فضفضه جاااااااامده

[sad prince]

ﺇﺷﺘﺮﻱ ﻋﻠﺒﺔ ﺷﻮﻛﻮﻻﺗﺔ ﻣﺴﺘﻮﺭﺩﺓ ﻏﺎﻟﻴﺔ ﻭ
ﻛﻠﻬﺎ.
ﺑﺺ ﻋﻠﻰ ﺑﻨﺖ ﺣﻠﻮﺓ ﻭ ﺇﻋﺮﻑ ﺃﻧﻬﺎ ﻟﻮ
ﻋﺮﻓﺘﻚ ﻛﻮﻳﺲ ﺃﻛﻴﺪ ﻫﺘﺤﺒﻚ.
ﺇﻟﻌﺐ ﻟﻌﺒﺔ ﻣﺎﻟﻌﺒﺘﻬﺎﺵ ﻣﻦ ﻭ ﺇﻧﺖ ﺻﻐﻴﺮ.
ﺇﻋﺮﻕ ﻭ ﺇﻧﻬﺞ ﻭ ﺣﺲ ﺇﻧﻚ ﻋﺎﻳﺶ.
ﺇﻃﻔﻲ ﻧﻮﺭ ﺃﻭﺩﺗﻚ ﺷﻐﻞ ﺍﻟﺘﻜﻴﻴﻒ ﺇﺳﻤﻊ
ﺃﻛﺜﺮ ﻣﺰﻳﻜﺎ ﺑﺘﺤﺒﻬﺎ ﻭ ﺇﺳﺮﺡ ﻣﻌﺎﻫﺎ.
ﺑﺺ ﻷﻫﻠﻚ ﻭ ﻋﺮﻓﻬﻢ ﻗﺪ ﺇﻳﻪ ﺑﺘﺤﺒﻬﻢ.
ﺑﺺ ﻟﻠﻲ ﺗﺤﺘﻚ ﻭ ﺇﻋﺮﻑ ﻗﻴﻤﺔ ﻛﻞ ﺣﺎﺟﺔ
ﻣﻌﺎﻙ.
ﺑﺺ ﻟﻠﻲ ﻓﻮﻗﻴﻚ ﻭ ﺇﻋﺮﻑ ﺇﻥ ﺭﻏﺒﺘﻚ ﺇﻧﻚ
ﺗﺒﻘﻰ ﺯﻳﻬﻢ ﻫﻲ ﺍﻟﻠﻲ ﻣﺪﻳﺔ ﻃﻌﻢ ﻟﺤﻴﺎﺗﻚ.
ﺇﺳﺘﻤﺘﻊ ﺑﺸﻤﺲ ﺍﻟﺼﻴﻒ.. ﺑﺼﻠﻬﺎ ﻭ ﻗﻮﻟﻬﺎ
ﺇﻧﻚ ﻣﺶ ﻛﺎﺭﻫﻬﺎ.. ﺣﺘﻰ ﻟﻮ ﻋﺮﻗﺘﻚ ﻭ
ﻟﺰﻗﺘﻚ..
ﺭﻭﺡ ﺃﻗﻌﺪ ﻋﻠﻰ ﺍﻟﺒﺤﺮ.. ﺩﺧﻞ ﺭﺟﻠﻴﻚ ﻓﻲ
ﺍﻟﺮﻣﻞ.. ﻭ ﺧﺮﺟﻬﺎ.. ﺑﻄﻞ ﺗﻔﻜﻴﺮ.. ﻭ ﺇﺑﺪﺃ
ﺣﺲ..
ﻓﻲ ﺍﻟﺸﺘﺎ ﺇﻧﺰﻝ ﺗﺤﺖ ﺍﻟﺒﻄﺎﻧﻴﺔ ﻭ ﺣﻂ
ﻛﻮﺑﺎﻳﺔ ﺍﻟﺸﻮﻛﻮﻻﺗﺔ ﺍﻟﺴﺨﻨﺔ ﺟﻤﺒﻚ..
ﺇﺑﺘﺴﻢ ﻭ ﻏﻤﺾ ﻋﻴﻨﻴﻚ ﻭ ﻧﺎﻡ.
ﺇﺷﺘﻐﻞ ﻟﺤﺪ ﻣﺎ ﺗﺤﺲ ﺇﻧﻚ ﻣﺖ.. ﻧﺎﻡ ﺛﺎﻧﻲ
ﻭ ﺇﺷﺤﻦ ﻭ ﺭﻭﺡ ﻣﻮﺕ ﻧﻔﺴﻚ ﺛﺎﻧﻲ..
ﻭﺇﻋﺮﻑ ﺇﻧﻚ ﺯﻭﺩﺕ ﺣﺎﺟﺔ ﻟﻠﺪﻧﻴﺎ ﻣﺎﺣﺪﺵ
