الركن البعيد الهادي...

[سهـــر]

صعب جدا احساس الوحدة
خصوصا لما تكون مش لوحدك
والكل حواليك
بس كأنهم مش موجودين

الحمدلله على نعمة الكتب
الي بتقتل احساس الوحدة
وبتعيش الواحد مع شخصيات
خياليه بس احسن من الواقع بكتير

[سهـــر]

اولادي واحفادي وانا ( بعد ٣٠ سنه او بعد الزهايمر )

لقد اجتاح العالم وباء اسمه ( كورونا)
والناس بتموت في كل مكان
مبقاش في دول عالم تالت وعالم اول
كله بيموت كبير وصغير عجوز وشباب
وفي حظر كلي في كل دول العالم
وقال يعني في حظر عندنا كمان في مصر
بس الحظر بجد الي اتنفذ عندنا إغلاق كل المساجد
ورمضان جه ومش سامعين صوت التراويح
ده حتى في مساجد مبقاش فيها أذان خااالص
وما شاء الله كمصريين عندنا وعي رهيب للازمه
يعني مثلا الحكومه عملت حظر تجوال من الساعه ٩
بس مفيش اي حد ملتزم والناس ماشيه في الشارع عادي وكله فل وبيس
ومثلا برده المفروض ميبقاش في تجمعات بس انا بشوف الناس راكبه المواصلات العامه فوق بعضها وطالعين من الشبابيك من كتر الزحمه ^_^
وفي أمثله كتير بس كفايه كدا عشان زهقت انتو عارفين انا ملوله
يتبع ان شاء الله
^_^