قلب فاضى

[Şα3Đ..♥]

ارسميني جوه روحك
ضحكه يمكن اتسعد
ارسميلي من طموحك
يمكن وشي يتفرد
ارسميلي ضحكه صافره
اقوي بيها ع الظروف
كل حاجه بيا كافره
وعيني مش قادره تشوف
اسنديني بكلمه حلوه
طمنيني ف عز خوف
غني ليا اي غنوه
جايز الفرحه تتولد
‫#‏محمدسعد‬

[Şα3Đ..♥]

والميزه في قلبك انه كتوم
و انه كمان برضو بيستحمل
ومعيش روحك ف البدروم
و ﻻ عمرك قولت انا مستتقل
حمل اﻻيام والدنيا ف يوم
مع ان الدنيا بتسبهبل
واملنا بقي اسمه المرحوم
والحاضر دبح المستقبل

[Şα3Đ..♥]

زعلانه منه

زعلانه منه علشان
بعيد عنها
مبيجيلهاش
ولما بييجي يسمعها
مايسمعهاش
وزعلت منه تاني اكتر
عشان طوالي يستنكر
حاجات لازم
مينسهاش

وف ذكري اليوم اللي
جمعهم
وخد منهم اوجاعهم
معبرهاش

ده سابها ف عز
اوجاعها
بتموت غرقانه
ف دموعها
كان لازم وقتها
يساعها
مايتركهاش

ده سوء تقدير
ده مفهمهاش

وشايله حاجات جواها
وبتداري وبتعدي
وبتقول بكره انساها
وكده احسن
ما اكون وحدي

وتستغرب من افعاله
وتساله ليه
يقول دي ظروف
تقول مش مشكله
وماله
يابت سيبيه
وبكره نشوف
مش يمكن ينعدل حاله
والفعل يسبق اقواله
مع انها بالنسباله
مبقتش من النوع المألوف

وتساله كيف الحال
يبص كأنه مش عاجبه
بقي بالزمه دي افعال
لواحده مابتنامشي بسببه

دي نفسها بس تطمن
وخايفه يكون السبب منها
وترجع تاني تتكلم
معاه
ينشغل عنها

فتتداري ف ركن بعيد
وتبكي والدموع بتزيد
لكن قدامه بالتحديد
مبتبينش حَمَارعينها

[Şα3Đ..♥]

فاكر لما كنا صغار
والبلي والكوره والفرق
لما كان قلبك مطار
لطيارتك الورق
حلمت يومها تكون طيار
بس اهو حلمك مرء
فاكر الشراع والمركبه
فاكر لعبك والكركبه
فاكر سعد بتاع زمان
فاكر ضحكه اللي كان
يملي اجواء المكان
كل ده راح وغرق

طب فاكر حنان
البنت الحلوه
بنت الجيران
لما كانت تيجي جمبك
تمسكلك طرف الخيطان
وتطير الطياره معاك

ولا لما اديتها ورده
فاكر كانت لونها ايه
ايوه كانت ورده حمره
فاكر اخر يوم مابيينا
يومها قفلت الشباك
يومها مشيت من هناك

اوعي كلامي يعورك
ولا يصحي الوجع
انا بس كنت بفكرك
ان انت كنت عيل جدع
قادر ع الحزن بالفرح
بس انت قلبك انجرح
والجرح كعبله ووقع

ليه حاطط علي قلبك حصار
ومن الفرح ليه محصنه
قوم نفض وشك من العفار
ولملم ف قلبك لصمه
دخل ف قلبك ضوء نهار
وغور اليأس واردمه
لو مفكرتش تاخد قرار
هتخسر قلبك وهتعدمه

[Şα3Đ..♥]

اذوب بكفيك كثلج الجبال ... واسقط في صدرك كالمطر

[Şα3Đ..♥]

في عالم موازي
هيكون في ياما خير
هتبقي الدنيا عادي
والناس ماليها الضمير
في عالم كله هادي
الدنيا هتبقي غير
#محمدسعد

[Şα3Đ..♥]

[Şα3Đ..♥]

