دستور ياسيادى

[ابتسامة الزهر]

دستور ياسيادى زمان قالو الدستور اولا صرخت الحناجر وقامت الدنيا وقالت لا بأعلى صوت الأنتخابات اولا ضحكوا على الشعب الغلبان قالو دى جنه وقالو دى نار والشعب ياعينى مش فاهم حاجة قال اعيش فى الجنه مرتاخ البال شعب فقير مهموم اختار الجنه اتاريها نار وهو مش دريان صرختا وقلنا ياناس ياهوه بلاش الجنه دى حتبقى تار هاتو الدستور عشان نرتاح بح الصوت ولا من مجيب دلوقتى ياشعب بتصرخ ليه وتقول لا الدستور فين صدقت حفنة من الأخوان وفرحت بكيس سكر وازازة زيت قلت حتعيش فى احسن حال ويكون الحال احسن من كان خَدوا الكرسى خَدوا البرلمان وبقيت ياشعب فى خبر كان طيب دلوقتي دستور مسلوق حتقول نعم ولا حتقول لا اصحى ياشعب وفتح عينك واتعلم بئا من درس ماضيك اصرخ بأعلى صوتك وقول عايز افهم عشان أعيش علمنى البكا كتر النواح اشرح لى يامرسى ايه الدستور متقلش دى جنه او دى نار اتعلمت الدرس خلاص ومش حجيب فرعون تانى من جديد اصحَ ياشعب أصحَ ياشعب وبطل نوم اختار دستورك بأيديك وارحم بلدك من الأهات عماله تصرخ وتقول اه من كتر الألم ياولداه

[نجمة النجوم]

جنتهم توهان
وكلامهم بهتان
وافكارهم أحزان
ضحكوا ووعدوا وكذبوا وعملوا كل شيئ
والمحزن آمن وصدق الشعب الطيب
وهو شعب معذور لانوا عاش سنين طويله مقهور
انما عيب على الشعب يستمر قابل الاوضاع دي
مش فاهمه الشعب فين
وعايز ايه
وساكت على كده ليه
احوال محيره زي الطلاسم
كلماتك بجد حلو وشدتني اوي
ميرسي ليكي اختي

[جـــــراح المشــاعر]

صدقيني ابتسامة الزهر
مين اللي بيرحم غير ر ب العباد
ياريت نفكر بعقولنا ياريت حكومتنا
وحاكمنا ما يكون محكوم
ياريت نفكر كويس قبل كل شي
ياريت نعرف ونقدر كل دة
كل الشكر ليكي اختي علي الحروف الطيبة واللي خلت الواحد عبرعما يريد حتي لو باقل الحروف

[توحد ارواح]

اختار دستورك بأيديك
وارحم بلدك من الأهات
عماله تصرخ وتقول اه


فعلا مش عارفه لغاية امتى هنصرخ ومفيش حد هيسمعنا
منتظرين رحمه من السما تنزل على قلوبنا سكينه وامن و طمانينه
اختى لمستى وترا حساسا فى قلوبنا فترك جرحا ينزف
ندعو و نتمنى يوما ان يندمل
جداااااا راااائع
مشكوره يا قمر و فى انتظار جديدكِ المميز
تحيتى

[الأميرة رودي]

, فى البدايه الشعب اللى اختار
كان فاكر نفسه بيهرب من نار
وفجأه لقى نفسه بيهرب لـ النار
ربنا يستر على ايامنا الجايه
كلمات جميله ورساله قويه شعب ادمن الصمت.
تسلمى ابتسامه
بالتوفيق دايما اختى

[همسه الجوارح]

عبرتى عن حاله شعب بحاله
بسطور قليله
ولكن قويه
تسلمى
مودتى واحترامى

[ساحر الأحزان]

كلمات جميلة منك

عبرتى فيها الى بيحصل

الشعب عايز يستقر

ومهو عايز لف ولا دوران

كلمات جميلة منك

تحياتى

[العاشق الذى لم يتب]

شوغى عزيزتى أبسامة
المواضيع كلها لخبطة
والساسة أبوابها مفتحة
ولكن داخل كل باب غرفة تختلف عن الاخرى
وحاجات كتيرة محتاجة لتوضيح
وفقط علينا أن ندعى لبلدنا أن يأخذ بأيديها
كلام عظيم ووجهة تحترم
تقبلى تحياتى وودى
رفعت

[عمرو الجورى]

موضوعك قيم سيدتي وهادف

لكن التريث حاليا هو الحل

والاستفتاء على الدستور واجب وطني

لأنه شُكل من قبل كل الشرائح الساسية والوطنية

ولم يكن دستور اخواني بحت

لذلك واجب عليا ان ننهض بمصر بالتصويت على هذا الدستور

احترامي وتقديري سيدتي

[تناهيد الهوي]

اتمني ان يسود الامن والامان في جميع ارجاء مصر