Egy glory ومقلب حقيقي عملته في ......... ما تيجي نشوف المقلب

[ARAGON]

أولا احب ارحب بكل اللي شاركوا في الموضوع الجميل والمقالب الجميلة

المقلب ده معروف لناس كتير بس أنا من الناس اللي جربتوا هو المقلب رخم شوية وفيه ظلم وانا عملته والله وانا في حالة رضا
المقلب اللي أنا هاحكيه هو ايه
ازاي تطير في الهوا ( أو ازاي تطير زميلك )
افراد المقلبهم
( أحمد اللي هو أنا - أحمد غ - ابراهيم - سمير - هشام اللي ها يتعمل فيه المقلب)
(أحمد اللي هو أنا ( اللي ها يطير)
أحمد غ الشاب الملتزم في الشقة وأكثر شخص التزاما وتدينا والجميع يشهد له بذلك ( دوره الشخص اللي ها يصرف العفريت وما يخلنيش أطير في الغرفة)
ابراهيم ( هايطفي النور ويتابع ويهيئ الحالة النفسية ل هشام اللي هايتعمل فيهالمقلب)
سمير ( عامل نفسه أول مرة يشوف الموقف ويعمل نفسه خايف عشان يقلق هشام وما يحسش إن فيه مقلب معمول)
هشام ( زميلنا شاب على نياته بس احنا بنحبه لأنه عايش في وهم وبيقلق نفسه من أي حاجة)
تم الاتفاق بيني واحمدغ وابراهيم وسمير على الموضوع وإن هشام هو اللي هايشيل الليلة يعني هواللي مسبب لكل المشاكل اللي بتحصلي بسبب اعتقاداته المريبة
وتم تحديد الموعد والمكان والزمان والأدوات التي تستخدم في المقلب
(مقشة - بطانية - شمع - ورق ) وهي من أهم الأشياء التي احتجناها هي حاجات غريبة شوية
المكان ( داخل السكن الخاص بنا الذي قمنا باستئجاره لمدة سنة من أجل الاستقرار في الكلية وعدم السفر حيث أن الكلية كانت في بني سويف
(الزمان كان يوم الخميس بعد انتهاء الأسبوع الدراسي الطويل في الكلية وكان الميعاد الساعة الـ 11 م (
وقمنا أنا وأحمد غ بالدخول للغرفة وتم فصل التيار الكهربي في الغرفة وقمنا بعمل إضاءة لشمعة واحدة
قمت بالامساك بالمقشة وفردتها على طول إيدي وأنا واقف على السرير وقام أحمدغ بوضع البطانية فوق المقشة بحيث تهيئ للناظر أنني طائر بارتفاع 160سم عن السرير وفي منتصف الغرفة
دور إبراهيم في هذاالموضوع أن يقلق هشام ويشعره أن هذا الأمر لم يحدث لأول مرة وأن أحمد اللي هوأنا ملموس من الجن وقمت بحركات غريبة منذ يومين وأن إبراهيم شافني مرة وأنا نايم بترفع من على السرير ولما ابراهيم اتكلم سمع صوت عالي قوي وفجأة لقى الأبواب بتخبط وكل حاجة بتتقفل
وأغمى على ابراهيم لمدة دقيقة ولما فاق لقاني وجهي أسود وبتكلم كلام غريب فسيبته وجريت.
ابراهيم قالهم كمان انه راح يسأل شيخ على الموضوع اللي حصلي وقاله الشيخ انه لازم يقروا علي آيات قرآن بس لازم ماأحسش باي صوت واني لازم واحد متدين هو اللي يعمل كده.
ابراهيم قال ليهم كمان ان الشيخ كان جاي بس المشكلة اتصل علينا وقال انه وراه درس في المكان الفلاني.
دور سمير في هذا الموضوع أن يقلق هشام من الذي يحدث ويشعره أنه خائف هو الآخر من الذي يحدث لما فيه من خطر على أحمد اللي هو أنا وخطر الجن عليا.
بعد 5 دقايق وأنا واحمد غ في الغرفة قام احمد غ طالع لابراهيم وسمير وهشام وقالهم ييجوا يشوفوني ويشوفوا ايه اللي حصلي جوه
وكل ده كان على نورالشمعة

اللي حصل ان احمد ما عرفش يسيطر على الجن وانا طرت منه

وشافوني كلهم ولماخرجوا من الغرفة
وعملنا ايه تاني بعد اما طلعوا ولعنا ورقة عادية واحمد دعك بيها وجهي وخلاه اسود وقعد يخبط في الغرفة وبعد دقيقة قعدنا أنا وأحمد نخبط ونعمل أصوات غريبة ( يعني بمعنى أصح الموضوع فشل والموضوع بدأ يخرج من إيد أحمدغ ومعادتش قادر يعمل حاجة(
أحمد غ طلع بره الغرفة بسرعة وقال ليهم ولا انت وهو الحقوني الواد احمد وشه اسود خالص
ومش عارف اعملوا اي حاجة
ابراهيم قاله ايه وبعدين يا احمد احنا ليلتنا دي مش معدية احنا هانعمل ايه الواد ممكن يجراله حاجة جوة
سمير قالهم ايه اللي انتم عاملتوه ده الله يخرب بيتكم انا هاطلع بره ابيت عند اي حد من زمايلنا سلام
ابراهيم واحمد غ قالولوا ايه النداله مش تستنى عشان احمد افرض تعب ولا جراله حاجة ها نعمل ايه (شغل تثبيت)