ﻛﺎﻥ ﻫﻴﺰﻭﺩﻫﺎ ﻏﻴﺮﻙ.
ﺇﻋﺮﻑ ﺇﻧﻚ ﻛﺎﺋﻦ ﻣﻬﻢ ﻭ ﻓﻲ ﻛﻞ ﻟﺤﻈﺔ
ﺑﺘﻐﻴﺮ ﺇﺗﺠﺎﻩ ﺍﻟﺘﺎﺭﻳﺦ.
ﺑﺺ ﻟﺸﺤﺎﺕ ﻭﺍﻗﻒ ﺟﻤﺒﻚ.. ﻣﺎﺗﺪﻳﻠﻮﺵ
ﻭﻻ ﻧﻜﻠﺔ.. ﺑﺲ ﺳﻠﻢ ﻋﻠﻴﻪ ﻭ ﺇﺿﺤﻜﻠﻪ ﻭ
ﻗﻮﻟﻪ “ﻋﺎﻣﻞ ﺇﻳﻪ؟ ﺗﻤﺎﻡ؟”
ﺳﻠﻢ ﻋﻠﻰ ﻭﺍﺣﺪ ﺻﺎﺣﺒﻚ ﻭ ﺧﺪﻭﺍ
ﺑﺎﻟﺤﻀﻦ.. ﻭ ﺯﻭﺩ ﻣﺪﺓ ﺍﻟﺤﻀﻦ ﺛﺎﻧﻴﺔ
ﺯﻳﺎﺩﺓ.. ﻫﺘﻘﻮﻟﻪ ﺣﺎﺟﺎﺕ ﻛﺜﻴﺮ– .. ﺑﺲ ﺇﺗﺄﻛﺪ
ﺇﻥ ﻧﻴﺘﻪ ﻣﺶ ﻭﺳﺨﺔ ﻭ ﺇﻧﻪ ﻋﺎﺭﻑ ﺇﻧﻚ
“ﻣﺴﺘﻘﻴﻢ– ”
ﺑﺺ ﻟﺒﻨﺖ ﻣﻐﺮﻭﺭﺓ ﻭ ﺇﺿﺤﻚ ﻣﻦ ﺟﻮﺍﻙ.
ﺑﺺ ﻟﺒﻨﺖ ﻭﺣﺸﺔ ﻭ ﻋﺎﻛﺴﻬﺎ ﺑﻨﻈﺮﺍﺗﻚ ﻭ
ﺇﻋﺮﻑ ﺇﻧﻬﺎ ﻫﺘﺮﺟﻊ ﺍﻟﺒﻴﺖ ﻣﺒﺴﻮﻃﺔ.
ﺑﺪﻭﻥ ﺳﺒﺐ ﺇﺑﻌﺖ ﺭﺳﺎﻟﺔ ﻷﻱ ﺣﺪ ﺑﺘﺤﺒﻪ
ﻗﻮﻟﻪ ﺣﺎﺟﺔ ﺣﻠﻮﺓ.
ﺇﻓﺘﺢ ﺷﺒﺎﻙ ﺍﻟﻌﺮﺑﻴﺔ ﻭ ﺇﻃﻠﻊ ﻋﻠﻰ ﻃﺮﻳﻖ
ﺳﺮﻳﻊ ﺧﻠﻲ ﺍﻟﻬﻮﺍ “ﻳﻄﺲ” ﻓﻲ ﻭﺷﻚ..
ﺻﺮﺥ.. ﺑﺲ ﺇﺗﺄﻛﺪ ﺇﻧﻚ ﻣﺶ ﺩﺍﺧﻞ ﻋﻠﻰ
ﻟﺠﻨﺔ ﻭ ﺇﻧﻚ ﻟﻮﺣﺪﻙ ﻭ ﻣﺎﻓﻴﺶ ﺣﺪ ﺗﻌﺮﻓﻪ
ﻓﻲ ﺍﻟﻌﺮﺑﻴﺎﺕ ﺍﻟﻠﻲ ﺣﻮﻟﻴﻚ.
ﺇﺿﺮﺑﻬﺎ ﺟﺰﻣﺔ.
ﺧﻠﻰ ﺍﻟﻠﻲ ﻳﻜﺮﻩ ﻳﻜﺮﻩ ﻭ ﺍﻟﻠﻲ ﻳﺸﺘﻢ
ﻳﺸﺘﻢ ﻭﺇﻋﺮﻑ ﺇﻧﻬﻢ ﻣﻀﻴﻌﻴﻦ ﻭﻗﺘﻬﻢ.
ﺇﺗﺄﻛﺪ ﺇﻧﻚ ﻟﻮ ﻋﺎﺭﻑ ﺇﻧﻚ ﻫﺘﻤﻮﺕ ﺑﻜﺮﺓ
ﻫﺘﻌﻤﻞ ﻧﻔﺲ ﺍﻟﻠﻲ ﺑﺘﻌﻤﻠﻪ ﺩﻟﻮﻗﺘﻲ.