يحكي ان قلبي لمحك
فـ ارتجل ييجي ميت ديوان
اصلا انتي من ملامحك
احلي مصدر للالهام
يحكي ان صوتي ندهك
فالتفتي فـ احترام
بس طلعت واحده شبهك
وان دي كانت احلام
بس انا مش هقدر اسامحك
علي توهاني والهيام

يحكي ان قلبي حبك
ايوه حبك اعمل ايه
مانتي زي ملاك ف شكلك
ملفوف بطرحه بتداريه
يحكي انه لما حبك
قلبي إنتي توهتيه
يحكي اني ديما شايفك
طول صحياني وف المنام

ما هو انتي لو تاخدي بالك
تعرفي اني ديما معاكي
وواخد بالي من كل افعالك
وماشي من زمان وراكي
سبحان من ابدع ف جمالك
ويسلم من سماكي احلام

وف الغالب انا شكلي هجيلك
وهقولك علي كل مشاعري
وهتوه فيكي وانا بحكيلك
واوريكي ديواني الشعرٍي
هحبك وكمان فيهم اشكيلك
وهقولك علي كل الالام

وهكون كاتب احلي قصايد
بوصف فيهم سحر عيونك
وهكون ف الوصف ده محايد
بين روعه رمشك وجفونك
وهكون حالف ف خامس بيت
اني هكونلك واني هصونك
وابني ليكي ف قلبي انا بيت
وتكوني شجرتي وانا غصونك
ايوه ي روحي انا حبيت
ووقعتيني ف احلي غرام

وكلها اسبوع واجي حتتكم
ومش هسال عنك ده انا عارفك
ده انا هسأل الناس فين بيتكم
واطلب ايدك من كل اهلك
وهيوافكوا اكيد براحتهم
من بعد ما اقولهم انا شاريك
واروح جري واسيبهم
علشان نتكلم قبل ما انام

وكل الناس تيجي ف خطوبتنا
علشان الناس تفرح بينا
وانا هعزم كل حتتنا
واللمه هتحلي ببعضينا
وبعد شهور هنروح بيتنا
ونتجوز ونعيش في سلام

وانا بكره ياعمري ابقي باباكي
وهتاخدي مني المصروف
وهتبقي حبيبتي وملاكي
واحميكي من كل الخوف
انا نفسي اعيش اوي وياكي
لكن والله حكماني ظروف
سبحان يا عمري من سواكي
ويسلم من سماكي احلام

[Şα3Đ..♥]

محتاجه ليك
محتاج ليك ف ليل الشتا
وقت السهر
محتاجه حضنك فـ الدفا
وسط المطر
قلبي نسي طعم اللؤا
كرهت السفر

محتاجه ليك متشوقا
محتاجه ليك ارجع بئا
طعم حنانك تاه و اختفي
وسط البشر

انا قلبي من البعد انكسر
وتعبت من كتر السهر
ودموعي نازله ع الصور
مبتنتهيش
ازاي تقولي هبقي اجيلك
ومتجنيش
طب قولي ازاي بعد رحيلك
هقدر اعيش
لسه ف قلبي ريحه حنينك
لسايا سامعه صوت انينك
ارجعلي بقي انت فينك
متفتريش

تقدر تقولي فمين هفكر
قبل اما انام
وازاي من غيرك خيالي يقدر
يبني الاحلام
طب بس مين غيرك هيسهر
ويقعد طول الليل يهزر
ياما نفسي قلبك يوم يقرر
يمسك ف قلبي ومايسيبنيش


ازاي بتحن للبعاد
وعشقت ايامي البعاد
ارجع بقي بطل عناد
بعدك ماليش

ده انا قلبي زاد
فيه العذاب
وساء فـ السهاد
من البعاد
بينك وبيني كتير بلاد
بس انت فيا
ما فرقتنيش

اوعي يكون في غيري حد
بيبني ما بيني وبينك سد
ارجع خلي السهر يتهد
محتاجه ليك ,,, محتاجتليش؟

[Şα3Đ..♥]

اللحن والتوزيع مجانييييييييييييين