترينه صوغيرة كدا امر واحد حابب يدلع موبايلو

او واحدة حبة ترقص موبايلها بنغمتيييين واهو كله راجعلنا بالمكسب وربنا يجعلها سبوبة الكل يرزق من وراها اشطة كدا؟ ههههه

انا هبسطكم كل اللى انتو محرومين منو هنا انا هخليه موتاح بس لو اتطردت اقفو جمبي ههههه

نيجي بقة للمسابقات ..طبعاً اي مسابقة بيتعمل عليها تصويت اذا كانت خواطر او مواضيع عامة

فا احنا شغلتنا اننا نهيئ الوضع للمشتركين ان المسابقة نزيهه ومفهاش اى نوع من الزييف

ونختار احنا واحد يكون شغال معانا او صاحبنا ونفقعلو اصواتنا كلها ليييييييه بقة؟؟؟

عشان لما يكسب المكسب يعم علينا ويرجعلنا وميروحش المكسب للغريب

مهو انهاردة عندو بكرة عندي فا لما اديلو صوتي انهاردة بكرة يديني هو صوتو

واصواتنا امانة لبعضتينا مش نروح نصوت على حد منعرفهوش كدا مش هيبقة فيه خود وهااات
نيجي بقة للناس اللى بتخش المواضيع تشاهد ومتردش ليه احنا نتعبهم اساسا؟؟

احنا قبل ما ننزل باي موضوع نكتبه ونصورة وش وضهر فى قسم التصوير

ودا هيتفتح قريب هو وقسم تاني بتاع سندوشتات

ونيجي على عضو عضوة ونبعتلهم صورة من الموضوع جوة الملف السخسي

ودا هيكون فى سريه تااااااامه لا من شاف ولا مندري عشان نوفر عليهم

الدخول جوة الموضوع نفسه والمعناه اللى بيعانوها فى القراءة

مع كلمتين حلوين برضه للي هنبعتله الصورة وكوباية مانجا حليب

وهدية بمناسبة مجهودة القيم والفظيع فى تدقيق وفحص الموضوع

وبكدة هيسبلنا بصمة مشرفة جوة موضوعنا اللى نزلناه

الرشوة والدلع اهم شيئ فى الموضوع كُن مرتشي كله يبقة فـ الشفتشي

ودي المرحلة الاولي من البرنامج هرجعلكم تاني

[بلدنا في القلوب متشاله]

ربنا يوفق الجميع

......

[countess]

ههههههههههههههههههه

برنامجك ايه كامل محدش هيبقا نفسه بحاجه

هو فيه كدا لا دا كتير

لو مش صوتنالك نبقى خسرنا مرشح مهم ف المنتدى افارس

طبعا طبعا صوتي هيكون ليك بس اوع الكرسي يغريك وتنسى

الدلع الي هدلعو للأعضاء دول امانه برقبتك ههههههههههه

موضوع قميل وخيالك واسع اوي وضحكتني بجد

تقيمي + خمس نجوم

[الرحــاال المٌتَمرد]

اخربيتك ي فااارس


لحد دلواتى لسا بضحك من وقت ما كنت بتكتبها
ههههههههههههه


يالا بالتوفيق دايما ي بوب

[~♥ Queen sozan♥~]

والله انت دماغ ههههههههههه بجد عجبنى الكلام كدهـ

وحلو والله .. الله ينور

[αЛαstoOorα]

اقتباس المشاركة الأصلية كتبت بواسطة بلدنا في القلوب متشاله ربنا يوفق الجميع ......

كله على الله المهم انك بخير:d

[Marwan1337]

ربنا مع الجميعـ

[حنـــــون]

الحمدلله كدا المنتدى هيزدهر وهيبئه احسن منتدى
فى عالم الخزعبلات ان شاء الله
بالتوفيق ياكبير ^^
موضوع عسل ^*

[SiLver Spectra]

هههههههههههه
طب مش رشحت نفسك ليه
المرشح الخزعبلاتي )

[احسـ طفله ــاس]

هههههههههههههههههههههههه
لابجد برنااامج تحفه وانا اول واحده هترشحك