ﺣﺐ ﺟﺎﻣﺪ ﻗﻮﻱ ﺣﺘﻰ ﻟﻮ ﺣﺒﻚ ﻣﺶ
ﻫﻴﺴﺘﻤﺮ ﻟﺤﺪ ﺑﻠﻴﻞ.
ﻛﻞ ﺃﻛﻠﺔ ﺣﻠﻮﺓ ﻗﻮﻱ.. ﺑﺲ ﻣﺎﺗﺨﻠﻴﻬﺎﺵ
ﺗﺸﺒﻌﻚ.
ﺇﺷﺮﺏ ﻣﺸﺮﻭﺏ ﺩﺧﻠﺖ ﺍﻟﻤﻄﺒﺦ ﻭ
ﺇﺧﺘﺮﻋﺘﻪ ﻭ ﻟﻮ ﻣﺎﻋﺠﺒﻜﺶ ﺇﺭﻣﻴﻪ ﻓﻲ
ﺍﻟﺤﻮﺽ ﻭ ﺇﻧﺰﻝ ﺇﺷﺮﺏ ﺣﺎﺟﺔ ﺛﺎﻧﻴﺔ
ﺑﺘﺤﺒﻬﺎ.
ﻣﺎﺗﺸﺮﺑﺶ ﺷﻴﺸﺔ ﺃﻭ ﺳﺠﺎﻳﺮ.. ﺇﺷﺮﺏ
ﺍﻟﻬﻮﺍ.. ﺇﺳﺘﻤﺘﻊ ﺑﻴﻪ.. ﻣﺶ ﻫﺘﻌﺮﻑ ﻗﻴﻤﺘﻪ
ﺇﻻ ﻟﻮ ﺧﻠﻮﺍ ﺍﻟﻬﻮﺍ ﺑﻔﻠﻮﺱ.. ﺳﺎﻋﺘﻬﺎ
ﻫﺘﺴﺘﻤﻊ ﺑﻴﻪ ﻛﺄﻧﻪ ﺳﻴﺠﺎﺭﺓ ﺣﺸﻴﺶ
ﻣﻐﺮﺑﻲ.
ﺑﻄﻞ ﺧﻤﺮﺓ ﻭ ﻣﺨﺪﺭﺍﺕ.. ﻭ ﺇﺗﻌﻠﻢ ﺇﺯﺍﻱ
ﺗﺴﺘﻤﺘﻊ ﺑﺤﺘﻰ ﺃﻭﺣﺶ ﺍﻟﺤﺎﺟﺎﺕ ﺣﻮﻟﻴﻚ.
ﺃﻛﺴﺐ ﻧﻔﺴﻚ ﻭ ﺣﺐ ﺣﺪ ﺑﻴﻜﺮﻫﻚ.
ﺇﻛﺴﺐ ﻧﻔﺴﻚ ﺛﺎﻧﻲ ﻭ ﺣﺐ ﺣﺪ ﺑﺘﻜﺮﻫﻪ.
ﺇﻛﺴﺐ ﻧﻔﺴﻚ ﺛﺎﻧﻲ ﻭ ﺇﻧﺴﻰ ﺣﺪ ﻟﺴﻪ
ﺑﺘﺤﺒﻪ ﻣﻦ ﻏﻴﺮ ﻣﺎ ﺗﻜﺮﻫﻪ.
ﺇﺗﻔﺮﺝ ﻋﻠﻰ ﻣﺎﺗﺶ ﻛﻮﺭﺓ ﻟﻔﺮﻗﺘﻴﻦ
ﻣﺎﺗﻌﺮﻓﻬﻤﺶ ﻭ ﺷﺠﻊ ﻭﺍﺣﺪ ﻓﻴﻬﻢ ﻗﻮﻱ..
ﻗﻮﻱ.. ﺣﺘﻰ ﻟﻮ ﻛﺎﻥ ﺑﻴﻠﻌﺐ ﺯﻱ ﺍﻟﺰﻣﺎﻟﻚ.
ﺇﻧﺰﻝ ﺷﺠﻊ ﻣﻊ ﺍﻟﺰﻣﻠﻜﺎﻭﻳﺔ ﻟﻤﺎ ﻳﻜﺴﺒﻮﺍ..
ﺣﺘﻰ ﻟﻮ ﺇﻧﺖ ﻣﺶ ﺯﻣﻠﻜﺎﻭﻱ.
ﺇﻗﺮﺍ ﺍﻟﻜﻼﻡ ﺩﻩ ﻣﻦ ﻏﻴﺮ ﻣﺎﺗﻌﻠﻖ ﻋﻠﻴﻪ ﻭ
ﻟﻮ ﻣﺶ ﻋﺎﺟﺒﻚ ﺑﻄﻞ ﻗﺮﺍﻳﺔ.
ﺷﻮﻑ ﻓﻴﻠﻢ ﺍﻟﻜﻴﻒ ﻭ ﻣﺎﺗﺘﻔﺮﺟﺶ ﻋﻠﻰ
