الركن البعيد الهادي...

[سهـــر]

اليأس اتملكني خلاص

[سهـــر]

بـوبـا
انتي جميله ودخلتي جوا معاميع قلبي من غير استئذان
وبفرح اوي باهتمامك وسؤالك عني
ربنا يخليكي ليا وميحرمنيش من اهتمامك وسؤالك

فجـر
انتي البلسم بتاعي
بجد رسايلك وكلامك بيهونوا كتير
ربنا يحفظك ويفرح قلبك

طارق
فعلا كلامك صح
اوعدك ابطل طريقه التفكير دي
ومنور مدونتي دايما

[سهـــر]

مره كنت مع خالتو عند دكتور السنان
كان جزار اوي
المهم مش عارففه اداها ايه كدا
خالتو هبطت واغمى عليها اول ما وصلنا البيت
كنت معاها لوحدي
قمت متصله على بابا وماما وهما في السعوديه
وقعدت اعيط واقولهم خالتو اغمى عليها ومش عارفه اعمل ايه
ماما تقولي قومي بسرعه هاتيلها اي حاجه مسكره
وانا اعيط ومش قادره اتحرك
المهم في الاخير رحت جاريه على جارتنا
ولحقتني الحمد لله

وفي موقف تاني كنت مع صاحبتي بتعمل تحليل دم
المم انا شفت الحقنه والدم ابتديت ادوخ
بس مسكت نفسي عشانها
وبعدها البت طبقت ساكته
اسكت انا لأ طبعا طبيت جمبها
والممرضه ياعيني باقت محتاسه
تفوق مين فينا
المهم فوقنا قالتلنا متجوش هنا تاني
الموقفين دول عرفوني اني خفيفه اوي
واني مقدرش استحمل واني بؤ وخلاص

بوبا مالكيش دعوة بدكتور السنان ده
مش كلهم جزارين متخافيش

[سهـــر]

المرأه مخلوق لا ينسجم مع الوحدة ..
يلزمها حبيب تتزوجه ..
وطفل تدلــله ..
وصديقة تشكو لها كلاهما ..!

[سهـــر]

زمان وانا في جيزان
كان في بيت مهجور قدام البيت بتاعنا
وكان ضلمه وشكله مرعب
المهم كنت بخوف تقى اختي
واقولها في عفريت وبتاع
ولما كنت احب اقعد مع نفسي
كنت اقف في الشباك واقعد اتفرج عليه
في مره شفت نور جاي من جوة
قولت لا تهيؤات اكيد
المهم بعدها بفتره قررت انا وصحابي ندخله
رحنا اول لما وصلنا سمعنا صوت قطه بس كانها بتصوت
هوب حطينا رجلينا وطلعنا نجري
من يومها وانا بخاف اوي من اي بيت فاضي وضلمه
مع اني مش بعرف انام غير في الضلمه
رعب ماقبل النوم

[سهـــر]

انت عمري اللي ابتدى بنورك صباحه

[سهـــر]

كل واحـد منًا ف قلبـه حكـايـة

[سهـــر]

ماهو انا مش رقاصه في كباريه النجوم
عشان يتقالي سوسو
مبحبش الدلع ده وممكن اخد موقف من اللي بيقوله
وانهي علاقتي بيه
انا اسمي اصلا مدلع لوحده
او ممكن سهوره او سوو ونتك على الأوو
بس سوسو مش هقبله ابدا والله
-_-

[سهـــر]

النوم الحاجه الوحيده المريحه لاي انسان
بقيت بخاف منه من كتر اللي بشوفه فيه
بخاف اوي من الاحلام الللي بشوفها
وبربطها دايما بالواقع اللي عيشاه
ولو طلع الحلم تفسيره مش حلو
اليوم كله بيقلب سواد وغم
انا انسانه طبعها دايما قلقان
وده عيب كبير اوي فيا
-__-

[سهـــر]

بحب الناس اللي ايدها كبيره
اللي هوا لما تيجي تسلم عليهم تحس ايدك ضايعه جوا ايدهم
بحب الاحساس ده اوي
دايما لما بخرج مع بابا بمسك في ايده مش بانجشه
احساس الاحتواء ده جميل