شرح عمل خلفيه لموضوعك من داخل او خارج المنتدى

[دمعه حائره]

بسم الله الرحمن الرحيم
اهلا وسهلا بكل اعضاء منتدى بنات مصر
النهارده هاشرح طريقه عمل خلفيه للموضوع
من داخل المنتدى او برابط لخلفيه خارجيه
انا عارفه ان الموضوع اتعمل قبل كده
لكن الصور مش موجوده فحبيت اعيد الشرح
عشان يفيد الكل
بعد كتابه الموضوع تظلله عن طريق
كنترول +ش
وتتك على الايقونه دى

هاتظهرلك اللوحه دى


هاتختار العرض 100
وتختار اى لون عاوزة



لكن لو حابب خلفيه من خارج المنتدى
بعد ماتبحث فى جوجل او تكون عندك
تتك كليك يمين على الصورة وتاخد الرابط بتاعها
زى ده مثلا
http://im9.gulfup.com/2011-08-12/131315886464.gif
وتختار كلمة رابط



وبعد ماتمسح الكلام اللى فى المستطيل
تحط رابط الخلفيه
زى الصورة دى وتتك موافق



ملحوظه.. بعض المتصفحات مش بتظهر ادوات التنسيق
انصحكم بمتصفح فاير فوكس
اتمنى يكون الشرح بسيط وافادكم
دمتم بود فى امان الله
دمعه حائره

[شاعرة الرومانسيه]

الله عليكى دمعه

بصراحه كنت عايزه اسأل لو ممكن خلفيه خارجيه انزلها ازاى

وحالا هاجرب وأشوف يارب انجح

روعه يا دمعه وموضوع كتير مهم

أروع تقيم لطرحكم الهادف

[طمطم]

تسلم ايدك ي منونتى..منتحرمش منك ي حووبى =)

[-esraa-]

انا دايما مش بتمشي معايا الخلفيات الجاهزة
هيقى اغير المتصفح

يسلمووو منة عالمجهود العظيم
ما ننحرم منك

[العاشق الذى لم يتب]

روحى ياشيخة خدى من على آلبى وصرى
دعوة واحد مكسور الجناح
ربنا يبارك فيك ويخليك ويحفظك ويرعاك
ويبارك لك أهلك حاضرين وغايبين
ولا يحرمنا من جديدك المتنوع المتميز أبدا
أستفدت كثيرا من هذا الشرح الوافى
وخاصة أخوك جاهل وأمى
تقبلى تحياتى وودى
رفعت

[big bốss]

شكرا منه

تسلمى

الافاده

[Words Whisper]

تسلمي يَ منون
وفعلا شروم مع الإضافة تبع التنسيق
مش بيشغل الايقونة
لو في حل بئا عرفوني ..

دمتِ بتوفيق وسعادة ..

[مشتاقه للجنه]

تسلمى يا منون على الشرح الوافى

تحيااتى

[RoSita]

يسلمووو على الطرح المميز
بس في عندي مشكله؟
انا لو عاوزه اجيب خلفيه من خارج المنتدى مثلا دي

اجيب اللينك بتاعها منين
هي اصلا جبتها من السيرش في جوجل
ومعرفتش اجيب ليها رابط

[زهره الشتاء]

اقتباس المشاركة الأصلية كتبت بواسطة RoSita يسلمووو على الطرح المميز بس في عندي مشكله؟ انا لو عاوزه اجيب خلفيه من خارج المنتدى مثلا دي اجيب اللينك بتاعها منين هي اصلا جبتها من السيرش في جوجل ومعرفتش اجيب ليها رابط

اهو الرابط
وحطيه ف لمربع ال هو ف خلفيه التنسيق
http://www.hellasmultimedia.com/webi...tarrynight.gif

وهتظهر معاكى خلفيه للمووضوع