ﺁﺧﺮ ﺭﺑﻊ ﺳﺎﻋﺔ ﻓﻴﻪ.
ﺇﺗﻔﺮﺝ ﻋﻠﻰ ﺍﻟﻨﺎﻇﺮ ﻣﻦ ﺃﻭﻝ ﻣﺎ ﺑﻴﻈﻬﺮ
ﻣﺤﻤﺪ ﺳﻌﺪ.
ﻟﻤﺎ ﺗﻘﺎﺑﻞ ﻭﺍﺣﺪ ﻣﺶ ﻓﺎﻛﺮ ﺇﺳﻤﻪ ﻭ ﻣﺶ
ﺑﺘﺴﻠﻢ ﻋﻠﻴﻪ ﻋﺎﺩﺓ ﺧﺪﻩ ﺑﺎﻟﺤﻀﻦ ﻭ ﻗﻮﻟﻪ
ﻭﺍﺣﺸﻨﻲ ﺟﺪﺍ ﻳﺎ ﻣﻌﻠﻢ..
ﺇﻗﺮﺍ ﻛﺘﺎﺏ ﻋﻦ ﻣﻮﺿﻮﻉ ﻣﻌﻘﺪ ﻣﺎﻧﺘﺎﺵ
ﻓﺎﻫﻤﺔ ﻭ ﺑﻌﺪﻫﺎ ﺇﻧﺰﻝ ﻣﻊ ﺻﺤﺎﺑﻚ..
ﻫﺘﺘﺒﺴﻂ ﻗﻮﻱ.
ﺟﺮﺏ ﺃﻛﻠﺔ ﺟﺪﻳﺪﺓ ﻓﻲ ﻣﻄﻌﻢ ﻓﺨﻢ..
ﺛﻤﻨﻬﺎ ﻳﺨﺮﺏ ﺑﻴﺘﻚ.. ﻭ ﺭﻭﺡ ﻭ ﺇﻧﺖ ﻣﺒﺴﻮﻁ.
ﺷﺪ ﻣﻊ ﻋﺮﺑﻴﺔ ﺳﻴﺎﺕ.
ﺇﻟﺒﺲ ﺃﺣﻠﻰ ﻟﺒﺲ ﻋﻨﺪﻙ ﻭ ﺇﻧﺰﻝ ﺇﻣﺸﻲ
ﻓﻲ ﺍﻟﺸﺎﺭﻉ ﻭ ﺇﻧﺖ ﻓﺎﺭﺩ ﻇﻬﺮﻙ.. ﻭ
ﻣﺎﺗﺤﻄﺶ ﺇﻳﺪﻳﻚ ﻓﻲ ﺟﻴﺒﻚ ﺧﻠﻴﻬﻢ ﺃﺣﺮﺍﺭ.
ﺇﺷﺘﺮﻱ ﻭﺭﺩ ﻟﻮﺍﺣﺪﺓ ﺗﻌﺮﻓﻬﺎ ﻋﺎﺩﻱ.. ﻭ
ﻗﻮﻟﻬﺎ ﺃﺻﻠﻚ ﺯﻱ ﺃﺧﺘﻲ ﻭ ﺑﻌﺰﻙ ﻗﻮﻱ..
ﻫﺘﺘﺠﻨﻦ.
ﺇﺭﻗﺺ ﺣﺘﻰ ﻟﻮ ﻓﻲ ﺃﻭﺩﺗﻚ ﻭ ﺇﻧﺖ ﻗﺎﻓﻠﻬﺎ
ﺑﺎﻟﻤﻔﺘﺎﺡ.. ﻣﻤﻜﻦ ﺗﻐﻨﻲ ﻛﻤﺎﻥ ﻭ ﺇﻧﺖ
ﻣﺎﺳﻚ ﺍﻟﻔﺮﺷﺔ ﻋﻠﻰ ﺇﻧﻬﺎ ﻣﻴﻜﺮﻭﻓﻮﻥ.
ﺇﻓﺘﻜﺮ ﻗﺒﻞ ﻣﺎ ﺗﻨﺎﻡ ﻛﻞ ﺍﻟﻜﻼﻡ ﺍﻟﺤﻠﻮ ﺍﻟﻠﻲ
ﺳﻤﻌﺖ ﺍﻟﻨﺎﺱ ﺑﺘﻘﻮﻟﻪ ﻋﻨﻚ.
ﻛﻞ ﻣﺎ ﺗﻼﻗﻲ ﺣﺪ ﺑﻴﺤﻜﻲ ﻋﻦ ﻣﺸﻜﻠﺔ
ﺩﻭﺭﻟﻪ ﻋﻦ ﺍﻟﺠﺎﻧﺐ ﺍﻟﻤﺸﺮﻕ ﻓﻴﻬﺎ.. ﻣﻬﻤﺎ
ﻛﺎﻧﺖ ﻋﻮﻳﺼﺔ.. ﻃﻠﻌﻠﻪ ﻓﻴﻬﺎ ﻓﻮﺍﻳﺪ ﻭ
