قلب فاضى

[Şα3Đ..♥]

[Şα3Đ..♥]

زعلانه منه

زعلانه منه علشان
بعيد عنها
مبيجيلهاش
ولما بييجي يسمعها
مايسمعهاش
وزعلت منه تاني اكتر
عشان طوالي يستنكر
حاجات لازم
مينسهاش

وف ذكري اليوم اللي
جمعهم
وخد منهم اوجاعهم
معبرهاش

ده سابها ف عز
اوجاعها
بتموت غرقانه
ف دموعها
كان لازم وقتها
يساعها
مايتركهاش

ده سوء تقدير
ده مفهمهاش

وشايله حاجات جواها
وبتداري وبتعدي
وبتقول بكره انساها
وكده احسن
ما اكون وحدي

وتستغرب من افعاله
وتساله ليه
يقول دي ظروف
تقول مش مشكله
وماله
يابت سيبيه
وبكره نشوف
مش يمكن ينعدل حاله
والفعل يسبق اقواله
مع انها بالنسباله
مبقتش من النوع المألوف

وتساله كيف الحال
يبص كأنه مش عاجبه
بقي بالزمه دي افعال
لواحده مابتنامشي بسببه

دي نفسها بس تطمن
وخايفه يكون السبب منها
وترجع تاني تتكلم
معاه
ينشغل عنها

فتتداري ف ركن بعيد
وتبكي والدموع بتزيد
لكن قدامه بالتحديد
مبتبينش حَمَارعينها

يابنتي زعلتي ليه منه
ده هو اللي اكيد خسرك
نصيحه مني ابعدي عنه
عشان ده مكانشي يستاهلك


دي قصه واحده انا اعرفها
وبحكيها علي لساني
شوفوا ازاي كانت ظروفها
شوفوا قد ايه كانت بتعاني

ياكل اتنين اتجمعوا
والزمن وفق بينكم
تعالوا هنا واسمعوا
ماتخلوش حاجه تبعدكم
ده بكره مسيركو تعرفوا
قيمه اللي بيضيع منكم

[Şα3Đ..♥]

لا هيرجعوا زي ما كانوا
ولا الحقيقه هتبانلهم
ده ياما كويسين اتهانوا
واتقل ف اصلهم

[Şα3Đ..♥]

كلميني اكتر عن هجرك
والبعد من غير اسباب
وازاي لسايا انا فاكرك
وازاي بقيتي فعمري سراب
ضميني ف حضن مخيلتك
وافتكريني دقيقه من ليلتك
جايز اكون انا محتاجلك
داوي ف الجرح اللي اتساب

[Şα3Đ..♥]

[Şα3Đ..♥]

بقيت هــآوي اعيش وحدي
واكتب ف قصايدي الدراميه
وانام والدمع علي خدي
والضحكه بسيبها مرميه
واعيش بمزاج وعلي راحتي
علشان مبقاش في حيل فيا
فبكبر من اللي بيجرحني
واقول عادي وايه يعني
مش مشكله ما اسيبه يدبحي
وهو ايه اللي هيحصل ليا

بقيت قاصد اشوف الضحكه
جايه عليا فـ مآ آضحكهاش
بقيت قاصد فـ عز الصقعه
آشوف الدفي فــ مآ آدفــآش
هويـت آتكــعبل
فـ بعـد الوآقعـه
آسيــــب العــفـرهـ
منفضهــآش
بقيـــت مستعجــل
علي الدمعــه
آخــآف تـنـزل
فــ مـآ آلحقهــآش

وبقيت مجـهـول الـهـويـه
وعقلي بئه ديما شارد
واحساسي مات خلاص فيا
وبحس اني انسان بارد
وقصه واصبحت منسيه
وناوي اطلعلها بدل فاقد

بس البدل مش زي الاصل
والاصل مش ممكن يرجع
علشان ضحكه قلبك ف الاصل
الهجر خلاها ما تنفع
والبعد كرهني ف الوصل
وبدل ما اوصل بقيت بقطع


ومتداري ورا الفرح السَّكَّه
و بشتريه بشويـه فـكـه
وبلملم جرحي من السكه
مـآنــآ يمــكــن آفــرح

