الركن البعيد الهادي...

[سهـــر]

هو يوم مناسب لكل شيء سيء. والأشياء السيئه لا تأتي وحدها ، إنها كالقطيع ، عندما يصيبك احدها ،يهرول باقي القطيع عليك، ليسحقك بعنـف.

#روايه_الطوطم

[سهـــر]

http://forums.banatmasr.net/msryat569824/#post5151008

حابه يكون هنا
عشان لما اكون مضايقه الاقي حاجه تفرحني
^_^

[سهـــر]

انا مش بعرف احط مكياج لنفسي
ودي حااجه مضيقاني جدا
بعرف امكيج اللي قدامي بس اتمكيج لا
انا في العاده مش بحط غير كحل واحيانا روج
بس مشكلتي ان حواجبي خفيفه
نفسي اعرف ارسمها زي البنات المحترفين دول
مش عارفه مش عارفه والله ماساه بجد
جبت فيديوهات يوتيوب بس مش عارفه برده
المهم اني عملت الخطوة الاولانيه وجبت باودر حواجب
وده اول الطريق
# مشاركه بنوتيه الولاد مالهومش دعوة ^_^

[سهـــر]

مبحبش انزل اغاني
بس الاغنيه دي فيها حاجه

[سهـــر]

امبارح شوفت حد كنت اعرفه من 4 او 5 سنين
كنت فاكره وقتها ان حياتي الجايه هتكون معاه
لما بعدنا عن بعض كنت مضايقه اوي وزعلانه
امبارح لما شوفته ولقيت نفسي عادي جدا
زيه زي اي حد في الشارع مفرحتش ومزعلتش
وعرفت انه كان مستحيل نكمل سوا
وحمدت ربنا انه عوضني واني متحرمتش من حاجه
غير لان ربنا شايلي الاحسن
ساعات كتير بنكون فاكرين ان حياتنا هتقف في المكان ده
بس ربنا ليه حكمه في كل حاجه حتى لو كنا شايفينها وحشه
ربنا عمره ما هيعمل لينا غير الاصلح والخير
الحمدلله

[سهـــر]

انتي القمر عند اكتماله


وايــه كمــان؟

[سهـــر]

قعدت امبارح بليل مع نفسي في لحظه تامل كدا كنت بفكر
انا عندي 23 سنه
عملت فيهم ايه الناس تحسدني عليه مثلا
او عملت ايه اكون فخوره اني عملته
او عملت ايه من اللي نفسي اعمله
لقيتني دخلت كليه مكنتش حباها
عايشه في بلد مش طيقاها
بقالي سنتين عاطله ويوم لما اشتغلت كان شغل غير كل اللي كنت حطاه في دماغي وطموحي
يوم لما بطلت ادمان قهوة نقلت على النسكافيه
معملتش حاجه خالص
فقررت اعمل حاجه بقا
صحيت النهارده شربت 3 نسكافيه لحد دلوقتي
وعايشه في نفس ام البلد وغالبا مش هقدر اسافر حاليا
وجايلي شغل غير كل اللي في دماغي برده
وعادي

[سهـــر]

النهارده كدا قفلت اليوم الخامس في البرد
خدت جميع انواع الادويه ومفيش فايده
حاسه الموضوع بيزيد مش بيخف
اللي زاد بقا النهارده بتكلم معاهم في البيت بالاشارات
عشان صوتي مش طالع خالص
برد الصيف قمه القرف

[سهـــر]

بحب اسم ياسر جدا
وكان نفسي يكون ليا اخ اسمه ياسر
ماما لما كانت حامل في شذى قولتلها لو ولد هنسميه ياسر
لما طلعت بنت قولتلها ماليش فيه اتصرفي سميها ياسر
ولما لقيت مفيش امل قولت خلاص ارتبط بواحد اسمه ياسر
بس مطلعش ياسر برده

وان شاء الله يوم لما اتجوز
لو ربنا رزقني بولد
اسمه هيكون كريم اوزين اوياسين
لا مش هسميه ياسر
اخويا يبقى ابني ازاي

[سهـــر]

خلـود
حب العمر
ادم
ابيه
ياسر

شكرا على تقييماتكم
وشكرا على وجودكم دايما
وشكرا لكل حد بييجي هنا
والمتابعين في صمت



وندعي كلنا لمحمد صلاح
اول ماتش في الدوري النهارده
ولسا داخل فيهم جون حالا
كلنا ليفربول ياخونا عشان صلوحه ^_^