ﺑﺎﺭﻛﻠﻪ.
ﻛﻞ ﻣﺎ ﺣﺪ ﻳﻘﻮﻟﻚ ﺇﺯﻳﻚ ﻋﺎﻣﻞ ﺇﻳﻪ؟ ﻗﻮﻟﻪ
ﺍﻟﺤﻤﺪ ﻟﻠﻪ ﻣﺒﺴﻮﻁ ﻗﻮﻱ.. ﻗﻮﻟﻬﺎ ﺑﺴﺮﻋﺔ
ﻣﻦ ﻏﻴﺮ ﻣﺎﺗﻔﻜﺮ ﻭ ﺇﺑﺘﺴﻢ.. ﻟﻮﺣﺪﻙ
ﻫﺘﺘﺒﺴﻂ ﻓﻌﻼ.
ﺷﻮﻑ ﺇﻳﻪ ﺃﻛﺒﺮ ﻣﺸﻜﻠﺔ ﻓﻲ ﺣﻴﺎﺗﻚ.. ﻓﻜﺮ
ﻓﻲ ﺃﺳﻮﺃ ﺣﺎﺟﺔ ﻣﻤﻜﻦ ﺗﺤﺼﻞ ﺑﺴﺒﺒﻬﺎ ﻭ
ﻫﺘﻼﻗﻴﻬﺎ ﻣﺶ ﻫﺘﻤﻮﺗﻚ ﻭ ﻫﺘﻔﻀﻞ ﺑﺮﺿﻪ
ﻓﻲ ﺍﻵﺧﺮ ﻓﻮﻕ ﺍﻷﺭﺽ ﻣﺶ ﺗﺤﺘﻬﺎ ﻭ ﺇﻥ
ﺍﻟﺪﻧﻴﺎ ﻫﺘﻤﺸﻲ ﻭ ﺇﺣﻤﺪ ﺭﺑﻨﺎ.
ﻓﻜﺮ ﻓﻲ ﺍﻟﻤﻮﺕ ﻛﻮﻳﺲ.. ﻭ ﺇﻋﺮﻑ ﺇﻧﻪ
ﻟﺴﺔ ﻣﺎﺟﺎﺵ ﻭ ﺇﻋﺮﻑ ﺇﻧﻪ ﻗﺒﻞ ﻣﺎ ﻳﻴﺠﻲ
ﻻﺯﻡ ﺗﻌﻤﻞ ﻛﻞ ﺍﻟﻠﻲ ﻧﻔﺴﻚ ﻓﻴﻪ.. ﻭ ﻻﺯﻡ
ﺗﺘﺒﺴﻂ ﻭ ﻣﺎﺗﻀﻴﻌﺶ ﻟﺤﻈﺔ ﻣﺪﺍﻳﻖ ﻣﻬﻤﺎ
ﻛﺎﻥ ﺍﻟﺴﺒﺐ.
ﺳﺎﻓﺮ ﺣﺘﺔ ﻣﺎﺭﻭﺣﺘﻬﺎﺵ ﻗﺒﻞ ﻛﺪﻩ..
ﺻﻮﺭﻫﺎ ﻭ ﺻﻮﺭ ﻧﻔﺴﻚ ﻓﻴﻬﺎ.. ﺻﻠﻲ ﻓﻴﻬﺎ..
ﺃﻭ ﺑﻮﺱ ﺃﺭﺿﻬﺎ.. ﺃﻭ ﺧﺪ ﻣﻨﻬﺎ ﺗﺬﻛﺎﺭ ﻭ
ﺇﺭﺟﻊ ﺛﺎﻧﻲ ﻧﺎﻡ ﻋﻠﻰ ﺳﺮﻳﺮﻙ ﻭ ﻋﺮﻓﻪ ﺇﻧﻪ
ﻭﺣﺸﻚ.
ﺇﺳﺘﺤﻤﻰ ﻓﻲ ﻧﺺ ﺳﺎﻋﺔ.. ﺧﻠﻰ ﺍﻟﻤﻴﺔ
ﺗﻨﺰﻝ ﻋﻠﻰ ﻭﺷﻚ ﻭ ﺇﺳﻤﻊ ﺻﻮﺗﻬﺎ ﻛﻮﻳﺲ.
ﺟﻴﺐ ﻟﻨﻔﺴﻚ ﻫﺪﻳﺔ ﻭ ﺇﺳﺘﻨﻰ ﻟﺤﺪ ﻋﻴﺪ
ﻣﻴﻼﺩﻙ ﻭ ﺇﺩﻳﻬﺎ ﻟﻨﻔﺴﻚ.
ﺟﻴﺐ ﻫﺪﻳﺔ ﻟﺤﺪ ﺑﺘﺤﺒﻪ ﻣﻦ ﻏﻴﺮ ﻣﻨﺎﺳﺒﺔ..
ﻭ ﺇﺩﻳﻬﺎﻟﻪ ﻓﻲ ﻋﺪﻡ ﺇﻫﺘﻤﺎﻡ ﻛﺄﻧﻚ
