استقلال المحله واليكس عن حكم مرسي

[حبرالقمر]

اولا بقى تحيه كبيره اوي للدول الشقيقه وانا كواحده مؤيده بعد الاستقلال ده اكيد حهاجر
بيقولك ايه راحو للمجلس المحلي واعلنو استقلالهم
لما تلاقي خبر ذي ده أو اشاعه:-
تم تحرير مدينه المحله الكبرى وتحرير مجلس المدينه وسيتم اعلان المسئولين الجدد

و بعدها تلاقي كل التعليقات دي:-

-دولة المحلة|| ويكيبيديا الموسوعة الحرة::
يحيطها من الشمال والجنوب والشرق دولة مصر، ومن الغرب ترعة شبين. تتميز بجوها المعتدل وأهلها الطيبين. أهم صادراتها زيت الكتان والقماش الكستور

-بانفصال المحلة عن مصر هتبقي تالت اصغر دولة في العالم بعد الفاتيكان و لوكسمبورج..شلاه يا سيد يا بدوي :d

-واحد محلاوى بيقولك انا لسه شاحن ب 10 جنيه كلمت ابويا دقتقتين فى القاهرة خصموا منه 9 جنيه
الدقيقة بقت دولى من المحلة

-بعد استقلال المحلة ، فريق هيروشيما الياباني ينوي تقديم شكوى رسمية للفيفا ضد الأهلي في حال اشراك وائل جمعه في المباراة باعتباره لاعب أجنبي رابع :d

-سفارة مصر في المحلة تعلن تأجيل الإستفتاء ليوم الأربعاء !!

-ﺍﻟﻌﺜﻮﺭ ﻋﻠﻰ ﻣﺤﻼﻭﻯ ﻳﺤﺎﻭﻝ ﺍﻟﺘﺴﻠﻞ ﺩﺍﺧﻞ ﺍﻻﺭﺍﺿﻰ ﺍﻟﻤﺼﺮﻳﺔ :d

-لو لم أكن مصرياً لوددت أن أكون محلياً

و غيرها من التعليقات...يبقي انت أكيد في مصر :d
رغم همومنا بنضحك



هم يضحك وهم يبكي هناك احزان حقا تدعو الى السخريه

حسبي الله ونعم الوكيل فكروني بالجيش الحر لما بياخد مدينه ويقولك استقلت عن حكم بشار

اللهم احمي مصرنا