السعآده مقابل لأيه؟

[ملكة القمر]

السلام عليكم

صباح النور عليكم

في سؤال جه على بالي فجأة وحبيت آخد رأيكم و اسألكم فيه

دلوقتي احنا لما بنشتري حاجة بندفع فلوس وفي المقابل بناخد تموينات او غيرها

نيجي نشتغل مثلًا وأكيد بنتعب بس في المقابل بناخد فلوس

بنعبد ربنا ونشد على نفسنا وفي المقابل بندخل الجنة

دي كلها امثله عن الحجات الي بنعملها وبناخد مقابلها حاجة تانية

انا بقى عايزة اعرف ازاي نوصل للسعادة؟ عن طريق ايه؟

او بشكل اوضح نعمل ايه عشان نوصلها يعني السعاده مقابل لأيه؟

[تجملت بالعفآف]

السعاده توجد في كل نفس
لكن الانسان لا يقدرها غير لما تضيع منه
السعاده تجديها عندما يرضي الله عنكـ
السعاده تجيديها عندما يرضي عليكي الوالدين
السعاده تجديها عندما تسعدي طفل يتيم
السعاده تجديها مع اصدقائكـ واحبابكـ
السعاده مفتحها بأيد كل انسان
لكن البشر لا تستخدم هذا المفتاح وقت اللزوم زي ما بقولوا

تحيااتي

[აα∂ Ԑγεა]

والنبي لو لقيتي طريقه قوليلي تكسبي فيا ثواب :d
تحياتي

[رقة BaNOTa]

زي ماقالت ورده
هتلاقي السعاده لما تسعدي الي حوليكي
لما تبصي في عينهم وتلاقيهم فرحانين اكيد هتفرحي وتبقى سعيده
وكمان لما ترضى ربنا وتعملي الحاجات الي تقربك منه
هتلاقي دي السعاده بجد
لانك لو طلبتي منه حاجه هيدهالك
هتلاقي السعاده لما تتصدقي
هتحسي احساس رااائع مش بيتوصف
جربيه وهتحسي بالسعاده بمعنى الكلمه

لما تكلمي ربنا في الصلاه وتدعي انك تكوني سعيده
ربنا هيسعدك طول ماانتي في طاعته
ومش بتعملي حاجه تزعله

ربنا يسعدنا جميعا

[الابتسامه المصريه]

السعاده موجوده فى كل شئ حولينا فى رضا الله علينا ورضا الاب والام ورضا النفس ورضا الزوج وعطاءنا لابنائنا


الله ينور قلبك بنور الله

[طمطم]

هتلاقى السعادة حواليكى ف كل مكان
اقل حاجة ممكن تفرحك ..
المشكلة اننا احنا اللى مبنشوفهاش !
..