ﻣﺎﻋﻤﻠﺘﺶ ﺣﺎﺟﺔ ﻏﺮﻳﺒﺔ.
ﺇﻧﺰﻝ ﻣﻦ ﺑﻴﺘﻚ ﺑﺸﺒﺸﺐ ﻭ ﺷﻮﺭﺕ ﻣﻦ
ﻏﻴﺮ ﻣﺎﺗﺴﺮﺡ ﺷﻌﺮﻙ.. ﻭ ﺇﺗﺄﻛﺪ ﻣﻦ ﺟﻮﺍﻙ
ﺇﻧﻪ ﻋﺎﺩﻱ ﺟﺪﺍ.. ﺃﻧﺎ ﻣﺶ ﻣﻬﺘﻢ.. ﻭ ﺧﻠﻴﻚ
ﻭﺍﺛﻖ ﻣﻦ ﻧﻔﺴﻚ.
ﺇﺷﺮﺏ ﻣﻴﺔ ﻛﺜﻴﺮ.
ﻣﺎﺗﻐﻀﺒﺶ ﻣﻬﻤﺎ ﺣﺼﻞ.
ﺃﺷﻜﺮ ﻛﻞ ﺍﻟﻨﺎﺱ ﺑﺴﺒﺐ ﻭ ﻣﻦ ﻏﻴﺮ ﺳﺒﺐ.
ﻟﻮ ﺣﺪ ﺇﺗﺮﻳﻖ ﻋﻠﻴﻚ ﺇﺿﺤﻚ.. ﺣﺘﻰ ﻟﻮ ﻣﻦ
ﺟﻮﺍﻙ ﺑﺘﻀﺤﻚ ﻋﻠﻴﻪ.
ﻟﻮ ﺣﺪ ﺷﺘﻤﻚ ﺣﻂ ﺩﻩ ﻓﻲ ﺗﺎﻧﻚ ﺍﻟﺒﻨﺰﻳﻦ
ﺑﺘﺎﻋﻚ ﻋﻠﺸﺎﻥ ﻳﺒﻘﻰ ﻃﺎﻗﺔ ﺗﺤﺮﻛﻚ ﻟﻘﺪﺍﻡ.
ﻟﻮ ﺍﻟﻨﺎﺱ ﺑﻌﺪﺕ ﻋﻨﻚ ﺇﻋﺮﻑ ﻷﻧﻜﻢ ﻣﺶ
ﺯﻱ ﺑﻌﺾ.. ﻻ ﻫﻤﺎ ﻭﺣﺸﻴﻦ ﻭ ﻻ ﺇﻧﺖ
ﻭﺣﺶ.. ﺇﻧﺘﻢ ﺑﺲ ﻣﺶ ﺯﻱ ﺑﻌﺾ.. ﻭ
ﺇﺗﺒﺴﻂ ﺇﻧﻚ ﻣﺶ ﺑﺘﻀﻴﻊ ﻭﻗﺘﻚ ﻣﻌﺎﻫﻢ.
ﻟﻮ ﻟﻘﻴﺖ ﻧﻔﺴﻚ ﻟﻮﺣﺪﻙ ﺷﻮﻳﺔ ﺩﻩ ﻣﻌﻨﺎﻩ
ﺇﻧﻚ ﻓﺮﻳﺪ ﻭ ﻧﺎﺩﺭ ﻣﻦ ﻧﻮﻋﻚ.. ﻭ ﻣﻴﻦ ﻓﻲ
ﺍﻟﺪﻧﻴﺎ ﻳﻘﻮﻝ ﺇﻥ ﻧﻮﻋﻚ ﻏﻠﻂ ﺃﻭ ﻭﺣﺶ..
ﺑﺲ ﺇﻧﺖ ﺗﻘﺪﺭ ﺗﺘﺄﻛﺪ ﺇﻥ ﺩﻩ ﺍﻟﻨﻮﻉ
ﺍﻟﻤﻨﺎﺳﺐ ﻟﻴﻚ.. ﻭ ﺇﺗﺒﺴﻂ ﺑﻴﻪ.. ﻭ ﻟﻮ ﻧﻔﺴﻚ
ﺗﻐﻴﺮﻩ ﻏﻴﺮﻩ.. ﻣﺎﻓﻴﺶ ﺣﺎﺟﺔ ﺑﺘﻠﺰﻕ ﺣﺘﻰ
ﺇﺳﻤﻚ ﻭ ﺩﻳﻨﻚ.
ﺑﺺ ﻹﻣﺒﺎﺭﺡ.. ﻭ ﺷﻮﻑ ﺇﺗﻌﻠﻤﺖ ﻣﻨﻪ ﻗﺪ
ﺇﻳﻪ..
ﺧﻄﻂ ﻟﺒﻜﺮﻩ ﺑﺲ ﺇﻭﻋﻰ ﺗﺨﺎﻑ ﻣﻨﻪ ..
