هنعمل ثوره تانى ؟!!!

[عاشقة ذكر الله]

السلام عليكم ورحمه الله وبركاته

يمكن معظمنا شاف و قرأ عن الثورة الجديده اللى هتبقى يوم
25 يناير ان شاء الله

ودا كان النص للدعوه اللى اتبعتت ليا كمان

اقتباس 25/1/2013 هيكون يوم اسود على الاخوان هننزل كل الميادين هنحشد بأكبر قدر فى كل شوارع القاهرة واسكندريه وفى كل المحافظات لازم نعرف جماعه الخرفان ان احنا لينا صوت يتسمع احنا الاقليه احنا اللى عملنا الثورة وهنحى الثورة من جديد اخواتنا وشهدائنا ممتوش عشان الاخوان يمسكوا لازم كلنا نززل نجيب مطالب الشهيد وحياه دمك يا شهيد .... ثورة تانى من جديد حنا انتخبنا مرسى علشان نجرب نظام جديد بس اللى شوفنا فى الكام شهر دول من ظلم وقتل وفض مظاهرات وطبعا مننساش الصفقة اللى عملها طنطاوى مع مرسى واخيرا تزوير فى انتخابات الدستور لقد طفح بينا الكيل سوف ننزل يوم 25يناير2013 للمطالبة بالأتى 1/رحيل مرسى وجماعتة الارهابية 2/رحيل حكومة هشام قنديل 3/تكوين مجلس رئاسى مدنى منتخب 4/القصاص للشهداء يوم 25 يناير هتبقى يوم الجمعه

طيب لو انتو الفئه القليله مين احنا ؟
احنا لا اخوان ولا سلفيين ولا اى تيار اساسا
ليه انتو بتمثلونا واحنا لينا رأى تانى خالص
يعنى احنا بئه كفئه قليله بردو بس مؤيده لمرسى ننزل التحرير
معاكم يوم 25 يناير علشان نؤيد مرسى وانتو تعارضو
وبعدين انتو عايزين تسقطوه تانى ؟!!! ونعيد الانتخابات تانى
والدستور تانى وكل حاجه تانى ؟!!!!
طب مفكرتوش المؤيدين للرئيس هيعملو ايه ؟
هيأيدو الرئيس المنتخب الجديد اللى انتو عايزينه ولا هيعملو زيكم هيحاصرو الاتحاديه ؟
ونروح التحرير وكدا وساعتها مصر هتبقى ايه ؟!!!
ولا هيبقى بردو واحد من الاخوان او السلفيين يمسكو الحكم تانى ساعتها هنقول ايه مزورة بردو ؟ !!!!

احنا لازم نعدى الفتره دى بحلوها ومرها لازم نتحمل شويا ايوة نتحمل
متقوليلش احنا صابرين بقالنا 30 سنه كفايه كدا لا معلش اصبرو علشان مصر
وكمان حاجه هو معنى كلمه اسلامى ايه ؟!! يعنى لما أسمع احد من المعارضين للرئيس
ويقولو أصل الاسلامين بيعملو كدا وبيضربو وبيأيدو الرئيس ليه هو حضرتك على دين تانى ولا ايه مش فاهمه استغربت من الشخصيه دى جدا طب انت مش مسلم ؟ يعنى انت بتضرب ؟ يعنى انت مؤيد ولا ايه ؟ ولا يمكن فهمت غلط مش عارفه والله.

ياجماعه كلنا مسلمين مسيحين مفيش فرق بينا لازم نحب بعض ونحترم بعض
تبقى مصلحتنا العليا مصر ولا سواها .

رأيى فعلا ان احنا نشتغل بئه وكفايه ثورات ونحب بعض ونحترم اراء بعض ,
ربنا يعدى بمصر لمرحله الأمان ونبقى بخير دوما .
مستنيه آراء حضراتكم ووجهات النظر .

تنبيه:
اللى يرد ياريت ميكتبش أى كلام خارج سواء معارض أم مؤيد ..شكراا

[مِسكُ الشَهادة]

ثورة !!!
أنا بصراحة سمعت عن كدا وجاني رسالة برضو نفس
دي تماما ً ولكن في نفس الوقت جاني رسائل أكتر
تُنادي بعكس هذا البيان ...
يعني الشعب المصري دلوقتي خارج من ثورة
وأتمنى أن يكون 25 يناير المقبل يوم فرح وسرور
للإحتفال بالثورة وللوحدة في القرار والموقف ...
نحن لن ندخل في تفاصيل البيان
وسنتجنب أي فعل يُنادي بعكس ما نريد من أمن وأمان
حقنا ً للدماء ومن أجل وطن ٍ يضم الجميع بكل فئاته وأطيافه
الإخوان والسلفيين والليبراليين شرائح مختلفة في الرأي
ولكنهم في النهاية مصريين
نتمنى الخير والمحبة لمصر
والتعاون ما بين أهلها لرفعتها ...
موضوع قيم وراقي يا أختي ربنا يحفظك
تقبلي مروري وتقديري
خالد

