همس القلم بــ "العاميه" متجدد

[الرحــاال المٌتَمرد]

رغم انى شاعر
والحروف مش هينه
كلماتى مرسومه
وحروفي متزينه
مش قادر ابكي
ما الصور متطينه
بصرخ ولا حد حاسس
والدمعه متلونه
وطعنه صابتني
والضربه متمكنه

ثرثره قلم

[lady lead]

بشوفك هنا و هناك

و قلبي عايش بلاك

تِدري لو تنساني

قبلك أنا أنساك

[الرحــاال المٌتَمرد]

والله انا تعبت ,,
من كتر الأحداث
هكتب عن اى ,,
ولا عن إيه ولا إيه .
قلم بلا وطن ,,
حتى القلم بيفكر
يتبرى من الوطن
شعب كادح ,,
هيفضل يعاني
لــ يوم الدين .

[ابتسامة الزهر]

مصر دمعة كل صابر
مصر مش طبله وغازية
مصر مش خطبة فى مناسبة
او حماس فى ماتش كورة
أو عَلـَم فوق سطح مبنى
حالته صعبة وبالبليـّة

[Mo chahin]

ياما قاسينا وانجرحنا

وبرده لسه زى ماحنا

مبنتعلمش من اللى فات

ولا بندور على اللى يفرحنا

[الرحــاال المٌتَمرد]

حـــ مشى فــ كٌــل شارع
أطالب بحَقي اللي ضاع
مـا أنا إللـى بدَمــي زارع
أرض حَرقها النفاق والصراع

مسائيات ثائر

[ابتسامة الزهر]

"مصر يامّا يا بهية"
مصر ميت مليون حكاية
غير حكاياتها اللي جاية
تختلف أحداثها لكن
كلها نفس القضية
تطحن الأيام طحينها
والبشر هم الضحية

[ابتسامة الزهر]

مصر لسعة برد تسري
ف فـَرشة مِن غير بطانية
مصر دعوة سِتّ عاجزة
ع الحيتان المفترية
كل أحلامها البسيطة
تلاقى أكل ونور ومَيـَّه

[lady lead]

هـ لِف كعب داير

و لِم عِلَب السجاير

البلد حالها واقف

و عيالها أكبر خساير

[الرحــاال المٌتَمرد]

في ذِكرى ثورتنا
هـ قول كلمتين
الوِحده سر قوتنا
صوت جَمع الملايين
فِرحت بينا بلادنا
إحتفل المواطن الحزين
إتغير لون حارتنا
إللى كان بـ الطين
:::
لن يٌتبع