ﺇﺯﺍﻱ ﺗﺨﺎﻑ ﻣﻦ ﺣﺎﺟﺔ ﺇﻧﺖ ﺍﻟﻠﻲ ﺑﺘﺒﻨﻴﻬﺎ
ﺃﺻﻼ.. ﺣﺎﺟﺔ ﻟﺴﺔ ﻣﺎﺣﺼﻠﺘﺶ ﻭ ﻣﺎﺣﺪﺵ
ﻓﻲ ﺍﻟﺪﻧﻴﺎ ﻳﻘﺪﺭ ﻳﻌﺮﻑ ﺇﻳﻪ ﺍﻟﻠﻲ ﻫﻴﺤﺼﻞ
ﻓﻴﻬﺎ..
ﺇﺳﺘﻤﺘﻊ ﺑﺎﻟﻨﻬﺎﺭﺩﺓ ﻛﻮﻳﺲ.. ﻷﻥ ﻛﻞ ﻧﻬﺎﺭﺩﺓ
ﻫﻴﺒﻘﻰ ﺇﻣﺒﺎﺭﺡ ﺑﺘﺎﻉ ﺑﻜﺮﺓ ﺯﻱ ﻣﺎ ﻛﺎﻥ
ﺑﻜﺮﺓ ﺑﺘﺎﻉ ﺇﻣﺒﺎﺭﺡ..
ﺇﺳﻤﻊ ﺃﻏﻨﻴﺔ ﻣﺪﺣﺖ ﺻﺎﻟﺢ ﻭﺍﻧﺎ ﻭﻳﺎﻳﺎ
ﺑﻌﻴﺶ ﺯﻱ ﺍﻟﻤﻠﻴﻮﻧﻴﺮﺍﺕ ﻭ ﺷﻮﻓﻬﺎ ﻋﻠﻰ
ﺍﻟﻴﻮ ﺗﻴﻮﺏ ﻭ ﺇﺿﺤﻚ ﻣﻨﻬﺎ ﺃﻭ ﻋﻠﻴﻬﺎ.. ﺑﺲ
ﻓﻲ ﺍﻟﺤﺎﻟﺘﻴﻦ ﻫﺘﻀﺤﻚ.
ﻟﻤﺎ ﺣﺪ ﻳﺤﻜﻴﻠﻚ ﺣﺎﺟﺔ ﻣﻤﻠﺔ ﻋﻠﺸﺎﻥ ﻳﺒﻴﻦ
ﻣﻮﺍﻫﺒﻪ ﻓﻲ ﺍﻟﺤﻴﺎﺓ ﺇﻋﻤﻞ ﻧﻔﺴﻚ ﻣﺘﻬﻢ
ﺁﺧﺮ ﺣﺎﺟﺔ ﻭ ﻟﻤﺎ ﻳﺨﻠﺺ ﺇﻋﻤﻞ ﻧﻔﺴﻚ
ﻣﻨﺒﻬﺮ ﺁﺧﺮ ﺣﺎﺟﺔ ﺑﺮﺿﻪ.. ﻭ ﻛﻤﺎﻥ ﺇﺳﺄﻟﻪ
ﻋﻦ ﺗﻜﻤﻠﺔ ﺍﻟﺤﻜﺎﻳﺔ.. ﺑﺲ ﻣﺎﺗﻌﻤﻠﺶ ﻛﺪﻩ
ﻛﺜﻴﺮ.. ﻣﺮﺓ ﻛﻞ ﻓﻴﻦ ﻭ ﻓﻴﻦ..
ﺇﻓﺘﻜﺮ ﺃﻳﺎﻡ ﻟﻤﺎ ﻛﻨﺖ ﺑﺘﺼﺤﻰ ﺑﺪﺭﻱ
ﻋﻠﺸﺎﻥ ﺍﻟﻤﺪﺭﺳﺔ.. ﻭ ﻟﻤﺎ ﻛﻨﺖ ﺑﺘﺬﺍﻛﺮ
ﻓﻴﺰﻳﺎ ﺃﻭ ﺗﺎﺭﻳﺦ.. ﻭ ﺃﻫﻠﻚ ﻣﺎﻧﻌﻴﻨﻚ ﻣﻦ
ﺍﻟﻨﺰﻭﻝ ﻭ ﺇﺗﺒﺴﻂ ﺇﻥ ﺩﻩ ﻛﻠﻪ ﺧﻠﺺ ﻭ
ﻣﺶ ﺭﺍﺟﻊ ﺛﺎﻧﻲ.
ﺇﺗﺒﺴﻂ.. ﻭ ﻟﻮ ﻣﺶ ﻋﺎﻳﺰ ﺗﺘﺒﺴﻂ.. ﻣﺶ
ﻫﺘﻌﺮﻑ ﺗﻌﻜﻨﻦ ﻋﻠﻴﺎ.
ﻹﻥ ﺃﻧﺎ ﻣﺒﺴﻮﻁ.

