أمنا المحروسة نوارة الدنيا - حصري -

[فتحى عيسى]

لاء لازم تخاف وتخاف وتخاف ...
علي نفسك ومعدنها ...
علي قيمتك ووزنها ...
علي روحك وكرامتها وعزتها ...
لأن خوفك عليك ...
يخليك تخاف ... علي كل حاجة بتحبها ...
شيفاها عينيك ... أكبر من الدنيا كلها ...
فما بالك ... بمصرنا الجميلة ...
أمنا المحروسة ... نوارة الدنيا ...
وهتفضل طول عمرها العروسة ...
لازم نخاف من أي كلمة في حقها ...
من كل حركة ضدها ...
من كل معني يتقال... في لحظة مش قدها ...
وف الحق ... قول كلمتك ...
مادمت راضي ... بحكمها ...
بس بأصول مش جعجعة ...
ولفظ خارج عنها ...
ومش معني أن الخوف وقع ...
في ليلة فرحها ...
وكسرنا كل الحواجز ...
ندوس علي قلبها ...
وننسي الأدب ...
ونخاصم الأخلاق ...
ونرفس العتب ...
ونحرق كل الأوراق ...
ونركب فرسة العداوة ...
ونشوط يمين وشمال ...
لا كبير عاجبنا ...
ولا صغير من توبنا ...
ولا حد مالي عينينا ...
لازم نحبها فينا ...
ونخاف عليها ... مننا قبلينا ...
ونرجع بيها ... قبل ماتغضب علينا ...
نكبر ليها ... دي الأصل هيا ...
وأحنا نبتها ...
مصر كبيرة ...
ياريتنا نبقي قدها ...
فتحي عيسي
الرياض
مساء السبت
10-11-2012