سمير قال ليهم ماشي
قمت عامل اصوات وخبط وعملت حاجات كتير.
أحمد غ دخل الغرفة تاني عشان يشوف ايه اللي حصل فاتفقنا انا وهو اننا نستنى دقيقتين ونطلع ليهم بره.
وأحمد أقنعهم اني خلاص هديت بس السبب في اللي حصل ان واحد منهم هو اللي عمل دوشة وصوت برة
وحسب الاتفاق بدأ الشغل على هشام
ولما طلعنا قعدنا في الصالة دقيقتين احنا الخمسة
أحمد غ سألهم مين اللي كان عامل الأصوات اللي بره في الصاله واحنا في الغرفة
سمير وإبراهيم برأو انفسهم وقالوا هشام هشام هو اللي كان بيتكلم
أحمد غ قاللي متزعلش يا أحمد هشام هو اللي كان بيتكلم
قمت ماسك هشام وقولتله انت اللي كنت بتتكلم ان هاقتلك يالا انت عايز تموتني
هشام جري من الغرفة دي للغرفة دي
وطلع للبلكونة ودخل من باب البلكونة لغرفة تانية
وكان خايف موت فقرر انه يرد عليا بالضرب وان الضرب ممكن يجيب نتيجة
ابراهيم وسمير قالوا لهشام اعقل ياهشام الواد ممكن يموت وانت لو علمت حاجة هانيجي عليك انت لأن الواد معذور ومش عارفين ايه اللي حصله
هشام هدأ شوية
أحمد فتح التلفزيون عشان يشوف ايه اللي شغال
وكنا متفقين نسمع الحلقة بتاع كاظم الساهر في التلفزيون
ولما جه البرنامج
فلا قينا كاظم الساهر في البرنامج وكنا متفقين ان اول مايجي اسم كاظم امسك هشام اضربه وأقول
كاظم لأ كاظم لأ
والكلام ده كان بانفعال.
واتفقنا انا وأحمد غانه يروح ويقول ليهم ياجماعة احمد هدأ خلاص وتعالوا يلا عشان نقعد معاه ونتفرج على التلفزيون
وشغلنا التلفزيون وقعدنا نتفرج احنا الخمسة
وفجأة المذيعة بتقول الفنان كاظم الساهر نجمنا النهارده
وأنا قمت ماسك هشام ومسكت فيه وقلتله كاظم لأ كاظم لأ
كاظم لأ
هشام طلع يجري وساب الشقة وقال خلاص انا مش قاعد معاكم تاني
ودي كانت نهاية المقلب
وأسف لأني طولت عليكم
سمير وابراهيم راحوا يقولوا لهشام تعالى انت رايح فين دا كله كان مقلب
ومتزعلش مننا واحنا كنا عايزين نطلعك من حالة الرعب اللي انت معيشها لينا دي
واحنا كل ده كنا عاملينوا عشانك انت
سلام

[SiLver Spectra]

لا يا هشام سيبك منهم

تعالى أعد معايا أنا

و ما تلعبش معاهم تاني
ههههههه

كداهو تعملوا في هشام كدا!!!

شكراا يا ميدو على المقلب

في أحداث ما جمعتش فيها .....يمكن عشان الخط صغير

بس حلو المقلب ...مرتفع 160 سم !!
هههههه

بالتوفيق

[احضان الحبايب]

ههههههههههههههههههه


ربنا يخلص هشام ده من ايدكم على خير

هههههههههههههههههههههه



شكرا ميدو على المقلب

[سنونو]

هههههههههههههههاي....... ده المقلب بتاعي ارحم.... هع هع


يسلمووووووووووو اخي والله علي احلي مقلب

والحمد للهاني ما كنتش باجر شقق ولا حاجة...... هع هع هع

[ARAGON]

اقتباس:
المشاركة الأصلية كتبت بواسطة silver spectra
لا يا هشام سيبك منهم

تعالى أعد معايا أنا

و ما تلعبش معاهم تاني
ههههههه

كداهو تعملوا في هشام كدا!!!

شكراا يا ميدو على المقلب

في أحداث ما جمعتش فيها .....يمكن عشان الخط صغير

بس حلو المقلب ...مرتفع 160 سم !!
هههههه

بالتوفيق

شكرا ياغالي على المرور

والأخ عبدوو عدل الموضوع بس أنا عدلت فيه عشان الخط والكلام اللي مشبك في بعضه

[ARAGON]

اقتباس:
المشاركة الأصلية كتبت بواسطة احضان الحبايب
ههههههههههههههههههه


ربنا يخلص هشام ده من ايدكم على خير

هههههههههههههههههههههه



شكرا ميدو على المقلب



أ

الكلام ده كان من ست سنين والله
كان في 2003 والله أيام الكلية ما تتعوضش
شكرا على مرورك العطر ودمت بكل ود وتقدير مع خالص تمنياتي لك بالتوفيق خوك أحمد

[ARAGON]

اقتباس:
المشاركة الأصلية كتبت بواسطة سنونو
هههههههههههههههاي....... ده المقلب بتاعي ارحم.... هع هع


يسلمووووووووووو اخي والله علي احلي مقلب

والحمد لله اني ما كنتش باجر شقق ولا حاجة...... هع هع هع

ههههههههههههههه والله دي كانت غربة لأني من المحلة الكبرى

كان لازم ناخد شقة في بني سويف


شكرا على المرور يا آلاء

ومنورني دايما

[العراق الحر]

مساهمة جميلة جداً

كل الشكر لك

[ARAGON]

اقتباس:
المشاركة الأصلية كتبت بواسطة العراق الحر
مساهمة جميلة جداً

كل الشكر لك



شكرا على مرورك العطر ودمت بكل ود وتقدير مع خالص تمنياتي لك بالتوفيق أخوك أحمد

[warm heart]

يالهوي

انا لو مكانة انا كان زماني موت



ههههههههههههههههههه

مقلب جامد اوي