[Eng Esraa]

جميييييييل بجد
كلام حلو اوي و عجبني جدااااا
تسلم ايدك

[دمعه حائره]

جميله النصايح فيه منها عجبنى
كلها تفاؤل
تسلم ايدك توبيك جميل

[توليلا غسان]

هههههههههه في نصيحه عجبتني

بص لي بت وحشه وعكسها وهترجع البيت مبسوطه ههههههههههههه

الله يعطيك العفيه موضوعك حلو كتير

[Mo chahin]

نظريات كلها جميله ,,

موفق ديما ,,

[العاشق الذى لم يتب]

بصراحة شوية أفكار مخمخة
وحكايات كتير وسوق كبير فيه كل اللى نفسى فيه
تسلم أخى على الطرح القيم
تقبل تحياتى وودى
رفعت

[طمطم]

اقتباس إكسب نفسك ثاني و إنسى حد لسه بتحبه من غير ما تكرهه.

تحفة ^^
..

ثانكس ع التوبيك

[تيتشر نفشه ツ]

خطيره النصايح دي قوي

عجبوني كتيـــــــــر

تسلم حضرتك

بالتوفيق

[beauty angel]

جميلة النصائح وأسلوبك حلو اوى ,,
مفيش أجمل من أنك تعيش الدنيآ ببساطه
تسلم ياسآد ,, نورت القسم

[sad prince]

اقتباس المشاركة الأصلية كتبت بواسطة دمعه حائره جميله النصايح فيه منها عجبنى كلها تفاؤل تسلم ايدك توبيك جميل

شكرا لمرورك وتعطيرك الصفحه.‏‎
‎