ده انا قلبي محتاج ميت زئه
علشان يدور ويفوق حبه
ياما كده يا هيقول لأه
ويدوس ويجرح

انا قلبي مش ناوي يرتاح
غير لما ترجعوا من الغربه
وتيجوا تملولنا البراح
وتهونوا العيشه الصعبه
ونملي الدنيا بيكم افراح
وانسي بيكوا معني الفرقه

وحبيبتي ترجع لمكانها
وتيجي تحيي تاني سكنها
وتنسي الفراق اللي سكنها
ونعيش بئه حلاوه بكره

والدنيا ترجع تضحكلي
وانسي الهموم وانسي مشاكلي
والضحكه تيجي تعدل شكلي
والله عجباني الفكره

[Şα3Đ..♥]

كوبايه شاي فـ الخمسينه
وسجاره واغنيه حزينه
وأهدي النور اللي مولع
واوارب بابي اللي مخلع
ساعتها الاقي الحزن اتجمع
ويعذب نفسي المسكينه
ويفكرني بأيام منسيه
ويكسر ياما حجات فيا
وبدل ما يصبرني شويه
يعملي من البحر طحينه
فكرتني ليه بالصحوبيه
وحبايبي وكل الناس ديا
خف علينا ياعم شويه
عمال ليه بتعذب فينا
خلاص الاغنيه ف نهايتها
وسجارتي خلاص انا طفيتها
والشاي انا بطلته ساعتها
يلا بئه طرقنا وهوينا

[Şα3Đ..♥]

حاطط ايدي علي خدي
وعامل فيها واحد زعلان
وبمثل دور عايشه لوحدي
وبطل فيلم واحد غلبان
وتتر بدايته اهو بينزل
وصقف الجمهور علشان
هظهر انا فيه وهمثل
دور البطل " واحد زعلان "
واحد كان نفسه فـحبه فًرًح
يطمس بيها عيون الاحزان
ويداوي جرحه اللي انفتح
ودمه اللي سال ف كل مكان
واحد حزنان علي حبيبته
عشان راحت مرجعهاش
عشان ضيعها من خيبته
وجه يدور عليها مالقاش
عشان كان نفسه فـ ورده
فعيد الحب يهديها
عشان كان نفسه فـ مخده
صورتها مرسومه عليها
ويحضنها فـ عز الشوق
وقت ما زادت وحشتها
ويحلم بيها ولما يفوق
يصحي علي صوت رنتها
عشان مجلوش بوكيه احمر
ومكتوب فيه لاغلي حبيب
عشان طول عمر شايه ممرر
وشربه نوع من التعذيب
دي قصه واحد زعلان
بيدوق الفرح بالقطاره
دي قصه واحد غلبان
معبي الحزن ف شكــآره
بيلف بيه ياعيني شقيان
وبينفخ همه ف سجاره
وبيدور علي اي مكان
يودي الحزن فيه فـ غواره
خلاص الفيلم فـ نهايته
وهنهيص مع التصقيف
وهنهلل علي سذاجته
وهنقول فيلم حلو خفيف
لكن بطلنا راحت هيبته
وبان بطيبه قلبه سخيف
وسخافته دي ماهيش ذنبه
هو اللي قلبه طاهر ونضيف
ده مش بطل لا ده مبطل
يضحك ف وش الناس ده كئيب
وحزنه ده ابن بلد ومأصل
ماسك فيه ورافض يسيب
لا عامل حساب لكرامته
ولا حتي حساب للناس
ولا خايف علي اهانته
لو اتفرم فيها وانداس
وبيقول ده بس من طيبته
ياعم الطيبه ماتت خلاص
ده مش فيلم ده لعب عيال
لكن همشي وناوي مقعدش
عشان دوام حاله محال
و درامي اوي وميتصدقش
ياعم ده فيلم فكسان
والقصه فيه كانت اوفر
بقي في كده واحد زعلان
وقادر بالشكل ده يعافر
ده الحزن ع الوش بيبان
ومراره علقم كافر
فـ متصدقش واحد زعلان
واحد ع الحزن مش قادر
ياعم ده واحد مخنوق
والدنيا جايا عليه شويه
ومسيره بكره فيوم هيفوق
ويعرف يعيش دنيته ديا

[Şα3Đ..♥]

هااااااااااااااااا
فاضل واحد

ماتيجوا هنا


https://www.facebook.com/QalbFaady

[Şα3Đ..♥]

وده صوتي