[غريـب ألأطـوآر]

انا رايى من رايى عـأشقة زكر الله

ومش هزيد

[الأميرة رودي]

, الاختلاف ده شئ وارد وأمر طبيعي
لانها طبيعه البشر.
لكن الاختلآف ماينفعش يكون فى الوقت ده وعلى حساب بلدنـا
لآزم نفكر الف مره قبل اى خطوه
المظاهرات والاعتصامات دي مش سهله ابدا ولا شئ هين علينا
وفى النهايه المعترض من حقه يقول انا معترض
ومن يحقه يقول معترض ليه وعاوز ايه ,, وايه اتعديل اللى بيتمناه
لو سمعنا بعض أكيد مشكلتنا هتتحل
لان كل مشكتنا دالوقتى هو ان كل واحد فينا عاوز يفرض رأيه ووجهه نظره على التانى
لانه بالتأكيد شايف نفسه هو الصح
انا برفض مصطلح خرفان بصراحه.. ومهما كنت معارض لبنى ادم ماينفعش توصفه بالخروف
موضوع جميل يايوكا
منوره ويسلمو ايديكي

[Mahmoud Mohie]

انا معارض جدا للإخوان
ومتحفظ على أغلب قرارات د مرسي
وفكرى رامى ع حزب الدستور
بس الكلام ده :/

انا مع النزول يوم 25 لأسباب واقعيه
1- تذكير د مرسي بالشهداء
2- مناقشه المواد المتعارض عليها ف الدستور الجديد
3- عدم قمع او فض اى تظاهرات باستخدام اسلوب سابق او اى اسلوب

غير كده

انا معترض وبشده

اشكرك ع الموضوع
تحياتى

[Eng Esraa]

والله انا معاكي ف كل الكلام اللي انتي قولتيه
خصوصا ان لو الثورة اتعملت و بالمطالب دي
مصر هترجع اسوا من الاول و من دلوقتي
والله ما بقيت عارفه اقول ايه بس والله
كلامك كله عجبني جدا و عندك حقه فيه كله ...

[M.B]

انا معاكي في كل كلمه وانا مش مؤيد للنزول بس مش بالشكل ده خرفان ومعيز لالا ينزلوا تذكير ليوم 25 يناير مش اقامه مذبحه تاني

يعني يا سلميه يا بلاش نزول من اساسوا

تسلمي

[M@HMOUD]

والله انا مش بحب الاخوان ويمكن معارضهم فى حاجات كتير
وانا كمان ضد تسميه المسلمين باخوان وسلفين
كلنا الحمد لله مسلمين
بس انا اظن ان النزول يوم 25 هايكون للمطلب التانى والرابع
انما اسقاط الرئيس اكيد لا لانه جاى بانتخابات حرهـ نزيهه
وكمان المفروض ان هو يكمل فترهـ حكمه
وياريت يكون دهـ مش فى مكان دهـ خوفا ع الاحتقان
وربنا يسترها ع البلد بجد

[عاشقة ذكر الله]

اقتباس المشاركة الأصلية كتبت بواسطة مِسكُ الشَهادة ثورة !!! أنا بصراحة سمعت عن كدا وجاني رسالة برضو نفس دي تماما ً ولكن في نفس الوقت جاني رسائل أكتر تُنادي بعكس هذا البيان ... يعني الشعب المصري دلوقتي خارج من ثورة وأتمنى أن يكون 25 يناير المقبل يوم فرح وسرور للإحتفال بالثورة وللوحدة في القرار والموقف ... نحن لن ندخل في تفاصيل البيان وسنتجنب أي فعل يُنادي بعكس ما نريد من أمن وأمان حقنا ً للدماء ومن أجل وطن ٍ يضم الجميع بكل فئاته وأطيافه الإخوان والسلفيين والليبراليين شرائح مختلفة في الرأي ولكنهم في النهاية مصريين نتمنى الخير والمحبة لمصر والتعاون ما بين أهلها لرفعتها ... موضوع قيم وراقي يا أختي ربنا يحفظك تقبلي مروري وتقديري خالد

ان شاء الله ربنا هيعدى مصر من المرحله دى بخير
نورنى مرورك أخى خالد ,,