كلام فى الصميم ( بدون خوف )

[(طائر الشرق)]

السلام عليكم ورحمة الله باقة ورد تليق بكم اعضاء منتدانا الجميل بنات مصر فى البداية هو كلام دار فـ راسى معرفش ليه والله هو مجرد احساس بجد انا فكرت كتير قبل ما اكتب كلامى ده وعارف ان كلامى ممكن يكون صعب لكن الهروب من الحقيقة يبقى انهزام وضعف كلامى عن نفسى ودى وجهة نظرى ان اغلب الناس الموجودة فى عالم النت واكيد مش الجميع هدفهم الاول اقامة علاقة حب واكيد الحب مش عيب ولأننا مش اغراب عن بعض بحكم تواجدنا فى داخل صندوق واحد ان كان منتدى او فيس او شات او قروب المهم اكيد اغلبنا بيعرف بعض ويقرب من بعض لاننا بنقضى وقت كبير هنا فى حوار وفضفضه وضحك وحجات كتير بتجمعنا وكل واحد بيختار الطريق وكمان يختار الرفيق ان كان صديق او حبيب او حد بيحترمة المهم اننا ننسى كل كلامى اللى فات ده ونفسى افهم شئ واحد فيه اعضاء هنا كان لهم نشاط كبير ومجهود مميز وبين يوم وليله اكيد مش ليله حبيبة قيس هع هع المهم فيه ناس بتعمل علاقة وبتسمتر لفتره اما يصيبها الفتور او الملل ولان قصص الحب فى الوقت الحالى عمرها زى أى اغنية فى الوقت الحالى عمرها تقريبآ خمس دقائق ونجرى ندور على غيرها قال يعنى تجديد وقبل التجديد لازم نختفى ونتوه عن الانظار لوقت مش كافى وبعد كده نرجع لفترة النقاهه والصمت ومن الصعب نرجع من تانى زى الاول انا شكلى خرفت من هنا سبب كلامى طيب حقى انا وحق الناس اللى هنا فين وفين الصداقة وحقوقنا على العضو المختفى لم اقصد الجميع ولكن اقصد الهارررررررررب ودمتمت بخير وسعادة دعواتى

[Lady Rozitta]

و حقه على نفسه فين حتى ؟؟
الفترة اللى بيسموها نقاهة دى اثرها بيبقى اصعب على الانسان
لانه منها بيبدأ يحط نفسه فى دوامة ملهاش اخر الا بمزاجه
و دا بيأثر عليه هو كشخص عشان كدا مش بيرجع تانى زى الاول
و بالتالى و لا مع اللى حوليه
و مهما تحاول تقنع فيه قبل ما يدخل الفترة دى ،،، بس لا حياة لمن تنادى :d
فبالتالى مش هيهتم بحق الناس و لا بالصداقة و لا باى حاجة
دا بيحصل كتير فعلا ،، تسلم ايدك على الطرح المميز

[واد حبيب]

بص يا عصام
بصفتي مشرف معاك في قسم الحب والخواطر قصدي الشعر والخواطر
القسم اللي بنشوف فيه اجمل قصص حب بين الاعضاء
بنشوفها وهيه بتبدء ويكتبو في بعض اجمل اشعار وبنشوفها وهيه بتنتهي وبيقولو لبعض اجمل اشعار عن الخيانه
مش اقولك انا محبتش علي المنتدي انا حبيت واحده بس وده كان زمان اول ما دخلت المنتدي
لكن اقولها لكن الاعضاء مستحيل حب النت يكمل علطول بيفشل
واغلب اللي بيقولك بحبك علي النت بيكون كداااااااااااب
ازاي واحد يقولك بحبك في اول مكلمه تكلمه فيها صعب جداااا
ياريت كل واحد ياخد بالو من الموضوع ده والله الحب علي النت صعب جداااا
واعرف ناس كتير تعبو من الحب ده
لنا تحس انك هتحب بجد اخطب وحب خطبتك حتي دي هتكون مراتك وشريكه حياتك
مش بنت علي النت اليوم معاك وبكره مع 100 غيرك
كلنا علي النت بنتعمل مع شاشات كمبيوتر سهل جدااا انك تغير شخصيتك وانت بتكلم شخص تاني
يارب يهدي الجميع
تسلم يا عصام علي موضوعك المهم والجميل
تقبل تحياتي لك
الحبيب

[ساحر الأحزان]

لو انت فى الجامعة او فى الشغل وفية اختلاط حتلاقى اية اكيد طبعا فية حب هو فية حد يستغنى عنة ودة طبعا فى الواقع وفى الحياة

وجها لوجة فية الى بينتهى بالنجاح وفية الى بينتهى بالفشل دة اسلوب وسلوكيات ينشوفها وبكترة

بسى هل الحب بيجى بين يوم وليلة طبعا لا ولا هو شافها ولا هية

طيب وافرض شافها وهى شافتة او بعد كتير من المحادثات فتر ومل من الحب حيدور على حد تانى يجدد نشاطة معاة

الحب موجود بسى لة حدود

موضوع قيم منك

دمت سالما

[رنين]

اولاً من التلات ردود فانا شايفه ان كل واحد شاف الموضوع من وجهة نظره ^^

ثانياً / فعلا موضوع حضرتك شامل كذا حاجه
لو اتكلمنا عن الملل او الفتور فى الحب فده ممكن يحصل سواء حب عن طريق نت او جامعه او او
طالما الحب ده متمش تتويجه بخطوات تدعمه هيحصل فتور وملل ومشاكل كتير مش بتتحل

