السكه دى موديه لفين

[Mo chahin]

أول موضوع فى القسم ..


السكه دى موديه لفين ,,


ماحناش عارفين ولا فاهمين

خطاوينا واخدانا لفين

على فين بيكي رايحين

تايهيين ماحناش راسيين

ولا عارفين نمشى مع مين

نصدق مين ونكدب مين

ومين نقوله ساعتها آمين

ومين علينا هيبقى أمين

صدقناهم وروحنا معاهم

لما رفعوا رايه الدين

قولنا عليهم دول صالحين

ان وعدوا ح يبقوا صادقين

وان عهدوا هيبقوا وافيين

ومش هيكونوا طمعانيين

واللى اتظلم عمره ما يظلم

دا داق المر سنين وسنين

لو حكموا هيحكموا باللين

وان عدلوا فى ايديهم موازين

دول من ربنا خايفين

ومن حسابه فى يوم الدين

كنا فيهم عشمانين ومسلمين

ولو قالولنا هنقول آمين

بس عشمنا ما كان فى محله

بعد ما هلوا علينا وطلوا

وعدوا وخلفوا كدبوا وحلفوا

وأكلوا التورته كلها وما خلوا

واتغيروا لما للسلطه اتولوا

وغدروا بشركاء الميادين

اتارى الكرسى بيغير الناس

وبيتحكم فيه الوسواس

وبعد ما كانوا طاقه وحماس

وبيظهروا فيه الاخلاص

اخلاصهم دا ماله اساس

هدفهم انتقام وخلاص

واللى فى الراس فى الراس

واللى يعارض مالكافرين

والخلق فى خنق واحباط

وعيني عليهم ولا حاسين

واحنا قال مش مخلصين

كلنا عملاء مش مصريين

وباقى الخلق فيها فاسدين

هو دا اللى قالوا الدين

ربنا يجعلنا مالصابرين

هنصبر عليكم اربع سنين

لكن هنفضل معارضين

وليكم مفتحين ومصحصحين

كلمات محمد شاهين ..

[الرحــاال المٌتَمرد]

فى البدايه ,,

أهلا وسهلا بِك شاهينا في قِسم الإبداعات العاميه

أول موضوع وأول قصيده ,, قمه الروعه والجمال

أشكرك أخي على هذا التجلي والطرح القيم

وأتمنا لك مزيد من التوفيق ,, ومزيد من الإبداعات

تحياتى

[المستبده]

حلوووووووه كتير يامحمد

والله محنا عارفين حتوصلنا لفين

بتمنى الخير للجميع يارب

ويصحولمصلحه شعبهم قبل مصالحهم الخاصه

تسلم على ابداعك المتواصل

لك كل الود والاحترام

[Mo chahin]

اقتباس المشاركة الأصلية كتبت بواسطة "الرحاال""الزجاال" فى البدايه ,, أهلا وسهلا بِك شاهينا في قِسم الإبداعات العاميه أول موضوع وأول قصيده ,, قمه الروعه والجمال أشكرك أخي على هذا التجلي والطرح القيم وأتمنا لك مزيد من التوفيق ,, ومزيد من الإبداعات تحياتى

جزيل الشكر لك يا ايمن ,,

[Mo chahin]

اقتباس المشاركة الأصلية كتبت بواسطة المستبده حلوووووووه كتير يامحمد والله محنا عارفين حتوصلنا لفين بتمنى الخير للجميع يارب ويصحولمصلحه شعبهم قبل مصالحهم الخاصه تسلم على ابداعك المتواصل لك كل الود والاحترام

جزيل الشكر على تواجدك الرائع كالعاده ,,

[Words Whisper]

كنت عارفة اني بجيب شخص
ف مكان لايستحقه بصراحة
وعارفة انه الدين غالبا
بيكون حسب المصلحة !!
بس كان الاختيار الوحيد
و يَ رب نتعلم ومش نكرر نفس الغلط تاني ..


طرح قيم
شاكرة لحضرتك ..
دمت بتوفيق وسعادة ..




تقييمي ..

[K A S E M]

للأسف يامحمد كلامك مزبوط كلنا اتخدعنا باسم الدين
فكرتنى بموقف مع واحد صاحبى فى الجيش
كان بيقولى :نجربهم مش هنخسر حاجه
واهو الميدان موجود
قلتله للأسف وقتها مش هتلاقى الميدان
ربنا يرحمنا برحمته ويصلح الحال
جميل زى ما عودتنا يا محمد دايما
فى انتظار نزف قلمك بشغف
دمت بكل خير

[a7med -3del]

حقا وصدقا اخى انا لا انتمى لاى فصيل (الاخوان)
موضوعك جميل جدا وانت متميز فى العامية جدا جدا
كلام منسق وموزون وكلمات جديدة كمان على المتلقى
بس انا متحفظ على مضمون الموضوع وماتحتويه الفكرة
ربنا يسعد اوقاتك

[Mo chahin]

اقتباس المشاركة الأصلية كتبت بواسطة words whisper كنت عارفة اني بجيب شخص ف مكان لايستحقه بصراحة وعارفة انه الدين غالبا بيكون حسب المصلحة !! بس كان الاختيار الوحيد و يَ رب نتعلم ومش نكرر نفس الغلط تاني .. طرح قيم شاكرة لحضرتك .. دمت بتوفيق وسعادة .. تقييمي ..

فعلا يا سما ..

يريت بنتعلم من اخطائنا .. بدل ماحنا بنتمادى فيها ,,

وكل مرة بتسوء الحاله ,,

اشكرك سما لتواجدك الطيب ,,

[Mo chahin]

اقتباس المشاركة الأصلية كتبت بواسطة k a s e m للأسف يامحمد كلامك مزبوط كلنا اتخدعنا باسم الدين فكرتنى بموقف مع واحد صاحبى فى الجيش كان بيقولى :نجربهم مش هنخسر حاجه واهو الميدان موجود قلتله للأسف وقتها مش هتلاقى الميدان ربنا يرحمنا برحمته ويصلح الحال جميل زى ما عودتنا يا محمد دايما فى انتظار نزف قلمك بشغف دمت بكل خير

واهو جرب يا سيدي هههه

اشكرك قاسم على جمال تواجدك .. كالعاده ,,

تحياتى لشخصك الكريم ,,