اما لو اتكلمنا فى ال كانو طبيعين وبيهزرو ويضحكو واما حبو وفشلو اختفو فده طبيعى ممكن يكونو مش حابين يفتكرو حاجات معينه او المكان بقى بيفكرهم بفشل فى حاجه

يعنى الحاله ال بيكون فيها بيأثر على مزاجه العام فى كل حاجه وبيحاول يخرج برا الحاله دى بانه يبعد او يغير ال كان بيعمله وده طبعا فى مكان زى منتدى هيكون سهل لانه مش ملتزم فيه بحاجه

تسلم على طرحك
واسفه على الاطاله

تحياتى

,,

[(طائر الشرق)]

اقتباس المشاركة الأصلية كتبت بواسطة lady rozitta و حقه على نفسه فين حتى ؟؟ الفترة اللى بيسموها نقاهة دى اثرها بيبقى اصعب على الانسان لانه منها بيبدأ يحط نفسه فى دوامة ملهاش اخر الا بمزاجه و دا بيأثر عليه هو كشخص عشان كدا مش بيرجع تانى زى الاول و بالتالى و لا مع اللى حوليه و مهما تحاول تقنع فيه قبل ما يدخل الفترة دى ،،، بس لا حياة لمن تنادى :d فبالتالى مش هيهتم بحق الناس و لا بالصداقة و لا باى حاجة دا بيحصل كتير فعلا ،، تسلم ايدك على الطرح المميز

كلامك جميل ومنطقى

بالفعل هو ده اللى بيحصل

نورتى موضوعى روزيتا

دعواتى

[رووكه]

السلام عليكم

بدايه الموضوع مهم قوى ولازم يتناقش

بس الاول عندى نقطه رد على محمد اخوايا الصغير

دلوقتى انت من تجربه حكمت ان كل البنات زى بعضها على اساس ايه

يمكن انت من الاول غلط فى اختيارك ومش احسنته

يبقى ده غلطك وحدك مش غيرك انت مش قدرت تحتوى هى مش مقتنعه بيك

ديه كله احتمالات لازم تورد على الطرفين

فيه ناس كتيره محترمه جدااااااااا فى عالم النت وفيه ناسى بردو

تحت الصفر بمراحل وانت راجل هتقدر تعرف مين صادقه ومين كدابه

ومين حبت بجد ومين لا

عامتا كلامى عام ان الحب لا ليه مكان ولا زمان

فى اى وقت بيحصل بيحصل فى الشارع نظره اعجاب ويتجوزو

ممكن مكلمه فون غلط بيحصل نصيب

وكل ده بيتوقف بحاجه وحده اصل الراجل واخلاقه وصدق نيته

وفيه ناس كتيره مشاء الله عندها استعداد تلعب بالف بنت فى وقت واحد

وبردو مش الكل فيه بنات وفيه شباب

ومش منطق اننا نحكم على الكل علشان تجربه مرت بفشل

ربنا يهدئ الجميع ومبدئ واحد ان الحب موجود بصدق واخلاص

ايان كان المكان طالا بحدود الله وبأدب

مش تزعل يا محمد ديه وجهه نظر احنا اخوات

تسلم يا زعيم على طرحك القيم

تحياتى وتقديرى لشخصك

[واد حبيب]

اقتباس المشاركة الأصلية كتبت بواسطة روكه2 السلام عليكم بدايه الموضوع مهم قوى ولازم يتناقش بس الاول عندى نقطه رد على محمد اخوايا الصغير دلوقتى انت من تجربه حكمت ان كل البنات زى بعضها على اساس ايه يمكن انت من الاول غلط فى اختيارك ومش احسنته يبقى ده غلطك وحدك مش غيرك انت مش قدرت تحتوى هى مش مقتنعه بيك ديه كله احتمالات لازم تورد على الطرفين فيه ناس كتيره محترمه جدااااااااا فى عالم النت وفيه ناسى بردو تحت الصفر بمراحل وانت راجل هتقدر تعرف مين صادقه ومين كدابه ومين حبت بجد ومين لا عامتا كلامى عام ان الحب لا ليه مكان ولا زمان فى اى وقت بيحصل بيحصل فى الشارع نظره اعجاب ويتجوزو ممكن مكلمه فون غلط بيحصل نصيب وكل ده بيتوقف بحاجه وحده اصل الراجل واخلاقه وصدق نيته وفيه ناس كتيره مشاء الله عندها استعداد تلعب بالف بنت فى وقت واحد وبردو مش الكل فيه بنات وفيه شباب ومش منطق اننا نحكم على الكل علشان تجربه مرت بفشل ربنا يهدئ الجميع ومبدئ واحد ان الحب موجود بصدق واخلاص ايان كان المكان طالا بحدود الله وبأدب مش تزعل يا محمد ديه وجهه نظر احنا اخوات تسلم يا زعيم على طرحك القيم تحياتى وتقديرى لشخصك

شوفي ياروكه
انا مش بحكم علي كل البنات علشان واحده ممكن يكون انا معرفتش اختار صح
لكن انا برده كلمت بنات في قمه الاحترام واخواتي فعلا وبكلمهم لدلوقتي
انا بحكم علي بعض من البنات واغلبهم مش بعضهم
لكن فيه بنات كتير بيعملو اكتر من علاقه علي النت
تقبلي تحياتي
الحبيب